Open Source Content Management 
საქართველოს ჭაბუკთა ჩემპიონატზე ხელბურთში დაიწყო პირველი ეტაპის მესამე წრე. აღმოსავლეთისა და დასავლეთის გუნდები ჯერ რეგიონული ჩემპიონობისთვის იბრძვიან, მაისში კი 4-4 საუკეთესო გუნდი ფინალურ ტურნირში გამოავლენს საქართველოს ჩემპიონს.
ხელბურთის ჩემპიონთა ლიგის ჯგუფურ ტურნირებზე კაცებს ერთი ტური დარჩათ სათამაშო, ქალებს - ორი. კაცთა შეჯიბრებაში გასანაწილებელია მეოთხედფინალისა და მერვედფინალის თითო საგზური, ქალებში ვაკანტურია მეოთხედფინალის ორი ადგილი.
საქართველოს ჩემპიონატზე ხელბურთში თელავის იმედმა 30-20 მოუგო სტუ-ქარიშხალას და მეორე ადგილზეა. თბილისის პეგასმა 42-40 მოუგო გორს, 4 ქულით გაასწრო და პლეიოფში გამსვლელ მეოთხე ადგილზე დამკვიდრდა. 6-9 მარტს უმაღლესი ლიგის რვავე გუნდი თბილისში შეიკრიბება და მეორე წრეს დაასრულებს.
საქართველოს ჩემპიონატის უმაღლეს ლიგაში თელავის იმედმა 41-28 დაამარცხა გორი, გადაასწრო ქუთაისს და მეორე ადგილზე აინაცვლა. თუ თელაველები ხვალაც მოიგებენ, სხვაობას ლიდერთან, ბათუმის შავი ზღვის ბიჭებთან, მინიმუმამდე დაიყვანენ.