10/02/14 ჭანტურია ომაიერის წინააღმდეგ

ევროპის ხელბურთის ფედერაციის თასზე რევაზ ჭანტურიას გუნდი ზომიმაკ-სტრუმიცა სტუმრად დამარცხდა მონპელიესთან – 22:41.

თამაშის ბედი გადაწყდა საწყის წუთებში, როცა ფრანგების მეკარემ, თანამედროვეობის ერთ-ერთმა ყველაზე ტიტულოვანმა ხელბურთელმა, ტიერი ომაიერმა ყველა ბურთი მოიგერია და მონპელიე 6:0 დაწინაურდა. მაკედონიურმა კლუბმა ერთი პირობა 6:9 გახადა ანგარიში, მაგრამ ტაიმი 9:22 წააგო, შესვენების შემდე კი 20 ბურთითაც ჩამორჩა. ქართველმა გარემარბმა 1 გოლი გაიტანა, მონპელიეში კი მეკარის შემდეგ საუკეთესო იყო სლოვენიელი დრაგან გაიჩი – 8 გოლი.

მეორე ტურში სტრუმიცა შინ ხვდება დანიურ სკიერნს, რომელიც პირველ ტურში შინ მოულოდნელად დამარცხდა ლისაბონის სპორტინგთან – 25:32. ჯგუფიდან მეოთხედფინალში 2 გუნდი გადის.

ჩემპიონთა ლიგაში დღეს კიდევ ორი მერვედფინალისტი გამოვლინდა. სკოპიეს ვარდარმა 30:22 დაამარცხა მინსკის დინამო და საგზური თავისთვის და თანაქალაქელი მეტალურგისთვისაც მოიპოვა. ჯგუფური ეტაპის დასრულებამდე 2 ტურით ადრე B და C ჯგუფებში ყველაფერი გარკვეულია, ხოლო დარჩენილ ორ ჯგუფში პლეიოფის 2-2 მონაწილეა გამოსავლენი.

უნგრულმა ვესპრემმა პირველი ქულა დაკარგა გერმანულ ლიოვენთან – 25:25, დანიის კოლდინგი შინ დამარცხდა გერმანულ კილთან 24:26 – ოთხივე ეს გუნდი უკვე გასულია მერვედფინალში.

ქალთა ტურნირზე ფრედ ითამაშეს შვედეთის სევეჰოფმა და მაკედონიის ვარდარმა – 27:27, ხოლო მონტენეგროს ბუდუჩნოსტმა გაანადგურა სლოვენიის კრიმ მერკატორი – 30:15. ქალთა შეჯიბრებაში კიდევ 4 ტურია სათამაშო.

ჩემპიონთა ლიგა 2013-14. კაცები. ჯგუფური ეტაპი.

8 ტური. 5-9 იანვარი

A ჯგუფი

8 თებ. სტ. პეტერბურგი (რუს) – ცელიე ლაშკო (სლნ) 29:29

8 თებ. ოსიგურანიე ზაგრები (ხორ) – მოტორ ზაპოროჟიე (უკრ) 33:27

9 თებ. რეინ–ნეკარ ლიოვენი (გერ) – ვესპრემი (უნგ) 25:25

ვესპრემი 15 ქულა, ლიოვენი 12, ზაპოროჟიე 7, ცელიე 7 / ზაგრები 6, სტ. პეტერბურგი 1

B ჯგუფი

6 თებ. ვისლა პლოცკი (პოლ) – დიუნკერკი (საფ) 32:25

7 თებ. პორტუ (პორ) – ტარგი კელცე (პოლ) 30:35

9 თებ. კოლდინგი (დან) – კილი (გერ) 24:26

კილი 14, კელცე 10, კოლდინგი 10, ვისლა 8 / პორტუ 4, დიუნკერკი 2

C ჯგუფი

8 თებ. ვაკერ თიუნი (შვც) – ბარსელონა (ესპ) 23:39

8 თებ. პსჟ (საფ) – მეტალურგ სკოპიე (მკდ) 32:29

9 თებ. ვარდარ სკოპიე (მკდ) – დინამო მინსკი (ბლრ) 30:22

ბარსელონა 15, პსჟ 11, მეტალურგი 9, ვარდარი 8 / დინამო 4, თიუნი 1

D ჯგუფი

5 თებ. გორენიე ველენიე (სლნ) – ჰამბურგი (გერ) 29:36

5 თებ. ლოგრონიო ლა რიოხა (ესპ) – ოლბორგი (დან) 25:23

8 თებ. ფლენზბურგი (გერ) – დროტ ჰალმსტადი (შვდ) 33:25

ჰამბურგი 14, ფლენზბურგი 13, ოლბორგი 8, გორენიე 6 / ლოგრონიო 6, ჰალმსტადი 1

მერვედფინალში გადის 4–4 გუნდი

ქალები. მეორე ჯგუფური ეტაპი. 2 ტური. 7-9 თებერვალი

1 ჯგუფი

8 თებ. ტიურინგერი (გერ) – მიდტიულანდი (დან) 26:24

9 თებ. სევეჰოფი (შვდ) – ვარდარი (მკდ) 27:27

ვარდარი 3, მიდტიულანდი 2 / ტიურინგერი 2, სევეჰოფი, 1

2 ჯგუფი

7 თებ. ლარვიკი (ნორ) – დიორი ეტო (უნგ) 23:29

9 თებ. ბუდუჩნოსტი (მნტ) – კრიმ მერკატორი (სლნ) 30:15

ბუდუჩნოსტი 3, დიორი 3 / კრიმი 2, ლარვიკი 0

ნახევარფინალში გადის 2-2 გუნდი