მთავარი

2014-15 წლების სახელბურთო სეზონი ორშაბათს, გლდანის ჯემალ ცერცვაძის სახელობის აკადემიაში იხსნება 1998-99 წლებში დაბადებული ბიჭების ჩემპიონატით.

გლდანში თბილისისა და აღმოსავლეთის 5-5 გუნდი პირველ წრეს ჩაატარებს, ხოლო ამის შემდეგ საქმეში დასავლეთის ხუთეული ჩაერთვება. ფორმატი უცვლელია - სამი ლიგა ორწრიან ტურნირში აღმოსავლეთის, დასავლეთისა და თბილისის ჩემპიონებს გამოავლენს, 10 საუკეთესო გუნდი კი (3-3 პრიზიორი და საუკეთესო მეოთხე ადგილი) გაზაფხულზე ერთწრიან ტურნირს გამართავს. აქ გამოვლენილი საუკეთესო ექვსეული საქართველოს ჩემპიონობისთვის იბრძოლებს. ყველა ეტაპზე ქულების ათვლა ნულიდან იწყება.

შარშანდელთან შედარებით, მონაწილეთა შორის ცვლილებებია. აღმოსავლეთში გაერთიანდა კახეთის ორი მთავარი სახელბურთო ცენტრის - თელავისა და ყვარლის გუნდები. წლეულს არ თამაშობს ახაშნის ვაზი, ხოლო ქარელის გუნდი თბილისის ზონიდან აღმოსავლეთში გადავიდა. თბილისის ლიგას დედაქალაქის ხუთი ტრადიციული კერის გუნდი შეადგენს, ხოლო დასავლეთს (სამტრედია, ზუგდიდი, ქუთაისი, წყალტუბო, ბათუმი) გამოაკლდა ზონის შარშანდელი ჩემპიონი, ფოთის გუნდი - ფოთელები წლეულს უმაღლეს ლიგაში აპირებენ ასპარეზობას და მთელი ძალები აქეთ მიმართეს, ფოთის ჭაბუკთა გუნდის ხელბურთელები კი თბილისური გუნდების განაცხადებში გადანაწილდნენ: გიორგი ბიბილეიშვილი - ქარიშხალაში, მეკარე იური ზარგინავა და თენგიზ ბერაია - იმედში, ნიკოლოზ ბაჯალაძე და გიორგი მიქაძე - პეგასში.

ამ ასაკის ჭაბუკთა ნაკრებს 2015 წლის ივლისში ევროპის ახალგაზრდობის ოლიმპიურ ფესტივალში უწევს თამაში ევროპის 7 უძლიერეს გუნდთან ერთად. ტურნირი თბილისში გაიმართება 26-31 ივლისს.

საქართველოს ჩემპიონატი 2014-15

ბიჭები. 1998-99. პირველი ტური. თბილისი

აღმოსავლეთის ლიგა: კახეთი, გორი, რუსთავი, ქარელი, ლაგოდეხი

თბილისის ლიგა: ქარიშხალა, პეგასი, იმედი, მამული, შევარდენი

გლდანის ცერცვაძის სახელობის აკადემია, 29 ოქტ-3 ნოე

29 სექტემბერი, ორშაბათი

12:00 კახეთი - ქარელი

13:30 რუსთავი - გორი

15:00 ქარიშხალა - მამული

16:30 იმედი - შევარდენი

30 სექტემბერი, სამშაბათი

11:30 ლაგოდეხი - კახეთი

13:00 ქარელი - გორი

14:30 ჩემპიონატის გახსნა

15:00 შევარდენი - ქარიშხალა

16:30 მამული - პეგასი

1 ოქტომბერი, ოთხშაბათი

12:00 კახეთი - რუსთავი

13:30 ქარელი - ლაგოდეხი

15:00 შევარდენი - მამული

16:30 პეგასი - იმედი

2 ოქტომბერი, ხუთშაბათი

12:00 ლაგოდეხი - რუსთავი

13:30 გორი - კახეთი

15:00 იმედი - ქარიშხალა

16:30 პეგასი - შევარდენი

3 ოქტომბერი, პარასკევი

12:00 გორი - ლაგოდეხი

13:30 რუსთავი - ქარელი

15:00 მამული - იმედი

16:30 ქარიშხალა - პეგასი

განაცხადები

აღმოსავლეთის ლიგა

გორი

1.ბაკურ ჯაფარიძე 12. გიორგი ვათიაშვილი - 2. ლევან ქესანაშვილი 3. ანდრია თომაშვილი 4. საბა მურადაშვილი 5. ვახტანგ ყანჩაველი 6. ბექა გახოკიძე 7. ალეკო გუდურაშვილი 8. ნოდარ დალაქიშვილი 9. ტარიელ მჭედლიშვილი 10. დავით ნიაზაშვილი 11. გურამ ბეთლემიშვილი 13. თამაზ ტარუაშვილი 14. გიორგი ტიელიძე 15. ნიკა სამნიაშვილი 17. ანზორ ხაბაზიშვილი

მწვრთნელები: გია მამაცაშვილი, ლუკა მოციქულაშვილი, თორნიკე გაგლოშვილი

კახეთი (თელავი და ყვარელი)

1.ლევან ლილუაშვილი 12. ივერი ერგემლიძე - 3. ნიკა ზურაბიშვილი 5. ხვიჩა ხაჩიშვილი 7. დავით ყორიაული 8. ლერი აღვინოვი 9. გიორგი ბაჩიაშვილი 11. გიორგი დოლმაზაშვილი 13. შოთა ჯიქურიშვილი 14. ბექა დანელიშვილი 17. გიორგი კაიშაური 66. გიორგი გიგაური

მწვრთნელები: შალვა მამალაშვილი, ზურაბ წვერიკმაზაშვილი

რუსთავი

1.დავით მამულაშვილი 12. ლევან ქამუშაძე - 2. ოთარ ბალუხაშვილი 3. ლუკა ბაბუნაძე 4. მიხეილ შუშანაშვილი 5. გიორგი ზედელაშვილი 6. ბექა ჩუთლაშვილი 7. შოთა ეგაძე 8. გიორგი ლურსმანაშვილი 9. ლუკა ბუიშვილი 10. ირაკლი კანდელაკი 11. გიორგი სამხარაძე 13. თორნიკე ეძგვერაძე 14. გიორგი ბაბუნაძე 15. გიორგი სალუქვაძე

მწვრთნელები:ზურაბ ჩუთლაშვილი, ვასილ მძელური

ქარელი

1.ნიკა ლომიტაშვილი 12. გიორგი მეარაყიშვილი - 2. გოჩა ქოთუაშვილი 3. თორნიკე ელბაქიძე 4. ნოდარ ცერცვაძე 5. ნიკოლოზ კოშკაძე 6. დავით ჭავჭავაძე 7. ბექარ გოგიჩაშვილი 8. გოჩა ლომიტაშვილი 10. ნუკრი მეტრეველი 11. ნიკა ნონაშვილი 13. შალვა დანდლიაშვილი

მწვრთნელი: ზურაბ ჯუშოშვილი

თბილისის ლიგა

ქარიშხალა

1.სანდრო ხანდოლიშვილი 16. გიორგი ფარესიშვილი - 2. ნიკა ფხაკაძე 3. ნიკა ასაბაშვილი 4. პაპუნა გოგრიჭიანი 5. გიორგი ივანიძე 7. გიგი ფერაძე 8. მიხეილ ჯინჭარაძე 9. ლევან მამულაშვილი 10. ირაკლი კბილაშვილი 11. ერეკლე არსენაშვილი 13. ლუკა ბულბულაშვილი 14. გიორგი ციხიშვილი 15. გიორგი კვირკველია 23. გიორგი ბიბილეიშვილი

მწვრთნელები: გიორგი ქობელაშვილი, ზაზა ფერაძე, პრეზიდენტი ჯემალ ბარამიძე

პეგასი

12. ილია მჭედლიძე 16. ნიკო ზურაბიშვილი - 3. გიორგი ლაპიაშვილი 4. ლუკა მამაგეიშვილი 5. დავით ხვადაგიანი 7. გიგა ზარნაძე 8. მიხეილ ნაზღაიძე 10. ნიკოლოზ კალანდაძე 11. გიორგი ცხოვრებაძე 13. ნოდარ მაისურაძე 14. ლუკა გაწერელია 15. დათო ბაბუციძე 22. გიორგი კაჭკაჭაშვილი, გიორგი მიქაძე, ნიკოლოზ ბაჯალაძე, ბუბა მჟავანაძე, ნიკა კარტოზია, გიორგი გეჯაძე, რატი გოგოლაძე

მწვრთნელები: ტიტე კალანდაძე, გიორგი სახვაძე, ლევან გელაშვილი

იმედი

1.გიორგი ხარაიშვილი 12. ტრისტან როკაშვილი 16. იური ზარგინავა - 6. ალექსანდრე მელაშვილი 7. ხაზეინ რუსტამოვი 10. ნიკოლოზ საძაგლიშვილი 11. გიორგი თურქაძე 13. გიორგი მიქავა 17. გიგა ბაინაზაშვილი 19. ნოდარ გოგუა 19. ვუსალ ჰუსეინოვი 20. თორნიკე მღებრიშვილი 27. თენგიზ ბერაია 33. საბა დვალიძე 37. ზეზვა იობაშვილი 16. მურად გოზალოვი

მწვრთნელები: ზაზა სამადაშვილი, გივი შარანგია, პრეზიდენტი მერაბ მეტრეველი

მამული

1.გაბრიელ დავითაშვილი 12. გიორგი წულიაშვილი - 2. ვანო ბიჭიკაშვილი 3. თამაზ კორაშვილი 4. თორნიკე სამადაშვილი 5. გოგა არუთინოვი 7. გიორგი შევჩენკო 8. დავით თოდუა 9. ზურაბ ნოზაძე 10. თემურ ისმაილოვი 11. ლექსო სხვიტარიძე 13. იკა ცხვედიანი 14. გიორგი ფიჩხაია 15. ზურაბ ტალახაძე

მწვრთნელები: ელზა მერაბიშვილი, ზაზა მერაბიშვილი

შევარდენი

1.ბაჩო შაქარაშვილი 16. ლევან კოპალიანი 21. გიორგი სადირინი - 2. ნიკა გიგაური 3. ენრიკე ბაზანოვი 4. აკაკი მარტიაშვილი 5. ლაშა თიგიშვილი 6. ბექა მეძმარიაშვილი 7. ნიკა მესხიშვილი 8. მათე მიჩილაშვილი 9. ზაალ ზაალიშვილი 10. ვაჟა დოლიძე 11. გიორგი გოროზია 14. გივი ინანიშვილი 17. სერგო აგაჯანოვი 19. აკაკი ბულია

მწვრთნელები: ლევან ოსიყმაშვილი, გიორგი გვაზავა

კარგ ფორმაში ხვდებიან საქართველოს ნაკრების მოახლოებულ მატჩებს უცხოეთში მოთმაშე ქართველი ხელბურთელები.

ჩვენი ბოლო მიმოხილვის შემდეგ ორი ტური გაიმართა რუმინეთის ჩემპიონატში. ოდორჰეიმ ჯერ სტუმრად დაამარცხა სტიაუა (32:27, ვლადიმერ რუსიამ 5 გოლი გაიტანა), ხოლო კვირას უმასპინძლა ქვეყნის ჩემპიონ კონსტანცას. თამაშის ბოლო წუთზე ანგარიში 28:28 იყო, როდესაც კონსტანცას ორი მოთამაშე ჰყავდა გაძევებული, მაგრამ მოახერხა და გოლი გაიტანა. საპასუხო შეტევაში სტუმრებს მესამე ხელბურთელი გაუძევეს და რუსიამ ანგარიში გაათანაბრა. ბოლო შეტევისთვის ოდორჰეის 9 წამი დარჩა, მაგრამ გოლის გატანა ვერ მოასწრო - 29:29 და პირველი ქულები დაკარგა. მეკარე შოთა თევზაძემ მე-15-დან 45-ე წუთამდე ითამაშა, რუსიამ კი 5 გოლი გაიტანა. მას გაცილებით მეტი სათამაშო დრო აქვს, განსაკუთრებით შეტევაში, ვიდრე წინა სეზონში, შტიინცა ბაკეუში. ოდორჰეის 4 თამაშიდან 3 მოგება და 1 ფრე აქვს (10 ქულა) და ყველაზე ნაკლები ქულა აქვს დაკარგული ლიდერობს ბაია მარე - 12 ქულა 5 თამაშიდან.

ირაკლი ჩიქოვანის პოლი ტიმიშოარას 2 მოგება აქვს 5 მატჩში. პოლიტექნიკამ შინ დაამარცხა წინა ჩემპიონატის ბრინკაოს პრიზიორი პოტაისა ტურდა - 31:28, ხოლო შემდეგ სტუმრად დამარცხდა ვასლუისთან - 24:25. ქართველმა გამთამაშებელმა ამ ორ მატჩში 10 გოლი გაიტანა, ხოლო ვასლუისთან საუკეთესო იყო 6 გოლით.

თურქეთის ჩემპიონატის პირველ ტურში ტრაბზონსფორი სტუმრად 25:27 დამარცხდა გენჩლერბირლიგისთან, თუმცა, შედეგიანად ითამაშა მარჯვენა შუამარბმა რატი მსხვილიძემ - მან ყველაზე მეტი, 10 გოლი გაიტანა. ითამაშა ნაკრების მეორე მეკარემ, გიგა ტორონჯაძემაც.

ჩემპიონატი დაიწყო მაკედონიაშიც. რევაზ ჭანტურიას ზომიმაკ სტრუმიცამ პირველ ტურში შინ 25:20 მუგო პროლეტს, ქართველმა გარემარბმა კი 4 გოლი გაიტანა.

დაბოლოს, სერგო დათუკაშვილის შესახებ. მისი ახალი კლუბი, ნოვი სადის ვოივოდინა სერბეთის ჩემპიონატის რეგულარულ სეზონს არ თამაშობს და ტიტულის დაცვას დასკვნითი ეტაპიდან შეუდგება. ვოივოდინა მონაწილეობს სამხრეთ აღმოსავლეთ ევროპის სახელბურთო ლიგაში (SEHA ლიგა).

აქ თამაშობს წლევანდელი ჩემპიონთა ლიგის 5 მონაწილე: უნგრეთის ვესპრემი, მაკედონიის ვარდარი

და მეტალურგი, ბელარუსის მეშკოვ-ბრესტი და ხორვატიის ზაგრები. ასევე - ხორვატიის ჰექსე, ბოსნიის ბორაცი, სლოვაკეთის ტატრან-პრეშოვი, სერბეთის ვოივოდინა და რადნიჩკი. ორწრიან ტურნირს ოთხთა ფინალი დააგვირგვინებს.

ჯერჯერობით ნათმაშევია რეგულარული სეზონის 3 ტური, მაგრამ ჩემპიონთა ლიგის მონაწილე გუნდებმა ზოგი მატჩი ნაადრევად გამართეს, რის გამოც ვოივოდინას უკვე 4 თამაში აქვს.

სერბებმა ტურნირი დაიწყეს ვარდართან საშინაო მატჩით და 21:26 წააგეს, შემდეგ შინ დამარცხდნენ ვესპრემთან 19:32, სტუმრად ფრედ ითამაშეს რადნიჩკისთან - 24:24 და სტუმრადვე წააგეს ტატრანთან - 30:36. 6 თამაშიდან 6 მოგებით ვესპრემი ლიდერობს, ხოლო სერგო დათუკაშვილმა ამ 4 მატჩში 16 გოლი გაიტანა და 10 საგოლე გადაცემა შეასრულა. 36 წლის ვეტერანს საკმაო სათამაშო დრო აქვს და სახელბურთო მედია მას ვოივოდინას ლიდერად მოიხსენიებს უროშ ელეზოვიჩთან და მლადენ ივანოვიჩთან ერთად.

საქართველოს ნაკრები, ყველა ზემოთნახსენებ ხელბურთელთან ერთად, 29 ოქტომბერს ესტონეთში იწყებს ევროპის 2018 წლის ჩემპიონატის პირველ შესარჩევს ეტაპს. ესტონეთს 2 ნოემბერს უკვე თბილისში ვუმასპინძლებთ, ხოლო ჯგუფის მესამე წევრს, ლუქსემბურგს, აპრილის ბოლოსა და მაისის დასაწყისში ვეთამაშებით.

ფოტო: სერგო დათუკაშვილი

სამხრეთ-აღმოსავლეთ ევროპის ლიგაში გამოსვლას აგრძელებს ქართველი ხელბურთელის, სერგო დათუკაშვილის კლუბი, ვოივოდინა. ოთხშაბათს სერბული გუნდი ხორვატიაში დამარცხდა ჩემპიონთა ლიგის მონაწილე ზაგრებთან - 24:29.

36 წლის ქართველი უკვე მეხუთე მატჩია, მოედანზე თითქმის 60 წუთს ატარებს - ის ცენტრალური ფიგურაა დაცვაშიც და შეტევაშიც. შეტევისას სერგო და ბოიან ტოდოროვიჩი ერთმანეთს ენაცვლებოდნენ გამთამაშებლისა და მარცხენა შუამარბის პოზიციაზე. დათუკაშვილმა შეინარჩუნა მატჩში საშუალოდ 4 გატანილი გოლის სტატისტიკა. მისი ოთხი ტყორცნიდან ოთხივე ზუსტი აღმოჩნდა, გარდა ამისა, ვეტერანის ანგარიშზე 2 შედეგიანი გადაცემაა.

ზაგრები თვიდან ბოლომდე ლიდერობდა, ტაიმი 13:10 მოიგო, შესვენების შემდეგ კი უპირატესობა 5 ბურთამდე აიყვანა და ლიგაში მესამე გამარჯვება მოიპოვა. ვოივოდინას ანგარიშზე ჯერჯერობით მხოლოდ ერთი ფრეა ხუთ მატჩში. დათუკაშვილის მსგავსად, ვოივოდინაში 4 გოლი გაიტანა მილან იოვანოვიჩმა, 5 - ბოიან ტოდოროვიჩმა. მასპინძელთაგან ყველაზე შედეგიანები იყვნენ ხორვატიის ნაკრების ცაცია გარემარბი, ზლატკო ჰორვატი და ლუკა სტეპანოვიჩი - 6 გოლი.

SEHA ლიგის ორწრიანი ტურნირი მარტში დასრულდება და 4 საუკეთესო გუნდი ოთხთა ფინალს გამართავს. ტურნირი მეოთხედ ტარდება. ორჯერ ჩემპიონი იყო ვარდარი (2012, 14), ერთხელ - ზაგრები (2013). ახლა ოქტომბრის შუა რიცხვებამდე შესვენებაა იმის გამო, რომ იწყება ჩემპიონთა ლიგის ჯგუფური ეტაპი, რომელშიც სამხრეთ-აღმოსავლეთის ლიგის 5 გუნდი მონაწილეობს.

SEHA ლიგა. მდგომარეობა. 1. ვესპრემი (უნგ) 6თ/6მ-18 ქ, 2. ვარდარი (მკდ) 5/4-12, 3. ზაგრები (ხორ) 4/3-9, 4. მეშკოვ-ბრესტი (ბლრ) 3/2-6, 5. ტატრან პრეშოვი (სლკ) 4/2-6, 6. მეტალურგი (მკდ) 4/2-6, 7. რადნიჩკი (სრბ) 3/1(1ფ)-4, 8. ვოივოდინა 5/1ფ-1, 9. ბორაცი (ბოს) 4/0-0, 10. ნექსე (ხორ) 4/0-0

ფოტო: ზაგრები-ვოივოდინა. 78 სერგო დათუკაშვილის დაბადების წელია

 

ქალთა სახელბურთო ლიგაზე, საკვალიფიკაციო ტურნირების შემდეგ ჯგუფური ეტაპის ორი საგზური მოიპოვეს გერმანიის ლაიპციგმა და ხორვატიის პოდრავკამ.

ლაიფციგის ნახევარფინალში მასპინძლებმა 22:18 დაამარცხეს ბნტუ მინსკი, ხოლო უნგრეთის რაილ-კარგო ფერენცვაროშმა - ჰოლანდიის დალფსენი 33:28. ფინალის ძირითადი დრო 28:28 დასრულდა, დამატებითი - 38:38, ხოლო შვიდმეტრიანების სერიაში ლაიპციგმა მოიგო.

მეორე ჯგუფი სერბიის კრაგუევაცში თამაშობდა. მასპინძელთა გუნდმა, რადნიჩკიმ, ნახევარფინალში მოუგო შარშანდელი ოთხთა ფინალის მონაწილეს, დანიის მიდტიულანდს - 29:24. ძირითადი დროის შემდეგ ანგარიში 24:24 იყო, თუმცა, დამატებითში სერბებმა 5 უპასუხო გოლი გაიტანეს. ხორვატიის პოდრავკამ ნორვეგიის ბიასენ ტრონჰეიმსაც მოუგო - 31:23 და ფინალში მასპინძელ სერბებსაც აჯობა - 28:24.

შედეგად, ჩემპიონთა ლიგის ჯგუფები ასე დაკომპლექტდა:

A ჯგუფი: კრიმი (სლნ), დინამო ვოლგოგრადი (რუს), ჰიპო ნიდეროსტერრაიხი (ავს), ლაიფციგი (გერ)

B: ბუდუჩნოსტი (მნტ), ტიურინგერი (გერ), ვარდარ სკოპიე (მკდ), პოდრავკა (ხორ)

C: დიორი ეტო (უნგ), ვიბორგი (დან), ლოკომოტივა ზაგრები (ხორ), სევეჰოფი (შვდ)

D: ლარვიკი (ნორ), ბაია მარე (რუმ), მეცი (საფ), ლუბლინი (პოლ)

ჯგუფური ეტაპის თამაშები დაიწყება 17 ოქტომბერს და ნოემბრის ბოლოს დასრულდება. მეორე ეტაპზე გავა 3-3 გუნდი. შეჯიბრება გაგრძელდება 2015 წელს. ორი ექვსგუნდიანი ჯგუფიდან 4-4 საუკეთესო გადის მეოთხედფინალში, ხოლო შეჯიბრებას დაასრულებს ოთხთა ფინალი.

ამ კვირაში კი უკვე იწყება კაცების ჩემპიონთა ლიგის ჯგუფური ტურნირი.

A ჯგუფი: კილი (გერ), მეტალურგ სკოპიე (მკდ), ზაგრები (ხორ), ლა რიოხა (ესპ), პსჟ (საფ), მეშკოვ-ბრესტი (ბლრ)

B: ბარსელონა (ესპ), კოლდინგი (დან), ალინგსასი (შვდ), ვისლა პლოცკი (პოლ), ფლენზბურგი (გერ), მოტორ ზაპოროჟიე (უკრ)

C: ვესპრემი (უნგ), ცელიე ლაშკო (სლნ), ჩეხოვსკიე მედვედი (რუს), რაინ-ნეკარ ლიოვენი (გერ), ვარდარ სკოპიე (მკდ), მონპელიე (საფ)

D: ტარგი კელცე (პოლ), დიუნკერკი (საფ), შაფჰაუზენი (შვც), პიკ სეგედი (უნგ), ოლბორგი (დან), ბეშიქთაში (თურ)

ჯგუფური ტურნირის 8 ტური შობამდე გაიმართება, დანარჩენი ორი კი - 2015 წელს. ჯგუფების 4-4 გამარჯვებული გავა პლეიოფში, საბოლოოდ კი ჩემპიონი მაისის ბოლოს, კიოლნში, ოთხთა ფინალის შემდეგ გამოვლინდება.

ჯგუფური ტურნირი იწყება ხუთშაბათს, შვეიცარიის შაფჰაუზენისა და პოლონეთის ტარგი კელცეს თამაშით. კვირს პირველი ტური დასრულდება.

ფოტო: ხორვატიის პოდრავკა ლიგაზე გასვლას ზეიმობს


23 სექტემბერს, სპორტისა და ახალგაზრდობის საქმეთა მინისტრმა ლევან ყიფიანმა და მინისტრის მოადგილე აკაკი ლოდიამ თბილისის 2015 წლის ახალგაზრდული ოლიმპიური თამაშებისთვის მშენებარე საცურაო აუზი და მრავალფუნქციური სპორტის სასახლე დაათვალიერეს. ლევან ყიფიანას და აკაკი ლოდიას მასპინძლობა „სპორტმშენსერვისის" დირექტორმა ლევან ტარყაშვილმა გაუწია. ჟურნალისტების შეკითხვებს საწყლოსნო სახეობათა ფედერაციის ვიცე-პრეზიდენტმა ალექსანდრე ნიკოლეიშვილმა და ხელბურთის ფედერაციის პრეზიდენტმა ზურაბ კაკაბაძემ უპასუხეს.

საქართველოს მთავრობის განკარგულებით მშენებლობისთვის დამატებითი თანხები გამოიყო - ფინანსთა სამინისტრომ „საქართველოს 2014 წლის სახელმწიფო ბიუჯეტის შესახებ" საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან სპორტისა და ახალგაზრდობის საქმეთა სამინისტროს გამოუყო 8 000 000 ლარი, სახელმწიფოს 100% წილობრივი მონაწილეობით შექმნილი საწარმო შპს „სპორტმშენსერვისის" (ს/ნ 204878542) კაპიტალის გაზრდის მიზნით, საიდანაც 4,800 მილიონი აუზის, 3,200 მილიონი კი სპორტის სასახლის მშენებლობაზე დაიხარჯება.

დიღომში, ამერიკის საელჩოს გევრდით მდებარე საცურაო აუზზე მესამე თვეა, რაც მშენებლობის პროცესი მიმდინარეობს, მაღლივი კორპუსის გვერდით მდებარე მრავალფუნქციურ სპორტის სასახლეზე კი სამუშაოები ახლახანს დაიწყო. საცურაო აუზი, რომელშიც შესაძლებელი იქნება წყალბურთის, ცურვის, სინქრონული ცურვის და წყალში ხტომის ტურნირების ჩატარება საერთაშორისო სტანდარტებს დააკმაყოფილებს და თავისუფლად შეეძლება ევროპის და მსოფლიოს ჩემპიონატების მასპინძლობა, რაც აქედანვე შეთანხმებულია შესაბამის საერთაშორისო ფედერაციებთან.

იგივე კრიტერიუმებს დააკმაყოფილებს სპორტის სასახლეც და ხელბურთის, ფრენბურთის და კალათბურთის უმაღლესი დონის ტურნირების მასპინძლობა შეეძლება. სასახლეში ორი დარბაზი იქნება, რომელსაც ერთდროულად შეეძლება მაგალითად კალათბურთის და ხელბურთის ტურნირების მიღება. ერთი დარბაზი 800-ს, ხოლო მეორე 3000 ათას გულშემატკივარს დაიტევს. ცალკე გამოიყოფა 36 ადგილი შეზღუდული შესაძლებლობის მქონე პირებისთვის და თანამედროვე სტანდარტების დაცვით მოეწყობა.

სპორტის სასახლეში განსაზღვრულია სპორტსმენების გასახდელების, საშხაპეების, ჟურნალისტების სამუშაო ოთახების, ვიპ-ლოჟის, საპრესკონფერენციო დარბაზის, საკომენტატორო ოთახების, კაფეტერიის და სასახლეში მომუშავე პერსონალის სამუშაო ოთახების მოწყობა.

ფოტო - თამუნა ყულუმბეგაშვილი

www.msy.gov.ge

დუბლინში, ევროპის ხელბურთის ფედერაციის კონგრესზე, გადაწყდა, რომ ევროპის კაცთა ჩემპიონატი 24 გუნდამდე უკვე 2020 წლიდან გაფართოვდება. ტურნირს უმასპინძლებს 3 ქვეყანა - ავსტრია, შვედეთი და ნორვეგია.

შეიქმნება 6 ჯგუფი, საიდანაც მეორე ეტაპზე გავა 2-2 საუკეთესო. პირველი ეტაპის თამაშები გაიმართება გრაცსა და ვენაში (ავსტრია), ტრონჰეიმში (ნორვეგია), მალმესა და გეტებორგში (შვედეთი). მეორე ეტაპი გაიმართება ვენასა და შვედეთში (მალმე ან გეტებორგი), ხოლო ფინალური მატჩების მასპინძელი შვედეთის დედაქალაქი სტოკჰოლმი იქნება. დარბაზების ტევადობა გრაცის 6-ათასიანი არენიდან სტოკჰოლმის 24-ათასიან სასახლემდე ადის.

ევროპის ფედერაციამ კაცთა ჩემპიონატის გაზრდა ამ გაზაფხულზე გადაწყვიტა, ოღონდ, 2022 წლიდან, 2020 წლის ტურნირის საკითხი ღია იყო მასპინძელი ქვეყნის არჩევამდე. ჯერ უცნობია, რა ფორმატით გაიმართება შესარჩევი ტურნირი.

დუბლინშვე გადაწყდა 2018 წლის ჩემპიონატის მასპინძლის ვინაობა - 16 გუნდს უმასპინძლებს ხორვატია. საქართველოს ნაკრები ამ შეჯიბრების საკვალიფიკაციო ეტაპზე უკვე ამ შემოდგომაზე ჩაებმება ესტონეთთან 2 მატჩით.

ევროპის ქალთა ჩემპიონატები ერგოთ საფრანგეთს (2018), დანიასა და ნორვეგიას (2020). ევროპული კონგრესმა ფედერაციის 50-ე წევრად მიიღო კოსოვოს ხელბურთის ფედერაცია.

დუბლინში გადაწყდა, რომ 2016 წლიდან შეიცვლება ევროპის ასაკობრივი ჩემპიონატების სტრუქტურა. შეიქმნება ორი დივიზიონი. პირველში ითამაშებს 16 უძლიერესი გუნდი, ხოლო მეორეში - დანარჩენი ქვეყნები, რომელთა შორის 4 საუკეთესო ზედა დივიზიონში თამაშის უფლებას მოიპოვებს.

დაბოლოს, როგორც უკვე გაცნობეთ, კონგრესზე გაიმართა ევროპის 2015 წლის 17-წლამდელ გოგონათა ჩემპიონატის შესარჩევი ტურნირის წილისყრა, რომელმაც საქართველოს გოგონთა ნაკრებს მეტოქეებად არგუნა ნორვეგიის, ჰოლანდიისა და ლიტვის გუნდები. ტურნირი გაიმართება 20-22 მარტს და ფინალურ ეტაპზე 2 გუნდი გავა. ამ ტურნირის მასპინძლობის პრიორიტეტი ერგო საქართველოს ხელბურთის ფედერაციას, რომელიც ამ უფლებას აუცილებლად გამოიყენებს.

საქართველოს ჩემპიონატი
2020-21

shmog

უმაღლესი ლიგა. კაცები
ოლიმპიური სასახლე
10 დეკემბერი
ქარიშხალა 27-26 წყალტუბო
BSB ბათუმი 38-14 ფოთი
პეგასი 27-42 ქუთაისი
11 დეკემბერი
BSB ბათუმი 40-20 წყალტუბო
ქარიშხალა 27-35 ფოთი
12 დეკემბერი
ფოთი 22-26 წყალტუბო
ქარიშხალა 20-54 ქუთაისი
BSB ბათუმი 38-25 სამტრედია
13 დეკემბერი
ქარიშხალა 33-38 სამტრედია
BSB ბათუმი 32-28 ქუთაისი
  13 დეკ.
                გატ-გაშ        
  BSB ბათუმი 4     4     0     0     148-87     8    
  ქუთაისი 3     2     0     1     124-79     4    
  სამტრედია 2     1     0     1     63-71     2    
  წყალტუბო 3     1     0     2     72-89     2    
  ფოთი 3     1     0     2     71-91     2    
  ქარიშხალა 4     1     0     3     107-153     2    
  პეგასი 1     0     0     1     27-42     0    
საქართველოს თასი. კაცები
10 ნოემბერი. გლდანი
მეოთხედფინალი
BSB ბათუმი 46-21 ქარიშხალა
იმედი სტუ 42-22 ოქროს ვერძი
ქუთაისი 46-26 სამტრედია
პეგასი 23-28 სპორტუნი
 
11 ნოემბერი. გლდანი
5-8 ადგილები
ქარიშხალა 28-33 ოქროს ვერძი
ნახევარფინალი
BSB ბათუმი 33-25 იმედი სტუ
ნახევარფინალი
ქუთაისი 45-30 სპორტუნი
5-8 ადგილები
სამტრედია 30-27 პეგასი
 
12 ნოემბერი. გლდანი
ქარიშხალა 22-37 პეგასი
ოქროს ვერძი 29-34 სამტრედია 
 
13 ნოემბერი. სპორტის სასახლე
იმედი სტუ 35-38 სპორტუნი
ფინალი
BSB ბათუმი 30-25 ქუთაისი
ქვიშის ხელბურთი
 კაცები
  1 ქუთაისი   2 გორი  3 ფაკუნდო
 ქალები
  1 ყვარელი   2 აჭარა   3 სამტრედია
მსოფლიო ჩემპიონატი 2021
კვალიფიკაცია
ბენევენტო. იტალია
10 იანვარი
საქართველო 24-29 რუმინეთი
11 იანვარი
საქართველო 28-25 იტალია
12 იანვარი
საქართველო 21-30 კოსოვო
ევროპის ჩემპიონატი 2022
პლეიოფი
16 იანვარი. სპორტის სასახლე
საქართველო 24-24 ფინეთი
19 იანვარი. რიიჰიმიაკი
ფინეთი 37-21 საქართველო




ჩვენი პარტნიორები:

Jakofm  lelo  gms  popsport  sportal