მთავარი
დაიწყო მაკედონიის ჩემპიონატი ხელბურთში კაცთა შორის, სადაც საქართველოს ნაკრების 3 ხელბურთელი თამაშობს. ლექსო წითელიშვილმა, რომელიც ამ სეზონში პელისტერდან ოჰრიდში გადავიდა, 4 გოლი გაუტანა პროლეტს, თუმცა, მისი გუნდი სტუმრად, სკოპიეში, 19-21 დამარცხდა.
საქართველოს ნაკრების ხელბურთელი თეიმურაზ ორჯონიკიძე ბუდაპეშტის ფერენცვაროშიდან უნგრეთის ეროვნული ლიგის სხვა გუნდში, ოროშჰაზიში გადავიდა. კლუბმა ჩემპიონატის პირველი მატჩი სტუმრად 24-32 წააგო დიონდიოშისთან, ქართველმა 3 გოლი გაიტანა.
საქართველოს ნაკრების ხელბურთელმა ერეკლე არსენაშვილმა პორტუგალიის ჩემპიონატის მეორე ტურში, ლისაბონში, 5 გოლი გაუტანა ბენფიკას, თუმცა, მისი გუნდი, ბრაგა, ჩემპიონატის ერთ-ერთ ფავორიტთან 22-29 დამარცხდა.
ურეკში დასრულდა ქვიშის ხელბურთის ეროვნული ტურის მეორე ეტაპი, რომელიც მოიგეს ფოთის ოქროს ვერძის გოგონებმა და თბილისის ქორებმა, თუმცა, ორი ეტაპის ჯამში საქართველოს ჩემპიონები გახდნენ გორი და ყვარელი.
გუშინ დაიწყო საფრანგეთის ჩემპიონატი ხელბურთში. ლიდლ სტარლიგის პირველ ტურში მონპელიემ შინ 36-25 დაამარცხა კრეტეი. ეს იყო გიორგი ცხოვრებაძის პირველი ოფიციალური მატჩი საფრანგეთის ერთ-ერთი უძლიერესი კლუბის შემადგენლობაში.
ევროპის ხელბურთის ფედერაციის თასს პირველი საკვალიფიკაციო ეტაპიდან გამოეთიშა საქართველოს ჩემპიონი ბათუმის შავი ზღვის ბიჭები. ბათუმელები სტუმრად ორჯერ დამარცხდნენ ლუქსემბურგის ჩემპიონატის გამარჯვებულ ეშთან.
