gnhf-rrr

რუმინეთმა ოლიმპიური ჩემპიონი დაამარცხა

შვედეთში, ევროპის ქალთა ჩემპიონატზე, უკვე გარკვეულია მეორე ეტაპის 4 მონაწილე: ნორვეგია, დანია, საფრანგეთი, სერბეთი. გუშინ, რუმინეთმა 22-17 დაამარცხა ოლიმპიური ჩემპიონი რუსეთი. დღეს და ხვალ პირველი ჯგუფური ეტაპი დასრულდება.

წინა მსოფლიო ჩემპიონატის მესამე პრიზიორმა, რუმინეთმა, 22-17 მოუგო ოლიმპიურ ჩემპიონ რუსეთს. 40 წუთის შემდეგ ანგარიში 16-14 იყო რუმინელთა სასარგებლოდ და ამის შემდეგ 10 წუთი გოლი არ გასულა, რადგანაც ყველაფერი მოიგერიეს მეკარეებმა, დედუმ და კალინინამ. 53-ე წუთზე რუსეთმა გაათანაბრა, 17-17, მაგრამ შემდეგ ზედიზედ გაუშვა 5 გოლი, ხოლო ბრაშოვის 22 წლის მეკარეს, დენიზა დედუს წარმოუდგენელი სტატისტიკა დაუგროვდა – 22 მოგერიება 39 დარტყმიდან, 56 პროცენტი! 

D ჯგუფში ნორვეგიამ 34-16 გაანადგურა ხორვატია და მეორე ეტაპზე გასვლა გაინაღდა, ხოლო 9 დეკემბერს, ბოლო ტურში ითამაშებენ რუმინეთი-ხორვატია და ნორვეგია-რუსეთი. ხორვატიას მეორე ეტაპზე გასვლის ნმინიმალური შანსები აქვს.

C ჯგუფში დანიამ 23-19 მოუგო უნგრეთს და ასევე გავიდა მეორე ეტაპზე. მონტენეგრო მთელი თამაში ინარჩუნებდა მინიმალურ უპირატესობაც ჩეხეთთან და ასეც მოიგო, 28-27. აქ ბოლო ტურში მონტენეგრო-უნგრეთი და დანია-ჩეხეთი თამაშობენ.

დღეს დასრულდება პირველი ეტაპი A და B ჯგუფებში. ბრძლის გაგრძელების მინიმალური შანსი აქვს პოლონეთს და ასევე გავარდნის პირასაა ესპანეთი. წინა ევროს ვერცხლის პრიზიორს ორი წაგება აქვს და აუცილებლად სჭირდება სლოვენიის დამარცხება.  

მეორე ეტაპზე 3-3 გუნდი გადის ერთმანეთში დაგროვილი ქულებით, შესაბამისად, ყველა მატჩის შედეგი მნიშვნელოვანია. თამაშების ნახვა შესაძლებელია ევროპის ხელბურთის ფედერაციის ტელევიზიით: http://www.ehftv.com/int/

ხელბურთი. ევროპის ჩემპიონატი 2016. ქალები. შვედეთი, 4-18 დეკემბერი

C ჯგუფი. მალმო

5 დეკ. უნგრეთი – ჩეხეთი 22-27, მონტენეგრო – დანია 21-22

7 დეკემბერი

ჩეხეთი (2 ქულა) – მონტენეგრო (2) 27-28

ჰრბკოვა 6, რუჩკოვა 5 – იაუკოვიჩი, მეჰმედოვიჩი 7

დანია (4) – უნგრეთი (0) 23-19

იორგენსენი 5, ტოფტი 11/29=38% – გორბიცი 6, კოვაჩი 5

9 დეკ: 21:30 მონტენეგრო-უნგრეთი 23:45 დანია-ჩეხეთი

D ჯგუფი ჰელსინგბორგი

5 დეკ. რუსეთი – ხორვატია 32-26, ნორვეგია-რუმინეთი 23-21

7 დეკემბერი

რუმინეთი (2) – რუსეთი (2) 22-17

ბუჩესკი, ნიაგუ 7, დედუ 22/39=56% – პოსტნოვა 4, კალინინა 17/37=46%

ხორვატია (0) – ნორვეგია (4) 16-34

პენეზიჩი 4 – მორკი, სოლბერგი 5, არნცენი, ოფტედალი, ჰერემი 4

9 დეკ: 21:30 რუმინეთი-ხორვატია 23:45 ნორვეგია-რუსეთი

A ჯგუფი. სტოკჰოლმი

4 დეკ. სერბეთი-სლოვენია 36-34, შვედეთი-ესპანეთი 25-19

6 დეკ. ესპანეთი – სერბეთი 23-25, სლოვენია – შვედეთი 25-23

8 დეკემბერი 

21:30 ესპანეთი (0) – სლოვენია (2)

http://www.ehftv.com/int/livestream/spain-slovenia

23:45 შვედეთი (2) – სერბეთი (4)

http://www.ehftv.com/int/livestream/2016-12-08-sweden-serbia

B ჯგუფი. კრისტიანსტადი

4 დეკ. ჰოლანდია – გერმანია 27-30, საფრანგეთი-პოლონეთი 31-22

6 დეკ. პოლონეთი – ჰოლანდია 21-30, გერმანია საფრანგეთი 20-22

8 დეკემბერი

21:30 გერმანია (2) – პოლონეთი (0)

http://www.ehftv.com/int/livestream/2016-12-08-germany-poland

23:45 ჰოლანდია (2) – საფრანგეთი (4)

http://www.ehftv.com/int/livestream/2016-12-08-netherlands-france

მეორე ეტაპზე გადის 3-3 გუნდი ერთმანეთში დაგროვილი ქულებით

მეორე ჯგუფური ეტაპი

1 ჯგუფი (A, B) – 10, 12, 14 დეკემბერს

2 ჯგუფი (C, D) – 11, 13, 14 დეკემბერს

ნახევარფინალი 16 დეკემბერს, ფინალი 18 დეკემბერს

Leave a Reply