სიახლეები

ბოლო დღემ ყველაფერი დაალაგა

04/04/2019

ხელბურთის უმაღლეს ლიგაში რეგულარული სეზონი დასრულდა. ბოლო ტურის მთავარ მატჩში პეგასმა 28-26 მოუგო ქუთაისს და მეორე ადგილი შეინარჩუნა. 22 მაისს, ნახევარფინალში ითამაშებენ პეგასი – ქუთაისი და BSB ბათუმი – იმედი-სტუ თელავი. 23 მაისს ფინალია.

სამტრედია – სპორტუნი 28-41

სპორტუნმა სეზონში მეორედ დაამარცხა სამტრედია (1 ფრე) და საკმაოდ დამაჯერებლადაც. სამტრედიაში გოლების ნახევარზე მეტი, 16, ერთმა მოთამაშემ, ძნელაძემ გაიტანა, მაშინ როცა, თბილისელების გუნდური თამაში თვალშისაცემი იყო. სპორტუნმა უკვე შესვენებაზე მოიპოვა სოლიდური უპირატესობა (20-12), მეორე ნახევარში კი სხვაობა ცამეტამდეც გაიზარდა – 41-28. მეტოქის 19 დარტყმა მოიგერია მეკარე ხარაიშვილმა, 10-10 გოლი კი გაიტანეს პივოტმა ჩაკვეტაძემ და მარცხენა გარემარბმა თიგიშვილმა. სპორტის უნივერსიტეტს მეექვსე ადგილი ისედაც განაღდებული ჰქონდა, სამტრედიამ კი სეზონი მერვეზე დაასრულა.

ქუთაისი – პეგასი 26-28

პეგასი თამაშს საბრძოლო შემადგელობით შეხვდა, ხოლო ქუთაისს აკლდა ტრავმირებული გამზარდია. მაქსიმალური სხვაობა დასაწყისშივე დაფიქსირდა, როცა ქუთაისი 3-0 დაწინაურდა და კარგა ხანს წინ იყო. სტურუას შორეული დარყმებისა და რუსტამოვის ინდივიდუალური გარღვევების შეკავება პეგასს უჭირდა, თუმცა, მაინც გაათანაბრა ანგარიში 22-ე წუთზე, მალე კი კალანდაძემ და კუხალაშვილმა წინ გაიყვანეს თბილისელები – 12-10. აქ ქუთაისის მწვრთნელმა ალექსანდრე ბოყოჩაძემ პერსონალურად ააყვანინა პეგასის ლიდერი ნიკოლოზ კალანდაძე (13 გოლი მატჩში, 5 შვიდმეტრიანით) – ახლა უკვე ქუთაისმა გაათანაბრა და ტაიმის ბოლო წამზე ხაჟომიამ წინაც გაიყვანა თავისი გუნდი, 14-13.

მეორე ნახევარში ქუთაისი ორჯერ დაწინაურდა 2 ბურთით, მაგრამ პეგასი მეტოქეს კვალში ედგა. 44-ე წუთზე ტრავმა მიიღო შალვა სტურუამ, რუსტამოვი კი დაიღალა და შეცდომებს უმატა, თუმცა თამაში თავის თავზე აიღო ფერაძემ. სტურუას ტრავმის დროს წინ უკვე პეგასი იყო (21-19), მაგრამ მერკვილაძემ მალე გაათანაბრა 21-21. ამის შემდეგ ანგარიში კიდევ ორჯერ იყო საყაიმო, ქუთაისი 5-1 დაცვიდან 4-2 გადავიდა, მაგრამ აქ ბულბულაშვილმა მიიღო წითელი ბარათი, პეგასი კი ისევ გავიდა წინ ორით – 25-23. გადამწყვეტი გამოდგა გრიშიკაშვილის დარტყმა სირენამდე ორწუთნახევრით ადრე, რის შემდეგაც ცხადი გახდა რომ პეგასი მოიგებდა – 27-24 და საბოლოოდ 28-26. პეგასმა რეგულარულ სეზონში პირადი დაპირისპირება 2-1 მოუგო ქუთაისს და მეორე ადგილი დაიკავა, თუმცა, მთავარი იქნება ამავე გუნდების ნახევარფინალი 22 მაისს.

წყალტუბო – გორი 33-43

გორმა 43-33 მოიგო და 16 ქულით დამაჯერებლად დაიკავა მეხუთე ადილი. ქვედა ოთხეულის მიკროტურნირში გორელებმა 8 მატჩი მოიგეს და მხოლოდ ერთხელ დამარცხდნენ სპორტის უნივერსიტეტთან. წყალტუბოსთან მატჩში გორელთა შორის ორი მოთამაშე ასცდა ათბურთიან ზღვარს – მარჯვენა გარემარბმა ახალბედაშვილმა 14 გოლი გაიტანა, უკანახაზელმა გაგლოშვილმა – 13. წყალტუბოს პრომეთეში ყველაზე შედეგიანი იყო ხელაძე 10 გოლით. წყალტუბოს გუნდმა სეზონი მეშვიდე ადგილზე დაასრულა

BSB ბათუმი – იმედი-სტუ თელავი 45-33

ბოლო ორი სეზონის ჩემპიონების მატჩში ბათუმის შავი ზღვის ბიჭებმა იოლად, სეზონში მესამედაც დაამარცხა თელავი იმედი. თელაველებმა ზედა ოთხეულის სამ უშუალო კონკურენტთან 9 მატჩიდან მხოლოდ ერთი მოიგეს ქუთაისთან. მათ ამ სეზონში საკადრო პრობლემები ჰქონდათ, თუმცა, პლეიოფისთვის მობილიზაცია ამ გუნდს შეუძლია და ეს 2017 წელსაც დაამტკიცა. სწორედ ბათუმი და თელავი შეხვდებიან ერთმანეთს 22 მაისს, ერთ-ერთ ნახევრფინალში.

ყველა მატჩის პირდაპირი რეპორტაჟი და ჩანაწერი შეგიძლიათ იხილოთ აქ:

https://www.youtube.com/channel/UCc7vs-kXPE7R5SezSGa9cUA

ხელბურთი. საქართველოს ჩემპიონატი 2018-19. კაცები. უმაღლესი ლიგა

მესამე წრე, საერთო ტური. თბილისის სპორტის სასახლე. 4 აპრილი

სტატისტიკა: დარტყმა/გოლი/დაკარგული ბურთი

(მეკარეებისთვის: დარტყმა/მოგერიება/უზუსტო პასი)

სამტრედია – სპორტუნი 28-41

სამ: შველიძე 45/14, ფახურიძე 15/5 – ძნელაძე 28/16/2, ხომერიკი 9/4/6, ხელისუფალი 4/3/3, თევზაძე 6/2, ქავზინაძე 2/2, ადამია 4/1/1, აფრიდონიძე 3/0/4, დიდია 1/0, ნადირაძე 3/0/3

სპ: ხარაიშვილი 47/19/1 – ჩაკვეტაძე 15/10/3, თიგიშვილი 12/10/2, ერისთავი 13/8, ჭელიძე 10/5/1, ცხვარაშვილი 9/3/1, ზურაბიანი 5/3/1, ჩიკვილაძე 1/1/1, გურასპაული 1/1/2, კუპატაძე 0/0/1, დელიბაშვილი

მსაჯები: გ. გველესიანი – ნ. კევლიშვილი

ქუთაისი – პეგასი 26-28

ქუთ: ანდრიაძე 40/14/1, მაისურაძე 2/0, გულეიშვილი – რუსტამოვი 11/8/5, სტურუა 11/6/3, ფერაძე 8/4/2, მერკვილაძე 5/3/3, ხაჟომია 6/3, ჯ. იმნაძე 6/2/1, კობახიძე, ბულბულაშვილი 1/0, ლ. იმნაძე, ჯუღელი, ლომიძე

პეგ: დიხამინჯია 38/12, გორგოძიანი, დგებუაძე – კალანდაძე 22/13, ბაძაღუა 7/5/1, კუხალაშვილი 10/4/3, ზარნაძე 7/3/6, გრიშიკაშვილი 5/3/1, გვაზავა, ქათამაძე 1/0/1, პატაშური, კობახიძე, კოხრეიძე, შუბითიძე, ჟვანია, ჭანტურია

მსაჯები: ვ. როჟკოვი – ა. ნოვიკოვი (უკრ)

წყალტუბო – გორი 33-43

წყ: სილაგაძე 61/18/3 – ხელაძე 19/10/5, გველესიანი 17/7/5, დარსაველიძე 6/5/6, რ. ბაბუნაშვილი 8/4/1, მუკბანიანი 5/3/2, ნ. ბაბუნაშვილი 6/2/6, ქაშიბაძე 2/1/1, აფხაძე 1/1, კოვზირიძე

გორ: ვათიაშვილი 61/28 – ახალბედაშვილი 19/14/4, გაგლოშვილი 21/13, მჭედლიშვილი 16/10/5, ზუბიაშვილი 8/3/3, ზოზიაშვილი 3/1, ტარუაშვილი 4/1/2, ბეთლემიშვილი 1/1, ხუბულური, ბერუაშვილი, ბ. ნიაზაშვილი

მსაჯები: თ. კევლიშვილი – ნ. კევლიშვილი

BSB ბათუმი – იმედი-სტუ თელავი 45-33

ბათ: ტორონჯაძე 29/13, ხანდოლიშვილი 20/11, ვარშალომიძე 14/6 – კოხრეიძე 10/8/1, გოგოლაძე 12/7/3, ტიელიძე 9/6/2, ტალახაძე 10/5, თევზაძე 5/5/4, აბრამიშვილი 7/4/1, სტოლბოვი 3/3, მსხვილიძე 3/2, ბერძენიშვილი 2/2, მჟავანაძე 2/2/1, სურმავა 2/1/2, წივწივაძე

თელ: ცინცაძე 32/9, ხიდეშელი 30/8 – ყორიაული 37/17/3, გავაშელიშვილი 7/5, გოგალაძე 11/3/3, დანელიშვილი 3/3/1, ცისკარიშვილი 8/2, კორსანტია 5/2/1, ბაინაზიშვილი 3/1/2, იობაშვილი 4/0, ბერაძე

მსაჯები: ვ. როჟკოვი – ა. ნოვიკოვი (უკრ)

დელეგატები: ლ. გელაშვილი, მ. ჩიხლაძე, ვ. ბერიაშვილი

4 აპრილის ტურის ვიდეო მიმოხილვა

საბოლოო	თ	მ	ფ	წ	გატ-გაშ	ქ
1 BSB ბათუმი	21	19	0	2	910-607	38
2 პეგასი	21	18	0	3	829-611	36
3 ქუთაისი	21	16	0	5	881-615	32
4 იმედი სტუ	21	13	0	8	727-623	26
5 გორი	21	8	0	13	744-920	16
6 სპორტუნი	21	5	1	15	698-894	11
7 წყალტუბო	21	2	1	18	526-794	5
8 სამტრედია	21	1	2	18	559-790	4