10/12/14 დანიელთა ფრე ბოლო წამზე

Published: სამშაბათი, 09 დეკემბერი 2014 21:02

ევროპის ქალთა ჩემპიონატზე უკვე გამოვლინდა მეორე ეტაპზე გასული 4 გუნდი, მაგრამ აქ ყველა მატჩი მნიშვნელოვანია. მთავარ რაუნდში გასულ გუნდებს ერთმანეთთან დაგროვილი ქულები თან მიჰყვებათ.

A ჯგუფში მეორე მატჩი მოიგო ესპანეთმა. რუსეთ-ესპანეთის თამაშში მაქსიმალური სხვაობა 3 ბურთი იყო - რუსეთის (13-10, 25 წთ) და ესპანეთის სასარგებლოდ (20-17, 44 წთ). საბოლოო წერტილი დასვა ესპანელმა კარმენ მარტინმა, ვინც ცხრიდან ცხრა შვიდმეტრიანი გაიტანა. ესპანეთმა 25-24 მოიგო.

მასპინძელმა უნგრეთმა პირველ ტურში რუსეთთან ფრის შემდეგ დაამარცხა პოლონეთი, 29-23, მეორე ეტაპზე გასვლა გაინაღდა და ბოლო ტურში, ოქროს 2 ქულისთვის შეხვდება ესპანეთს. მესამე, გამსვლელი  ადგილისთვის ითამაშებენ პოლონეთი და რუსეთი.

B ჯგუფში რუმინეთი თითქმის მთელი თამაში უგებდა დანიას, პირველი ტაიმის ბოლოს - 5 ბურთითაც. დანიამ პირველად მე-20 წუთზე გაათანაბრა ანგარიში - 20-20 და რამდენჯერმე თითო ბურთითც დაწინაურდა, მაგრამ 59-ე წუთზე ნიაგუს შვიდმეტრიანის შემდეგ ისევ რუმინეთი იგებდა - 29-27. ამის შემდეგ დანიის მწვრთნელ იან პიტლიკს მუდმივად გამოყავდა მეშვიდე მოთამაშე მეკარის ნაცვლად და რისკმა გაამართლა -  ჯერ სტინე იორგენსენმა გაქვითა ერთი ბურთი, რუმინეთმა საპასუხო შეტევაში ვერ გაიტანა და დანიას ბოლო ცხრამეტრიანი ერგო სირენამდე 9 წამით ადრე. ლუიზ ბურგარდმა კარში დარტყმის იმიტაციით მცველი გამოიტყუა და მიაწოდა პივოტ სუზან ტორსგარდს, ვინც ზედ ბოლო წამზე შეაგდო 6 მეტრიდან - 29-29.

რუმინელთაგან 10-10  გოლი გაიტანეს უკანახაზელებმა - ადრიანა ცაკალიემ და ქრისტინა ნიაგუმ, დანიის ნაკრებში ყველაზე შედეგიანი იყო გარემარბი მარია ფისკერი - 8.

ნორვეგიამ მოუგო უკრაინას, 33-24 და 4 ქულით ლიდერობს. ამ ჯგუფის ბოლო ტურში ნორვეგია და დანია გაარკვევენ, ვინ გავა ჯგუფიდან პირველი ადგილით და მეტი ქულით, ხოლო რუმინეთი და უკრაინა მეორე ეტაპის მესამე საგზურისთვის იბრძოლებენ.

ევროპის ჩემპიონატი 2014. ქალები

7-21 დეკემბერი. უნგრეთი-ხორვატია

9 დეკემბერი

A ჯგუფი

რუსეთი - ესპანეთი 24-25

პოლონეთი - უნგრეთი 23-29

ესპანეთი 4, უნგრეთი 3, რუსეთი 1 / პოლონეთი

11 დეკ, 21:15 რუსეთი - პოლონეთი

11 დეკ, 23:30 უნგრეთი - ესპანეთი

B ჯგუფი

რუმინეთი - დანია 29-29

უკრაინა - ნორვეგია 24-33

ნორვეგია 4, დანია 3, რუმინეთი 1 / უკრაინა 0

11 დეკ, 21:15 რუმინეთი - უკრაინა

11 დეკ, 23:30 ნორვეგია - დანია

10 დეკემბერი

C ჯგუფი

21:00 ჰოლანდია - შვედეთი

23:15 ხორვატია - გერმანია

D ჯგუფი

21:00 სერბეთი - საფრანგეთი

23:00 სლოვაკეთი - მონტენეგრო

ფოტო: რუმინეთი - დანია

09/12/14 ჩემპიონმა მეზობელთან მოგებით დაიწყო

Published: სამშაბათი, 09 დეკემბერი 2014 06:02

ევროპის ქალთა ჩემპიონატის პირველ ტურში დამარცხდა ერთ-ერთი მასპინძელი ქვეყნის ნაკრები - ხორვატიას 30-28 მოუგო შვედეთმა. ტურნირი მოგებით დაიწყო ევროპის ჩემპიონმა მონტენეგრომ.

შვედეთი იგებდა თითქმის მთელი მატჩის განმავლობაში და ხორვატიამ ბოლოს 48 წუთზე გაათანაბრა ანგარიში, 25-25. 10 წუთში ყველაფერი გადაწყვეტილი იყო, რადგანაც შვედები 4 ბურთით იგებდნენ. მათ შორის საუკეთესო იყო გამთამაშებელი იზაბელ გულდენი (7 გოლი, 4 პასი), ხოლო ხორვატებში - გარემარბი ანდრეა პენეზიჩი და პივოტი მაია ზებიჩი (6-6 გოლი).

ამავე ჯგუფში  გერმანია თავიდან 7-3 უგებდა ჰოლანდიას, მაგრამ 50-ე წუთისთვის უკვე ჰოლანდია იყო წინ  ექვსი ბურთით, საბოლოოდ კი 29-26 გაიმარჯვა ორი უკანახაზელის, პოლმანის (7) და გროტის (6) 13 გოლით, ხოლო გერმანელებში საუკეთესო მოთმაშის პრიზი მეკარე კლარა ვოლტერინგმა მიიღო (16 მოგერიება).

ევროპის ჩემპიონმა მონტენეგრომ ტურნირი მეზობელ სერბეთან მოგებით დაიწყო 22-19. შარშანდელი მსოფლიო ჩემპიონატის ფინალისტს, სერბეთს, ტრავმების გამო პრობლემები ჰქონდა, მაგრამ ტურნირის წინ გუნდს დაუბრუნდნენ 2013 წლის მსოვლიოს საუკეთესო ხელბურთელი ანდრეა ლეკიჩი (6 გოლი) და სანია დამნიანოვიჩი (2). მიუხედავად ამისა, მონტენეგრო თვიდან ბოლომდე ლიდერობდა, კატარინა ბულატოვიჩმა და მილენა კნეზევიჩმა კი 5-5 გოლი შეაგდეს.

ჯგუფის მეორე მატჩში საფრანგეთმა მეორე ტაიმში გატეხა სლოვაკეთი  - 21-18, თუმცა, ტაიმი 7-9 წააგო და 40 წუთისთვის ჯერ კიდევ ფრე იყო - 12-12. ფრანგების გარემარბმა სირაბა დემბელემ კი თავისი 6 გოლიდან 3 სწრაფი გარღვევის შემდეგ გაიტანა.

პირველი ჯგუფური ეტაპიდან მეორეზე 3-3 გუნდი გადის.  დღეს მეორე ტურის მატჩებია A და B ჯგუფებში.

ევროპის ჩემპიონატი 2014. ქალები

7-21 დეკემბერი. უნგრეთი-ხორვატია

8 დეკემბერი

C ჯგუფი

გერმანია - ჰოლანდია 26-29

შვედეთი - ხორვატია 30-28

10 დეკ, 21:00 ჰოლანდია - შვედეთი,

10 დეკ,  23:15 ხორვატია - გერმანია

D ჯგუფი

საფრანგეთი - სლოვაკეთი 21-18

მონტენეგრო - სერბეთი 22-19

10 დეკ, 21:00 სერბეთი - საფრანგეთი,

10 დეკ, 23:00 სლოვაკეთი - მონტენეგრო

9 დეკემბერი

A ჯგუფი

21:15 რუსეთი - ესპანეთი

23:30 პოლონეთი - უნგრეთი

B ჯგუფი

21:15 რუმინეთი - დანია

23:30 უკრაინა - ნორვეგია

09/12/14 ჩემპიონთა ლიგაზე ორთვიანი შესვენებაა

Published: სამშაბათი, 09 დეკემბერი 2014 19:32

ჩემპიონთა ლიგის მერვე ტური უჩვეულოდ გვიან, სამშაბათს დასრულდა. ახლა 11 თებერვლამდე არდადაგებია, რომლის დროსაც, 15 იანვრიდან 1 თებერვლამდე, ყატარში მსოფლიო ჩემპიონატია დანიშნული.

ბოლო თამაშში ზაგრებმა შინ 25:24 დაამარცხა პარი სენ ჟერმენი და მესამე ადგილზეა ჯგუფში, სადაც მხოლოდ გერმანიის კილს აქვს განაღდებული მერვედფინალში გასვლა. პსჟ მეორე ადგილზეა და ბევრად მეტი შანსი აქვს, ვიდრე კონკურენტებს - ზაგრებს, ლა რიოხას და მეშკოვ ბრესტს. ჯგუფიდან პლეიოფში 4 გუნდი გადის.

ლიგის ჯგუფური ტურნირის ბოლო ორი ტური გაიმართება თებერვალში. 11 მერვედფინალისტი ცნობილია. B და C ჯგუფებში ყველაფერი გარკვეულია, D ჯგუფში 2 საგზურისთვის იბრძვიან დიუნკერკი, ოლბორგი, ზაპოროჟიე და შაფჰაუზენი.

მერვე ტურის შემდეგ ტურნირზე ერთადერთი გუნდი დარჩა, ვისაც ყველა თამაში მოგებული აქვს. პოლონეთის კელცე უნგრეთში თამაშობდა სეგედთან. მატჩის დასრულებამდე 15 წამით ადრე ანგარიში 26:26 იყო, როცა პოლონური კლუბის მწვრთნელმა ტალანტ დუშებაევმა ბოლო წუთშესვენება აიღო.  შეკვეთილი კომბინაციის შემდეგ ბურთი ზუსტად მივიდა ივან ჩუპიჩამდე და მან ზედ ბოლო წამზე გაიტანა გამარჯვების გოლი.

უნგრეთის ვესპრემი 7 მოგების შემდეგ სტუმრად, მანჰეიმში, 7 მაყურებლის თვალწინ განადგურდა ლიოვენთან - 25:32. ხოლო კიდევ ერთმა აქამდე დაუმარცხებელმა კლუბმა, ბარსელონამ, პლოცკში წააგო ვისლასთან - 31:34.

ჩემპიონთა ლიგა, მე-8 ტური 3-9 დეკემბერი

A ჯგუფი

ლა რიოხა ლოგრონიო (ესპ) - კილი (გერ) 30:34

მეტალურგ სკოპიე (მკდ) - მეშკოვ-ბრესტი (ბლრ) 27:27

ზაგრები (ხორ) - პსჟ (საფ) 25:24

კილი 14 ქულა, პსჟ 10, ზაგრები 8, ლა რიოხა 7 / მეშკოვ-ბრესტი 6  მეტალურგი 3

B ჯგუფი

ალინგსასი (შვდ) - ფლენზბურგი (გერ) 22:27

ვისლა პლოცკი (პოლ) - ბარსელონა (ესპ) 34:31

კოლდინგი (დან) - ბეშიქთაში (თურ) 34:31

ბარსელონა 12, კოლდინგი 12, ფლენზბურგი 10, პლოცკი 9 / ბეშიქთაში 2, ალინგსასი 2

C ჯგუფი

ჩეხოვსკიე მედვედი (რუს) – ვარდარ სკოპიე (მკდ) 34:39

ცელიე (სლნ) - მონპელიე (საფ) 27:30

ლიოვენი (გერ) - ვესპრემი (უნგ) 32:25

ვესპრემი 14, ვარდარი 11, ლიოვენი 10, მონპელიე 8 / ცელიე 4, მედვედი 1

D ჯგუფი

შაფჰაუზენი (შვც) - ოლბორგი (დან) 25:25

დიუნკერკი (საფ) - მოტორ ზაპოროჟიე (უკრ) 31:29

პიკ სეგედი (უნგ) - კელცე (პოლ) 26:27

კელცე 16, სეგედი 12, დიუნკერკი 6, ოლბორგი 6 / ზაპოროჟიე 4, შაფჰაუზენი 4

ტურნირი განახლდება თებერვალში

ფოტო: დიუნკერკი - ზაპოროჟიე

08/12/14 ჩემპიონი თასის მფლობელის წინააღმდეგ

Published: ორშაბათი, 08 დეკემბერი 2014 15:58

ჯემალ ცერცვაძის აკადემიაში დაწყებულ საქართველოს ჩემპიონატზე პირველ დღეს ორი დაძაბული მატჩი გაიმართა.

პირველობის დებიუტანტი, ფოთის ოქროს ვერძი თითქმის მთელი მატჩის განმავლობაში უგებდა იმედს, რომელიც წლეულს ახალგაზრდული შემადგენლობით თამაშობს. მეორე ტაიმის დასაწყისში მიქაძის, ჟვანიას, ალანიასა და ბაჯალაძის კარგი თამაშის წყალობით ფოთელები 6 ბურთით იყვნენ წინ, მაგრამ შემდეგ ამუშავდა იმედის ერთადერთი გამოცდილი მოთამაშე, რობერტ ბეჟანიშვილი და ჭაბუკებიც აიყოლია. ბოლო 15 წუთის განმავლობაში იმედი რამდენჯერმე მიუახლოვდა მეტოქეს ერთ ბურთში, მაგრამ ანგარიში გაათანაბრა ერთადერთხელ, ისიც სულ ბოლო წუთზე, რუსტამოვის შვიდმეტრიანის შემდეგ: 29-29.

წინა ჩემპიონატის ვერცხლის პრიზიორს, ბათუმის მითს დიდი ბრძოლა გაუმართა თასის ფინალისტმა, თბილისის პეგასმა. პეგასის ახალწვეულმა, გივი გიორგაძემ 9 ბურთი შეაგდო, მაგრამ ბოლოსაკენ ბათუმელთა ლიდერებმა, სიმონიამ, ბერძენიშვილმა, აბრამშვილმა და გამზარდიამ გარდატეხეს თამაში - 27:25.

ბოლო ორ მატჩში სამტრედიამ მოუგო ქარიშხალას ჭაბუკებს, 45-32, ხოლო საგრძნობლად განახლებული შემადგენლობით სტუ-მ დაამარცხა ქუთაისის გუნდი, 34-29.

სამშაბათს ტურის მთავარი მატჩია - საქართველოს ჩემპიონი სტუ თასის მფლობელ სამტრედიას შეხვდება. შეხვედრა დღის ორის ნახევარზე დაიწყება გლდანში.

საქართველოს ჩემპიონატი 2014-15. კაცები

პირველი წრე, პირველი ტური. გლდანი, 8-11 დეკემბერი

8 დეკემბერი

იმედი - ფოთი 29-29

იმ: ხარაიშვილი - ბეჟანიშვილი 8, რუსტამოვი 6, გოგუა 4, ბაინაზიშვილი 3, დანელიშვილი 3, ზ. იობაშვილი 2, მელაშვილი 1, ჩიკვილაძე 1, მიქავა 1, კალანდაძე, ზაალიშვილი, მღებრიშვილი, დვალიძე, ჩაკვეტაძე

ფოთ: გ. ჭანტურია - მიქაძე 8, ალანია 7, ჟვანია 6, ბაჯალაძე 4, ბიბილეიშვილი 3, დაგარგულია 1, ხუნჯუა გოგიშვილი, ნემსაია

ბათუმი - პეგასი 27-25

ბათ: ცერცვაძე - სიმონია 7, ბერძენიშვილი 6, აბრამიშვილი 4, გამზარდია 4, სურმავა 2, რ. ჭანტურია 2, ქარდავა 1, ამირანაშვილი 1, ჯორბენაძე, ი. ნარსია, ვინოგრადსკი, ქავთარაძე, ვარშანიძე

პეგ: ცინცაძე - გიორგაძე 9, აბჟანდაძე 5, ბაძაღუა 4, ცხვარაშვილი 4, კოხრეიძე 2, სახვაძე 1, დიხამინჯია, ნ. მაისურაძე, ზარნაძე,  ლეჟავა

მსაჯები: ამირან კომახიძე, გიორგი ბარათაშვილი

სამტრედია - ქარიშხალა  45-32

სამ: სამყურაშვილი - წითელიშვილი 10, წივწივაძე 8, ხაჟომია 6, ზურაბიანი 6, ნიკურაძე 5, გ. კობახიძე 4, თევზაძე 2, ელგანდაშვილი 2, სიხარულიძე 2

ქარ: ხანდოლიშვილი, დ. მამულაშვილი, დავითაშვილი - ფერაძე 11,  ბულბულაშვილი 10, არსენაშვილი 6,  ლ. მამულაშვილი 2, კორაშვილი 2, შევჩენკო 1, სხვიტარიძე, დოლმაზაშვილი, ჯინჭარაძე, ქურასბედიანი

სტუ - ქუთაისი 34-29

სტუ: ა. სამიტაშვილი, ხიდაშელი -  ორჯონიკიძე 8, გოგოლაძე 5, გრიშიკაშვილი 5, სტურუა  4, გვაზავა 3, ი. სამიტაშვილი 3, გოგალაძე 2, გ.  იობაშვილი 2, მ. კობახიძე 1, მაისაშვილი 1, ჭელიძე, აბაშიძე, ოსიყმაშვილი,

ქუთ: ანდრიაძე, კუპატაძე - კბილაშვილი 10, ყაველაშვილი 6, უ. მაისურაძე 5, მათნაძე 3, ბოყოჩაძე 2, მერკვილაძე 1, კვერნაძე 1, ჩიხლაძე 1, ტუღუში, ქუთათელაძე, ჯუღელი, უ. კობახიძე, გობეჯიშვილი

მსაჯები: ელენე არაბული, ინა ჭკუასელი

9 დეკემბერი

12:00 ქუთაისი - ქარიშხალა

13:30 სტუ - სამტრედია

15:00 პეგასი - ფოთი

16:30 ბათუმი - იმედი

09/12/14 სტუ ისევ მთავარი პრეტენდენტია

Published: სამშაბათი, 09 დეკემბერი 2014 15:29

საქართველოს ჩემპიონატზე, მეორე დღის მთავარ მატჩში ჩემპიონმა, ტექნიკური უნივერსიტეტის გუნდმა 35-29 დაამარცხა თასის მფლობელი, სამტრედია.

სეზონის წინ სტუ ძირითადი შემადგენლობის ექვსმა  ხელბურთელმა დატოვა, მაგრამ  ირაკლი კეკელიძისა და ბექარ ორჯონიკიძის გუნდმა დაამტკიცა, რომ  ჯერაც მთავარი ფავორიტია საქართველოს ჩემპიონატზე.

ვეტერანმა გია გვაზავამ, რომელიც, კლუბში გამთამაშებლის პოზიციაზეა, დასაწყისიდანვე დაალაგა თამაში - სტუ თავიდანვე დაწინაურდა და ბოლომდე ლიდერობდა. სამტრედიამ ერთხელ, პირველი ტაიმის შუაში შეამცირა სხვაობა 2 ბურთამდე, ტაიმი კი 13-16 წააგო. მე-40 წუთისთვის გამარჯვებულის ვინაობა უკვე ადვილი  გამოსაცნობი იყო - ჩემპიონი 28-20 იგებდა.

გუნდის მთავარი ბომბარდირი თემურ ორჯონიკიძე 9 მეტრიდან დაუბრკოლებლად ისროდა, შეტევაში მას მხარი აუბეს სტურუამ, გვაზავამ და გოგოლაძემ, ბოლოს კი ვეტერანმა მამია კობახიძემაც გაიტანა 2 შვიდმეტრიანი. კარში საიმედო იყო არჩილ სამიტაშვილი, რომელმაც ოთხჯერ მოიგერია პირისპირ გასული მეტოქე.

სამტრედიას, მეტოქის კარგი დაცვის გამო უჭირდა უკანა ხაზიდან ტყორცნები, მათ ლიდერს, ლექსო წითელიშვილს კი მცველები აქტიურად ეთამაშებოდნენ. წაგებულთაგან საუკეთესო იყო პივოტი ჯაბა ხაჟომია და მეკარე სამყურაშვილი - შვიდიდან 4 მოგერიებული შვიდმეტრიანი.

ქუთაისმა 40-29 მოუგო ქარიშხალას. ქუთაისელმა ირაკლი კბილაშვილმა 16 გოლი გაუტანა გუნდს, რომლის შემადგენლობაშიც ჭაბუკთა პირველობაზე თამაშობს, ხოლო ქარიშხალაში გვერდიგვერდ ითამაშა მამა-შვილმა - 36 წლის ზაზა ფერაძემ და მისმა ვაჟმა გიორგიმ.

პეგასმა დაამარცხა ფოთის ოქროს ვერძი, 35-30, ხოლო წინა ჩემპიონატის ვერცხლის პრიზიორმა, ბათუმის მითმა - იმედი, 41-25. 2-2 მოგებით სტუ და ბათუმი ლიდერობენ და ერთმანეთს ტურის ბოლო დღეს, 11 დეკემბერს შეხვდებიან.

გია ჯაფარიძის ფოტო: სტუ-სამტრედია, უტევს გია გვზავა

საქართველოს ჩემპიონატი 2014-15. კაცები

პირველი წრე, პირველი ტური. გლდანი, 8-11 დეკემბერი

9 დეკემბერი

ქუთაისი - ქარიშხალა 40-29

ქუთ: ანდრიაძე, კუპატაძე - კბილაშვილი 16, უ. მაისურაძე 8, კვერნაძე 7, ყაველაშვილი 4, მერკვილაძე 2, მათნაძე 1, ჩიხლაძე 1, ქუთათელაძე 1

ქარ: ხანდოლიშვილი,  დავითაშვილი, დ. მამულაშვილი - გ. ფერაძე 11,  კორაშვილი 6, არსენაშვილი 5,  ზ. ფერაძე 3, დოლმაზაშვილი 2, ბულბულაშვილი 1, ლ. მამულაშვილი 1, ჯინჭარაძე, ქურასბედიანი

სტუ - სამტრედია 35-29

სტუ: ა. სამიტაშვილი -  ორჯონიკიძე 12, გოგოლაძე 6, გვაზავა 6, სტურუა 5, გრიშიკაშვილი 3, მ. კობახიძე 2, გოგალაძე 1, გ. იობაშვილი, ი. სამიტაშვილი

სამ: სამყურაშვილი 1 - ხაჟომია 8, წითელიშვილი 5, ნიკურაძე 5, გ. კობახიძე 4, თევზაძე 3, ზურაბიანი 1, წივწივაძე 1,  სიხარულიძე 1,  ელგანდაშვილი

მსაჯები: ელენე არაბული, ინა ჭკუასელი

პეგასი - ფოთი 35-30

პეგ: ცინცაძე, დ. ნარსია - ცხვარაშვილი 8, ზარნაძე 7,  გიორგაძე 7, ბაძაღუა 6, კოხრეიძე 3, დიხამინჯია 2, ცოტაძე 2, სახვაძე, აბჟანდაძე, ნ. მაისურაძე, პეტრიაშვილი, ლეჟავა

ფოთ: გ. ჭანტურია, ზარგინავა - ჟვანია 8, მიქაძე 8, ბიბილეიშვილი 6, ალანია 4, ბაჯალაძე 2,  დაგარგულია 1, ხუნჯუა 1, გოგიშვილი, ნემსაია, ბერაია

ბათუმი - იმედი 41-25

ბათ: ცერცვაძე - აბრამიშვილი 11, სიმონია 8, ქარდავა 6, გამზარდია 6, ჯორბენაძე 4, ბერძენიშვილი 2, ვარშანიძე 2, ი. ნარსია 1, რ. ჭანტურია 1, სურმავა, ვინოგრადსკი, ქავთარაძე

იმ: ხარაიშვილი - ბეჟანიშვილი 8, მიქავა 5, რუსტამოვი 4, ჩაკვეტაძე 3, ბაინაზიშვილი 2, ზ. იობაშვილი 2, ჩიკვილაძე 1, დანელიშვილი, გოგუა, ფურცელაძე, ზაალიშვილი, მელაშვილი, მღებრიშვილი, კალანდაძე, დვალიძე

მსაჯები: ამირან კომახიძე, გიორგი ბარათაშვილი

-----------------თ—მ—ფ—წ—---ბ----ქ

ბათუმი---------2—2—0—0---68-50--4

სტუ-------------2—2—0—0---69-58--4

სამტრედია-----2—1—0—1—74-67--2

ქუთაისი--------2—1—0—1---69-63--2

პეგასი-----------2—1—0—1---60-57--2

ფოთი-----------2—0—1—1---59-64--1

იმედი-----------2—0—1—1---54-70--1

ქარიშხალა------2—0—0—2---61-85--0

10 დეკემბერი

12:00 ქუთაისი - იმედი

13:30 ქარიშხალა - ბათუმი

15:00 ფოთი - სტუ

16:30 პეგასი - სამტრედია

11 დეკემბერი

12:00 სტუ - ბათუმი

13:30 ფოთი - ქარიშხალა

15:00 სამტრედია - იმედი

16:30 პეგასი - ქუთაისი

08/12/14 მასპინძელი და ფავორიტი ფრეს დასჯერდა

Published: ორშაბათი, 08 დეკემბერი 2014 07:03

ევროპის ქალთა ჩემპიონატის პირველ ტურში თანამასპინძელმა უნგრეთმა პირველი მატჩი ფრედ, 29-29 ითამაშა რუსეთის ნაკრებთან.

რუსეთი უმეტესი დროის განმავლობაში იგებდა, პირველ ტაიმში - 5 ბურთითაც, მაგრამ შესვენებამდე წინა პირველობის ბრინჯაოს პრიზიორმა სხვაობა შეამცირა - 14-15.

უნგრელთა ლიდერი ანიტა გორბიცი თამაშს ტრიბუნიდან უცქერდა. 31 წლის ვარსკვლავმა ჩემპიონატის დაწყებამდე ერთი თვით ადრე გამოაცხადა, რომ ორსულადაა და სეზონის ბოლომდე ვეღარ ითამაშებს. გამთამაშებელ კრისტინა ტრიშჩუკის (6 გოლი), გარემარბ ანიკო კოვაჩიჩის (5) და მეკარე ევა კიშის წყალობით უნგრეთმა მეორე ნახევარში გაათანაბრა თამაში, ორჯერ 2 ბურთითაც დაწინაურდა და 2 ბურთით იგებდა დასრულებამდე წუთნახევრით ადრეც, მაგრამ გაეპარა ანა სენის (5 გოლი) სწრაფი გარღვევა, დასრულებამდე 10 წამით ადრე კი გარემარბმა იანა უსკოვამ ანგარიში გაათანაბრა 29-29. რუსეთის ნაკრებში საუკეთესო მოთამაშის პრიზი 19 წლის გამთამაშებელმა, დარია დმიტრიევამ მიიღო - 7 გოლი (78 პროცენტი თამაშიდან).

პოლონეთი შარშანდელ მსოფლიო ჩემიონატზე მეოთხე ადგილზე გავიდა და, შესაძლოა, ფავორიტიც ყოფილიყო ესპანეთთან, რომ არა ტრავმირებული კინგა ბიზდრა. მის გამოჯანმრთელებას ბოლო მომენტამდე ელოდნენ, მაგრამ გუნდმა ტურნირი ულიდეროდ დაიწყო და პირველ მატჩში 22-29 წააგო ესპანეთთან. წაგებულთაგან საუკეთესო იყო კაროლინა კუდლაჩი (6), ხოლო ესპანელთა გარემარბმა კარმენ მარტინმა 9 გოლი გაიტანა.

B ჯგუფში ნორვეგიამ 27-19 დაამარცხა რუმინეთი და მეორე ტაიმის დასაწყისში 13 ბურთსაც უგებდა.  ნორვეგიას გამოკვეთილი ლიდერი არ ჰყოლია - სამიდან ხუთ გოლამდე შვიდმა მოთამაშემ გაიტანა, ხოლო ორმა მეკარემ, გრიმსბომ და სოლბერგმა დარტყმების თითქმის ნახევარი, 47 პროცენტი მოიგერია. რუმინეთი ერთი ლიდერის, ქრისტინა ნიაგუს გუნდია - მან კი 17 ცდიდან მხოლოდ შვიდჯერ გაიტანა.

დანიამ ასევე უპრობლემოდ მოუგო უკრაინას - 32-23. დანიელთაგან მატჩის საუკეთესო მოთამაშედ დაასახელეს გამთამაშებელი კრისტინა კრისტიანსენი (6 გოლი, 6 პასი), ხოლო უკრაინაში - მარცხენა გარემარბი ბორშჩენკო (7).

დღეს შეჯიბრებაში დანარჩენი ორი ჯგუფის 8 გუნდი ჩაებმება.

ფოტო: უნგრეთი - რუსეთი

ევროპის ჩემპიონატი 2014. ქალები. 7-21 დეკემბერი. უნგრეთი-ხორვატია

7 დეკემბერი

A ჯგუფი

ესპანეთი - პოლონეთი 29-22

უნგრეთი - რუსეთი 29-29

9 დეკემბერი

21:15 რუსეთი - ესპანეთი, 23:30 პოლონეთი - უნგრეთი

B ჯგუფი

ნორვეგია - რუმინეთი 27-19

დანია - უკრაინა 32-23

9 დეკემბერი

21:15 რუმინეთი - დანია, 23:30 უკრაინა - ნორვეგია

8 დეკემბერი

C ჯგუფი

21:00 გერმანია - ჰოლანდია, 23:15 შვედეთი - ხორვატია

D ჯგუფი

21:00 საფრანგეთი - სლოვაკეთი, 23:15 მონტენეგრო - სერბეთი