ლიდერებმა 2-2 ქულა შეიმატეს

ხელბურთის უმაღლეს ლიგაში ბათუმის „შავი ზღვის ბიჭებმა“ 45-33 დაამარცხა სტუ-იმედი და 26 ქულით ლიდერობს.  24 ქულა აქვს ქუთაისს, რომელმაც 43-34 მოუგო სპორტის უნივერსიტეტს.

 სპორტუნმა ბრძოლა გაუმართა ქუთაისს და დასაწყიში 6-3 დაწინაურდა, შემდეგ ქუთაისელთა 16 წლის მეკარემ გიგი რუხაძემ რამდენიმე რთული ბურთი მოიგერია, თუმცა, კიდევ კარგა ხანი ფრე იყო: 11-11, მე-18 წუთი. ქუთაისმა, რომლის მწვრთნელები რამდენიმე წამყვან მოთამაშეს ასვენებდნენ, ტაიმი 20-17 მოიგო.

შესვენების შემდეგ ქუთაისელთა უპირატესობა 5-6 ბურთის ფარგალში იყო, თუმცა, გამზარდიამ სულ ბოლო წამზე მაინც აიყვანა სხვაობა ცხრამდე, 43-34. ორი მოთამაშის მონაგარი 10 გოლს ასცდა – ქუთაისელმა სურმავამ 12 გოლი გაიტანა, სპორტუნის გიორგი იობაშვილმა – 11.

„შავი ზღვის ბიჭებისა“ და სტუ-იმედის პირველი წრის მატჩში, ქუთაისში, სერიოზული ბრძოლა იყო და ჩემპინმა მხოლოდ 3 ბურთით მოიგო, 28-25. ბრძოლა იყო თბილისური თამაშის პირველ ნახევარშიც. სტუ-იმედი ხუთით ჩამორჩა 6-11, მაგრამ ალანიას ორი სწრაფი გარღვევის შემდეგ, 22-ე წუთზე, სხვაობა მინიმუმამდე დავიდა (12-13), შესვენებაზე კი ლიდერის უპირატესობა მხოლოდ 2 ბურთი იყო – 17-15.

შესვენების შემდეგ ბათუმელთა გუნდში მოედანზე გამოვიდა რატი მსხვილიძე და ოთხჯერ გაიტანა, უკანახაზელებმა, ტალახაძემ და სიმონიამ პირადი ანგარიში რვამდე გაზარდეს, სხვაობამ კი პროგრესულად იწყო ზრდა და სირენის წინ თორმეტამდე ავიდა: 45-33. ბათუმი 26 ქულით ლიდერია.

მეორე წრის ბოლომდე 4 მატჩია დარჩენილი, მაგრამ 17 მარტამდე ჩემპიონატში იძულებითი შესვენებაა – ეწ კორონავირუსის გავრცელების გამო.  ყველა ტურნირის შესწორებული განრიგი დამატებით გამოქვეყნდება.

ყველა თამაშის ნახვა შესაძლებელია საქართველოს ხელბურთის ფედერაციის არხზე: https://www.youtube.com/user/handballgoergia/videos

ხელბურთი. საქართველოს ჩემპიონატი 2019-20

კაცები, უმაღლესი ლიგა. 4 მარტი, ოლიმპიური სასახლე

სპორტუნი – ქუთაისი 34-43

სპ: ხანდოლიშვილი – იობაშვილი 11, ბულბულაშვილი 7, ზურაბიანი 6, ჩაკვეტაძე 5, იმნაძე 4, დელიბაშვილი 1, გულდედავა

ქუთ: რუხაძე, გულეიშვილი – სურმავა, 12, ზარნაძე 6, ჯუღელი 5, იმნაძე 4, გამზარდია 4, კობახიძე 3, ფერაძე 3, სტურუა 3, ლომიძე 2, აბულაძე 1, ხაჟომია, რუსტამოვი, მერკვილაძე 

მსაჯები: თ. ბჟალავა, გ. გველესიანი

იმედი-სტუ – BSB  ბათუმი 33-45

იმ: ცინცაძე, ხიდეშელი – ალანია 9, ყორიაული 7, გრიშიკაშვილი 3, ერისთავი 3, აბჟანდაძე 3, კორსანტია 3, თიგიშვილი 3, გოგალაძე 2,  გავაშელიშვილი, დოლმაზაშვილი

ბათ: ტორონჯაძე, ვარშალომიძე – ტალახაძე 8, სიმონია 8, ლაპიაშვილი 6, აბრამიშვილი 6, გოგოლაძე 4, მსხვილიძე 4, მიქავა 3, ტიელიძე 2, ცხადაია 2, გიორგაძე 1, მჟავანაძე 1, ბერძენიშვილი, სტოლბოვი, თურმანიძე

მსაჯები: ნ. კევლიშვილი, თ. ბჟალავა

4 მარტი	თ			მ			ფ			წ			სხვ			ქ
BSB ბათუმი	14			13			0			1			550-378			26
ქუთაისი	14			12			0			2			598-453			24
იმედი სტუ	14			9			0			5			443-380			18
პეგასი	12			7			0			5			384-379			14
სპორტუნი	14			4			0			10			438-507			8
სამტრედია	12			4			0			8			341-408			8
გორი	12			3			0			9			387-494			6
წყალტუბო	12			0			0			12			285-407			0

 

 

 

 

 

 

 

 

მეორე წრის ბოლომდე

წყალტუბო – გორი

სამტრედია – პეგასი

სამტრედია – გორი

წყალტუბო – პეგასი