მთავარი

სამი ქართველი ხელბურთელი მომავალ უქმეებზე ევროპის ხელბურთის ფედერაციის თასზე ითამაშებს. ეს რანგით მეორე ევროტურნირია ჩემპიონთა ლიგის შემდეგ.

მეთექვსმეტედფინალურ სტადიაზე არიან რევაზ ჭანტურიას მაკედონიური კლუბი ზომიაკ-სტრუმიცა, ასევე შოთა თევზაძისა და ვლადიმერ რუსიას ბაკაუ (რუმინეთი).

სტიინტა ბაკაუმ წინა ეტაპზე დაამარცხა ლიტვის დრაგუნასი (36:21, 29:28) და მესამე წრეში, 24 და 30 ნოემბერს, შვედურ კრისტიანსტადს ეთამაშება. ბაკაუმ რუმინეთის ჩემპიონატის უკანასკნელ ტურში 24:22 მოუგო კარას სევერინს და 19 ქულით მესამე ადგილზეა (23-23 ქულით ლიდერობენ კონსტანცა და ტურდა). ბაკაუს კარში თევზაძე იდგა, ხოლო ვლადიმერ რუსიამ 1 გოლი გაიტანა. 8 გოლი შეაგდო ირაკლი ჩიქოვანმა ოდორეისთან თამაშში, მაგრამ მისი კლუბი, ტიმიშოარა 25:28 დამარცხდა და 12 ქულით მეშვიდე ადგილზეა. ევროთასებამდე რუმინეთში კიდევ ერთი ტურია, 20-21 ნოემბერს.

რევაზ ჭანტურიამ (ფოტოზე) 4 გოლი გაიტანა რადოვიშის კარში, ხოლო მისმა გუნდმა, ზომიაკ-სტრუმიცამ 36:25 გაიმარჯვა მაკედონიის ჩემპიონატში. სტრუმიცა ფედერაციის თასზე 23 ნოემბერს თამაშობს ორჰუსში, ხოლო 30 ნოემბერს დანიელ მეტოქეს შინ მიიღებს. მაკედონელებიც მეორე წრიდან ჩაერთვნენ შეჯიბრებაში და თელ-ავივის მაკაბი დაამარცხეს - 26:26, 30:23.

საქართველოს ჭაბუკთა ნაკრებმა (1996-97) ამხანაგურ მატჩში სომეხი თანატოლები დაამარცხა - 39:11.

სომხებმა წინადღით ჩვენს 2 წლით უმცროსთა გუნდთან, ოლიმპიურ ნაკრებთანაც წააგეს თითქმის იმავე სხვაობით (11:36), ხოლო ხვალ, 11:00, არენას მეორე დარბაზში დასკვნითი მატჩი აქვთ - მათი მეტოქე ისევ საქართველოს 17-წლამდელთა ნაკრები იქნება, ოღონდ ამ გუნდს რამდენიმე ხელბურთელი დაემატება 1998-99 წლებში დაბადებულთაგან.

საქართველოს ჭაბუკთა ნაკრები 28-30 ნოემბერს საპასუხო ვიზიტით ეწვევა სომხეთს, სადაც საერთაშორისო ტურნირი გაიმართება ამ ორი ქვეყნის, რუსეთისა და უკრაინის მონაწილეობით, 2014 წლის იანვარში კი 18-წლამდელთა ევროპის ჩემპიონატის საკვალიფიკაციო ტურნირია ხორვატიაში. ჯგუფი ასეთია: ხორვატია, მაკედონია, ჰოლანდია, საქართველო.

საერთაშორისო მატჩი

საქართველო (17წ) - სომხეთი (17წ) 39:11

16 ნოემბერი, არენა 2

საქართველო: ცინცაძე, ხიდეშელი, ნარსია - ორჯონიკიძე 12, გოგოლაძე 6, ა. ცხვარაშვილი 5, დემეტრაშვილი 5, დიხამინჯია 4, ბაძაღუა 3, ლ. არსენაშვილი 3, კოხრეიძე 1, აბჟანდაძე, ლ. ცხვარაშვილი (მწვრთნელი ტიტე კალანდაძე)

მსაჯი: გაგა სამყურაშვილი

კვირადღის მთავარი სახელბურთო მატჩი გამართა გლდანში, სადაც გოგონათა ჩემპიონატის ორი ლიდერი შეხვდა ერთმანეთს. მამულმა ძალიან საინტერესო თამაშში 29:27 დაამარცხა ფოთი, 1 ქულით გაასწრო და პირველი წრის შემდეგ ლიდერია.

ფოთელები მატჩის დასაწყისში 2 ბურთით დაწინაურდნენ, მაგრამ მამულმა ტაიმი 13:12 მოიგო და მეორე ტაიმის უმეტესი დრო ლიდერობდა. თბილისელთა შორის გამოირჩეოდა სოფო ნარიმანიძე, ვინც 10 გოლი გაიტანა. კიდევ უფრო მეტი, 16 გოლი შეაგდო ფოთელთა ლიდერმა თამთა გადელიამ, რისი წყალობითაც ფოთმა თამაშის მიწურულს ანგარიში გააათანაბრა - 26:26, მაგრამ მეტი ვეღარ შეძლო.

მაია კარბუნარი, გოგონათა ოლიმპიური ნაკრების მთავარი მწვრთნელი: - კარგი თამაში გამოვიდა. მამულის შვიდეული მთლიანად ნაკრების წევრებითაა დაკომპლექტებული და მათი მოგება მოსალოდნელი იყო, მაგრამ ფოთელებმაც ძალიან ყოჩაღად ითამაშეს. მთლიანობაში, პირველი წრის შემდეგ პროგრესი აშკარაა. მოუმატა წყალტუბოს გუნდმა, მომეწონა ყვარელიც, საიდანაც 3 გოგონას მომავალში ნაკრებშიც მოვიწვევთ. 3 მოთამაშე ფოთიდან იქნება, დანარჩენი - მამულიდან და პეგასიდან. ნოემბრის ბოლოს უკრაინაში მივემგზავრებით ტურნირზე.

ბოლო დღეს ყვარლის გუნდმა დაამარცხა წყალტუბო - 28:22. გლდანში დღეს კიდევ ერთი მატჩი გაიმართა. საქართველოში სტუმრად მყოფი სომხეთის 17-წლამდელთა ნაკრები ჩვენს ნაკრებებთან დიდი სხვაობით დამარცხებების შემდეგ (11:36, 11:39) დღეს სახელბურთო კლუბ მამულის თხუთმეტწლამდელებს შეხვდა და მატჩი ფრედ, 27:27 დაასრულა. საქართველოს ორმა ნაკრებმა კი (1996-97 და 1998-99) ერთმანეთში ითამაშა სპარინგ- მატჩი, რომელიც უფროსებმა მოიგეს. ჩვენს ჭაბუკთა ნაკრებს ნოემბრის ბოლოს ერევანში უწევს ტურნირი, იანვარში კი ევროპის ჩემპიონატის საკვალიფიკაციო შეჯბრებაში ჩაებმება.

დღესვე თელავში დასრულდა საქართველოს ჩემპიონატის ტური უმცროს ასაკში (2000-01). აღმოსავლეთის ჯგუფში ორი წრის შემდეგ გორის გუნდი ლიდერობს.

საქართველოს ჩემპიონატი გოგონები, 1998-99 . გლდანი, 15-17 ნოემბერი.

წყალტუბო - მამული 6:36, ფოთი - პეგასი 24:18, იმედი - წყალტუბო 7:15, ქარიშხალა - ფოთი 5:23 , ქარიშხალა - წყალტუბო 12:20, წყალტუბო - პეგასი 3:23, იმედი - ფოთი 0:14, ფოთი - ყვარელი 22:15, წყალტუბო - ყვარელი 12:28

მამული - ფოთი 29:27

მამული: მაზმიშვილი - ნარიმანიძე 10, გაბისონია 6, ჯაღათაშვილი 5, ღვალაძე 4, გიორგაძე 2, ყველაშვილი 2

ფოთი: ჯავახია - გადელია 16, სიხარულიძე 5, ხურცილავა 2, ყუფუნია 2, ფარცვანია 1, ჭითანავა 1

მსაჯები: ელენე არაბული, ინა ჭკუასელი

პირველი წრის შემდეგ: მამული - 11 ქულა, ფოთი - 10, ყვარელი - 9, პეგასი - 6, წყალტუბო - 4, იმედი - 2, ქარიშხალა - 0.

ბიჭები. 2000-01

აღმოსავლეთი. მეორე წრე. 16-17 ნოემბერი. თელავი. თელავი - გორი 16:29, რუსთავი - თელავი 17:18, რუსთავი - გორი 6:14. ყვარელი არ გამოცხადდა. მდგომარეობა: გორი 12 ქულა, თელავი 6, ყვარელი 4, რუსთავი 2

დასავლეთი, მდგომარეობა: ქუთაისი 16 ქულა, ფოთი 7, ზუგდიდი 6, სამტრედია 5, ბათუმი 4

აღმოსავლეთისა და დასავლეთის 2-2 საუკეთესო გუნდი სამწრიანი ტურნირის შემდეგ გავა ფინალურ ეტაპზე, სადაც მათ დაემატება თბილისის 2 გუნდი - ქარიშხალა და პეგასი

სპორტკომპლექს არენაში დასრულდა საქართველოს ჩემპიონატის მორიგი ტური აღმოსავლეთი ქვეჯგუფის 4 გუნდის მონაწილეობით.

ზედიზედ მეორე გამარჯვება მოიპოვა პეგასმა - ამჯერად ლევან გელაშვილის და ტიტე კალანდაძის გუნდმა თელაველები დაამარცხა - 31:21.

იმედი სადღაც 20 წუთი გაუძალიანდა ახალგაზრდული შემადგენლობით მოთამაშე ტექნიკური უნივერსიტეტის გუნდს - ანგარიში 8:8 იყო, როდესაც ქვეყნის ჩემპიონმა ათბურთიანი გაქცევა მოაწყო (18:8), თამაში კი ოცბურთიანი სხვაობით დაასრულა.

სტუ 7 თამაშიდან 7 მოგებით ლიდერობს და მინიმუმ პირველი წრის დასრულებამდე პირველ ადგილზე დარჩება. პირველი წრე კი დასრულდება სენაკში, სადაც 19-21 ნოემბერს დასავლეთი ქვეჯგუფის 4 გუნდი ერთმანეთს ეთამაშება, რის შემდეგაც ყველა გუნდს 7-7 ნათამაშები მატჩი დაუგროვდება. დეკემბერში დაიწყება მეორე წრე.

საქართველოს ჩემპიონატი. აღმოსავლეთი ქვეჯგუფი
არენა, 15 ნოემბერი

პეგასი - თელავი 30:21
პეგასი: ცინცაძე, ნარსია - ა. ცხვარაშვილი 7, დიხამინჯია 6, ტ. კალანდაძე 4, ბაძაღუა 3, კოხრეიძე 2, აბჟანდაძე 2, ცუხიშვილი 2, დემეტრაშვილი 2, ი. ცხვარაშვილი 2, ქუთათელაძე, ნატროშვილი, ზარნაძე, გელაშვილი

თელავი: ა. სამიტაშვილი, წვერიკმაზაშვილი - გ. სვიმონიშვილი 7, გიგაური 5, ანდრიაშვილი 5, ი. სამიტაშვილი 3, მღებრიშვილი 1, ცისკარიშვილი, მაისაშვილი, გიორგელაშვილი, ნ. სვიმონიშვილი, იაგორაშვილი ბიწკინაშვილი, ბეჟაშვილი, დიდებაშვილი

მსაჯები: ელენე არაბული, ინა ჭკუასელი

სტუ - იმედი 35:15

იმედი: მღებრიშვილი, ლორია, მამულაშვილი - გიორგაძე 7, მძელური 2, ბეჟანიშვილი 2, აბაშიძე 1, ი. კალანდაძე 1, თაბაგარი 1, ჩაკვეტაძე 1, მაჭარაშვილი, რუსტამოვი , ჩიკვილაძე, ალანია, გოთოშია,

მსაჯები: ინა ჭკუასელი, გია ბროლაძე

მდგომარეობა (თ, მ, ფ, წ, ბ, ქ)
სტუ--------------7 7 0 0 236-160 14
ბათუმი--------- 4 3  0  1  151-122 6
სამტრედია-----4  3  0  1  135-116 6
პეგასი----------- 7 2 2  3 212-234 6
იმედი----------- 7 3  0 4 192-219 6
ქუთაისი-------- 4 1  1  2  112-126 3
ჭაბუკები-------  4  0  2  2  107-115  2
თელავი--------- 7 0  1 6 158-211 1

დასავლეთი (ბათუმი, სამტრედია, ქუთაისი, ჭაბუკთა ნაკრები) ტურს გამართავს 19-21 ნოემბერს სენაკში

საქართველოს გოგონების ჩემპიონატზე ფოთის გუნდი დაწინაურდა და ხვალ, პირველი წრის ბოლო მატჩში უახლოეს მდევარს, თბილისის მამულს ეთამაშება. მატჩი 12 საათზე დაიწყება გლდანის დარბაზში.

ამ ტურნირში დასავლეთ საქართველოს მხოლოდ 2 გუნდი წარმოადგენს, აღმოსავლეთს ხუთი, ამიტომაც საერთო ტურზე დასავლელებს 5 მატჩის გამართვა უწევთ. ფოთმა დღეს პირველ თამაშში დაამარცხდა ყვარელი, რომელსაც აქამდე მხოლოდ 1 ქულა ჰქონდა დაკარგული. ყვარელი მხოლოდ ორჯერ, თამაშის დასაწყისში დაწინაურდა, შემდეგ კი ფოთელების უპირატესობა გამოიკვეთა. მათ 22:15 მოიგეს, დღესვე დამარცხეს იმედი და 10 ქულით ლიდერობენ.

ხვალ კი მთავარი მატჩია, რის შემდეგაც პირველი წრე დასრულდება.

გოგონები, 1998-99 . გლდანი, 15-16 ნოემბერი.

წყალტუბო - მამული 6:36, ფოთი - პეგასი 24:18, იმედი - წყალტუბო 7:15, ქარიშხალა - ფოთი 5:23

ქარიშხალა - წყალტუბო 12:20, წყალტუბო - პეგასი 3:23, იმედი - ფოთი 0:14

ფოთი - ყვარელი 22:15

ფოთი: ჯავახია - ჭითანავა 8, ხურცილავა 7, გადელია 3, ყუფუნია 3, სიხარულიძე 2, ფარცვანია, კუბლაშვილი, სარი, შინკარენკო, ბერაია, ჯგერენაია, სურგულაძე, ტყებუჩავა

ყვარელი: გუბელაძე - ქიტესაშვილი 7, კუნელაშვილი 4, ს. იორდანაშვილი 4, ფუღიაშვილი, თეთრაშვილი, მიხელაძე, კუპატაძე, სეფაშვილი, მჭედლიშვილი, ნოვიკი, ეფემიაშვილი

მსაჯები: ელენე არაბული, ინა ჭკუასელი

მდგომარეობა: ფოთი - 10 ქულა (5 თამაშიდან), მამული - 9 (5), ყვარელი - 7 (5), პეგასი - 6 (6), წყალტუბო - 4 (5), იმედი - 2 (6), ქარიშხალა - 0 (6).

ხვალ - 11:00 ყვარელი - წყალტუბო, 12:00 ფოთი - მამული

საქართველოში სტუმრად მყოფმა სომხეთის ჭაბუკთა ნაკრებმა ტურნეს პირველი მატჩი გამართა და 2 წლით უმცროს ქართველ ბიჭებთან, ოლიმპიურ ნაკრებთან, 11:36 დამარცხდა.

სტუმრებს ერთადერთხელ ჰქონდათ დაწინაურების შანსი, როდესაც პირველივე წუთზე შვიდმეტრიანი დარტყმის უფლება მოიპოვეს, მაგრამ ბურთი მეკარე გიორგი ვათიაშვილმა მოიგერია. ქართველებმა ტაიმი16:5 მოიგეს, მეორე ტაიმში კი ბევრად გაზარდეს სხვაობა. ყველაზე შედეგიანი იყო ირაკლი კბილაშვილი, ვინც თავისი შვიდივე გოლი პირველ ტაიმში გაიტანა.

სომხეთის 1996-97 წლებში დაბადებულთა ნაკრები ხვალ, სპორტკომპლექს არენას მეორე დარბაზში მეორე თამაშს გამართავს და ამჯერად ქართველ თანატოლთა ნაკრებს ეთამაშება. შეხვედრა 17 საათზე დაიწყება, ზეგ კი, 11:00, მესამე მატჩია.

საერთაშორისო მატჩი

საქართველო (15წ) - სომხეთი (17წ) 36:11

15 ნოემბერი, არენა 2

საქართველო: ვათიაშვილი, ხანდოლიშვილი - კბილაშვილი 7, გაწერელია 5, ნაზღაიძე 4, ცხოვრებაძე 3, დოლმაზაშვილი 3, ბიბილეიშვილი 3, დანელიშვილი 3, მაისურაძე 3, ბაინაზაშვილი 2, ტიელიძე 2, გოგავა 1, ე. არსენაშვილი, ფერაძე

მსაჯები: ზაზა სამადაშვილი ზურაბ ქოქოსაძე