ფლენზბურგმა კილი გაანადგურა

ხელბურთის განახლებულ ჩემპიონთა ლიგის გერმანულ დერბიში, ფლენზბურგმა გაანადგურა კილი, 37-27 და A ჯგუფში პარი-სენ ჟერმენთან ერთად ლიდერობს. B ჯგუფში წინაა ბარსელონა, ვინც მოუგო მონპელიეს – 31-23. ჯგუფური ტურნირის დასრულებამდე 3 ტური დარჩა.

ორი ჯგუფის გამარჯვებული პირდაპის მეოთხედფინალში გადის, ხოლო მე-2-6 ადგილები – მერვედფინალში. პლეიოფში თამაში უკვე განაღდებული აქვს 9 გუნდს (ფლენზბურგი, პსჟ, ვესპრემი, კილი, ბარსელონა, სეგედი, კელცე, რაინ-ნეკარი, ვარდარი) და თავისუფალი 3 საგზურიღა დარჩა. რაც შეეხება C და D ჯგუფებს, სადაც პირველი ეტაპი უკვე დასრულდა, ორი წყვილი, ლა რიოხა-მოტორი და სკიერნი-მეშკოვ ბრესტი მარტის დასაწყისში გამოავლენს კიდევ ორ მერვედფინალისტს.

ფლენზბურგში კილთან მატჩის სანახავად 6000 მაყურებელი შეიკრიბა და იხილა თავისი გუნდის ისტორიული გამარჯვება გერმანულ გრანდთან – პატარა ქალაქის გუნდს ორნიშნა სხვაობით ჯერ არ მოეგო კილისთვის, ამაში კი უდიდესი წვლილი ფლენზბურგის დანიურმა ოთხეულმა შეიტანა. რაზმუს ლაუგემ 9 გოლი გაუტანა თავის ყოფილ კლუბს, სვანმა, ეგერტმა და მოგენსენმა – ჯამში 15. კილს ლიდერობა ბუნდესლიგაშიც აქვს დაკარგული – აქ ლიდერობს რაინ-ნეკარი 36 ქულით, მეორეა კილი (34), მესამე – ფლენზბურგი (31 და თამაში მარაგში).

სხვა მატჩებიდან აღსანიშნავია პოლონური კელცეს ფრე სტუმრად, კრისტიანსტადთან, 35-35. დრო გასული იყო, როდესაც ევროპის ჩემპიონატის გმირი, ტობიას რაიხმანი 9 გატანილი გოლის შემდეგ შვიდმეტრიანს ურტყამდა, მაგრამ შვედური კლუბის მონტენეგროელმა მეკარემ ნებოისა შიმიჩმა დარტყმა მოიგერია, თავის კლუბს ფრე მოუტანა და მერვედფინალში გასვლის შანსი შეუნარჩუნა.

კაცები. 11ტურისმიმოხილვა:http://www.ehftv.com/int/video/rewind-episode-11

ლიგა2015-16.კაცები.ჯგუფურიეტაპის11ტური. 10-14 თებერვალი

გამარჯვებული გადის მეოთხედფინალში, 2-6 ადგილები – მერვედფინალში

Aჯგუფი: ფლენზბურგი 18 ქ – პსჟ 18, ვესპრემი 17, კილი 11, ზაგრები 9, პლოცკი 8 – ცელიე 5, ბეშიქთაში 2

ზაგრები(ხორ) –პსჟ(საფ) 23-25

მანდალინიჩი 5 – ჰანსენი 7

ვისლაპლოცკი(პოლ) –ცელიე(სლნ) 26-31

როშა 7 – იანცი 8, მლაკარი, ზარაბეცი 7

ბეშიქთაში(თურ) –ვესპრემი(უნგ) 34-38

ჯუკიჩი 8, დიონე 7 – ა. ნილსონი, სლიშკოვიჩი 6

ფლენზბურგი(გერ) –კილი(გერ) 37-27

ლაუგე 9, სვანი 6, ეგერტი 5 – დუვნიაკი 8, კანელასი 4, იანიმაა 3

Bჯგუფი:ბარსელონა 17 – სეგედი 15, კელცე 15, რაინ ნეკარი 15, ვარდარი 12, მონპელიე 7 – კრისტიანსტადი 5, კოლდინგი 2

კრისტიანსტადი(შვდ) –კელცე(პოლ) 35-35

ჯამალი 8, გუდმუნდსონი 8 – რაიხმანი 9 , ბუნტიჩი 8

რაინ–ნეკარლიოვენი(გერ)– ვარდარსკოპიე(მკდ) 28-27

შმიდი 10, ეკდალი 5 – გორბოკი 7, დიბიროვი, დუიშებაევი 5

პიკსეგედი(უნგ) –კოლდინგი(დან) 34-23

გარსია 6, ანჩინი 5 – ლ. ანდერსონი 5, სპელერბერგი 4

მონპელიე(საფ)–ბარსელონა(ესპ) 23-31

გაიჩი 8 – ლაზაროვი 9, ტომასი 5

12 ტური:17-21 თებერვალი

C,Dჯგუფები. მერვედფინალში გასასვლელი რაუნდი

27.02, 05.03 ლა რიოხა (ესპ)- მოტორ ზაპოროჟიე (უკრ)

28.02. 05.03 სკიერნი (დან) – მეშკოვ ბრესტი (ბლრ)