05/10/14 სამივე ფრანგულმა გუნდმა მოიგო

სახელბურთო ჩემპიონთა ლიგაზე ჯგუფური ეტაპის მეორე ტური დასრულდა. თასის შარშანდელმა მფლობელმა, გერმანიის ფლენზბურგმა პირველ ტურში, დანიაში განცდილი საზარელი მარცხის შემდეგ 31:21 დაამარცხა შვედეთის ალინგსასი, ხოლო გამარჯვებულთაგან თომას მოგენსენმა 8 გოლი შეაგდო.

ფინალისტმა, ასევე გერმანულმა კილმა, შინ მძიმე ბრძოლაში მოუგო ესპანეთის ლა რიოხას – 34:32, ისლანდიელი დანიელ პალმარსონის ანგარიშზე კი 12 ბურთი იყო. ოთხთა ფინალის კიდევ ერთმა მონაწილემ, უნგრეთის ვესპრემმა შინ ასევე მძიმე ბრძოლა გადაიხადა  გერმანიის ლიოვენთან – 27:24. 9-9 გოლი შეაგდეს უნგრული გუნდის სერბმა მომირ ილიჩმა და გერმანელთა გარემარბმა უვე გენსჰაიმერმა.

ბარსელონამ შინ, მეორე ტაიმში გატეხა პლოცკის ვისლა – 30:25, კირილ ლაზაროვმა 9 ბურთი გაიტანა, ნიკოლა კარაბატიჩმა – 7.

მოიგო სამივე ფრანგულმა გუნდმა. პარი სენ ჟერმენმა მიქელ ჰანსენის 8 გოლით აჯობა ზაგრებს – 27:22, მონპელიემ – სლოვენიის ცელიეს – 35:29, ხოლო დიუნკერკმა – ზაპოროჟიეს, 23:21.

მესამე ტური ხუთშაბათს დაიწყება და კვირას დასრულდება. ორწრიანი ტურნირის შემდეგ 4-4 გუნდი მერვედფინალში გადის.

ფოტო: პსჟ – ზაგრები

ჩემპიონთა ლიგა. 2014-15. კაცები. ჯგუფური ტურნირი, 2 ტური

2, 4, 5 ოქტომბერი

A ჯგუფი

კილი (გერ, 2 ქულა) – ლა რიოხა ლოგრონიო (ესპ, 2) 34:32

მეშკოვ ბრესტი (ბლრ, 2) – მეტალურგ სკოპიე (მკდ, 0) 28:24

პსჟ (საფ, 4) – ზაგრები (ხორ, 2) 27:22

B ჯგუფი

ბარსელონა (ესპ, 4) – ვისლა პლოცკი (პოლ, 2) 30:25

ბეშიქთაში (თურ, 0) – კოლდინგი (დან, 4) 24:33

ფლენზბურგი (გერ, 2) – ალინგსასი (შვდ, 0) 31:21

C ჯგუფი

ვარდარ სკოპიე (მკდ, 4) – ჩეხოვსკიე მედვედი (რუს, 0) 39:28

ვესპრემი (უნგ, 4) – ლიოვენი (გერ, 2) 27:24

მონპელიე (საფ, 2) – ცელიე (სლნ, 0) – 35:29

D ჯგუფი

კელცე (პოლ, 4) – პიკ სეგედი (უნგ, 2) 37:32

მოტორ ზაპოროჟიე (უკრ, 0) – დიუნკერკი (საფ, 2) 21:23

ოლბორგი (დან, 3) – შაფჰაუზენი (შვც, 1) 23:23