მსოფლიო ჩემპიონატი მოულოდნელობებით დაიწყო

გერმანიაში დაწყებულ ქალთა მსოფლიო ჩემპიონატის პირველ ტურში წინა ჩემპიონატის ფინალისტი ჰოლანდია 22-24 დამარცხდა კორეასთან, ოლიმპიადის ვერცხლის პრიზიორმა, საფრანგეთმა 23-24 წააგო სლოვენიასთან, ხოლო 2013 წლის მსოფლიო ჩემპიონმა, ბრაზილიამ ვერ დაამარცხა იაპონია – 28-28. 

1 დეკემბერს, გახსნის მატჩში, მასპინძელმა გერმანიამ 28-15 მოუგო კამერუნს, მაგრამ ლიდერი დაკარგა – უვე მესამე წუთზე კიმ ნაიძინავიჩუსმა ჯვარედინი მყესი გაიწყვიტა და ჩემპიონატს გამოაკლდა.  მოიგეს ოლიმპიურმა ჩემპიონმა რუსეთმა (ტუნისთან, 36-16) და მსოფლიოსა და ევროპის ჩემპიონმა ნორვეგიამ (უნგრეთთან, 30-22).

უძლიერესი შემადგენლობით მოთამაშე საფრანგეთმა დასაწყისშივე ზედიზედ 6 გოლი გაუშვა სლოვენიისგან (1-6) და მხოლოდ ერთხელ, მე-40 წუთზე გაათანაბრა ანგარიში (17-17), თუმცა მაინც დამარცხდა. სლოვენიაში საუკეთესო იყო მარჯვენა ინსაიდი ანა გროსი (9 გოლი) და მეკარე ამრა პანძიჩი 15 მოგერიებით.

ჰოლანდიამ პირველი ტაიმი 11-14 წააგო კორეასთან, მეორე ტაიმის შუაში ზედიზედ 6 გოლი გაიტანა (19-17), მაგრამ შემდეგ გაუშვა 5 (19-22) და მეტოქეს ვეღარ დაეწია, ჰოლანდიელთა 22 გოლიდან კი ნახევარი გაიტანა მარცხენა შუამარბმა ლუის აბინგჰმა.

ბრაზილია მთელი თამაში აგებდა იაპონიასთან (8-15 27-ე წუთზე), მაგრამ ბოლო ორ წუთში არაუჟომ და როდრიგეს ბელომ გაათანაბრეს (28-28). ესპანეთმა მძიმე მატჩი მოუგო ანგოლას (28-24), შვედეთი 30-33 დამარცხდა პოლონეთთან, ვინც კვალიფიკაცია ვერ გაიარა, მაგრამ ვაილდ ქარდი მიიღო, ხოლო დანია 24-31 გაანადგურა მონტენეგრომ, სადაც მარჯვენა გარემარბმა იოვანკა რადიჩევიჩმა 14 დარტყმიდან 12 გოლი შეაგდო.

კვირას გერმანიაში მეორე ტურის 12 მატჩია, ორშაბათს დასვენებაა, ჯგუფური ტურნირი კი 8 დეკემბერს დასრულდება და 4 ჯგუფის 4-4 საუკეთესო გუნდი მერვედფინალს დააკომპლექტებს. ფინალი 17 დეკემბერსაა ჰამბურგში.

ხელბურთი. ქალთა 23-ე მსოფლიო ჩემპიონატი. გერმანია, 1-17 დეკემბერი, 2017

1-2 დეკემბერი, პირველი ტური. 4-4 გუნდი გადის მერვედფინალში

A ჯგუფი, ტრირი. რუმინეთი 2, ესპანეთი 2, სლოვენია 2, საფრანგეთი 0 – ანგოლა 0, პარაგვაი 0

რუმინეთი – პარაგვაი 29-17

ფლორიანუ 5, უდრისციოიუ 4, ნიაგუ, პოპა, პინტეა 3 – ფიორე 7

საფრანგეთი – სლოვენია 23-24

ლანდრი, ნიომბლა 4, კანორი 3 – გროსი 9, პანძიჩი 15/38

ესპანეთი – ანგოლა 28-24

მარტინი 9, კაბრალი 6, პენია 5 – კასანგა 7, გიალო, კარლოსი 5

3 დეკ: სლოვენია-რუმიეთი, ანგოლა-საფრანგეთი, პარაგვაი-ესპანეთი

—

B ჯგუფი, ბიტიგჰაიმი: ნორვეგია 2, ჩეხეთი 2, პოლონეთი 2, შვედეთი 0 – არგენტინა 0, უნგრეთი 0

ჩეხეთი – არგენტინა 28-22

რისანკოვა 7, ჰრბკოვა 6, ლუზუმოვა 4 – მენდოსა 4

შვედეთი-პოლონეთი 30-33

გულდენი, მელეგორი 5, რობერტსი 4 – აშრუკი 9, კუდლაცი 7, გრჟიბი 6

ნორვეგია-უნგრეთი 30-22

მორკი 7, ოფტედალი, ბრატსეტი 4 – ჰაფრა 4

3 დეკ: პოლონეთი-ჩეხეთი, უნგრეთი-შვედეთი, არგენტინა-ნორვეგია

—

C ჯგუფი, ოლდენბურგი: რუსეთი 2, მონტენეგრო 2, ბრაზილია 1, იაპონია 1- დანია 0, ტუნისი 0

რუსეთი – ტუნისი 36-16

ვიახირევა, სამოხინა, მაკეევა, მანაგაროვა 5 – შება 6

ბრაზილია – იაპონია 28-28

ბელო 11, ამორიმ-ტალესკა 8 – ჰარა 7, სუნამი 6

დანია – მონტენეგრო 24-31

გრიგელი, ტრანბორგი 5 – რადიჩევიჩი 12

3 დეკ: ტუნისი – ბრაზილია, მონტენეგრო-რუსეთი, იაპონია-დანია

—

D ჯგუფი, ლაიპციგი: სერბეთი 2, გერმანია 2, კორეა 2, ჰოლანდია 0 – კამერუნი 0, ჩინეთი 0

გერმანია – კამერუნი 28-15

ლორპერი 5, ფიშერი, გუბერნატისი 4 – ჯიემპუ 3

სერბეთი –  ჩინეთი 43-23

კრპეჟი, დამნიანოვიჩი 8 – სიაომეი 9

ჰოლანდია – კორეა 22-24

აბინგჰი 11 – კანი 6, რიუ 5, ჩიო, ლი 4

3 დეკ: კამერუნი – სერბეთი, ჩინეთი – ჰოლანდია, კორეა – გერმანია

—

მერვედფინალი: 10-11 დეკემბერს, მეოთხედფინალი: 12-13 დეკემბერს

ნახევარფინალები და ფინალი ჰამბურგში, 15 და 17 დეკემბერს
თამაშების ნახვა შეგიძლიათ აქ:

https://www.olympicchannel.com/de/events/handball-ihf-womens-world-championship-2017—germany/