ევროპის ლიგა ხელბურთში | გიორგი ცხოვრებაძის დუბლი ტატაბანიასთან

ევროპის ლიგის გათამაშების ჯგუფურ ეტაპზე გიორგი ცხოვრებაძის „გუმერსბახმა“ საკუთარ მოედანზე უნგრულ „ტატაბანიას“ უმასპინძლა და 33:27 დაამარცხა.

ეს გუნდები რამდენიმე დღის წინ უნგრეთში შეხვდნენ ერთმანეთს და გამარჯვება მაშინაც გერმანელებს დარჩათ – 44:29. უნგრეთში გამართულ შეხვედრაში გიორგიმ სამი გოლი გაიტანა.

საქართველოს ნაკრების ერთ-ერთ ლიდერს უგოლოდ არც ამჯერად დაუტოვებია მოედანი და უნგრელთა კარში თავი დუბლით გამოიჩინა.

ხუთი ტურის შემდეგ „გუმერბახი“ 6 ქულით მეორე ადგილზეა, მომდევნო მატჩს გერმანული კლუბი ჯგუფის ლიდერ „ფლენსბურგთან“ სტუმრად გამართავს.

ჯგუფის გამარჯვებული პირდაპირ მეოთხედფინალში გაარძელებს ბრძოლას, მეორე-მესამეადგილოსნები კი მერვედფინალში ითამაშებენ.