შეცდომა
  • თარგი ამ ჩვენებისთვის არ არის ხელმისაწვდომი. გთხოვთ დაუკავშირდით საიტის ადმინისტრატორს.

მთავარი

10/10/13 საქართველოს ჩემპიონატი დაიწყო

სპორტკომპლექს არენაში დაიწყო საქართველოს ჩემპიონატი ხელბურთში კაცთა შორის. გაიმართა პირველი 4 მატჩი.

1998-99 წლებში დაბადებულთა ნაკრები პირველი 20 წუთის განმავლობაში საკმაოდ გაუძალიანდა თბილისის იმედს, მაგრამ ტაიმის ბოლომდე 8 ბურთით ჩამორჩა - 13:21. ჭაბუკებმა, რომლებიც სპეციალური პროგრამით ემზადებიან 2015 წლის ევროპის ახალგაზრდული ოლიმპიადისთვის, ბოლომდე იბრძოლეს და სხვაობა 5 ქულამდე შეამცირეს, 30:35.

თელაველებმა სამი ვეტერანის, მოთამაშე-მწვრთნელ ანდრო ანდრიაშვილის, ალეკო გიორგელაშვილისა და გიორგი სვიმონიშვილის წინამძღლობით, პირველი ტაიმი 14:12 მოუგეს ქუთაისს, მაგრამ, მეორის დაწყებისთანავე უფრო ახალგაზრდულმა ქუთაისურმა გუნდმა თამაში გარდატეხა და 30:26 მოიგო.

სამტრედია, რაც შეეძლო, გაუძალიანდა ქვეყნის ჩემპიონ სტუ-ს, ტაიმი მხოლოდ ორი ბურთით წააგო და თამაში შვიდით - 34:41.

პირველ ტაიმში ბრძოლა იყო შარშანდელ პირველობის ვერცხლის პრიზიორ ბათუმსა და თბილისის პეგასს შორის - 15:12 ბათუმის სასარგებლოდ. პეგასის ორმა ვეტერანმა და მოთამაშე მწვრთნელმა, ლევან გელაშვილმა და ტიტე კალანდაძემ ჯამში 16 გოლი გაიტანა, მაგრამ ბათუმი შესვენების შემდეგ სწრაფად დაწინაურდა. მათ შორის გამოირჩეოდა ეროვნული ნაკრების კიდევ ერთი ყოფილი წევრი გიორგი წივწივაძე (11 გოლი), ხოლო საუკეთესო იყო მარჯვენა გარემარბი ნიკოლოზ ჯორბენაძე - რომელიც, ძირითადად სწრაფი შეტევებისა და შვიდმეტრიანების ხარჯზე, 16 გოლით პირველი დღის საუკეთესო ბომბარდირი გახდა.

პარასკევს სპორტკომპლექს არენაში მორიგი 4 მატჩია. დასაწყისი 13:30 საათზე.

საქართველოს ჩემპიონატი 2013-14. კაცები

პირველი ტური. 10-13 ოქტომბერი

პირველი დღე, 10 ოქტომბერი. სპორტკომპლექსი არენა

 

 

იმედი – ჭაბუკთა ნაკრები 35:30

იმე: მღებრიშვილი, ლორია - გ. იობაშვილი 10, ბეჟანიშვილი 5, გ. ხანდოლიშვილი 5, ალანია 5, რუსტამოვი 3, გიორგაძე 3, მძელური 2, თაბაგარი 1, ჩიკვილაძე 1, წიკლაური, გოთოშია, ი. კალანდაძე, ჩაკვეტაძე (მწ. გ შარანგია)

ჭაბ: ა. ხანდოლიშვილი, ზურაბიშვილი - კბილაშვილი 7, არსენაშვილი 5, გაწერელია 5, ბულბულაშვილი 4, ბაინაზაშვილი 4, ზ. იობაშვილი 2, გოგავა 1, ნაზღაიძე 1, მაისურაძე 1, ფერაძე, ბიბილეიშვილი, ჰუსეინოვი (მწ. დ. აბესაძე)

ქუთაისი - თელავი 30:26

ქუთ: გულეიშვილი, შიშინაშვილი - გ. კვერნაძე 10, ჩიხლაძე 7, ჟვანია 5, მამასახლისი 4, მათნაძე 3, კობახიძე 1, ლომიძე, ახალაძე, ჯუღელი, ბახტურიძე, ი.კვერნაძე (მწ. გ. თავხელიძე)

თელ: ა. სამიტაშვილი, წვერიკმაზაშვილი - გიორგელაშვილი 6, ანდრიაშვილი 5, მღებრიშვილი 5, გ. სვიმონიშვილი 3, ბეჟაშვილი 3. ი. სამიტაშვილი 1, მაისაშვილი 1, ცისკარიშვილი 1, იაგორაშვილი 1, ბიწკინაშვილი, დიდებაშვილი, ნ. სვიმონიშვილი (მწ. ა. ანდრიაშვილი)

მსაჯები: ზურაბ ქოქოსაძე, გია ბროლაძე

სტუ - სამტრედია 41:34

სტუ: ტორონჯაძე, ცერცვაძე - სურმავა 7, აბრამიშვილი 6, გოგალაძე 6, სიმონია 6, გვაზავა 5, გოგოლაძე 3, გრიშიკაშვილი 3, მსხვილიძე 2, ამირანაშვილი 1, სტურუა 1, არსენიშვილი 1 ბერძენიშვილი, ორჯონიკიძე, ხიდეშელი (მწ. ი. კეკელიძე)

სამ: ხონელიძე, კიკნაძე - წითელიშვილი 7, თევზაძე 6, გ. ნიკურაძე 6, ავალიანი 5, ხვიჩია 3, ჯ. ნიკურაძე 3, ხაჟომია 2, გაგლოშვილი 2, ელგანდაშვილი, სიხარულიძე, ზურაბიანი (მწ. გ. ხელისუფალი)

ბათუმი - პეგასი 41:31

ბათ: სამყურაშვილი - ჯორბენაძე 16, წივწივაძე 11, გამზარდია 4, ქარდავა 4, მაისურაძე 2, ყაველაშვილი 1, ჭანტურია 1, ვინოგრადსკი 1, ხუნჯუა 1, გოგიჩაიშვილი, ქავთარაძე, წიტაიშვილი, ი. ნარსია, ჭელიძე (მწ. მ. ჭანტურია)

პეგ: ცინცაძე, გონჩაროვი - გელაშვილი 9, ტ. კალანდაძე 7, ა. ცხვარაშვილი 7, ლობჟანიძე 2, ნატროშვილი 2, დ. ნარსია 2, ქუთათელაძე 2, აბჟანდაძე, დემეტრაშვილი, დიხამინჯია, სახვაძე, ბაძაღუა, აბულაძე, კოხრეიძე (მწ. ლ. გელაშვილი)

მსაჯები: ელენე არაბული, ინა ჭკუასელი

11 ოქტომბერი, პარასკევი. არენა

13:30 თელავი - ბათუმი

14:50 სამტრედია - იმედი

16:10 პეგასი - ქუთაისი

17:30 ჭაბუკთა ნაკრები - სტუ

 

07/10/13 ქალების ჩემპიონთა ლიგა დაიწყო


ამ უქმეებზე დაიწყო სახელბურთო ჩემპიონთა ლიგის ჯგუფური ტურნირი ქალთა შორის.

ამ ეტაპს 16 უძლიერესი გუნდი შემორჩა. ორწრიანი ტურნირის შემდეგ 4 ჯგუფის 2-2 საუკეთესო გუნდი ბრძოლას გააგრძელებს მეორე ჯგუფურ ეტაპზე, რომელიც გამოავლენს 4 ნახევარფინალისტს.

ლიგის შარშანდელმა გამარჯვებულმა, უნგრულმა დიორი ეტომ შინ გაანადგურა ოდესღაც ძლევამოსილი ავსტრიული გუნდი, ჰიპო ნიდეროსტერრაიხი - 41:22. ავსტრიელებს ჩემპიონთა თასი რვაჯერ აქვთ მოგებული, უკანასკნელად - 2000 წელს.

შარშანდელმა ფინალისტმა, ნორვეგიული ლარვიკმა შინ მოუგო ხორვატიის პოდრავკას - 34:18, ხოლო ნორვეგიელი ლინ-კრისტინ კორენ-რიგელჰუტი ტურის საუკეთესო ბომბარდირი გახდა 12 გოლით.

ყველაზე დაძაბული გამოდგა შეხვედრა საფრანგეთში, სადაც მეცი დამარცხდა გერმანულ ლაიპციგთან - 22:23.

მეორე ტური გაიმართება 11-13 ოქტომბერს. ამავე უქმეებზე მესამე ტურია კაცების ჩემპიონთა ლიგაში.

ჩემპიონთა ლიგა 2013-14. ქალები. პირველი ჯგუფური ეტაპი. 1 ტური. 5-6 ოქტომბერი

A ჯგუფი: დიორი ეტო (უნგ) - ჰიპო ნიდეროსტერრაიხი (ავს) 41:22, ტიურინგერი (გერ) - ბაია მარე (რუმ) 36:29. B ჯგუფი: მიდტიულანდი (დან) - ფერენცვაროში (უნგ) 32:23, ბუდუჩნოსტი (მნტ) - ლიუბლინი (პოლ) 31:19. C ჯგუფი: მეცი (საფ) - ლაიპციგი (გერ) 22:23, კრიმ მერკატორი (სლნ) - სევეჰოფი (შვდ) 36:28. D ჯგუფი: ლარვიკი (ნორ) - პოდრავკა ვეგეტა (ხორ) 34:18, ბალონმანო ბერა ბერა (ესპ) - ვარდარი სკოპიე (მკდ) 19:23

 

09/10/13 პრესკონფერენცია ხელბურთის ფედერაციაში

10 ოქტომბერს იწყება საქართველოს ჩემპიონატი კაცთა გუნდებს შორის. დღეს ხელბურთის ფედერაციაში გაიმართა პრესკონფერენცია.

ფედერაციას წარმოადგენდნენ პრეზიდენტი ზურაბ კაკაბაძე, გენერალური მდივანი ქეთევან კობერიძე და საშეჯიბრო კომიტეტის თავმჯდომარე ვახტანგ ბერიაშვილი.

ზურაბ კაკაბაძე: - ბოლო წლებთან შედარებით, წლევანდელი ჩემპიონატი ბევრად უფრო წარმომადგენლობითი და საინტერესო იქნება. სადღეისოდ კაცთა 8 გუნდი გვყავს. დაგვემატა თელავისა და ქუთაისის კლუბები. წლეულს შეიქმნა ორი ახალი სახელბურთო კლუბი თბილისში, პეგასი და იმედი, რომელთაც საინტერესო შეხამება ექნებათ გამოცდილი და ახალგაზრდა ხელბურთელებისა. მაგალითად, პეგასში ითამაშებს ქართული ხელბურთის ორი ვეტერანი, ტიტე კალანდაძე და ლევან გელაშვილი. გარდა ამ გუნდებისა, ჩემპიონატში ასპარეზობენ შარშანდელი ჩემპიონი სტუ, ქუთაისი, ბათუმი და ასევე 1998-99 წლებში დაბადებული ჭაბუკთა ნაკრები, რომელიც სპეციალური პროგრამით ემზადება 2015 წლის ახალგაზრდული ოლიმპიადისთვის.

ვახტანგ ბერიაშვილი: - გარდა რაოდენობისა, გაიზრდება კონკურენციაც. განსხვავებით შარშანდელი ჩემპიონატისგან, რომელიც სტუ-მ უპრობლემოდ მოიგო, წლევანდელი მონაწილეების შემადგენლობები გაცილებით უფრო თანაბარია, რის გამოც ძალიან სერიოზულ ბრძოლას მოველით ჩემპიონობისთვის. თავისთავად, ტურნირი უფრო საინტერესოც იქნება. ახალი კლუბების შექმნით საშუალება მოგვეცა, ხელბურთში დაგვებრუნებინა ან დაგვეტოვებინა ახალგაზრდები, რომლებიც ჭაბუკთა ასაკიდან გამოვიდნენ და დიდ ხელბურთში ასპარეზი არ ჰქონდათ.

ზურაბ კაკაბაძე: - ჩვენ გვინდა, რომ ხელბურთი ვაქციოთ ერთ-ერთ წამყვან სათამაშო სახეობად და ეროვნულ თამაშად, ისე, როგორც ევროპის ძალიან ბევრ ქვეყანაშია. ამისათვის ძალიან მნიშვნელოვანი სეზონი გვაქვს. ჩემპიონატის პირველი ტურის შემდეგ, 15 ოქტომბერს უკვე ეროვნული ნაკრები განაგრძობს მზადებას მსოფლიო ჩემპიონატის შესარჩევი ტურნირისთვის. ნაკრების წევრთა უმეტესობა ეროვნულ ჩემპიონატში თამაშობს. 20 ოქტომბრიდან უკვე დაგვემატებიან ლეგიონერები, ხოლო 25 ოქტომბერს ახალ მწვრთნელ, სერბ ჯორჯე რასიჩთან ერთად გავემგზავრებით უკრაინაში, სადაც ორ საკონტროლო მატჩს გავმართავთ, 30 ოქტომბერს კი უკვე პირველი შესარჩევი თამაში გვაქვს პანევეჟისში, ლიტვის ნაკრებთან, შემდეგ კი, 3 ნოემბერს, ფინეთს ვმასპინძლობთ. ჯგუფში მესამე მეტოქეა თურქეთი. პირველი ორი საშემოდგომო მატჩის შემდეგ, შესარჩევი ტურნირი იანვარში დასრულდება. გამარჯებული პლეიოფში გადის.

რიგაში გამართული აღმოსავლეთ ევროპის ქვეყნების სახელბურთო სემინარის შესახებ ისაუბრა გენერალურმა მდივანმა ქეთევან კობერიძემ, შემდეგ კი ორი შეკითხვა 2015 წლის ევროპის ახალგაზრდულ ოლიმპიურ ფესტივალსა და 2017 წლის ცხრამეტწლამდელთა მსოფლიო ჩემპიონატს შეეხო.

ზურაბ კაკაბაძე: - 2017 წლის ჭაბუკთა მსოფლიო ჩემპიონატის მასპინძლობაზე განაცხადი იმ მოტივით შევიტანეთ, რომ თბილისის ოლიმპიური ფესტივალისთვის უკვე კარგად მომზადებული გუნდი გვეყოლება და ორი წლის შემდეგ, მსოფლიო ჩემპიონატზე თამაში იმავე ასაკის, 1998-99 წლებში დაბადებულ ჭაბუკებს უწევთ. სახელბურთო ინფრასტრუქტურაც განვითარდება, რაშიც სახელმწიფო, სპორტის სამინისტრო ყოველგვარ მხარდაჭერას გვპირდება. თავდაპირველად მასპინძლობის სამი კანდიდატი იყო, მაგრამ კორეა საერთაშორისო ფედერაციამ დაიწუნა - დავრჩით საქართველო და ხორვატია. ხორვატებს სხვა ტურნირზეც აქვთ შეტანილი განაცხადი, ასე რომ, მსოფლიო ჩემპიონატის მასპინძლობის ძალიან კარგი შანსები გვაქვს. ყველაფერი გადაწყდება 27 ოქტომბერს, ყატარში, ხელბურთის საერთაშორისო ფედერაციის კონგრესზე.


საქართველოს ჩემპიონატის ფორმატი

8 მონაწილე გუნდი ორ, აღმოსავლეთ (სტუ, იმედი, პეგასი, თელავი) და დასავლეთ (სამტრედია, ბათუმი, ქუთაისი, ჭაბუკთა ნაკრები) ქვეჯგუფად არის დაყოფილი. შეჯიბრება იწყება საერთო ტურით, რომელშიც ერთმანეთს აღმოსავლეთი და დასავლეთი ქვეჯგუფების გუნდები ეთამაშებიან. აღმოსავლეთი და დასავლეთი ქვეჯგუფების ტურები ნოემბერში გაიმართება თბილისსა და სენაკში, რის შემდეგადაც დასრულდება პირველი წრე.

ჩემპიონი გამოვლინდება 2014 წლის გაზაფხულზე, სამწრიანი ტურნირის შემდეგ.

საქართველოს ჩემპიონატის პირველი ტურის მატჩები ხუთშაბათს, პარასკევსა და შაბათს სპორტკომპლექს არენაში (საბურთალო, უნივერსიტეტის ქუჩა) გაიმართება, ხოლო კვირას ტურნირი გლდანის ხელბურთის დარბაზში დასრულდება.

 

საქართველოს ჩემპიონატი 2013-14. კაცები

პირველი ტური. 10-13 ოქტომბერი

10 ოქტომბერი, ხუთშაბათი. სპორტკომპლექსი არენა

13:00 იმედი - ჭაბუკთა ნაკრები

14:20 ქუთაისი - თელავი

15:40 სტუ - სამტრედია

17:00 ბათუმი - პეგასი

11 ოქტომბერი, პარასკევი. არენა

13:30 თელავი - ბათუმი

14:50 სამტრედია - იმედი

16:10 პეგასი - ქუთაისი

17:30 ჭაბუკთა ნაკრები - სტუ

12 ოქტომბერი, შაბათი. არენა

14:30 პეგასი - ჭაბუკთა ნაკრები

15:50 ბათუმი - იმედი

17:10 სამტრედია - თელავი

18:30 სტუ - ქუთაისი

13 ოქტომბერი, კვირა. გლდანი

11:00 სტუ - ბათუმი

12:30 სამტრედია - პეგასი

14:00 ქუთაისი - იმედი

15:30 ჭაბუკთა ნაკრები - თელავი

 

07/10/13 მამული და ყვარელი ლიდერობენ

გრძელდება საქართველოს ასაკობრივი ჩემპიონატები ხელბურთში. დასრულდა 1998-99 წლებში დაბადებულ გოგონათა პირველი ტური აღმოსავლეთ ქვეჯგუფში.

სპორტკომპლექს არენასა და გლდანის ხელბურთის დარბაზში სამი გამორჩეული შეხვედრა გაიმართა. ყვარელის გუნდმა და მამულმა დაძაბულ ბრძოლაში დაამარცხეს პეგასი, ხოლო ერთმანეთში ფრედ, 26:26 ითამაშეს. ბურთების უკეთესი სხვაობით ჯერჯერობით მამული ლიდერობს, ხოლო ჩემპიონი 9-გუნდიან ტურნირში, ორი წრის შემდეგ გამოვლინდება. ამ ასაკის დასავლეთ ქვეჯგუფში ჯერჯერობით მხოლოდ ერთი მატჩი გაიმართა, საერთო ტური კი ნოემბრის დასაწყისშია თბილისში.

უახლოესი ასაკობრივი ტურნირი 9 ოქტომბრიდან გაიმართება თელავში, სადაც 1998-99 წლებში დაბადებული ბიჭების აღმოსავლეთი ჯგუფის 6 გუნდი ითამაშებს.

10 ოქტომბერს კი თბილისში იწყება ვაჟთა ეროვნული ჩემპიონატი. მონაწილეობს 8 გუნდი.

საქართველოს ჩემპიონატი. გოგონები, 1998-99. აღმოსავლეთი. თბილისი, 3–6 ოქტომბერი

3 ოქტომბერი: ქარიშხალა – მამული 4:22, იმედი – პეგასი 0:19, ქარიშხალა – ყვარელი 6:27

4 ოქტომბერი: მამული – იმედი 18:0, პეგასი – ყვარელი 13:14

5 ოქტომბერი: პეგასი – ქარიშხალა 19:1, იმედი – ყვარელი 0:11

ყვარელი – მამული 26:26

ყვა: გუბელაძე, კუნელაშვილი 9, თეთრაშვილი 5, ს. იორდანაშვილი 4, ფუღიაშვილი 3, მიხელაძე 3, ქიტესაშვილი 2, თ. იორდანაშვილი, ოსეფაშვილი, მჭედლიშვილი (მწ. ზურაბ ხარებაშვილი)

მამ: მაზმიშვილი, გაბისონია 9, ღვალაძე 6, ჯაღათაშვილი 4, ნარიმანიძე 3, გიორგაძე 2, ა. ყველაშვილი 2, ხონელიძე, შახულოვა, ომიაძე, ბუზალაძე, ხოკერაშვილი (მწ. ჯული კასიანი)

6 ოქტომბერი: ქარიშხალა – იმედი 8:19

მამული – პეგასი 25:21

მამ: მაზმიშვილი, ღვალაძე 8, გაბისონია 5, ჯაღათაშვილი 5, გიორგაძე 3, ა. ყველაშვილი 3, ნარიმანიძე 1, ხონელიძე, შახულოვა, ომიაძე, ბუზალაძე, ხოკერაშვილი

პეგ: ორჯონიკიძე, ჩოხელი 8, ჩოგოვაძე 6, მ. ბერიძე 4, ვენეცკი 2, მორჩაძე 1, ყაველაშვილი, შოშიტაშვილი, სარაჯიშვილი, ს. ყველაშვილი, კენკებაშვილი, ღლონტი, ა. ბერიძე, კოპალიანი, გოგოხია, კუპატაძე (მწ. ნინო წივწივაძე)

მდგომარეობა

მამული------- 3 1 0 93-51 7

ყვარელი------ 3 1 0 78-45 7

პეგასი---------2 0 2 72-40 4

იმედი---------1 0 3 19-56 2

ქარიშხალა----0 0 4 19-89 0

ბომბარდირები: ქრისტინე ღვალაძე, მამული 24, მედეა ჩოხელი, პეგასი 20, ქეთა კუნელაშვილი, ყვარელი - 20, ნინო გაბისონია, მამული 17, თამთა თეთრაშვილი, ყვარელი 17, სოფო იორდანაშვილი, ყვარელი 16, თამარ ჩოგოვაძე, პეგასი 15, ანა ყველაშვილი, მამული 15, თეონა ჯაღათაშვილი, მამული 14, მაია ბერიძე, პეგასი 13, თინიკო ქიტესაშვილი, ყვარელი 12, მარი კერესელიძე, იმედი 12, თამთა თორდია, ქარიშხალა 10

დასავლეთი: ფოთი - წყალტუბო 34:6 (ზუგდიდსა და ბათუმს არ უთამაშიათ). საერთო ტური - 1-6 ნოემბერს, თბილისში. ჩემპიონი გამოვლინდება ორწრიან ტურნირში.

გოგონები, 2000-01: ფოთი, ზუგდიდი, მამული, ქარიშხალა, ყვარელი - ტური 12-16 ნოემბერს, თბილისში. ჩემპიონი გამოვლინდება ორწრიან ტურნირში

ბიჭები 1998-99. აღმოსავლეთი (გორი, რუსთავი, ლაგოდეხი, ახაშენი, თელავი, ყვარელი) - 1 ტური 9-13 ოქტომბერს თელავში. დასავლეთი (ქუთაისი, ფოთი, წყალტუბო, ბათუმი, სამტრედია, ზუგდიდი) - 1 ტური 15-20 ოქტომბერს სენაკში. თბილისი (ქარიშხალა 9 ქულა, პეგასი 9, მამული 6, იმედი 4, შევარდენი 2, ქარელი 0). მეორე ეტაპზე გადის 3-3 საუკეთესო გუნდი და საუკეთესო 4 ადგილი

ბიჭები 2000-01. დასავლეთი (ქუთაისი 8 ქულა, სამტრედია 5, ბათუმი 4, ფოთი 3, ზუგდიდი 0). აღმოსავლეთი (თელავი, ყვარელი, გორი, რუსთავი) – ტური 15-18 ოქტომბერს თელავში. თბილისი (ქარიშხალა, პეგასი, იმედი) – ტური 24-27 ოქტომბერს, თბილისში. ჩემპიონი გამოვლინდება ორწრიან ტურნირში

იხილეთ ჩვენი ფეისბუკიც

https://www.facebook.com/GEONHF

 

 

08/10/13 ეროვნული ჩემპიონატი იწყება

10 ოქტომბერს სპორტკომპლექს არენაში იწყება საქართველოს ჩემპიონატი კაცთა გუნდებს შორის.

ამასთან დაკავშირებით ხვალ, 9 ოქტომბერს, 12 საათზე, ხელბურთის ფედერაციაში (ჩოლოყაშვილის 9 ა, მესამე სართული) მოეწყობა პრესკონფერენცია.

8 მონაწილე გუნდი ორ, აღმოსავლეთ (სტუ, იმედი, პეგასი, თელავი) და დასავლეთ (სამტრედია, ბათუმი, ქუთაისი, ჭაბუკთა ნაკრები) ქვეჯგუფად არის დაყოფილი. შეჯიბრება იწყება საერთო ტურით, რომელშიც ერთმანეთს აღმოსავლეთი და დასავლეთი ქვეჯგუფების გუნდები ეთამაშებიან. აღმოსავლეთი და დასავლეთი ქვეჯგუფების ტურები ნოემბერში გაიმართება თბილისსა და სენაკში, რის შემდეგადაც დასრულდება პირველი წრე.

ჩემპიონი გამოვლინდება 2014 წლის გაზაფხულზე, სამწრიანი ტურნირის შემდეგ. მაისში დაგეგმილია საქართველოს თასის გათამაშება.

საქართველოს ჩემპიონატში ცალკე გუნდად მონაწილეობს 1998-99 წლებში დაბადებული ჭაბუკების ნაკრები. ამ ასაკის გუნდი სპეციალური პროგრამით ემზადება ევროპის ახალგაზრდული ოლიმპიური ფესტივალისთვის, რომელიც 2015 წელს გაიმართება თბილისში. ამავე ასაკს უწევს 2017 წლის ცხრამეტწლამდელთა მსოფლიო ჩემპიონატი, რომლის მასპინძლობის პრეტენდენტები არიან საქართველო და ხორვატია. კენჭისყრა სულ მალე, 27 ოქტომბერს გაიმართება დოჰაში, ყატარი, ხელბურთის საერთაშორისო ფედერაციის კონგრესზე.

საქართველოს ჩემპიონატის პირველი ტური მნიშვნელოვანი იქნება ეროვნული ნაკრების დაკომპლექტების მხრივ. საქართველოს ნაკრები 30 ოქტომბერს იწყებს მსოფლიო ჩემპიონატის შესარჩევ ტურნირს. ოთხი გუნდიდან (საქართველო, ლიტვა, თურქეთი, ფინეთი) ევროპული ზონის პლეიოფში გადის მხოლოდ გამარჯვებული და 2014 წლის ივნისში უშუალოდ მსოფლიო ჩემპიონატის საგზურისთვის ითამაშებს. ეროვნულ ნაკრებს ახალი მწვრნელი, სერბი ჯორჯე რასიჩი წვრნის.

საქართველოს ჩემპიონატის პირველი ტურის მატჩები ხუთშაბათს, პარასკევსა და შაბათს სპორტკომპლექს არენაში (საბურთალო, უნივერსიტეტის ქუჩა) გაიმარება, ხოლო კვირას ტურნირი გლდანის ხელბურთის დარბაზში დასრულდება.

საქართველოს ჩემპიონატი 2013-14. კაცები

პირველი ტური. 10-13 ოქტომბერი

10 ოქტომბერი, ხუთშაბათი. სპორტკომპლექსი არენა

13:00 იმედი - ჭაბუკთა ნაკრები

14:20 ქუთაისი - თელავი

15:40 სტუ - სამტრედია

17:00 ბათუმი - პეგასი

11 ოქტომბერი, პარასკევი. არენა

13:30 თელავი - ბათუმი

14:50 სამტრედია - იმედი

16:10 პეგასი - ქუთაისი

17:30 ჭაბუკთა ნაკრები - სტუ

12 ოქტომბერი, შაბათი. არენა

14:30 პეგასი - ჭაბუკთა ნაკრები

15:50 ბათუმი - იმედი

17:10 სამტრედია - თელავი

18:30 სტუ - ქუთაისი

13 ოქტომბერი, კვირა. გლდანი

11:00 სტუ - ბათუმი

12:30 სამტრედია - პეგასი

14:00 ქუთაისი - იმედი

15:30 ჭაბუკთა ნაკრები - თელავი

04/10/13 - თბილისსა და სენაკში

გრძელდება საქართველოს ჩემპიონატი ხელბურთში ორ ასაკობრივ ჯგუფში: 1998–01 და 2000–01 წლებში დაბადებულ ბიჭებსა და გოგონებს შორის.

სენაკში დასრულდა პირველი ტური 2000–01 წლიანი ბიჭების დასავლეთ ჯგუფში. ოთხივე თამაში მოიგო ქუთაისმა, მეორე ადგილზეა სამტრედიის გუნდი, შემდგომ – ბათუმი, ფოთი და ზუგდიდი. ზუგდიდელებმა პირველი ორი მატჩი ითამაშეს, მომდევნო ორზე კი უსახსრობის გამო სენაკში ვერ ჩავიდნენ. სულ ამ კატეგორიაში სამ ჯგუფად განაწილებული 12 გუნდი თამაშობს. ჩემპიონი ორწრიან ტურნირში გამოვლინდება.

სპორტკომპლექს არენაში კი დაიწყო ზედა ასაკობრივი ჯგუფის, 1998–99 დაბადებულ გოგონათა პირველი ტური აღმოსავლეთ ჯგუფში. პირველი ორი დღის განმავლობაში ყველაზე საინტერესო გამოდგა ყვარლის გუნდისა და თბილისის პეგასის მატჩი, რომელიც კახელებმა მოიგეს – 14:13. ხვალიდან ტურნირი გლდანის ხელბურთის დარბაზში გადადის და იქ კიდევ ორი საინტერესო თამაში გაიმართება: შაბათს, 13:00, ყვარელი–მამული და კვირას – 14:00, მამული–პეგასი. სულ ამ ტურნირზე 9 გუნდი თამაშობს და ჩემპიონი აქაც ორი წრის ჯამში გამოვლინდება.

საქართველოს ჩემპიონატი. გოგონები, 1998-99. აღმოსავლეთი. თბილისში, 3–6 ოქტომბერს

3 ოქტომბერი: ქარიშხალა – მამული 4:22, იმედი – პეგასი 0:19, ქარიშხალა – ყვარელი 6:27

4. ოქტომბერი: მამული – იმედი 18:0, პეგასი – ყვარელი 13:14.

5 ოქტომბერი, 13 საათიდან: ყვარელი – მამული, პეგასი – ქარიშხალა, იმედი – ყვარელი

6 ოქტომბერი, 13 საათიდან: ქარიშხალა – იმედი, მამული – პეგასი

საქართველოს ჩემპიონატი. ბიჭები 2000–01. დასავლეთი. სენაკში, 1–3 ოქტომბერს

ბათუმი – ქუთაისი 7:16, ფოთი – ზუგდიდი 14:13, სამტრედია – ბათუმი 13:13, ქუთაისი – ფოთი 22:8, ზუგდიდი – სამტრედია 13:21, ზუგდიდი – ბათუმი 0:10 (გამოუცხადებლობა), სამტრედია – ქუთაისი 17:18, ბათუმი – ფოთი 18:18, ქუთაისი – ზუგდიდი 10:0 (გამოუცხადებლობა), ფოთი – სამტრედია 13: 22.

მდგომარეობა: ქუთაისი 8 ქულა, სამტრედია 5, ბათუმი 4, ფოთი 3, ზუგდიდი 0.

ხელბურთის ფედერაციის პრესსამსახური