EHFChampionshipW17_GEO21_Landscape_RGB

10/03/15 პირველი გამარჯვება სლოვენიაში

საქართველოს ჩვიდმეტწლამდელთა, ოლიმპიურმა ნაკრებმა სლოვენიაში მეორე მატჩი გამართა და 38-35 დაამარცხა ორი წლით წლით უმცროს მასპინძელთა ნაკრები. წინადღით ჩვენები 20-27 დამარცხდნენ სლოვენიის ჩვიდმეტწლამდელთა გუნდთან, რომელიც ქართველებთან ერთად მონაწილეობს ევროპის ახალგაზრდობის ოლიმპიურ ფესტივალში, თბილისში, 2015 წლის ივლისში.

სლოვენიაში 5 მატჩია დაგეგმილი – ორი თანატოლთა ნაკრებთან, ორი – 2000 წელს დაბადებულებთან და ერთიც ცელიეს კლუბის ჩვიდმეტწლამდელებთან. უმცროსებთან გამარჯვება საქართველოს ნაკრებს არ გასჭირვებია – ტაიმი 22-14 მოვიგეთ და ყველაზე მეტი, რაც მასპინძლებმა მოახერხეს მეორე ტაიმში, ერთი პირობა ორ ბურთამდე შეამცირეს სხვაობა (29-31). საქართველოს ნაკრებში ყველაზე შედეგიანი იყო ირაკლი კბილაშვილი – 13 გოლი.

დაგეგმილია კიდევ 3 მატჩი, ნაკრები თბილისში 14 მარტს დაბრუნდება.

10 მარტი, ცელიე. ამხანაგური მატჩი

სლოვენია (15) – საქართველო (17) 35-38

სლოვენია: იუკიჩანი, სტრუმა, ლოგარი – მაკუცი 7, ვინდიშერი 6, პიპი 5, დებელაკი 3, ესენიჩნიკი 3, მული 3, ბელეცი 3, ფარტნერი 2, კუკმანი 1, ვიდმარი 1, პლუტი 1, კუტნარი, ბუჯა – მწ. პოტოკარი, პოლაკი

საქართველო: ხანდოლიშვილი, ხარაიშვილი – კბილაშვილი 13, იობაშვილი 9, არსენაშვილი 6, ბულბულაშვილი 2, გაწერელია 2, ტიელიძე 2, მერკვილაძე 2, მაისურაძე 1, მამულაშვილი 1, რუსტამოვი, ზარნაძე, ზაალიშვილი – მწ. თურქია, ქობელაშვილი

მსაჯები: ჰუმეკი, შკვარჩი

ფოტო:ირაკლი კბილაშვილი (10)

 

Leave a Reply