EHFChampionshipW17_GEO21_Landscape_RGB

20/04/14 ბარსელონას მძიმე საპასუხო თამაში ელის

ჩემპიონთა ლიგის მეოთხედფინალში, 13 000 მაყურებლის თვალწინ, ბარსელონა 31:38 დამარცდა გერმანიის ჩემპიონატის ლიდერ ლიოვენთან – 31:28. საპასუხო შეხვედრა 26 მაისს გაიმართება.

საწყისი შვიდი შეტევიდან მასპინძლებმა გაიტანეს 7 გოლი, ხოლო ბარსას 7 დარტყმიდან 5 მოიგერია ლიოვენის დანიელმა მეკარემ ნიკლას ლანდინმა – 7:2. ბარსელონამ რამდენჯერმე შეამცირა სხვაობა 3 გოლამდე, მაგრამ ტაიმის ბოლოს ლიოვენი 8 ბურთით დაწინაურდა – 22:14.

გერმანულ გუნდში საუკეთესოები იყვნენ ლანდინი (35% მოგერიება), ნორვეგიელი პივოტი ბიარტე მირჰოლი (6 გოლი). რომელსაც პასებით ამარაგებდა შვეიცარიელი გამთამაშებელი ანდრე შმიდი (3 გოლი, 7 პასი), და, რა თქმა უნდა, მარცხენა გარემარბი უვე გენსჰაიმერი, რომელმაც პირველ ტაიმში ყველა ხერხით (კუთხიდან შეტევა, სწრაფი გარღვევა, ძალისმიერი გარღვევა, შვიდმეტრიანი) ათი ცდიდან 10 გოლი გაიტანა.

მეორე ნახევარში სხვაობა 11 გოლამდეც ავიდა (30:19, 40 წუთი), მაგრამ ბარსელონამ ბოლოსკენ გაიბრძოლა – 31:38. ბოლო წამზე კირილ ლაზაროვმა კიდევ ერთი გოლი გაიტანა, მაგრამ დროს გადააცილა. ლაზაროვმა 10 გოლი შეაგდო (7 შვიდმეტრიანი), ხოლო გენსჰაიმერი 14 გოლამდე ავიდა (3 პენალტი). საბოლოოდ, ლიოვენის 38 გოლიდან უკანა სამეულმა მხოლოდ 13 შეაგდო.

ორშაბათს მეოთხედფინალის ბოლო წყვილი თამაშობს – ფლენზბურგი – ვარდარი.

ფოტო: უვე გენსჰაიმერი

ჩემპიონთა ლიგა. კაცები მეოთხედფინალის პირველი მატჩები

20 აპრილი

ლიოვენი (გერ) – ბარსელონა (ესპ) 38:31

21 აპრილი

21:00 ფლენზბურგი (გერ) – ვარდარი (მკდ)

19 აპრილი

პსჟ (საფ) – ვესპრემი (უნგ) 26:28

მეტალურგ სკოპიე (მკდ) – კილი (გერ) 21:31

Leave a Reply