11/12/13 შვიდი გუნდი უკვე პლეიოფშია

ჯგუფური ტურნირის მესამე დღის შემდეგ შვიდმა გუნდმა უკვე გაინაღდა მერვედფინალში გასვლა სერბეთში, ქალთა მსოფლიო ჩემპიონატზე.

საფრანგეთმა მეორე ტაიმში გატეხა ჰოლანდია (23:19) და მონტენეგროსთან ერთად 3 მოგებით ლიდერობს A ჯგუფში.

B ჯგუფში ბრაზილიასთან დამარცხდა მასპინძელი, სერბეთის გუნდი – 23:25. სერბები მთელი თამაში მდევრები იყვნენ და სირენამდე 10 წუთით ადრე გაათანაბრეს კიდეც ანგარიში – 21:21, მაგრამ მეტი ვეღრ მოახერხეს. 5-5 გოლით ბრაზილიის გუნდში ყველაზე შედეგიანები იყვნენ გარემარბი ალესანდრა ნასიმენტო და ინსაიდი ედუარდა ამორიმი. ამავე ჯგუფში 3 მოგება დანიის ნაკრებს აქვს.

C ჯგუფში წაუგებელი მხოლოდ მოქმედი მსოფლიო ჩემპიონი ნორვეგიაა, ხოლო D ჯგუფში – უნგრეთი და გერმანია. გერმანელებმა პრინციპული მატჩი მოუგეს რუმინეთს (26:23), ხოლო ჩეხეთმა დაამარცხა ტუნისი – 28:24 და შესაძლოა, სწორედ ამ მოგების წყალობით მოხვდეს მერვედფინალში.

ქალთა მსოფლიო ჩემპიონატი სერბეთში

10 დეკემბერი

A ჯგუფი

კორეა – დრ კონგო 34:20

მონტენეგრო – დომინიკელთა რესპუბლიკა 33:19

ჰოლანდია – საფრანგეთი 19:23

მონტენეგრო, საფრანგეთი 6, კორეა 4, ჰოლანდია 2 / დომ. რესპ, კონგო 0

B ჯგუფი

ჩინეთი – იაპონია 27:33

ბრაზილია – სერბეთი 25:23

დანია – ალჟირი 38:20

დანია, ბრაზილია 6, სერბეთი 4, იაპონია 2 / ჩინეთი, ალჟირი 0

C ჯგუფი

პოლონეთი – ანგოლა 32:23

ესპანეთი – არგენტინა 25:19

ნორვეგია – პარაგვაი 34:13

ნორვეგია 6, პოლონეთი, ანგოლა, ესპანეთი 4 / არგენტინა, პარაგვაი 0

D ჯგუფი

ჩეხეთი – ტუნისი 28:24

გერმანია – რუმინეთი 26:23

უნგრეთი – ავსტრალია 39:15

უნგრეთი, გერმანია 6, რუმინეთი 4, ჩეხეთი 2 / ტუნისი, ავსტრალია 0

მერვედფინალში გადის 4-4 გუნდი

დღეს

A ჯგუფი. 19:00 დომ. რესპ – კორეა, 21:15 ჰოლანდია – კონგო, 23:30 საფრანგეთი – მონტენეგრო

B ჯგუფი. 18:45 ბრაზილია – იაპონია, 21:00 ალჟირი – ჩინეთი , 23:15 სერბეთი – დანია