01/09/14 ხელბურთის სემინარი ბათუმში

ბათუმში, ქვიშის ხელბურთში საქართველოს ჩემპიონატის დასკვნითი ტურის პარალელურად, იმართება საქართველოსა და ხელბურთის საერთაშორისო ფედერაციების მიერ ორგანიზებული სემინარი ხელბურთის ამ ნაირსახეობაში.

მეცადინეობას, რომელიც ქალაქის მეორე საჯარო სკოლაში ეწყობა, უძღვებიან აღიარებული თურქი ექსპერტები – ხელბურთის საერთაშორისო ფედერაციის შესაბამისი კომიტეტის წევრი ბურაქ ტურჯანი და საერთაშორისო დელეგატი აილენ დელმანი. ქართული მხარიდან სემინარს ხელმძღვანელობს ქვიშის ხელბურთის კომისიის თავმჯდომარე, ლევან გელაშვილი.

სემინარი 2 სექტემბერს დასრულდება და მისი მონაწილე ოცამდე ქართველი მწვრთნელი შესაბამის სერთიფიკატს მიიღებს.