ფინალში ჰოლანდია და ესპანეთი გავიდნენ

ხელბურთის მსოფლიო ჩემპიონატის ნახევარფინალში ჰოლანდიის ქალთა ნაკრებმა დაამარცხა რუსეთი 33-32, ხოლო ესპანეთმა მოუგო ნორვეგიას, 28-22. ფინალი 15 დეკემბერსაა იაპონიის ქალაქ კუმამოტოში.  

არცერთი გუნდი არასოდეს ყოფილა მსოფლიო ჩემპიონი. ესპანეთს ერთადერთი ბრინჯაო აქვს მოპოვებული 2011 წელს, ხოლო ჰოლანდია 2015 წლის  ფინალისტი და წინა ჩემპიონატის ბრინჯაოს პრიზიორია. პირველი ნახევარფინალი თავიდან ბოლომდე უკიდურესად დაძაბული იყო, მეორეში კი სენსაციური შედეგი დაფიქსირდა.

ხელბურთი. ქალთა მსოფლიო ჩემპიონატი 2020

კუმამოტო, იაპონია. 13 დეკემბერი, ნახევარფინალი

რუსეთი –  ჰოლანდია 32-33

https://www.youtube.com/watch?v=au3ZokqmZek

რუს: სედოიკინა 9/34, კალინინა 1/8 – ვიახირევა 11 + 6 პასი, სენი 6, ბობროვნიკოვა 5, ფროლოვა 2, მანაგაროვა 2, კოჟოკარი 2, მაკეევა 2, ფომინა 1, კუზნეცოვა 1, ჟილინსკაიტე, გორშენინა, მიხაილიჩენკო, მალაშენკო, ილარიონოვა – მწვ. ა. მარტინი (ესპ)

ჰოლ: ვესტერი 9/40, დუინდამი 0/1 – პოლმანი 9, აბინგჰი 8, დულფერი 5, ვან დერ ჰაიდენი 5, ბონტი 3, მალესტაინი 1, სმეტსი 1, სნელდერი 1, კრამერი, ამეგა, ვან ვეტერინგი, ნუსერი, ფრერიკსი, ჰაუსჰირი – მწვ. ე. მაიონადი (საფ)

მსაჯები: შ. ბონავენტურა – ჟ. ბონავენტურა (აფ)

მატჩის სიმძაფრეზე ისიც მეტყველებს, რომ არცერთი გუნდი 60 წუთის განმავლობაში თუნდაც 3 ბურთით არ დაწინაურებულა. ნახევარი თამაში ფრედ მორჩა (16-16), რუსებს მეორე ტაიმის შუაში, ჰოლანდიელთა ორმაგი გაძევების დროს მიეცათ შანსი (23-21), მაგრამ აბინგჰმა, პოლმანმა და ბონტმა 50-ე წუთზე ჰოლანდია დააწინაურეს 27-26 – ამის შემდეგ რუსეთი მხოლოდ ანგარიშს ათანაბრებდა.

ძირითადად ამას ანა ვიახირევა აკეთებდა, რომელმაც 11 გოლი გაიტანა და 6 საგოლე პასიც შეასრულა. მაგრამ, რუსების მეორე ლიდერი, გამთამაშებელი ფროლოვა ჩრდილში იყო და ვიახირევა მარტო იბრძოდა, როცა ჰოლანდიის ლიდერებს, ესტავანა პოლმანსა და ლუის აბინგჰს კარგად ეხმარებოდნენ კელი დულფერი და დები ბონტი.

ჰოლანდიელთა ბოლო შეტევა  გოლით ლაურა ვან დერ ჰაიდენმა დააბოლოვა (33-32), რუსებს გასათნაბრებლად ოციოდ წამი დარჩათ, მაგრამ ვიახირევას ცუდი მდგომარეობიდან მოუხდა დარტყმა და ააცილა.

ოლიმპიური ჩემპიონი რუსეთი ზედიზედ 8 მოგების შემდეგ პირველად დამარცხდა ამ ჩემპიონატზე, ხოლო ჰოლანდია, 2015 წლის შემდეგ ზედიზედ მეხუთედ გავიდა დიდი ტურნირების (მსოფლიოსა და ევროპის ჩემპიონატი, ოლიმპიადა) და კვირას პირველ ტიტულს დაუმიზნებს,

ნორვეგია – ესპანეთი 22-28

https://www.youtube.com/watch?v=J-4TV3ZidLM

ნორ: ს. სულბერგი 11/34, პედერსენი 2/7 – აუნე 5, სკოგრანდი 3, ჰერემი 3, ოფტედალი 2 + 10 პასი, არნცენი 2, ლოკე 2,  ტომაცი 2, ბრატსეტი 1, შ. სულბერგი 1, ვაადე 1, იაკობსენი, ბაკერუდი, ჰოგდალი,  ბრაისტოლი – მწვ. ტ. ჰერგეირსონი (ისლ)

ესპ: ნავარო 9/30, დე პაულა 1/2 – კაბრალი 7, როდრიგესი 6, პენია 4, მ. ლოპესი 4, ფერნანდესი 3, ერნანდესი 2, მ. გონსალესი 1, ს. ლოპესი 1, გუტიერესი, სესარეო, ლ. გონსალესი, ეჩევერია, არდერიუსი, ნუნიესი – მწვ. კ. ვივერი

მსაჯები: ვ. ალფაიძე – ტ. ბერეზკინა (რუს)

ესპანეთი ორი დღის წინ რუსეთთან 10 ბურთით დამარცხდა და ფინალში იმის წყალობით მოხვდა, რომ შვედეთი მონტენეგრომ დაამარცხა, ნორვეგიამ კი, პირველ ეტაპზე ჰოლანდიასთან მარცხის შემდეგ მეორეში ტრიუმფით გაიარა დანია, გერმანია და კორეა. ფავორიტიც ის იყო.

მაგრამ, თამაშმა ყველაფერ შეატრიალა. თანაბარი დასაწყისის შემდეგ ესპანელებმა ოთხბურთიანი გაქცევა მოაწყეს მეოცე წუთისთვის – 10-6. ნორვეგიამ შესვენებამდე გაათანაბრა (13-13), მაგრამ მეორე ნახევრის დასაწყისში ისევ ჩამორჩა (14-17) და თამაშის ბოლომდე იწვალა. თამაში არავის წაუვიდა, 7 შვიდმეტრიანიდან კი გუნდმა მხოლოდ 3 გამოიყენა. 46-ე წუთზე ალისია ფერნანდეს ფრაგამ სხვაობა ექვსამდე აიყვანა (24-18) და ცხადი გახდა რომ ქალთა ხელბურთის ყველაზე ტიტულოვანი გუნდი წააგებდა. ნორვეგია  2016 წლის დასაწყისში სამივე ტიტულს ფლობდა – შემდეგ ჯერ ოლიმპიური ჩემპიონობა დათმო, 2017 წელს მსოფლიო ჩემპიონატის ფინალი წააგო ფრანგებთან, შარშან კი ევროპის ჩემპიონნობა დაკარგა.

მეხუთე ადგილისთვის მონტენეგრომ დაამარცხა სერბეთი 28-26, ხოლო მეშვიდე ადგილისთვის მატჩში თამაშდებოდა ოლიმპიადის საკვალიფიკაციო ტურნირის ბოლო საგზური. შვედეთს ეს საგზური ისედაც ჰქონდა ევროპის ჩემპიონატიდან, მაგრამ მოულოდნენად 35-24 დაამარცხა ამ ჩემპიონატის ერთ-ერთი გამორჩეული გუნდი და ოლიმპიადის მიღმა დატოვა, კვალიფიკაციის საგზური კი უნგრეთს აჩუქა.

5-6 ადგილები. მონტენეგრო – სერბეთი 28-26

7-8 ადგილები. შვედეთი – გერმანია 35-24

15 დეკემბერი

3 ადგილისთვის 12:30 რუსეთი – ნორვეგია

ფინალი 16:30 ჰოლანდია – ესპანეთი

სტატისტიკა

ბომბარდირები: რიუ, კორ 69; აბინგჰი, ჰოლ 64; სტანკო, სლნ 62;

პასები: ვიახირევა, რუს 52; რაიჩევიჩი, მნტ 51; ოფტედალი, ნორ 47

გოლი+პასი: რიუ, კორ 69+31; აბინგჰი, ჰოლ 64+29; ოფტედალი, ნორ 44+47

დაცვა. ბლოკი: სენი, რუს 17; ბრატსეტი, ნორ 14; ცვიიჩი, სრბ 13; დულფერი, ჰოლ 13

დაცვა. ჩაჭრა: მელეგორი, შვდ 11; ტომორი, უნგ 10; კაბრალი, ესპ 9; სტანკო, სლნ 9

მეკარეები: ტოფტი, დან 90/229=39%, სულბერგი, ნორ 108/289=37%; საკო, სნგ 85/228=37%, ეკერლე, გერ 103/290=36%; — შვიდმეტრიანები: ტოფტი, დან 9/26, ტომაშევიჩი, სრბ 10/29, ნავარო, ესპ 6/21

კლასიფიკაცია. 5-24 ადგილები. 5. მონტენეგრო 6. სერბეთი 7. შვედეთი 8. გერმანია 9. დანია 10. იაპონია 11. კორეა 12. რუმინეთი  13. საფრანგეთი 14. უნგრეთი 15. ანგოლა 16. არგენტინა 17. ბრაზილია 18. სენეგალი 19. სლოვენია 20. დრ კონგო, 21. კუბა 22. ყაზახეთი 23. ჩინეთი 23. ავსტრალია

11 დეკემბრის 10 საუკეთესო მომენტი: https://www.youtube.com/watch?v=4E8HfUrlyUY