ხელბურთის ფედერაციის პროექტი „მომავლის გუნდი“ | მესამე  მატჩი და მესამე მოგება თურქეთთან

საქართველოს 16-წლამდელ (2010 წელს დაბადებულები) ხელბურთელთა ნაკრებმა თბილისში სტუმრად მყოფ თურქეთის ნაკრებთან მესამე ამხანაგური მატჩი გამართა და მეტოქე მესამედაც დაამარცხა – 41:37.

შეგახსენებთ, საქართველოს ნაკრების შეკრება თბილისში საქართველოს ხელბურთის ფედერაციის თაოსნობით, სპორტის სამინისტროს მხარდაჭერითა და პროექტ „მომავლის გუნდის“ ეგიდით იმართება.

თბილისში სტუმრად ესპანელი მწვრთნელები, პაბლო კამპოსი და ხავიერ სალვადორი იმყოფებიან, რომლებიც ახალგაზრდა ხელბურთელებს პრაქტიკულ და თეორიულ მეცადინეობებს  უტარებენ.

საქართველო – თურქეთი 41:29

საქართველოს ნაკრების შემადგენლობა: ლევან ტვილდიანი, დავით ყურელი (2 გოლი), დავით ქევხიშვილი (1), ზურაბ კუპრაშვილი, ლუკა ქალიაშვილი, მათე ერკელიჩი, ლუკა სინაურიძე (5), ნიკა კერესელიძე (5), საბა სოფრომაძე (3), ცოტნე ჟვანია (5), ზურაბ ციხისელი (2), არჩილ რავლიკაძე, ვლადიმერ სალუქვაძე, ლუკა აბშილავა (2), ნიკა ბიბლაია (5), გიორგი ქევხიშვილი, ილია ებრალიძე (2), სანდრო ზაქარიაშვილი, ანდრია ბურჯალიანი (5), აკაკი ჯომიდავა (4).

შეკრების მიმდინარეობისას საქართველოს ნაკრებმა თურქეთთან კიდევ ორი მატჩი გამართა და ორივე მოიგო – პირველი 28:24, მეორე კი – 35:25.