30/10/13 დღეს, 20:45 ლიტვა-საქართველო

მატჩის პირდაპირ რეპორტაჟს გადმოსცემს ლიტვური არხი LRT Kultura. საყურებელი ბმული –

 

http://www.lrt.lt/mediateka/tiesiogiai/lrt-kultura

 

 

საქართველოს ნაკრები დღეს მსოფლიო ჩემპიონატის საკვალიფიკაციო ტურნირს პანევეჟისში, ლიტვასთან მატჩით ხსნის. დღესვე ჩვენს ჯგუფში მეორე თამაშია: ფინეთი-თურქეთი.

 

საქართველოს ნაკრები საუკეთესო შემადგენლობით შეიკრიბა და ახალი მწვრთნელის, სერბი ჯორჯე რასიჩის ხელმძღვანელობით საწვრთნელი შეკრება გაიარა თბილისსა და კიევში.

 

3 ნოემბერს თბილისში მეორე მატჩია ფინეთთან. შეხვედრა სპორტის სასახლეში, 18 საათზე დაიწყება, შესვლა თავისუფალია.

 

საკვალიფიკაციო ტურნირი იანვარში დასრულდება. გამარჯებული გავა პლეიოფში და 2014 წლის ივნისში უკვე მსოფლიო ჩემპიონატის საგზურისთვის ითამაშებს. მეტოქე ევროპის ჩემპიონატის დასრულების შემდეგ გაირკვევა (2014 წლის იანვარი, დანია).

 

მეტოქე

ლიტვა ჯგუფის ფავორიტად ითვლება. გუნდს უთამაშია 1997 წლის მსოფლიო ჩემპიონატზე (გავიდა მერვედფინალში) და 1998 წლის ევროპის ჩემპიონატზე (9 ადგილი 12 გუნდში). მას შემდეგ ლიტველებს ასეთი წარმატება აღარ ჰქონიათ, მაგრამ რეგულარულად გადიოდნენ შესარჩევი ტურნირის პლეიოფში (ოთხჯერ ევროპის და სამჯერ მსოფლიო ჩემპიონატის).

ბოლო შესარჩევ ტურნირში (2014 წლის ევროპის ჩემპიონატი) ლიტვა ჯგუფში მოქმედ ოლიმპიურ ჩემპიონთან, საფრანგეთთან მოხვდა (18:27 სტუმრად, 23:25 შინ), ორივე თამაში წააგო ნორვეგიასთანაც (21:28 შ, 29:34 სტ) და მხოლოდ თურქეთს მოუგო, ისიც ერთხელ (26:27 ს, 28:23 შ).

იმ შემადგენლობიდან, რომელმაც ივნისში, საფრანგეთის წინააღმდეგ ითამაშა, დღევანდელ განაცხადში არ არის ერთერთი ლიდერი, ჩემპიონთა ლიგაში მოასპარეზე ესპანური ლა რიოხას შუამარბი, აიდენას მალაშინსკასი (1986). განაცხადში სულ 6 ლეგიონერია, უმეტესობა კი ორ ლიტვურ გუნდს, კლაიპედის დრაგუნასს და ვილნიუსის შვიეზას წარმოადგენს.

ურთიერთშეხვედრები

საქართველო და ლიტვა ორჯერ გადაეყარნენ ერთმანეთს 1994 და 1996 წლების ევროპის ჩემპიონატების შესარჩევ ტურნირში. საქართველოში არცერთი თამაში არ გამართულა. ოთხივე მატჩი მოიგო ლიტვამ – 1993 წელს 27:15 და 30:18 (ორივე მატჩი მოსკოვში გაიმართა), ხოლო 1995 წელს – 22:9 და 22:16 (ორივე მატჩი კაუნასში).

ხელბურთი. მსოფლიო ჩემპიონატის კვალიფიკაცია

ევროპის 1 ჯგუფი

 

ლიტვა – საქართველო

30 ოქტომბერი, 20:45. პანევეჟისი, Cido Arena

 

მსაჯები: ანატოლი ნოვიკოვი, რუსლან პერეპილიცი (უკრ)

 

დელეგატი: ტოივო იარვი (ესტ)

 

ლიტვა

1 არუნას ვასკევიჩუსი – შაფჰაუზენი (შვც) – მეკარე – 1973
22 აისტის პაზემეცკასი – დრაგუნასი – მეკარე – 1988
3 იონას ტრუხანოვიჩუსი – დრაგუნასი – 1993
4 როლანდას ბერნატონისი – ანაიტასუნა (ესპ) – 1986
8 აუგუსტას სტრაზდასი – ვესტ ვიენი (ავს) – 1980
9 პოვილას ბაბარსკასი – ბრეგენცი (ავს) – 1988
10 ლუკას ფეოკტისტოვასი – გრანიტასი – 1993
11 ბენას პეტრეიკისი – დრაგუნასი – 1992
17 რობერტას შვედასი – ჰარი-აფ (ჰოლ) – 1986
20 სკირმანტას პლეტა – VHC შვიესა – 1989
27 ვაიდოტას გროსასი – კრეტეი (საფ) – 1983
30 ტადას სტანკევიჩუსი – დრაგუნასი – 1990
35 ვალდას დრაბავიჩუსი – VHC შვიესა – 1990
44 ტადაშ იურელევიჩუსი – VHC შვიესა – 1990
88 მინდაუგას დუმჩუსი – დრაგუნასი – 1995
93 პაულას ორლოვსკისი – LSU ლუშისი – 1993

 

მთ. მწვრთნელი გინტარას სავუკინასი

საქართველო

22 შოთა თევზაძე – სტიინტა ბაკაუ (რუმ) – კაპიტანი, მეკარე – 1981
16 გიგა ტორონჯაძე – სტუ – მეკარე – 1989
5 გიორგი გვაზავა – სტუ – ხაზის მოთამაშე, შუამარბი – 1978
28 ლევან ბერძენიშვილი – სტუ – ხაზის მოთამაშე, შუამარბი – 1986
24 რატი მსხვილიძე – სტუ – შუამარბი, ხაზის მოთამაშე -1988
77 აკაკი ტალახაძე – უგუნდო – გამთამაშებელი – 1983
7 უჩა გამზარდია – ბათუმი – გამთამაშებელი – 1990
9 სერგო დათუკაშვილი – ას სადი (ლიბ) – შუამარბი, გამთამაშებელი – 1978
14 ირაკლი ჩიქოვანი – ტიმიშოარა (რუმ) – შუამარბი – 1989
10 ვლადიმერ რუსია – სტიინტა ბაკაუ (რუმ) – შუამარბი– 1984
23 რეზო ჭანტურია – სტრუმიცა (მკდ) – გარემარბი – 1982
15 ოთარ ამირანაშვილი – სტუ – გარემარბი – 1987
31 ილია გოგალაძე – სტუ – გარემარბი– 1986
8 ზურაბ აბრამიშვილი – სტუ – გარემარბი – 1994

მთ. მწვრთნელი ჯორჯე რასიჩი (სრბ)

მწვრთნელები ირაკლი კეკელიძე, ბექა ორჯონიკიძე

ექიმი ირაკლი ლინიკი

ოფიციალური პირები ელიზბარ არსენაშვილი, ვახტანგ მეიფარიანი

 

მსოფლიო ჩემპიონატის კვალიფიკაცია. ევროპის პირველი ეტაპი

1 ჯგუფი: ლიტვა, თურქეთი, საქართველო, ფინეთი

 

30 ოქტომბერი: ლიტვა – საქართველო, ფინეთი – თურქეთი

3 ნოემბერი: თურქეთი – ლიტვა, საქართველო-ფინეთი

2 იანვარი: ფინეთი – ლიტვა, თურქეთი – საქართველო

4-5 იანვარი: ლიტვა – ფინეთი, საქართველო – თურქეთი

8-9 იანვარი: საქართველო – ლიტვა, თურქეთი – ფინეთი

11-12 იანვარი: ლიტვა – თურქეთი, ფინეთი – საქართველო

 

2 ჯგუფი: სლოვაკეთი, რუმინეთი, კვიპროსი, იტალია

3 ჯგუფი: სლოვენია, უკრაინა, შვეიცარია, ლუქსემბურგი

4 ჯგუფი: ჰოლანდია, ისრაელი, საბერძნეთი, ბელგია

5 ჯგუფი: პორტუგალია, ბოსნია, ლატვია, ესტონეთი

 

მსოფლიო ჩემპიონატი 2015 წლის იანვარში, 24 გუნდის მონაწილეობით, იმართება ყატარში. მასპინძელი, ყატარი და მსოფლიო ჩემპიონი ესპანეთი ტურნირში შერჩევის გარეშე იასპარეზებენ. ევროპას, ესპანეთის გარდა, 12 ადგილი აქვს გამოყოფილი.

 

3 საგზურს მიიღებს ევროპის 2014 წლის ჩემპიონატის სამი საუკეთესო გუნდი (მონაწილეობენ – ესპანეთი, დანია, ჩეხეთი, მაკედონია, ავსტრია, ისლანდია, უნგრეთი, ნორვეგია, სერბეთი, საფრანგეთი, პოლონეთი, რუსეთი, ხორვატია, შვედეთი, ბელარუსი, მონტენეგრო). დანარჩენი 12 მონაწილე ქვეყანა გადავა მსოფლიო ჩემპიონატის პლეიოფში. მათ დაემატება გერმანია და პირველი ეტაპის 5 გამარჯვებული.

იხილეთ ფეისბუკზეც

https://www.facebook.com/GEONHF