სიახლეების კალენდარი

მარტი 2021
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
opacity

facebook

 

Chenel

მთავარი

შავიზღვისპირეთში, შეკვეთილში, საწვრთნელ შეკრებას გადის საქართველოს ჭაბუკთა ოლიმპიური ნაკრები. გუნდი ემზადება ევროპის ახალგაზრდობის ოლიმპიური ფესტივალისთვის, რომელიც თბილისში გაიმართება 2015 წლის ივლისში.

შეკრებაზე მთავარი ყურადღება ექცევა ფიზიკურ მომზადებას, რასაც ხელმძღვანელობს მძლეოსნობის ცნობილი სპეციალისტი მამია ტუღუში. მასთან ერთად არიან ნაკრების მწვრთნელები, გიორგი ქობელაშვილი და გიორგი გვაზავა, ასევე, ხელბურთის ფედერაციის ვიცეპრეზიდენტი იმედო ფხაკაძე და ექიმი ლევან ლინნიკი. შეკრებაზე 17 ხელბურთელია საქართველოს 8 კლუბიდან.

2015 წლის ოლიმპიური ფესტივალის სახელბურთო ტურნირისთვის უკვე გადაწყვეტილია ახალი არენის მშენებლობა უნივერსიტეტის ქუჩაზე. არენაში ორი დარბაზი იქნება - მთავარი, 2500 მაყურებელზე და ასევე დარბაზი 800 მაყურებლისთვის. დაიგება უახლესი საფარი და ყველა ტექნიკური პარამეტრი უკანასკნელი სტანდარტისა იქნება. პროექტირება უკვე დასკვნით სტადიაშია და აგვისტოდან მშენებლობა უნდა დაიწყოს.

ოლიმპიური ნაკრები (1998-99) შეკრებაზე

მეკარეები: სანდრო ხანდოლიშვილი (ქარიშხალა), დავით მამულაშვილი (რუსთავი), გიორგი ხარაიშვილი (იმედი)

მოთამაშეები: ირაკლი კბილაშვილი, ლუკა ბულბულაშვილი, გიგი ფერაძე, ლევან მამულაშვილი (ქარიშხალა), ზურაბ გოგავა, ლუკა გაწერელია, გიგა ზარნაძე (პეგასი), თამაზ ტარუაშვილი, გიორგი ტიელიძე (გორი), ზაალ ზაალიშვილი, ენრიკე ბაზანოვი (შევარდენი). ხაზეინ რუსტამოვი (იმედი), გიორგი მერკვილაძე (ქუთაისი), გიორგი ბიბილეიშვილი (ფოთი)

მწვრთნელები: გიორგი ქობელაშვილი, გიორგი გვაზავა, იმედი ფხაკაძე, მამია ტუღუში. ექიმი: ლევან ლინნიკი

გუშინ დოჰაში გაიმართა 2015 წლის კაცთა მსოფლიო ჩემპიონატის წილისყრა. 24 გუნდი 4 ჯგუფად განაწილდა.

A ჯგუფი: ესპანეთი, სლოვენია, ყატარი, ბელარუსი, ბრაზილია, ჩილე

B ჯგუფი: ხორვატია, ბოსნია, მაკედონია, ავსტრია, ტუნისი, ირანი

C ჯგუფი: საფრანგეთი, შვედეთი, ალჟირი, ჩეხეთი, ეგვიპტე, არაბთა გაერთიანებული საემიროები

D ჯგუფი: დანია, პოლონეთი, რუსეთი, არგენტინა, ბაჰრეინი, გერმანია

წილისყრას წინ უცნაური ამბები უძღოდა. რამდენიმე დღის წინ ხელბურთის საერთაშორისო ფედერაციის საბჭომ გამოაცხადა, რომ მსოფლიო ჩემპიონატზე აღარ იასპარეზებდა ავსტრალიის ნაკრები, იმ მიზეზით, რომ ოკეანიის კონფედერაცია ჯერჯერობით IHF-ს სრულუფლებიანი წევრი არაა. ავსტრალიის ადგილი უბოძეს გერმანიას, რომელიც ევროპის პლეიოფში პოლონეთთან დამარცხდა. გერმანია შეირჩა, როგორც საუკეთესო შედეგის მქონე იმ გუნდებიდან, რომლებმაც 2013 წლის მსოფლიო ჩემპიონატზე იასპარეზეს, მაგრამ 2015 წლის ტურნირზე ვერ მოხვდნენ. 2013 წლის მუნდიალზე გერმანიამ მეხუთე ადგილი დაიკავა.

არადა, ევროპული რეიტინგის მხრივ ადგილი ეკუთვნოდა ისლანდიას, რომელიც ევროპის ბოლო ჩემპიონატი მეხუთე ადგილზე დაასრულა. ისლანდიელები ჩივიან, მაგრამ ფაქტია, რომ ადგილი გერმანიას ერგო და ეჭვია, რომ ცვლილება სპეციალურად ამ გუნდისთვის მოხდა. რაც შეეხება ავსტრალიას, გუნდი 1999 წლიდან შვიდჯერ მონაწილეობდა მსოფლიო ჩემპიონატზე და, ერთის გარდა, ყველა შემთხვევაში ბოლო ადგილზე დარჩა.

გერმანიის ნაკრები ორგზის ოლიმპიური, სამგზის მსოფლიო (უკანასკნელად 2007 წლის) და 2004 წლის ევროპის ჩემპიონია, მაგრამ ბოლო სამ დიდ ტურნირზე - 2012 ოლიმპიადაზე, 20114 წლის ევროპის ჩემპიონატზე და 2015 წლის მსოფლიო პირველობაზე კვალიფიკაცია ვერ გაიარა.

მსოფლიო ჩემპიონატი 2015 წლის 15 იანვრიდან 1 თებერვლამდე გაიმართება ყატარში. ჯგუფების 4-4 საუკეთესო გუნდი ბრძლას პლეიოფში განაგრძობს.

ივლის-აგვისტო ხელბურთში მსოფლიოსა და ევროპის ასაკობრივი ჩემპიონატების პერიოდია. ერთ ასეთი ტურნირი უკვე დასრულდა. ოცწლამდელთა მსოფლიო ჩემპიონატი ქალებს შორის, ხორვატიაში, მოიგო კორეის გუნდმა, ვინც ფინალში 34:27 დაამარცხა რუსეთი, ბოლო ბრინჯაოს მედლისთვის დანიამ მოუგო გერმანიას - 21:20. 18-წლამდელ ქალთა მსოფლიო პირველობა 20 ივლისს დაიწყო მაკედონიაში.

ლუწ წლებში კაცებს 20 და 18-წლამდელთა ევროპის ჩემპიონატები აქვთ (24 ივლისიდან 3 აგვისტომდე ავსტრიაში და 14-24 აგვისტოს პოლონეთში), ხოლო კენტ წლებში - 19 და 21-წლამდელთა მსოფლიო პირველობა, ხოლო ქალები გაისად 17 და 19-წლამდელთა ევროპის ჩემპიონატებს გამართავენ.

და კიდევ ერთი ტურნირი, რომელსაც კავშირი აქვს 2015 წელს თბილისში დანიშნულ ევროპის ახალგაზრდულ ოლიმპიურ ფესტივალთან. შვედეთის ქალაქ პარტილეში დასრულდა ტრადიციული ტურნირი, 18-წლამდელთა ევროპის ღია პირველობა გოგონათა შორის, რომელიც მოიგო რუსეთის გუნდმა, შემდგომ ადგილებზე გავიდნენ დანია, ნორვეგია და ჩეხეთი. საქმე ისაა, რომ 2015 წლის თბილისის ფესტივალის სახელბურთო ტურნირებს მონაწილეებს ევროპის ხელბურთის ფედერაცია აარჩევს სწორედ ამ ტურნირის და 18-წლამდელთა წლევანდელი მსოფლიო ჩემპიონატის შედეგების მიხედვით, ხოლო ჭაბუკებში - 18-წლამდელთა ევროპის ჩემპიონატიდან.

საბოლოოდ, სექტემბრის ბოლოს, ევროპის ხელბურთის ფედერაცია თბილისი-2015-ის ორგკომიტეტს გამოუგზავნის ჭაბუკთა და გოგონათა ტურნირის 7-7 მონაწილე ქვეყნის სიას. მერვე გუნდი ორივე შეჯიბრებაზე საქართველოს ნაკრები იქნება. ტურნირში 1998-99 წლებში დაბადებულები ითამაშებენ.

 

სამშაბათს გამართული წილისყრის შემდეგ საქართველოს ხელბურთელთა ნაკრებს 2018 წლის ევროპის ჩემპიონთატის შესარჩევ ტურნირზე მეტოქეებად ესტონეთისა და ლუქსემბურგის გუნდები ერგო. დღეს ცნობილი გახდა შეჯიბრების განრიგიც.

ტურნირს ვიწყებთ 2014 წლის შემოდგომაზე, ორი მატჩით ესტონეთთან, ხოლო აპრილ-მაისის მიჯნაზე ორჯერ ვეთამაშებით ლუქსემბურგს. ივნისში ესტონეთი და ლუქსემბურგი გაარკვევენ ურთიერთობას.

ევრო 2018. პირველი საკვალიფიკაციო ეტაპი. B ჯგუფი.

29 ან 30 ოქტომბერი. ესტონეთი-საქართველო

1 ან 2 ნოემბერი. საქართველო - ესტონეთი

29 ან 30 აპრლი. საქართველო - ლუქსემბურგი

2 ან 3 მაისი - ლუქსემბურგი - საქართველო

10 ან 11 ივნისი. ლუქსემბურგი - ესტონეთი

13 ან 14 ივნისი. ესტონეთი - ლუქსემბურგი

მეორე ეტაპზე. პლეიოფში გადის 3 შესარჩევი ჯგუფის 3 გამარჯვებული. ისინი დაუწყვილდებიან და შინ/სტუმრად პრინციპით ეთამაშებიან 2016 წლის ევროპის ჩემპიონატის მთავარ შესარჩევ რაუნდში უარესი მაჩვენებლების მქონე სამ ქვეყანას. პლეიოფი გაიმართება 2016 წლის აპრილში. სამი გამარჯვებული მოხვდება მთავარ შესარჩევ რაუნდში, რომელიც 2016-17 წლებშია დაგეგმილი და ევროპის 28 უძლიერესი ქვეყანა ითამაშებს. ევროპის ჩემპიონატი 2018 წლის იანვარში გაიმართება. მასპინძელი ქვეყანა ჯერ ცნობილი არაა. მასპინძლობის განაცხადი შეტანილი აქვს ხორვატიას.

საქართველოს ხელბურთის ფედერაცია მალე გადაწყვეტს, სად უმასპინძლოს ესტონეთსა და ლუქსემბურგს. ერთ-ერთ ვარიანტად განიხილება ქუთაისის სპორტის სასახლე.

 

ურეკში დასრულდა ქვიშის ხელბურთის ტურნირი, შავი ზღვის თასი - ურეკი 2014, რომელიც საქართველოს ჩემპიონატის მეორე ეტაპიც იყო.

 

ქალთა ტურნირი მოიგო ყვარლის გუნდმა, რომელიც ლიდერობს კიდეც ორი ეტაპის ჯამში. გადამწყვეტ თამაშში ყვარლელებმა 2-1 დაამარცხეს ფოთის გუნდი, მესამეზე გავიდა წყალტუბო.

კაცებში 7 გუნდი შეიკრიბა. ფინალში, ისევე როგორც პირველ ეტაპზე, გავიდნენ ქორები და ლაგუნა-სალერი და ისევე, როგორც ივნისში, კუს ტბაზე, გამარჯვება ქორებმა (მწვრთნელები მიხეილ კაპანაძე, ლევან გელაშვილი) მოიპოვა - 2-0. მესამე ადგილისთვის ყვარელმა დაამარცხა ბათუმი - 2-1, მეხუთე ადგილისთვის ფოთმა მოუგო გორის კულას - 2-0, მეშვიდე ადგილზეა ქუთაისის გუნდი.

საქართველოს ჩემპიონატის მესამე, გადამწყვეტი ეტაპი სექტემბრის დასაწყისში გაიმართება ბათუმში, ხოლო რაც შეეხება შავი ზღვის თასს, ტურნირი ტრადიციულია, წლეულს ურეკში მეოთხედ გაიმართა და მისი ორგანიზატორია სახელბურთო კლუბ თბილისის პრეზიდენტი მამუკა მჟავანაძე.

ქვიშის ხელბურთი, საქართველოს ჩემპიონატი.

შავი ზღვის თასი - ურეკი 2014 - მეორე ეტაპი

ქალები. 1. ყვარელი 2. ფოთი 3. წყალტუბო

(პირველი ეტაპი - 1. პეგასი 2. მამული 3. ყვარელი)

ორი ეტაპის ჯამში: ყვარელი - 40 ქულა, პეგასი 30, ფოთი 20, მამული 20, წყალტუბო 10

კაცები: 1. ქორები 2. ლაგუნა-სალერი 3. ყვარელი 4. ბათუმი 5. ფოთი 6. კულა-გორი 7. ქუთაისი

(პირველი ეტაპი: 1. ქორები 2. ლაგუნა 3. გორი 4. პეგასი 5. ყვარელი 6. რუსთავი)

ორი ეტაპის ჯამი: ქორები 130, ლაგუნა-სალერი 110, ყვარელი 70, კულა-გორი 60, ბათუმი 40, პეგასი 30, ფოთი 30, რუსთავი 10, ქუთაისი 10

ფოტო: ქორები

 

ვენაში, ევროპის ხელბურთის ფედერაციის ოფისში დასრულდა ევროპის 2018 ჩემპიონატის შესარჩევი ტურინირის წილისყრის პროცედურა. პირველ სტადიაზე საქართველოს ნაკრების მეტოქეები იქნებიან ესტონეთისა და ლუქსემბურგის გუნდები. შეჯიბრება 2014-15 წლებში გაიმართება.

ევრო 2018. პირველი საკვალიფიკაციო ეტაპი.

A ჯგუფი: საბერძნეთი, ბელგია, კვიპროსი

B ჯგუფი: ესტონეთი, ლუქსემბურგი, საქართველო

C ჯგუფი: რუმინეთი, იტალია, კოსოვო

ევრო 2018-ის მასპინძელი ქვეყანა ჯერ ცნობილი არაა. შეჯიბრებაში მონაწილეობს 38 ქვეყანა. პირველ ეტაპზე ჩაებმება უარესი რეიტინგის მქონე 9 ნაკრები. თამაშები გაიმართება ორ წრედ. სათამაშო პერიოდებია: 2014 წლის ოქტომბერ-ნოემბერი, 2015 წლის აპრილ-მაისი და 2015 წლის ივნისი.

სამი ჯგუფის თითო გამარჯვებული გავა მეორე ეტაპზე, პლეიოფში, სადაც დაუწყვილდება და შინ/სტუმრად პრინციპით ეთამაშება 2016 წლის ევროპის ჩემპიონატის მთავარ შესარჩევ რაუნდში უარესი მაჩვენებლების მქონე სამ ქვეყანას. პლეიოფი გაიმართება 2016 წლის აპრილში.

პლეიოფის სამი გამარჯვებული მოხვდება მთავარ შესარჩევ რაუნდში, რომელიც 2016-17 წლებშია დაგეგმილი და ევროპის 28 უძლიერესი ქვეყანა ითამაშებს.

საქართველოს ნაკრები ესტონეთს ოფიციალურ მატჩში არასოდეს შეხვედრია, ხოლო ლუქსემბურგი 2008 წლის 20 იანვარს, ნორვეგიაში, ჩელენჯ კაპის ფინალში 28:27 დაამარცხა. საქართველოც, ესტონეთიც და ლუქსემბურგიც 2015 წლის მსოფლიო ჩემპიონატის შესარჩევ ეტაპზე ერთ სტადიაზე თამაშობდნენ. ქართველებმა თავის ჯგუფში მეორე ადგილი დაიკავეს ლიტვის შემდეგ (3 მოგება, 3 წაგება), ესტონეთმა ბოსნიასთან, პორტუგალიასთან და ლატვიასთან ჯგუფში მხოლოდ ერთი თამაში მოიგო, ხოლო ლუქსემბურგი 2-2-ჯერ დამარცხდა უკრაინასთან, სლოვენიასთან და შვეიცარიასთან.

ვენაში გაიმართა 2014-15 წლების 5 ევროტურნირის წილისყრაც. ჩელენჯ კაპის პირველ წრეში, მეთექვსმეტედფინალში სამტრედიის მეტოქე იქნება ფინური კლუბი კასიპალოსეურა რიიჰიმიაენ კოქსი. ორი თამაში გაიმართება ნოემბერში.

ქალაქ რიიჰიმიაკის კლუბი, კოქსი (მამლები) საკმაოდ ძლიერი გუნდია. 2013-14 წლების ჩელენჯ კაპზე ფინელებმა ორი წრე გაიარეს - დაამარცხეს პალამანო პრესანო (იტა - 30:24, 27:21), სპარტაკი (ბულ - 31:20, 37:19), ხოლო მეოთხედფინალში წააგეს მომავალ ფინალისტ მეტალოპლასტიკასთან (სრბ - 23:17, 19:26).

22 ივლისს ვენაში, ევროპის ხელბურთის ფედერაციის ოფისში გაიმართება 2014-15 წლების ევროტურნირებისა და ევროპის 2018 ჩემპიონატის შესარჩევი ტურინირის წილისყრის პროცედურა.

რანგით მესამე ევროტურნირზე, ჩელენჯ კაპზე მონაწილეობს საქართველოს ჩემპიონატის ბრინჯაოს პრიზიორი, სახელბურთო კლუბი სამტრედია, ხოლოეროვნული ნაკრები მორიგ შესარჩევ ტურნირს წლეულს, შემოდგომაზე დაიწყებს.

2018 წლის ევროპის ჩემპიონატის კვალიფიკაცია სამ ეტაპად გაიმართება, პირველ სტადიაზე მონაწილეობს 9 ქვეყანა. უკვე ცნობილია განთესვის შედეგები:

ევრო 2018. პირველი საკვალიფიკაციო ეტაპი. განთესვა:

პირველი კალათა: საბერძნეთი, ესტონეთი, რუმინეთი

მეორე კალათა: იტალია, ბელგია, ლუქსემბურგი

მესამე კალათა: კვიპროსი, საქართველო, კოსოვო

თამაშები გაიმართება ორ წრედ. სათამაშო პერიოდებია: 2014 წლის ოქტომბერ-ნოემბერი, 2015 წლის აპრილ-მაისი და 2015 წლის ივნისი. სამი ჯგუფის თითო გამარჯვებული გავა მეორე ეტაპზე, პლეიოფში, სადაც დაუწყვილდება და შინ/სტურად პრინციპით ეთამაშება 2016 წლის ევრიპის ჩემპიონატის მთავარ შესარჩევ რაუნდიში უარესი მაჩვენებლების მქონე სამ ქვეყანას. პლეიოფი გაიმართება 2016 წლის აპრილში, მისი სამი გამარჯვებული კი მოხვდება მთავარ შესარჩევ რაუნდში, რომელიც 2016-17 წლებშია დაგეგმილი.

2014-15 წლების ჩელენჯ კაპზე 31 კლუბი მონაწილეობს. შეჯიბრება თავიდან ბოლომდე პლეიოფის სისტემით გაიმართება. ერთი გუნდი, პორტუგალიის ლიბერტი უმინიო პირდაპირ მერვედფინალშია დაშვებული, დანარჩენი 30 კი დაწყვილდება და პირველ რაუნდს გამართავს 2014 წლის ნოემბერში. მონაწილეების ვინაობა უკვე ცნობილია, მათ შორისაა 2014 წლის ფინალისტი, სერბეთის მეტალოპლასტიკა. ჩელენჯ კაპზე ითამაშებს ვლადიმერ რუსიასა და შოთა თევზაძის რუმინული კლუბი, ოდორჰეიც.

ჩელენჯ კაპი 2014-15. კაცები. მონაწილეები:

საქართველო - სამტრედია; პორტუგალია - ლიბერტი უმინიო, ბენფიკა; ბელგია - ვიზე; ბულგარეთი - დობრუჯა; ჩეხეთი - დუკლა პრაჰა; ესტონეთი - პოლვა სერვიტი; ფინეთი - კასიპალოსეურა; ბრიტანეთი - კემბრიჯი, რუისლიპ იგლზი, სელფორდი; საბერძნეთი - დუკასი, პოსეიდონ ლუტრაკიუ, კილკისი; ისრაელი - ჰოლონი, რამატ ჰაშრონი; იტალია - ტერაკვილია კარპი; კოსოვო - პრიშტინა; ლუქსემბურგი - დუდელანჟი, რედ ბოიზ დიფერდანჟი; მაკედონია - პელისტერი; მონტენეგრო - ბოკა; რუმინეთი: ოდორჰეი; ნორვეგია - ფილინგენ ბერგენი, სტორდი; პოლონეთი - აზოტი-პულავი; სერბეთი - რადნიჩკი, მეტალოპლასტიკა შაბაცი; თურქეთი - ანკარა, ანკარასფორი: უკრაინა - ზტრ ზაპოროჟიე

KacebiUmaglesiLiga





ჩვენი პარტნიორები: