ლეგიონერები/დიხამინჯიას და ცხოვრებაძის გოლები და ცინცაძის სეივები

ქართველმა ლეგიონერებმა ევროპის ეროვნულ ჩემპიონატებში მორიგი ტურის მატჩები ჩაატარეს, მათ შორის რამდენიმე გამორჩეულ შეხვედრას აქვე გთავაზობთ.

ხორვატია

პრემიერ ლიგაში, ჯერჯერობით, უკონკურენტოა „ზაგრები“. გიორგი ცხოვრებაძის გუნდმა მე-12 ტურში „რუდარს“ უმასპინძლა და მოლოდინისამებრ დაამარცხა, თანაც 14-ბურთიანი უპირატესობით – 40-26. ხუთი გოლია საქართველოს ნაკრების წევრის ანგარიშზე, რომელმაც პლუს ოთხი ასისტიც მიითვალა.

ისლანდია

გიორგი დიხამინჯიამ „აკიურეირი“ ისლანდიის პირველობის მე-12 წრეში საკუთარ მოედანზე უმასპინძლა „სელფოსს“ და 33-28 მოუგო.

ითამაშა საქართველოს ნაკრების წევრმა, გიორგი დიხამინჯიამ. ისლანდიელთა ქართველი ლეგიონერი ორივე გუნდიდან ერთ-ერთი საუკეთესო იყო – შვიდი ბურთი გაიტანა.

პოლონეთი

ზურაბ ცინცაძე და „ლეგიონოვო“ სუპერლიგის მე-13 ტურის ფარგლებში „აზოტი პულავის“ ეწვია და ათი ბურთის სხვაობით (36-26) დაამარცხა. გუნდის წარმატებაში მნიშვნელოვანი წვლილი შეიტანა ქართველმა მეკარემ, რომელმაც ათი სეივი შეასრულა.

აღსანიშნავია, რომ სუპერლიგის ბოლო სამი შეხვედრა „ლეგიონოვოს“ წაგებული ჰქონდა.

ამავე ტურში „ოსტროვიამ“ და მირიან გავაშელიშვილმა საკუთარი გულშემატკივრის წინაშე უმასპინძლეს „კალიშს“. შეხვედრა მასპინძელთა გამარჯვებით, 25-23 დასრულდა. „ოსტროვიას“ ქართველი ლეგიონერის ანგარიშზე ერთი გოლია.

საფრანგეთი

სტარლიგის მე-12 წრეში „სელესტასთან“ გასვლითი შეხვედრა ჰქონდა „პროვანს-ექსს“ და მის ქართველ ლეგიონერს ნიკოლოზ კალანდაძეს. სტუმრებმა ცხრილის ბოლოადგილოსან „სელესტასთან“ შეხვედრა დამაჯერებლად – 31-24 მოიგეს. კალანდაძეს გოლი არ გაუტანია, მაგრამ სამი ასისტი შეასრულა.

რუმინეთი

„კონსტანტას“ ეროვნული ლიგის მე-10 ტურამდე ერთი მოგება, ერთი ფრე და ექვსი წაგება ჰქონდა. ასეთივე სტატისტიკის იყო კლუჟის „უნივერსიტატია“, რომელიც საკუთარ მოედანზე მიიღო…

უშუალო კონკურენტებმა შეხვედრა ფრეზე დაასრულეს (30-30). ქულები გაიყვეს და სტატუს კვო არ დაარღვიეს.

საქართველოს ნაკრების წევრმა ხაზეინ რუსტამოვმა, რომელიც „კონსტანტას“ ღირსებას იცავს, სტუმრებს ორი ბურთი გაუტანა.