მთავარი
სპორტკომპლექს არენაში, საქართველოს ჭაბუკთა ჩემპიონატზე გორის გუნდმა პირველი ტაიმი 11 ბურთით წააგო ქარიშხალასთან, მაგრამ მეორეში კინაღამ შეაბრუნა თამაში.
გორელთა მწვრთნელმა გია მამაცაშვილმა თავიდანვე პრესინგი შესთავაზა შარშანდელ ჩემპიონს, მაგრამ გიორგი ქობელაშვილის გუნდმა ამ ტაქტიკას პირველ ტაიმში იოლად აუღო ალღო და 19:8 მოიგო. გორმა აქტიური დაცვა მეორე ტაიმშიც გააგრძელა და ნელნელა დაიწყო სხვაობის შემცირება. ამას დაერთო მეკარე ვათიაშვილის კარგი თამაში და დასრულებამდე ათ წუთზე მეტი რჩებოდა, როცა ანგარიში 21:23 გახდა. ქარიშხალამ მოახერხა ნოკდაუნიდან გამოსვლა. საქმეში ჩაერთო მათი მეკარე, ხანდოლიშვილიც და, საბოლოოდ, ლიდერმა უპირატესობა შეინარჩუნა - 31:29.
ქარიშხალამ ოთხიდან ოთხი თამაში მოიგო და ლიდერობს, ხოლო ორი მოგება აქვს მომდევნო სამ გუნდს - გორს, ფოთსა და მამულს. ფოთელებმა დღეს ასევე დაძაბულ თამაშში 30:28 მოუგეს მამულს.
ორშაბათიდან საქმეში ჩაერთვება მეორე ხუთეული - პეგასი, იმედი, თელავი, სამტრედია და ზუგდიდი. საბოლოოდ, 10 გუნდიდან ყველა ეთამაშება ერთმანეთს და 9 თამაშის ჯამში ფინალურ ეტაპზე გამსვლელ ექვსეულს გამოავლენს.
საქართველოს ჩემპიონატი
1998-98, ბიჭები. საგაზაფხულო ეტაპი
პირველი ხუთეული
28 თებერვალი , არენა 1
ფოთი - მამული 30:28
ფოთი: ზარგინავა - მიქაძე 13, ბიბილეიშვილი 9, გურეშიძე 4, ბერაია 3, ჯიქია 1, ბაჯალაძე
მამული: დავითაშვილი - ისმაილოვი 10, კორაშვილი 8, შევჩენკო 4, თოდუა 4, სხვიტარიძე 2, ტალახაძე
მსაჯები: ინა ჭკუასელი, ელენე არაბული
ქარიშხალა - გორი 31:29
ქარიშხალა: ხანდოლიშვილი, ხიდეშელი - გოგუა 8, არსენაშვილი 8, ბულბულაშვილი 4, კბილაშვილი 4, ფერაძე 3, მამულაშვილი 2, ჯინჭარაძე 1, კვირკველია 1, წიკლაური
გორი: ვათიაშვილი - მურადაშვილი 10, ნიაზაშვილი 5, დალაქიშვილი 5, მჭედლიშვილი 4, ტარუაშვილი 3, ტიელიძე 2, ქესანაშვილი, გახოკიძე, ბეთლემიშვილი, ღვინიაშვილი, სამნიაშვილი, თომაშვილი
მსაჯები: გია წივწივაძე, გაგა სამყურაშვილი
ქარიშხალა 8 ქულა (4 თამაშიდან), გორი 4 (4), ფოთი 4 (4), მამული 4 (4), ყვარელი 0 (4)
მეორე ხუთეული (თელავი, პეგასი, სამტრედია, იმედი, ზუგდიდი) ითამაშებს თბილისში, 3-7 მარტს. საერთო ტური - 24-28 მარტს. საუკეთესო ექვსეული გავა ფინალურ ეტაპზე, რომელიც გაიმართება 5-9 მაისს.
საქართველოს ჭაბუკთა ჩემპიონატის მესამე დღეს მესამე გამარჯვება მოიპოვა თბილისის ჩემპიონმა ქარიშხალამ, რომელმაც დაამარცხა დასავლეთის ლიგის გამარჯვებული ფოთი - 36:22.
მეორე ლიდერი, გორის გუნდი ამ დღეს ისვენებდა, ხოლო მეორე მატჩში თბილისის მამულმა 34:30 მოუგო ყვარელს. ამ თამაშამდე არცერთ გუნდს ქულა არ ჰქონდა. მამულმა იოლად მოიგო პირველი ტაიმი - 22:12. ყვარლის მწვრთნელებმა სკამზე დასვეს გუნდის ლიდერი დოლმაზაშვილი და თავის გამოჩენის საშუალება სხვებს მისცეს. მეთოდმა გაამართლა - კახელებმა თამაშის მიწურულს სხვაობა სამამდე შეამცირეს, და, მართალია, 30:34 წააგეს, მაგრამ დაამტკიცეს, რომ ერთი მოთამაშის გუნდი არ არიან.
ხვალ სპორტკომპლექს არენაში ორი მატჩია - გორი-მამული, ყვარელი-ფოთი. ქარიშხალა ისვენებს და გორელებს შანსი აქვთ, ლიდერს დაეწიონ.
საქართველოს ჩემპიონატი
1998-98, ბიჭები. საგაზაფხულო ეტაპი
პირველი ხუთეული
ფოთი, გორი, ყვარელი, ქარიშხალა, მამული
26 თებერვალი , არენა 1
ქარიშხალა - ფოთი 36:22
ქარიშხალა: ხანდოლიშვილი, ხიდეშელი - ბულბულაშვილი 10, კბილაშვილი 7, მამულაშვილი 6, არსენაშვილი 5, გოგუა 3, ფერაძე 1, წიკლაური 1, კვირკველია 1, ჯინჭარაძე 1, უნდიაშვილი 1
ფოთი: ფოთი: ზარგინავა, ჯანელიძე - მიქაძე 7, ბერაია 5, ბიბილეიშვილი 4, ჯიქია 3, ბაჯალაძე 1, შარტავა 1, წულაია 1, გვასალია, გურეშიძე, ლორთქიფანიძე, მიქაია
მსაჯები: ინა ჭკუასელი, ელენე არაბული
მამული - ყვარელი 34:30
მამული: დავითაშვილი, წულიაშვილი - ისმაილოვი 9, კორაშვილი 9, შევჩენკო 8, სხვიტარიძე 5, თოდუა 3, ძაგანია, ტალახაძე, სექანია, ცხვედიანი, სამადაშვილი, ლაგვილავა, არუთინოვი
ყვარელი: მოლაშვილი, მამუკიშვილი - ჭერაშვილი 11, ხაჩიშვილი 6, დოლმაზაშვილი 5, ჯიქურიშვილი 4, მეტრეველი 2, ბურკაძე 1, ცუკილაშვილი 1, ელოშვილი, ბეჟანიშვილი
მსაჯები: გია წივწივაძე, გაგა სამყურაშვილი
ქარიშხალა 6 ქულა (3 თამაშიდან), გორი 4 (2) მამული 2 (2), ფოთი 0 (2), ყვარელი 0 (3)
27 თებერვალი, არენა 1
16:00 გორი - მამული
17:30 ყვარელი - ფოთი
28 თებერვალი, არენა 1
16:00 ქარიშხალა - გორი
17:30 მამული - ფოთი
მეორე ხუთეული (თელავი, პეგასი, სამტრედია, იმედი, ზუგდიდი) ითამაშებს თბილისში, 3-7 მარტს. საერთო ტური - 24-28 მარტს. საუკეთესო ექვსეული გავა ფინალურ ეტაპზე, რომელიც გაიმართება 5-9 მაისს.
ამასწინათ გორელ ხელბურთელთა გუნდმა უკრაინის ქალაქ მელიტოპოლში გამართულ მეორე მსოფლიო ომის გმირის, ბობროვის მემორიალურ მე-16 ტრადიციულ საერთაშორისო ტურნირზე იასპარეზა. შეჯიბრებაში მონაწილე 28 გუნდს შორის გორელები მეხუთე ადგილზე გავიდნენ.
პირველობისათვის უკრაინის, რუსეთის, ბელორუსის, მოლდოვის და საქართველოს 1998-2000 წწ დაბადებული ხელბურთელები იბრძოდნენ. აღნიშნული ტურნირი პოსტსაბჭოთა სივრცეში ერთ-ერთ ყველაზე საუკეთესოდ ითვლება. გორელებს იქ რამდენიმე წელია რაც ეპატიჟებიან, თუმცა აქამდე ვერცერთხელ მოხერხდა სათანადო ფინანსების გამონახვა შეჯიბრებაში მონაწილეობის მისაღებად. ამჯერად ჭაბუკი ხელბურთელები გორის მუნიციპალიტეტის სპორტულმა ცენტრმა დააფინანსა.
გორელი ხელბურთელების კავშირი კი უკრაინასთან აქაური გუნდის მთავარი მწვრთნელის გია მამაცაშვილის მიერაა დამყარებული. მამაცაშვილი გორში სამწვრთნელო კარიერის დაწყებამდე დნეპროპეტროვსკის ხელბურთის გუნდში თამაშობდა. კონტაქტები მან იქაურ სპორტულ წრეებთან უკრაინიდან წამოსვლის მერეც შეინარჩუნა.
მელიტოპოლის ტურნირზე 28 გუნდი პირველ ეტაპზე ოთხ ქვეჯგუფში გადაანაწილეს. გორელებმა დაამარცხეს „გროდნო 2001“ ანაგრიშით 15 : 6, „დონეცკი“ – 15 : 8, „ხარციზკი“ – 12 : 7, „ბელგოროდი“ – 23 : 5 და წააგეს მხოლოდ მასპინძელთა გუნდთან ძალიან დაძაბულ პაექრობაში 13 : 17. მათ ქვეჯგუფში პირველ ადგილზე სწორედ მასპინძლები, ხოლო მეორეზე გორის გუნდი გავიდა. დებულების მიხედვით ქვეჯგუფებში პირველ ადგილებზე გასულმა გუნდებმა I – IV ადგილების მოსაპოვებლად იბრძოლეს, მეორეადგილოსნები (მათ შორის გორი) მე-5 ადგილისათვის პაექრობაში ჩაერთნენ. „გორმა“ იქ გამართული ორივე შეხვედრაში გაიმარჯვა და საბოლოოდ მეხუთე ადგილზე გავიდა. დაამარცხა ვოლგოგრადი 18 : 10, ოდესის „იუჟნი“ 14 : 11. შეჯიბრების გამარჯვებული გახდა კრასნოდარის გუნდი, ვინც ფინალში მელიტოპოლი დაამარცხა. გორელი დავით ნიაზაშვილი ტურნირის სიმბოლურ ნაკრებში მოხვდა, ხოლო საუკეთესო ბომბარდირთ ათეულში იგი მერვე პოზიციაზე იყო.
„ასეთი დონის ტურნირში მხოლოდ მონაწილეობაც კი სასიკეთოდ წაადგებოდა ჩვენი ხელბურთის განვითარებას, თუმცა უკრაინაში მხოლოდ საასპარეზოდ არ ჩავსულვართ. ჩატარებული 8 – დან 7 მატჩის მოგება ცხადია კარგი შედეგია. შეჯიბრება რომ სხვა ფორმატით გამართულიყო, ადვილი შესაძლებელია უფრო მაღალი ადგილიც დაგვეკავებინა. საგულისხმოა, რომ ტურნირის ორგანიზატორებს და დარბაზში შეკრებილი მაყურებელს კმაყოფილება არ დაუმალავს გორელი ხელბურთელების თამაშის გამო. მარტსა და ივნისში გასამართ კრაკოვისა (პოლონეთი) და ტოლიატის (რუსეთი) ტურნირების ორგანიზატორებისგან მოგვივიდა მოწვევა ასპარეზობაში მონაწილეობის მისაღებად“ – გვითხრა გია მამაცაშვილმა.
უკრაინაში, ბობროვის მემორიალურ ტურნირზე „გორი“ ასეთი შემადგენლობით გამოვიდა: გიორგი ვათიაშვილი და გიორგი გიგაური (მეკარეები); დავით ნიაზაშვილი, ლევან კვარაცხელია, გიორგი ახალბედაშვილი. თამაზ ტარუაშვილი, გიორგი ხელაძე, ლევან ღვინიაშვილი.
ვასილ ბალახაძე
http://qartlisport.ge/?p=2189
თურქეთის ჩემპიონატში პრინციპული მატჩი მოიგო გიგა ტორონჯაძისა და რატი მსხვილიძის გუნდმა. ტრაბზონმა შინ დაამარცხა ანკარა - 28:25. 2 გოლი მსხვილიძემ გაიტანა.
ანკარა და ტრაბზონი მეზობლები არიან სატურნირო ცხრილში. ამ თამაშამდე ტრაბზონი 5 ქულით ჩამორჩებოდა მეტოქეს, ახლა კი სხვაობა სამამდე შეამცირა და მეოთხე პოზიციაც გაიმყარა. პლეიოფში 8 გუნდი გადის. ტრაბზონს 21 თამაშის შემდეგ 13 მოგება და 1 ფრე აქვს.
თურქეთის ჩემპიონატი 21. ტური. ტრაბზონსფორი - ანკარა 28:25
ტრაბზონი: სედათი, ადემი - ო. გეორგიევსკი 11, პოლიაკი 7, ვახნოვიჩი 3, სამეთი 3, ისმაილი 2, მსხვილიძე 2. ს. გეორგიევსკი, სერქანი
21 ტურის შემდეგ: ბეშიქთაში 41 ქულა, ანკარასფორი 32 (20 თამაშიდან), ანკარა 30, ტრაბზონი 27, მერსინი 23, ბურსა 22 (19), მილი პიანგო 21, ანთალია 21 / იზმირი 17, ჯანქაია 16, ისტანბულ კოლეჯი 15, გენჩლერბირლიგი 15, იედითეფე 11, ადანა 0 (20)
საქართველოს ჭაბუკთა ჩემპიონატის საგაზაფხულო ეტაპზე პირველად დამარცხდა გორის გუნდი, პირველი გამარჯვება მოიპოვა ფოთის გუნდმა.
გორელები თამაშის დასაწყისში 9 ბურთით, 11:2 უგებდნენ თბილისის მამულს, თუმცა, ტრავმის გამო გამოაკლდათ ერთ-ერთი ლიდერი, ტარიელ მჭედლიშვილი. მამულმა სხვაობის შემცირება დაიწყო, მაგრამ ტაიმი გორმა მოიგო 17:13 და 3-4 ბურთიან უპირატესობას კიდევ კარგა ხანი ინარჩუნებდა. თამაში გადატყდა დასრულებამდე 10 წუთით ადრე, როდესაც მამულმა გაათანაბრა ანგარიში - 23:23, შემდეგ დაწინაურდა და მოიგო კიდეც - 28:27. გამარჯვებულთა შორის 10-10 გოლი გაიტანეს გიორგი შევჩენკომ და თამაზ კორაშვილმა. მამული და გორი 3-3 თამაშის შემდეგ 4-4 ქულით თანაბრად არიან.
ფოთის გუნდმა 34:24 დაამარცხა ყვარელი, რომელმაც 4 მოგებით დაასრულა პირველი ტური. ხვალ პირველი ხუთეული თამაშებს დაასრულებს, ხოლო ორშაბათიდან საქმეში ჩაებმება დანარჩენი 5 გუნდი.
საქართველოს ჩემპიონატი
1998-98, ბიჭები. საგაზაფხულო ეტაპი
პირველი ხუთეული
ფოთი, გორი, ყვარელი, ქარიშხალა, მამული
27 თებერვალი , არენა 1
გორი - მამული 27:28
გორი: ვათიაშვილი - დალაქიშვილი 11, მურადაშვილი 5, ტარუაშვილი 5, ნიაზაშვილი 2, მჭედლიშვილი 1, ქესანაშვილი 1, ტიელიძე 1, გახოკიძე 1
მამული: წულიაშვილი - შევჩენკო 10, კორაშვილი 10, სხვიტარიძე 3, ისმაილოვი 3, თოდუა 1, ტალახაძე 1, ცხვედიანი, სექანია, ძაგანია
მსაჯები: ინა ჭკუასელი, ელენე არაბული
ფოთი - ყვარელი 34:24
ფოთი: ზარგინავა, ჯანელიძე - ბიბილეიშვილი 11, მიქაძე 8, გურეშიძე 7, ბერაია 4, ჯიქია 3, ბაჯალაძე 1, წულაია გვასალია, მიქაია, შარტავა
ყვარელი: მოლაშვილი, მამუკიშვილი - ჯიქურიშვილი 9, ხაჩიშვილი 8, დოლმაზაშვილი 5, ჭერაშვილი 1, ბურკაძე 1, მეტრეველი, ცუკილაშვილი, ბეჟანიშვილი, ელოშვილი
მსაჯები: გია წივწივაძე, გაგა სამყურაშვილი
ქარიშხალა 6 ქულა (3 თამაშიდან), გორი 4 (3) მამული 4 (3), ფოთი 2 (3), ყვარელი 0 (4)
28 თებერვალი, არენა 1
16:00 ქარიშხალა - გორი
17:30 მამული - ფოთი
მეორე ხუთეული (თელავი, პეგასი, სამტრედია, იმედი, ზუგდიდი) ითამაშებს თბილისში, 3-7 მარტს. საერთო ტური - 24-28 მარტს. საუკეთესო ექვსეული გავა ფინალურ ეტაპზე, რომელიც გაიმართება 5-9 მაისს.
გაიმართა ჩემპიონთა ლიგის კაცების ტურნირის მერვედფინალის წილისყრა. პირველი მატჩები გაიმართება 19-23 მარტს, საპასუხო შეხვედრები - 26-30 მარტს.
მერვედფინალში გუნდები ასე დაწყვილდნენ:
ვისლა პლოცკი (პოლ) - ვესპრემი (უნგ)
ვარდარი სკოპიე (მკდ) - ჰამბურგი (გერ)
ოლბორგი (დან) - ბარსელონა (ესპ)
მოტორ ზაპოროჟიე (უკრ) - კილი (გერ)
მეტალურგ სკოპიე (მკდ) - კოლდინგი (დან)
ცელიე ლაშკო (სლნ) - ფლენზბურგი (გერ)
გორენიე ველენიე (სლნ) - პსჟ (საფ)
კელცე (პოლ) - ლიოვენი (გერ).
ორი მატჩის ჯამში გამარჯვებული 8 გუნდი გავა მეოთხედფინალში, რომელიც აპრილში გაიმართება, ხოლო ოთხი საუკეთესო გუნდი ითამაშებს ოთხთა ფინალში. ტურნირი კიოლნში მოეწყობა 31 მაისს და 1 ივნისს.
