შეცდომა
  • თარგი ამ ჩვენებისთვის არ არის ხელმისაწვდომი. გთხოვთ დაუკავშირდით საიტის ადმინისტრატორს.

მთავარი

30/05/14 ორშაბათს ფინალური ექვსეული იწყებს

ორშაბათს, სპორტკომპლექს არენაში იწყება საქართველოს ჩემპიონატის ფინალური ტური 1998-99 წლებში დაბადებულ ბიჭებს შორის.

ორი ეტაპის შემდეგ შერჩეული 6 საუკეთესო გუნდი ერთ წრედ ითამაშებს 2014 წლის ჩემპიონის ტიტულისთვის. ტურნირს მონაწილეები 0 ქულიდან იწყებენ, ჩემპიონობის შანსი ყველას აქვს.

პირველი ეტაპი 2013 წელს დასრულდა - გამოვლინდნენ რეგიონალური ჩემპიონები (თელავი, ფოთი, ქარიშხალა) და მეორე ეტაპზე გამსვლელი 10 გუნდი. საგაზაფხულო ეტაპი პეგასმა მოიგო, მეორეზე ქარიშხალა გავიდა, მესამეზე - იმედი. ექვსეულის საგზურები მოიპოვეს ასევე იმედმა, გორისა და ფოთის გუნდებმა.

ამ ასაკობრივ კატეგორიაში საქართველოს ჩემპიონი 6 ივნისს გამოვლინდება, სეზონი კი დასრულდება ხელბურთელთა ეროვნული ჩემპიონატის ბოლო ტურით, რომელიც გლდანში გაიმართება 16-19 ივნისს და რომელშიც რვავე გუნდი ითამაშებს.

საქართველოს ჩემპიონატი.

ბიჭები, 1998-99. ფინალური ექვსეულ

2-6 ივნისი, არენა 2

2 ივნისი, ორშაბათი

15:00 პეგასი - იმედი

16:30 ქარიშხალა - ფოთი

18:00 მამული - გორი

3 ივნისი, სამშაბათი

15:00 ფოთი - მამული

16:30 გორი - პეგასი

18:00 იმედი - ქარიშხალა

4 ივნისი, ოთხშაბათი

15:00 იმედი - გორი

16:30 პეგასი - ფოთი

18:00 ქარიშხალა - მამული

5 ივნისი, ხუთშაბათი

15:00 ფოთი - იმედი

16:30 ქარიშხალა - გორი

18:00 მამული - პეგასი

6 ივნისი, პარასკევი

15:00 გორი - ფოთი

16:30 მამული - იმედი

18:00 პეგასი - ქარიშხალა

26/05/14 ვერცხლი რუმინეთში და ბრინჯაო მაკედონიაში

ქართველი ხელბურთელების, შოთა თევზაძისა და ვლადიმერ რუსიას გუნდმა შტიინცა ბაკეუმ, ზედიზედ მესამედ, მეორე ადგილი დაიკავა რუმინეთის ჩემპიონატში, ხოლო რევაზ ჭანტურიამ ბრინჯაოს მედალი მოიპოვა მაკედონიაში, ზომიმაკ-სტრუმიცას შემადგენლობაში.

ბოლო მატჩში ბაკეუმ 24:19 დაამარცხა კონკურენტი, კონსტანცა და ქულებით დაეწია (9-9), მაგრამ პირადი მატჩებით ჩემპიონი კონსტანცა გახდა, რადგან პირველი მატჩი ბაკეუსთვის 27:18 ჰქონდა მოგებული. საკუთარ მოედანზე ბაკეუ 5:0 დაწინაურდა და მთელი მატჩი იგებდა 3-6 ბურთით, მაგრამ სასურველ სხვაობას ვერ მიაღწია. რუსია სასტარტო შემადგენლობაში იყო, გოლი არ გაუტანია, მაგრამ დაცვაში შეუცვლელად თამაშობდა 44-ე წუთამდე, როდესაც მესამედ გააძევეს ორი წუთით და წითელი ბარათით დატოვა მოედანი.

შოთა თევზაძეს ბაკეუსთან კონტრაქტი დაუსრულდა. კლუბის ვებგვერდზე მას, მთავარ მწვრთნელ ელიოდორ ვოიკას და გუნდის ორ ლიდერს, ქრისტიან გიტას და ბრაზილიელ ველინგტონ და სილვას გუნდისა და ქალაქის ხელმძღვანელობა წარმატებას უსურვებს მომავალ კარიერაში.

მეშვიდე ადგილი დაიკავა ტიმიშოარას პოლიტექნიკამ, ვინც ფინალურ ტურნირში ოთხივე მატჩი მოიგო. ბოლო ტურში ტიმიშოარამ 34:31 მოუგო ბაია მარეს, ხოლო გუნდის ლიდერმა, ირაკლი ჩიქოვანმა 8 გოლი გაიტანა.

მაკედონიაში სტრუმიცამ ბოლო ორი თამაში წააგო იქაურ გრანდებთან - ვარდართან და მეტალურგთან (21:27, 27:32, რეზო ჭანტურიამ ვარდართან 6 გოლი გაიტანა), მაგრამ პელისტერს მაინც 2 ქულით გაასწრო (15-13) და მესამე ადგილი დაიკავა. სკოპიეს ორმა გუნდმა 27-27 ქულა დააგროვა, მაგრამ პირადი შეხვედრით ჩემპიონი მეტალურგი გახდა.

ფოტო: თევზაძე, რუსია და შტიინცა ბაკეუ სეზონის დასრულების შემდეგ

28/05/14 როგორ დამარცხდა მთავარი ფავორიტი

ანდორიდან დაბრუნდა საქართველოს ახალგაზრდული ნაკრები, რომელმაც მეორე ადგილი მოიპოვა ხელბურთის საერთაშორისო ფედერაციის თასის ევროპული ზონაში, თუმცა, დასახული ამოცანა - გამარჯვება და ინტერკონტინენტალური ფინალის საგზურის მოპოვება - ვერ შეასრულა.

გვესაუბრება მწვრთნელი ლევან გელაშვილი: - ანდორაში ჩვენ წავედით ტურნირის მოსაგებად. ყველაფერი კარგად აეწყო. იოლად მოვუგეთ ალბანეთს, შემდეგ უფრო ძლიერი მეტოქე, ბრიტანეთი დავამარცხეთ, ბოლოს - უფრო რთული მატჩი გვქონდა მოლდოვასთან. ნახევარფინალში იოლად მოვუგეთ ანდორას და ცოტა სული მოვითქვით. თითქოს ყველაფერი იდეალურად იყო და ფინალში საუკეთესო თამაში უნდა გვეჩვენებინა.

ვთამაშობდით ისე, როგორც ჩაფიქრებული გვქონდა და რისთვისაც ვემზადებოდით - გუნდურ ხელბურთს, დაბალანსებულს, ყველა რგოლი თავის ადგილზე იყო, შემცვლელებიც ნორმალურად შემოდიოდნენ თამაშში, დაცვაში ხისტად ვიდექით, რის შედეგადაც ჩვენს მეკარეებსაც კარგი სტატისტიკა ჰქონდათ.

მოკლედ, ვიყავით აბსოლუტური ფავორიტები ყველას თვალში - ადგილობრივი მედიის, მაყურებლის, მეტოქეების და ანდორაში მოთამაშე ქართველი მორაგბეებისაც, რომლებიც ყველა თამაშზე გულიანად გვქომაგობდნენ . მეორე ჯგუფში დიდი ბრძოლა იყო გამართული პირველი ადგილისთვის, რადგანაც ნახევარფინალში ჩვენთან თამაში არავის უნდოდა. ანდორა კინაღამ შეაკვდა ფარერის კუნძულებს და 50 წუთი თანაბრად ეთამაშა, ფარერელებს გაუჭირდათ აზერბაიჯანთანაც, ხოლო ნახევარფინალის დასრულებამდე სამი წუთით ადრე მოლდოვასთან 2 ბურთით აგებდნენ და სულ ერთქულიანი სხვაობით გაიმარჯვეს.

დადგა ფინალის დღე. ბიჭები დაღლილები არ იყვნენ, მოტივაცია სერიოზული ჰქონდათ. ვერ ვიტყვი, რომ ფარერელები ჩვენზე მაღლები ან ჩვენზე ჯანიანები იყვნენ. შეტევაშიც ნორმალურად ვითამაშეთ და გასატანი გავიტანეთ, მაგრამ დაცვაში ვერ დავდექით. ძალა ვერ ვაჩვენეთ მეტოქეს, ვერაფერში ხელი ვერ შევუშალეთ. ფინალი ჩავაგდეთ, ერთი სიტყვით. ვაგებდით თავიდან ბოლომდე.

მიზეზი ჩემი აზრით ერთდაერთი იყო - გუნდი ემოციურად ძალიან გადატვირთული იყო და ფინალის წინ ვერ განიმუხტა. ეს, ცხადია, არა მოთამაშეების , არამედ ჩვენი ბრალია. ბიჭებმა კი აღიარეს, რომ ფარერები ჩვენზე ძლიერი გუნდი იყო და ალალად მოგვიგო, მაგრამ, ფარერებს ათიდან ათს ვერა, მაგრამ თამაშების უმეტესობას მოვუგებთ. ახლა რაღა დროსია, მაგრამ, პირადად ჩემი აზრით, ასეა.

ტურნირზე საუკეთესო მოთამაშის პრიზი მოიპოვა თემურ ორჯონიკიძემ, ხოლო სხვებთან ერთად იმსაჯეს ქართველმა არბიტრებმა, ინა ჭკუასელმა და ელენე არაბულმა. ახლა, ნაკრების ყველა მოთამაშე თავ-თავის კლუბებში საქართველოს ჩემპიონატს დაასრულებს, ხოლო 2015 წელს ამ გუნდს 21-წლამდელთა მსოფლიო ჩემპიონატის შესარჩევი ტურნირი ელის.

ფოტო: ფარერები-საქართველო

IHF თასი (20 წ). ევროპის ზონა. ანდორა, 21-25 მაისი, 2014
A ჯგუფი: ფარერები, ანდორა, აზერბაიჯანი, ირლანდია
B
ჯგუფი: მოლდოვა, საქართველო, ბრიტანეთი, ალბანეთი

21 მაისი. საქართველო - ალბანეთი 45:18

ცინცაძე , ცერცვაძე  - აბრამიშვილი 10, ორჯონიკიძე 7, ალანია 6, სიმონია 5, გიორგაძე 5, ცხვარაშვილი 4, გოგოლაძე 2, დიხამინჯია 2, სტურუა 2, კოხრეიძე 1, არსენაშვილი 1

22 მაისი. საქართველო - ბრიტანეთი 34:24

ცინცაძე (13 მოგერიება), ცერცვაძე (10) - სიმონია 10, ორჯონიკიძე 8, ცხვარაშვილი 6, აბრამიშვილი 2, გოგოლაძე 2, კოხრეიძე 1, სტურუა 1, გიორგაძე 1, არსენაშვილი 1, ალანია 1, დიხამინჯია 1

23 მაისი. საქართველო - მოლდოვა 28:23

ცინცაძე (16), ცერცვაძე (3) - სიმონია 8, ორჯონიკიძე 5, აბრამიშვილი 4, ცხვარაშვილი 3, კოხრეიძე 3, გოგოლაძე 3, არსენაშვილი 1, ალანია 1

24 მაისი, ნახევარფინალი. საქართველო - ანდორა 39:20

ცინცაძე (11), ცერცვაძე (4) - ორჯონიკიძე 6, ალანია 6, გიორგაძე 6, ცხვარაშვილი 4, სტურუა 3, სიმონია 3, გოგოლაძე 3, დიხამინჯია 2, აბრამიშვილი 2, კოხრეიძე 2, აბჟანდაძე 1, არსენაშვილი 1

25 მაისი. ფინალი. საქართველო - ფარერები 25:34

ცერცვაძე (8), ცინცაძე (3) - ორჯონიკიძე 6, კოხრეიძე 5, გოგოლაძე 4, სიმონია 4, ცხვარაშვილი 2, აბრამიშვილი 2, სტურუა 2

ახალგაზრდული ნაკრები

მეკარეები: ჯონი ცერცვაძე (სტუ), ზურაბ ცინცაძე (პეგასი)

მოთამაშეები: ზურაბ სიმონია, შალვა სტურუა, თემურ ორჯონიკიძე, ზურაბ აბრამიშვილი, ირაკლი გოგოლაძე, ლაშა არსენაშვილი (სტუ), ალექსანდრე ცხვარაშვილი, ამირან აბჟანდაძე, გიგა კოხრეიძე, გიორგი დიხამინჯია (პეგასი), გივი გიორგაძე, ომარ ალანია (იმედი)

მთავარი მწვრთნელი: ბექა ორჯონიკიძე

მწვრთნელი: ლევან გელაშვილი

დელეგაციის ხელმძღვანელი: ჯორჯე რაშიჩი

ექიმი: ლევან ლინნიკი

 

25/05/14 ახალგაზრდული ნაკრები ფინალში დამარცხდა

ხელბურთელთა ახალგაზრდულმა ნაკრებმა მეორე ადგილი დაიკავა ანდორაში, ხელბურთის საერთაშორისო ფედერაციის თასზე. ზედიზედ 4 მოგების შემდეგ ჩვენი გუნდი ფინალში დამარცხდა ფარერის კუნძულების ოცწლამდელთა ნაკრებთან.

 

ანდორაში ევროპული ზონის ტურნირი გაიმართა. გამარჯვებული, ფარერის კუნძულები გავიდა ინტერკონტინენტალურ ფინალში, რომელიც 2015 წელს გაიმართება. მონაწილეობას მიიღებენ ევროპის, აზიის, ამერიკის, აფრიკისა და ოკეანიის ზონალური შეჯიბრებების გამარჯვებულები.


ჩვენი ახალგაზრდული ნაკრებისთვის კი შემდეგი ოფიციალური შეჯიბრება იქნება 21-წლამდელთა მსოფლიო ჩემპიონატის შესარჩევი ტურნირი, რომელიც 2015 წლის დასაწყისში გაიმართება.


IHF მსოფლიო თასი. ევროპის ზონა. ანდორა, 21-25 მაისი, 2014

A ჯგუფი: ფარერები, ანდორა, აზერბაიჯანი, ირლანდია

B ჯგუფი: მოლდოვა, საქართველო, ბრიტანეთი, ალბანეთი

21 მაისი. საქართველო - ალბანეთი 45:18

22 მაისი. საქართველო - ბრიტანეთი 34:24

23 მაისი. საქართველო - მოლდოვა 28:23

24 მაისი, ნახევარფინალი. საქართველო - ანდორა 39:20

25 მაისი. ფინალი. საქართველო - ფარერები 25:34

საქართველოს ახალგაზრდული (20 ) ნაკრები

მეკარეები: ჯონი ცერცვაძე (სტუ), ზურაბ ცინცაძე (პეგასი)

მოთამაშეები: ზურაბ სიმონია, შალვა სტურუა, თემურ ორჯონიკიძე, ზურაბ აბრამიშვილი, ირაკლი გოგოლაძე, ლაშა არსენაშვილი (სტუ), ალექსანდრე ცხვარაშვილი, ამირან აბჟანდაძე, გიგა კოხრეიძე, გიორგი დიხამინჯია (პეგასი), გივი გიორგაძე, ომარ ალანია (იმედი)

მწვრთნელები: ბექა ორჯონიკიძე, ლევან გელაშვილი, ჯორჯე რაშიჩი; ექიმი: ლევან ლინნიკი

 

26/05/14 ევროპა ოთხთა ფინალის მოლოდინშია

გაირკვა კიდევ ერთი სახელბურთო ევროთასის მფლობელი. ჩელენჯ კაპი მოიგო შვედეთის სევეჰოფმა, ვინც საკუთარ მოედანზე 37:26 დაამარცხა სერბეთის მეტალოპლასტიკა.

ამ გუნდების პირველი თამაში 18 მაისს, სერბეთის წყალდიდობის გამო ჩაიშალა და გადაწყდა, რომ გამარჯვებული ერთი მატჩით გამოვლინდებოდა. სევეჰოფმა პირველი ევროპული ჯილდო მოიპოვა, ხოლო ჯორჯე რაშიჩის მშობლიური კლუბი, რიმელშიც საქართველოს ნაკრების მწვრთნელს 1985 და 86 წლებში ორჯერ მოუგია ჩემპიონთა თასი, უტიტულოდ დარჩა.

ევროპა ახლა ჩემპიონთა ლიგის ოთხთა ფინალის მოლოდინშია. 31 მაისს კიოლნში ნახევარფინალში ითამასებენ ბარსელონა-ფლენზბურგი, კილი-ვესპრემი, ხოლო 1 ივნისს ფინალია.

იქამდე კი ყველა შეჯიბრება დასრულდა. გერმანიის ჩემპიონატი ყველაზე დრამატული იყო. აქ 18 გუნდი 2 წრედ თამაშობს. დასრულებამდე 6 ტურით ადრე ლიოვენის რაინ-ნეკარმა მოუგო კილს, ქულებით დაეწია და უკეთესი ბურთების სხვაობით ლიდერი გახდა. ასე გაგრძელდა ბოლო ტურამდე, რომელშიც ლიოვენმა 40:35 დაამარცხა გუმერსბახი, კილმა კი 37:24 მოუგო ფუხსე ბერლინს და ჩემპიონი მეცხრამეტედ გახდა - მხოლოდ იმის წყალობით, რომ 34 მატჩის ჯამში ბურთების სხვაობა +236 ჰქონდა, ხოლო ლიოვენს +234. ლიოვენმა, რომელიც ჩემპიონთა ლიგის მეოთხედფინალში ბარსელონასთან სტუმრად გატანილი ნაკლები გოლის წყალობით დამარცხდა, კიდევ ერთი მარცხი გერმანიის თასის ფინალში იგემა - ფლენზბურგთან 26:30 წააგო. გერმანიიდან ჩემპიონთა ლიგაზე იგივე ოთხეული გავიდა - კილი, ლიოვენი, ფლენზბურგი და ჰამბურგი.

ესპანეთის ჩემპიონატში ოცდაათივე მატჩი მოიგო ბარსელონამ, ხოლო თასის ფინალში გრანოლერი დაამარცხა - 42:32. ლიგაში კატალონიელთა გარდა გავიდნენ ლოგრონიო ლა რიოხა და გრანოლერსი.

საფრანგეთის ჩემპიონი გახდა დიუნკერკი, ვინც 3 ქულით აჯობა პარი სენ ჟერმენს, რომელმაც, თავის მხრივ, თასი მოიგო. მესამე ადგილზე გასული მონპელიე მხოლოდ ფედერაციის თასზე ითამაშებს.

24/05/14 ფინალი: საქართველო - ფარერები

საქართველოს ახალგაზრდულმა ნაკრებმა 39:20 დაამარცხა ანდორის გუნდი და გავიდა ხელბურთის საერთაშორისო ფედერაციის თასის ევროპული ზონის ფინალში, სადაც ფარერის კუნძულებს შეხვდება.

ფარერებმა ნახევარფინალში მოლდოვის ნაკრებს მოუგეს. ფინალი კვირას, საქართველოს დროით 18 საათზე დაიწყება. გამარჯვებული გავა ინტერკონტინენტალურ ფინალში, რომელიც გაიმართება 2015 წელს და სადაც კონტინენტური ტურნირების გამარჯვებულები ითამაშებენ.

საქართველოს ახალგაზრდულმა ნაკრებმა ზედიზედ ოთხი თამაში მოიგო ანდორაში.

IHF მსოფლიო თასი. ევროპის ზონა. ანდორა, 21-25 მაისი, 2014
A ჯგუფი: ფარერები, ანდორა, აზერბაიჯანი, ირლანდია
B
ჯგუფი: მოლდოვა, საქართველო, ბრიტანეთი, ალბანეთი
21
მაისი. საქართველო - ალბანეთი 45:18
22
მაისი. საქართველო - ბრიტანეთი 34:24
23
მაისი. საქართველო - მოლდოვა 28:23

24 მაისი, ნახევარფინალი. საქართველო - ანდორა 39:20

25 მაისი, 18:00. ფინალი. საქართველო - ფარერები

საქართველოს ნაკრები (20 )

მეკარეები: ჯონი ცერცვაძე (სტუ), ზურაბ ცინცაძე (პეგასი)
მოთამაშეები: ზურაბ სიმონია, შალვა სტურუა, თემურ ორჯონიკიძე, ზურაბ აბრამიშვილი, ირაკლი გოგოლაძე, ლაშა არსენაშვილი (სტუ), ალექსანდრე ცხვარაშვილი, ამირან აბჟანდაძე, გიგა კოხრეიძე, გიორგი დიხამინჯია (პეგასი), გივი გიორგაძე, ომარ ალანია (იმედი)

მწვრთნელები: ბექა ორჯონიკიძე, ლევან გელაშვილი, ჯორჯე რაშიჩი; ექიმი: ლევან ლინნიკი