მთავარი
უკრაინიდან დაბრუნდა საქართველოს გოგონათა ნაკრები. გუნდმა ითამაშა ქალაქ ბროვარის საერთაშორისო ტურნირზე და გამართა ორი ამხანაგური მატჩი. ბოლო თამაშში ქართველებმა დაამარცხეს ბროვარის ოლიმპიური რეზერვის სკოლის თანატოლები - 27:21.
გვესაუბრება ნაკრები მთავარი მწვრთნელი, უკრაინელი მაია კარბუნარი, რომელიც თავის დროზე საკმაოდ ცნობილი ხელბურთელი იყო თავის ქვეყანაში და სახელგანთქმულ კიევის სპარტაკში თამაშობდა.
მაია კარბუნარი: - ტურნეთი ძალიან კმაყოფილი ვარ. ეს იყო პირველი საერთაშორისო ტურნირი ჩვენი გუნდისთვის და უკრაინაში არ ელოდნენ რომ საქართველო საკმაოდ ძლიერი გუნდით ჩავიდოდა. ისეთ კომპონენტებში, როგორიცაა მონდომება, ბრძოლისუნარიანობა, აზარტი, მოტივაცია, ყველაფერი რიგზე იყო და ამ მხრივ ყველა გუნდს შორის გამოვირჩეოდით. კმაყოფილი ვარ ფიზიკური მომზადებითაც. მეტი უნდა ვიმუშაოთ ტექნიკაზე და სათამაშო აზროვნებაზე. ამ მხრივ მოსამატებელი გვაქვს.
მოვიგეთ ორი ამხანაგური მატჩი ჩვენს თანატოლებთან, ბროვარის ოლიმპიური სკოლის გუნდთან. ეს ფაქტიურად უკრაინის ნაკრებია, სადაც შეკრებილნი არიან გოგონები თითქმის მთელი ქვეყნიდან - ისინი მთელი წლის განმავლობაში ერთად ვარჯიშობენ და ერთად სწავლობენ. ასეთივე პრინციპითაა შედგენილი ბელარუსის ნაკრები, რომელიც სპეციალური პროგრამით ემზადება თბილისის 2015 წლის ოლიმპიური ფესტივალისთვის.
ბელარუსთან მხოლოდ საკუთარი შეცდომების გამო წავაგეთ. ნორმალურად ვითამაშეთ პირველი ტაიმი, ვაგებდით ცოტათი, მაგრამ მეორე ტაიმში დავუშვით უამრავი ელემენტარული შეცდომა, ძირითადად, ბურთის გადაცემაში. ამას ორი მიზეზი აქ - ჯერ ერთი, უცხოეთში უფრო მეტ ხელის წებოს ხმარობენ, რაც ბურთის დაჭერას აადვილებს, მაგრამ პასის მიცემა უფრო ძნელია და მეორე, როგორც გითხარით, ჩვენი ხელბურთელების საბაზისო ტექნიკა გამოსასწორებელი და გასაუმჯობესებელია. ეს ეხება პასს, კარში ტყორცნას, მეკარისა თუ გარემარბების სპეციფიურ თამაშს.
ზაპოროჟიეს გუნდი შეჯიბრებაში ბოლო მომენტში, აზერბაიჯანელების ნაცვლად ჩაება, რის გამოც მათ 1996 და 1997 წლებში დაბადებული რამდენიმე მოთამაშე ჰყავდათ. უკრაინის ნაკრები იგივე ბროვარის გუნდი იყო, 1997 წელს დაბადებული რამდენიმე გოგონათი გაძლიერებული. ისინი ჩვენზე ბევრად მაღლები იყვნენ, თუმცა, სიმაღლეში ბელარუსის, ჩვენი თანატოლების ნაკრებიც გვჯობდა.
ჩვენი გუნდით, როგორც გითხარით, კმაყოფილი ვარ. გუნდის ლიდერი იყო თათია გადელია. ძალიან აზარტული და მებრძოლი გოგოა მაია ბერიძე. თუ ტყორცნის ტექნიკას გააუმჯობესებს, კარგი ინსაიდი დადგება ნინო გაბისონია, ისევე როგორც სოფი ნარიმანიძე, რომელსაც თავდაჯერება აკლია და დაცვაშიც მოისუსტებს. ქეთევან ვენეცკი, პირიქით, დაცვაშია ძლიერი, კმაყოფილი ვარ ხაზის ორივე მოთამაშით, ჩოხელითა და ჯაღათაშვილით, არაუშავდა გარემარბ ღვალაძეს, ბევრჯერ გადაგვარჩინა მეკარე ჯავახიამ, რომელსაც ასევე აქვს ტექნიკა გასაუმჯობესებელი. შემიძლია ყველა ჩამოვთვალო და ყველას მიმართ ვთქვა, რომ, თამაშის მომატების დიდი პოტენციალი აქვს. აუცილებლად დავიმატებთ რამდენიმე გოგონას ყვარლის გუნდიდანაც, რითაც კონკურენცია გაიზრდება. ჯამში, 2015 წლის ოლიმპიურ ფესტივალამდე თითქმის ორი წელი გვაქვს და იმ დროისთვის უკვე ძლიერი გუნდი უნდა გვყავდეს.
საქართველო (15წ) - ბროვარი (15წ) 27:21
საქართველო: ქრისტინე ჯავახია (ფოთი), თინათინ ყაველაშვილი (პეგასი) - თათია გადელია (ფოთი) 5, თეონა ჯაღათაშვილი (მამული) 5, ანა ყველაშვილი (მამული) 4, ქრისტინე ღვალაძე (მამული) 3, მედეა ჩოხელი (პეგასი) 2, თამარ გიორგაძე (მამული) 2, ნინო გაბისონია (მამული) 2, სოფი ნარიმანიძე (მამული) 2, ნინო სიხარულიძე (ფოთი) 2, მაია ბერიძე (პეგასი), თამარ ჩოგოვაძე (პეგასი), ქეთი ვენეცკი (პეგასი) - მთ. მწვრთნელი მაია კარბუნარი, მწვრთნელი ელისო ჟურულიშვილი
დანარჩენი მატჩები უკრაინაში: ბროვარი (15წ) 29:23, ბელარუსი (15წ) 19:27, ზაპოროჟიე (17წ) 15:26, უკრაინა (16წ) 18:25
ევროპის ხელბურთის ფედერაციის თასზე მაკედონიის ზომიმაკ-სტრუმიცამ საპასუხო მატჩში 33:24 დაამარცხა დანიის ორჰუსი და მეოთხე წრეში გავიდა.
პირველი თამაში მაკედონიელებს 26:29 ჰქონდათ წაგებული. სტრუმიცას მარჯვენა გარემარბმა რევაზ ჭანტურიამ 3 გოლი გაიტანა და ამ სეზონის ოთხ თამაშში ფედერაციის თასზე 17 გოლი დაუგროვდა. დღეს ყველაზე შედეგიანი იყო მაკედონიელი რადოსლავ სტოიანოვიჩი - 13 გოლი.
შეჯიბრებას გამოეთიშა შტიინცა ბაკეუ. რუმინელებს სტუმრად 25:40 ჰქოდათ წაგებული შვედეთის კრისტიანსტადთან, მაგრამ მეორე მატში მაქსიმუმ შვიდგოლიან სხვაობას მიაღწიეს, საბოლოოდ კი მხოლოდ ოთხით მოიგეს - 27:23. შოთა თევზაძე რუმინული კლუბის კარს მეორე ტაიმში იცავდა, ვლადიმერ რუსია კი თამაშის უმეტეს დროს მოედანზე იყო, მაგრამ გოლი ბურთი არ გაუტანია. რუსიამ შეჯიბრება 4 გოლით დაასრულა. რუმინელთა გუნდში ყველაზე შედეგიანი იყო ბრაზილიელი და სილვა - 10 გოლი.
სანამ ბაკეუ ევროთასებზე გამოდიოდა, კიდევ ერთი ქართველის კლუბმა, ტიმოშოარას პოლიტექნიკამ რუმინეთის ჩემპიონატზე ითამაშა. ირაკლი ჩიქოვანი ზედიზედ მესამედ გახდა პოლიტექნიკას საუკეთესო ბომბარდირი 8 გოლით, მაგრამ კლუბი ზედიზედ მესამედ დამარცხდა - შინ, 25:28, პანდურისთან.
დღეს ჩემპიონთა ლიგაზე გაიმართა 5 მატჩი. ვარდარ სკოპიესთან გამარჯვების სემდეგ მერვედფინალის საგზური ოფიციალურად გაინაღდა ბარსელონამ. მეშვიდე ტური ხვალ დასრულდება 4 მატჩით, რის შემდეგაც თებერვლამდე შესვენება გამოცხადდება.
ფოტო: რეზო ჭანტურია (23)
ჩემპიონთა ლიგა 2013-14. კაცები. ჯგუფური ეტაპი.
7 ტური. 27 ნოემბერი-1 დეკემბერი
A ჯგუფი
მოტორ ზაპოროჟიე (უკრ) - რეინ–ნეკარ ლიოვენი (გერ) 26:32
ვესპრემი (უნგ) - სტ. პეტერბურგი (რუს) 29:20
ცელიე ლაშკო (სლნ) - ოსიგურანიე ზაგრები (ხორ) 26:20
ვესპრემი 14 ქულა, რეინ–ნეკარი 11, ზაპოროჟიე 7, ცელიე 6 / ზაგრები 4, სტ. პეტერბურგი 0
B ჯგუფი
პორტუ (პორ) - კოლდინგი (დან) 27:24
დიუნკერკი (საფ) - ტარგი კილცე (პოლ) 30:25
1 დეკ, 17:30 კილი (გერ) - ვისლა პლოცკი (პოლ)
კილი, კოლდინგი 10, კილცე 8, ვისლა 6 / პორტუ 4, დიუნკერკი 2
C ჯგუფი
ბარსელონა (ესპ) – ვარდარ სკოპიე (მკდ) 30:23
1 დეკ, 18:00 დინამო მინსკი (ბლრ) - პსჟ (საფ)
1 დეკ, 21:00 მეტალურგ სკოპიე (მკდ) - ვაკერ თიუნი (შვც)
ბარსელონა 13, მეტალურგი 8, პსჟ 7, ვარდარი 6 / დინამო 4, თიუნი 0
D ჯგუფი
დროტ ჰალმსტადი (შვდ) - გორენიე ველენიე (სლნ) 32:40
ჰამბურგი (გერ) - ლოგრონიო ლა რიოხა (ესპ) 34:27
1 დეკ, 19:00 ოლბორგი (დან) - ფლენზბურგი (გერ)
ჰამბურგი 12, ფლენზბურგი 9, ოლბორგი 8, გორენიე 6 / ლოგრონიო 4, ჰალმსტადი 1
მერვედფინალში გადის 4–4 გუნდი
სომხეთიდან გამარჯვებით დაბრუნებულმა საქართველოს ჭაბუკთა ნაკრებმა ხელბურთის ფედერაციაში დღეს პრესკონფერენცია გამართა.
1996-97 წლებში დაბადებულთა გუნდმა ერევანში სომხეთის პრემიერ მინისტრის თასზე დაამარცხა რუსეთის ნაკრები ( 33:28) უკრაინა (33:28) და სომხეთი (32:21) და პირველი ადგილი დაიკავა. მთავარ ჯილდოსთან ერთად გუნდს კიდევ 4 პრიზი ერგო - საუკეთესო ბომბარდირი გახდა თემურ ორჯონიკიძე (36 გოლი), ორჯონიკიძემ, ალექსანდრე ცხვარაშვილმა და მეკარე ზურაბ ცინცაძემ კი თავ-თავიანთ სათამაშო პოზიციებზე საუკეთესო ხელბურთელის ჯილდო მოიპოვეს.
ტიტე კალანდაძე, მთავარი მწვრთნელი: - ჩვენი გუნდისთვის ეს ფაქტიურად პირველი ტურნირი იყო. ბოლო თამაშის წინ ფავორიტებად რუსები ითვლებოდნენ. მათ გაცილებით დიდი სხვაობით დაამარცხეს მეტოქეები, მაგრამ ჩვენ მეორე მატჩში, სომხეთთან ძალები დავზოგეთ და რუსეთან საბრძოლველად მოვემზადეთ. ფიზიკურად მეტოქე ჩვენზე ძლიერი იყო, რამდენიმე ორმეტრიანი მოთამაშეც ჰყავდათ, მაგრამ თამაშმა გვანახა, რომ სწორი ტაქტიკითა და შემართებით ხელბურთში ყველასთან გამარჯვება შეიძლება. ძალიან კარგად ითამაშეს შეტევის ლიდერებმა ორჯონიკიძემ და ცხვარაშვილმა, გამოვყოფ დაცვასაც: მეკარე ცინცაძეს, კოხრეიძესა და დემეტრაშვილს. ამ მოგებამ ძალიან კარგი განწყობა შეგვიქმნა ევროპის ჩემპიონატის შესარჩევი ტურნირისთვის. მეტოქეები ძლიერი გვყავს - ხორვატია მასპინძელია და სახელბურთო ქვეყანაა, მაკედონიაში მე თავად მითამაშია 3 სეზონი და ვიცი, რომ იქ ხელბურთი პირველი სპორტია, ჰოლანდიაშიც საკმაოდ განვითარდა ეს სახეობა, მაგრამ, ჩვენ ფინალური ეტაპის საგზურისთვის საბრძოლველად წავალთ.
ვახტანგ ბერიაშვილი, დელეგაციის ხელმძღვანელი: - მწვრთნელებმა სწორი ტაქტიკა შეარჩიეს რუსეთთან მატჩისთვის. მთავარი იყო, რომ რუსეთისთვის სწრაფი შეტევის საშუალება არ მიგვეცა, რაც მოვახერხეთ კიდეც. თავიდან ბოლომდე ვლიდერობდით, დარბაზი ძალიან გვიჭერდა მხარს, მაგრამ დადგა მომენტი, როცა რუსები 3 ბურთამდე წამოგვეწივნენ და ამ მომენტში 2 ძალიან მნიშვნელოვანი გოლი გაიანა გარემარბმა ირაკლი გოგოლაძემ. ჯილდო თავად სომხეთის პრემიერ მინისტრმა, ტიგრან სარგსიანმა გადმოგვცა.
პრესკონფერენციას ესწრებოდნენ ხელბურთის ფედერაციის პრეზიდენტი ზურაბ კაკაბაძე და სპორტის მინისტრის მოადგილე თამაზ თევზაძე.
საქართველოს 18-წლამდელთა ნაკრები ტიტე კალანდაძისა და გიორგი გვაზავას ხელმძღვანელობით ემზადება ევროპის 2014 წლის ჩემპიონატის შესარჩევი ტურნირისთვის, რომელიც 10-12 იანვარს გაიმართება ხორვატიაში. 10 იანვარს ვეთამაშებით ჰოლანდიას, 11 იანვარს - ხორვატიას და 12 იანვარს - მაკედონიას. ფინალურ ტურნირზე ჯგუფიდან 2 გუნდი გადის.
https://www.facebook.com/media/set/?set=a.389456674521108.1073741893.153041141495997&type=1
პრესკონფერენციის ფოტოები:
https://www.facebook.com/media/set/?set=a.389803834486392.1073741894.153041141495997&type=1
საქართველოს ხელბურთელ გოგონათა ნაკრებმა (1998-99) უკრაინის ქალაქ ბროვარიში დასრულებული საერთაშორისო ტურნირის ბოლო მატჩი უკრაინასთან წააგო - 18:25.
მეორე მატჩში ზაპოროჟიეს გუნდმა დაამარცხა ბელარუსი - 22:19. შედეგად, ორი უკრაინული გუნდი, რომლებიც 1997-98 წლებში დაბადებულებით ასპარეზობდნენ, პირველ-მეორე ადგილებზე გავიდნენ. ჩვენი ნაკრები 19:27 დამარცხდა ბელარუსთან და 15:26 ზაპოროჟიეს გუნდთან.
ელისო ჟურულიშვილი, მწვრთნელი: - ნაკრებისთვის ეს პირველი საერთაშორისო ტურნირი იყო. აქამდე ერთადერთხელ, შარშან ვიყავით ბაქოში, სადაც სამი ამხანაგური თამაში გვქონდა. ამის გათვალისწინებით, კიევის ტურნირზე გამოსვლა ნორმალური იყო. მასპინძლებს მოეწონათ ჩენი გუნდი - გვითხრეს, რომ აზარტული, ემოციური და პერსპექტიული გოგონები გვყავს, რომლებმაც დაამშვენეს ტურნირი. დღეს გაიმართა საზეიმო დახურვა, რომელზედაც ჩვენი გუნდიდან საუკეთესო მოთამაშის პრიზი თათია გადელიას გადაეცა - მან 3 თამაშში 19 გოლი გაიტანა. უკრაინაში კიდევ ერთი დღე ვრჩებით, კვირას ამხანაგური მატჩი გვექნება ბროვარის ბუნდთან, რომელსაც ერთი მსგავსი თამაში უკვე მოვუგეთ - 29:23. საქართველოში ორშაბათს დავბრუნდებით.
საქართველოს გოგონათა ნაკრები ემზადება ევროპის ახალგაზრდობის ოლიმპიური ფესტივალისთვის, რომელიც 2015 წელს თბილისში გაიმართება. 2015 წლიდან გუნდი უკვე ჩვიდმეტწლამდელთა ევროპის ჩემპიონატზე ითამაშებს, ერთი წლის შემდეგ კი მსოფლიო პირველობაზე. 2014 წელს გუნდს მზადების ბევრად უფრო ინტენსიური ეტაპი ექნება, რაც რამდენიმე საერთაშორისო ტურნირსაც მოიცავს.
საერთაშორისო ტურნირი უკრაინაში. 30 ნოემბერი, ბროვარი, მესამე დღე
საქართველო (15წ) - უკრაინა (16წ) 18:25
საქართველო: ჯავახია, ყაველაშვილი - ბერიძე 4, ჩოხელი 4, გადელია 4, ღვალაძე 3, ჯაღათაშვილი 1, ნარიმანიძე 1, გაბისონია 1, ჩოგოვაძე, ყველაშვილი, ვენეცკი, გიორგაძე, სიხარულიძე (მთ. მწვრთნელი მაია კარბუნარი, მწვრთნელი ელისო ჟურულიშვილი)
ზაპორიჟიე - ბელარუსი 22:19
საბოლოო მდგომარეობა: უკრაინა 6 ქულა, ზაპოროჟიე 4, ბელარუსი 2, საქართველო 0
სახელბურთო ჩემპიონთა ლიგაზე დასრულდა მეშვიდე ტური და გამოცხადდა შესვენება თებერვლამდე.
16-დან 7 მერვედფინალისტი უკვე ცნობილია. მათ შორის 4 გერმანული კლუბია - თასის მფლობელი ჰამბურგი, კილი, ფლენზბურგი და ლიოვენი, ასევე უნგრეთის ვესპრემი, ესპანეთის ბარსელონა და დანიის კოლდინგი.
მიზანი თითქმის მიღწეული აქვს პარი-სენ ჟერმენსაც, ვინც მინსკში ტრავმიებული ლიდერის, მიკელ ჰანსენის გარეშეც მოუგო დინამოს - 35:29. პარიზელმა მლადენ ბოიინოვიჩმა 10 გოლი გაიტანა. ამავე ჯგუფში ფრედ დასრულდა მაკედონიის მეტალურგისა და თიუნის მატჩი - 24:24. შვეიცარიელებმა პირველი, ისტორიული ქულა მოიპოვეს ჩემპიონთა ლიგაში.
დანიურმა ოლბორგმა შინ 26:27 წააგო გერმანიის ფლენზბურგთან, რომელმაც პლეიოფის საგზური გაინაღდა, ხოლო გერმანულმა კილმა 9000 მაყურებლის თვალწინ, შინ დაამარცხა პოლონეთის ვისლა - 34:25.
მერვე ტური გაიმართება 5 თებერვალს, ხოლო ჯგუფური ტურნირი დასრულდება 23 თებერვალს. იქამდე კი სანაკრებო სეზონია. 6 დეკემბერს სერბეთში იწყება ქალთა მსოფლიო ჩემპიონატი, ხოლო 12 იანვარს , დანიაში - კაცების ევროპის პირველობა,
ჩემპიონთა ლიგა 2013-14. კაცები. ჯგუფური ეტაპი.
7 ტური. 27 ნოემბერი-1 დეკემბერი
A ჯგუფი
მოტორ ზაპოროჟიე (უკრ) - რეინ–ნეკარ ლიოვენი (გერ) 26:32
ვესპრემი (უნგ) - სტ. პეტერბურგი (რუს) 29:20
ცელიე ლაშკო (სლნ) - ოსიგურანიე ზაგრები (ხორ) 26:20
ვესპრემი 14 ქულა, რეინ–ნეკარი 11, ზაპოროჟიე 7, ცელიე 6 / ზაგრები 4, სტ. პეტერბურგი 0
B ჯგუფი
პორტუ (პორ) - კოლდინგი (დან) 27:24
დიუნკერკი (საფ) - ტარგი კილცე (პოლ) 30:25
კილი (გერ) - ვისლა პლოცკი (პოლ) 34:25
კილი 12, კოლდინგი 10, კილცე 8, ვისლა 6 / პორტუ 4, დიუნკერკი 2
C ჯგუფი
ბარსელონა (ესპ) – ვარდარ სკოპიე (მკდ) 30:23
დინამო მინსკი (ბლრ) - პსჟ (საფ) 29:35
მეტალურგ სკოპიე (მკდ) - ვაკერ თიუნი (შვც) 24:24
ბარსელონა 13, პსჟ 9, მეტალურგი 9, ვარდარი 6 / დინამო 4, თიუნი 1
D ჯგუფი
დროტ ჰალმსტადი (შვდ) - გორენიე ველენიე (სლნ) 32:40
ჰამბურგი (გერ) - ლოგრონიო ლა რიოხა (ესპ) 34:27
ოლბორგი (დან) - ფლენზბურგი (გერ) 26:27
ჰამბურგი 12, ფლენზბურგი 11, ოლბორგი 8, გორენიე 6 / ლოგრონიო 4, ჰალმსტადი 1
მერვედფინალში გადის 4–4 გუნდი
თელავში დასრულდა საქართველოს ჩემპიონატი 1998-99 წლებში დაბადებულ ბიჭებს შორის აღმოსავლეთ ლიგაში. ბოლო მატჩში თელავი 31:33 დამარცხდა ყვარელთან, მაგრამ ბურთების უკეთესი სხვაობით მაინც გახდა ჩემპიონი.
სამმა გუნდმა - თელავმა, ყვარელმა და გორმა 8 თამაში მოიგო, 2 წააგო და 16-16 ქულა დააგროვა. პირად შეხვედრებიში თელავს ბალანსი +2 აღმოაჩნდა, გორს +1, ყვარელს - 3. ადგილებიც ასე განაწილდა. სამივე გუნდი ბრძოლას გააგრძელებს უკვე საქართველოს ჩემპიონობისთვის, სადაც გავლენ აღმოსავლეთის, დასავლეთისა და თბილისის ლიგების 3-3 საუკეთესო გუნდი და საუკეთესო მეოთხე ადგილი.
თამაში საოცარი სცენარით განვითარდა. თელავმა ტაიმმი 19:15 მოიგო, მაგრამ შესვენების შემდეგ ყვარელმა დევნა წამოიწყო და ტაიმის შუაში დაწინაურდა. დასრულებამდე წუთით ადრე ყვარელი 4 ბურთით იგებდა, რაც იმას ნიშნავდა, რომ ჩემპიონი ხდებოდა გორი. 5 ბურთით გამარჯვების შემთხვევაში ყვარელი მეორე ადგილზე გადაინაცვლებდა, ხოლო 6-ბურთიან სხვაობაზე თავად ხდებოდა ჩემპიონი, მაგრამ 2 ბურთი თელაველებმა გაიტანეს და 3 გუნდს შორის მატჩებში ბურთების სხვაობის მიხედვით, მხოლოდ 1 ბურთით აჯობეს გორს.
ამგვარად, აღმოსავლეთის ლიგის ჩემპიონი გახდა, თელავი (მწვრთნელები ანდრო ანდრიაშვილი და შალვა მამალაშვილი), მეორე ადგილზეა გორი (გია მამაცაშვილი და თორნიკე გაგლოშვილი), მესამე პრიზიორია ყვარელი (გოჩა ღონიაშვილი და ზურაბ ხარებაშვილი).
მატჩის დასრულების შემდეგ გაიმართა გამარჯვებულთა დაჯილდოება, რომელშიც მონაწილეობდნენ ხელბურთის ფედერაციის პრეზიდენტი ზურაბ კაკაბაძე, ვიცე-პრეზიდენტები იმედო ფხაკაძე და ვახტანგ მეიფარიანი, ჭაბუკთა ნაკრების მწვრთნელი დიმიტრი აბესაძე, კახეთის რეგიონული ფედერაციის თავმჯდომარე გიორგი სვიმონიშვილი.
4-6 დეკემბერს დასავლეთის ლიგის ჩემპიონი გამოვლინდება სენაკში, ხოლო 9-13 დეკემბერს -თბილისის ლიგის პრიზიორები. 10 საუკეთესო გუნდი ბრძოლას განაგრძობს უკვე საქართველოს ჩემპიონობისთვის. ერთწრიანი ტურნირის შემდეგ გამოვლინდება 6 საუკეთესო გუნდი, რომლებიც ფინალურ ტურს გამართავენ. ქულების ათვლა მეორე და მესამე ეტაპებზე ნულიდან დაიწყება.
საქართველოს ჩემპიონატი
ბიჭები, 1998-99 . აღმოსავლეთი . მეორე წრე, თელავი
30 ნოემბერი
ყვარელი - თელავი 33:31
ყვარელი: მოლაშვილი - ჭერაშვილი 9, დოლმაზაშვილი 8, ჯიქურაშვილი 7, ბურკაძე 5, ხაჩიშვილი 4, ცულიკაშვილი
თელავი: ლილუაშვილი - დანილაშვილი 21, ჯაშიაშვილი 3, ბაჩიაშვილი 3, გიგაური 2, კაიშაური 1, ყორიაული 1
საბოლოო მდგომარეობა: 1. თელავი 16 ქულა (+2) 2. გორი 16 (+1) 3. ყვარელი 16 (-3), / 4. რუსთავი 8 / 5. ახაშენი 2 6. ლაგოდეხი 2
მატჩები სამ გუნდს შორის: თელავი - გორი 29:26, 24:29, გორი - ყვარელი 28:27, 22:24, თელავი - ყვარელი 31:25, 31:33
დასავლეთი. მეორე ტური 4-6 დეკემბერს სენაკში
ფოთი 10 ქულა, სამტრედია 8, ზუგდიდი 6 / წყალტუბო 4 / ქუთაისი 2, ბათუმი 0
თბილისი. მეორე ტური - 9-13 დეკემბერს
ქარიშხალა 9 ქულა, პეგასი 9, მამული 6 / იმედი 4 / შევარდენი 2, ქარელი 0
მეორე ეტაპზე გადის 3-3 საუკეთესო გუნდი და საუკეთესო 4 ადგილი
