facebook

 

Chenel
IHF მსოფლიო ერთა ჩემპიონატი

LogoEmerg

ევროპის გოგონათა ჩემპიონატი 17წ.

Euro17W

მთავარი

საქართველოს ოლიმპიურ, გოგონათა ნაკრებს, რომელიც 2015 წლის ევროპის ახალგაზრდობის ოლიმპიური ფესტივალისთვის ემზადება, გაისად ევროპის 17-წლამდელთა ჩემპიონატის კვალიფიკაციის თამაშიც მოუწევს.

მონაწილეთა ვინაობა და განთესვა უკვე ცნობილია. 33 ქვეყანა, ძალის მიხედვით, განაწილებულია 5 კალათში. წილისყრა 19 ნოემბერს გაიმართება დუბლინში.

პირველი კალათი: შვედეთი, რუსეთი, დანია, პორტუგალია, მონტენეგრო, რუმინეთი, ნორვეგია, ხორვატია, უნგრეთი

მეორე: გერმანია, საფრანგეთი, ჰოლანდია, ესპანეთი, ჩეხეთი, პოლონეთი, სლოვაკეთი

მესამე: სერბეთი, სლოვენია, თურქეთი, ლიტვა, იტალია, ისლანდია, საბერძნეთი, ბელარუსი, ავსრია

მეოთხე: ფინეთი, ლატვია, შვეიცარია

მეხუთე: ფარერები, საქართველო, კოსოვო, მოლდოვა, უკრაინა

შეიქმნება 9 ჯგუფი. პირველ ექვს ჯგუფში იქნება 4-4 გუნდი და ფინალურ ეტაპზე 2 ქვეყანა გავა, ხოლო 7-9 ჯგუფში 3-3 ქვეყანა მოხვდება და თითო საგზურს გაითამაშებს. კვალიფიცირებულ 15 ქვეყანას დაემატება ფინალური ეტაპის მასპინძელი, მაკედონია.

უვე ცნობილია, რომ მეხუთე კალათის გუნდები განაწილდებიან 2-6 ჯგუფებში, საიდანაც ფინალში 2 გამარჯვებული გადის. საკვალიფიკაციო ტურნირის ვადებია 2015 წლის 20-22 მარტი. მასპინძლობის პრიორიტეტი პირველ კალათში განთესილ ქვეყნებს აქვთ.

ფინალური ტურნირი გაიმართება 13-23 აგვისტოს მაკედონიაში. იქამდე, 26-31 ივლისს თბილისში ევროპის ახალგაზრდობის ოლიმპიური ფესტივალის სახელბურთო ტურნირია. ორივე ამ შეჯიბრებაში 1998-99 წლებში დაბადებულები ითამაშებენ.

საქართველოს ნებისმიერი ასაკის ქალთა ნაკრები ევროპის ჩემპიონატის საკვალიფიკაციო ტურნირში უკანასკნელად 2002 წელს მონაწილეობდა.

ბათუმში დასრულდება საქართველოს ჩემპიონატის მესამე, დასკვნითი ეტაპი ქვიშის ხელბურთში. შეჯიბრება ბათუმობა-2014-ის პროგრამაში შედიოდა და კარგად იყო ორგანიზებული მასპინძელთა მხრიდან.

ბოლო დღეს, ფინალურ მატჩში ქორებმა ორივე სეტი მოუგო გორის გუნდს, ბათუმობის მთავარი პრიზიც მოიპოვა და, რახან სამივე ეტაპი ამ გუნდმა მოიგო, ცხადია, საქართველოს ჩემპიონიც ის გახდა. მიხეულ კაპანაძის გუნდში თამაშობდნენ: ზურაბ სიმონია, თემურ ორჯონიკიძე, ზურაბ აბრამიშვილი, მეთოდე ჭელიძე, გიორგი სურმავა, პაატა აბულაძე, ზურაბ ცინცაძე, შალვა სტურუა და მოთამაშე მწვრთნელი ლევან გელაშვილი.

ქალებში როგორც ბათუმის ტურნირის გამარჯვებული, ასევე საქართველოს ჩემპიონი გახდა ყვარლელი გოგონების გუნდი. ამავე დღეს ბათუმში დასრულდა ქვიშის ხელბურთის სემინარი, რომლის მონაწილე ქართველმა მწვრთნელებმა სერთიფიკატები მიიღეს თურქი ექსპერტებისგან.

ქვიშის ხელბურთი, საქართველოს ჩემპიონატი 2014

მესამე ეტაპი. ბათუმობა. 31 აგვისტო-2 სექტემბერი

კაცები. 1. ქორები 2. გორი 3. ფოთი 4. ყვარელი 5. ბათუმი-1 6. ქუთაისი 7. ბათუმი-2

ქალები. 1. ყვარელი 2. ფოთი

მეორე ეტაპი. ურეკი, 19-20 ივლისი

კაცები: 1. ქორები 2. ლაგუნა 3. ყვარელი 4. ბათუმი 5. ფოთი 6. გორი 7. ქუთაისი

ქალები. 1. ყვარელი 2. ფოთი 3. წყალტუბო

პირველი ეტაპი. კუს ტბა,10-11 ივნისი

კაცები: 1. ქორები 2. ლაგუნა 3. გორი 4. პეგასი 5. ყვარელი 6. რუსთავი

ქალები: 1. პეგასი 2. მამული 3. ყვარელი

საბოლოო ჩათვლა

კაცები: ქორები 200 ქულა, გორი 120, ყვარელი, ლაგუნა 110, ფოთი 80, ბათუმი 70, ქუთაისი 30

ქალები: ყვარელი - 60 ქულა, ფოთი 30

(საბოლოო ჩათვლაში მოსახვედრად აუცილებელი იყო მინიმუმ ორი ტურნირის თამაში)

ფოტო: საქართველოს ჩემპიონი, თბილისის ქორები

 

შვეიცარიიდან დაბრუნდნენ საქართველოს ხელბურთის ფედერაციის პრეზიდენტი ზურაბ კაკაბაძე და გენერალური მდივანი ქეთევან კობერიძე. ბაზელში, IHF ოფისში მათ გადაეცათ სპეციალური დიპლომი, როგორც განვითარებად ქვეყნებს შორის საუკეთესო ფედერაციას.

ბაზელში გაიმართა ხელბურთის საერთაშორისო ფედერაციის განვითარების მიტინგი. IHF 2013-14 სეზონიდან ატარებს პროგრამას „ოთხწლიანი გეგმა“, რომელიც მოიცავს ე.წ. განვითარებად ქვეყნებს. ევროპიდან ამ კატეგორიაში გადიან საქართველო, ლატვია, ესტონეთი, ისრაელი, ბულგარეთი, ბრიტანეთი, ირლანდია, ფარერები, ალბანეთი, მოლდოვა, აზერბაიჯანი, მალტა, სომხეთი და ანდორა.

ზურაბ კაკაბაძე: - განვითარების პროგრამა მოიცავს რამდენიმე მიმართულებას: მსაჯთა და დელეგატთა სემინარები, მწვრთნელთა კურსები, ქვიშის ხელბურთი, სასკოლო ხელბურთი და, ასევე, ახალი ტურნირი, IHF თასი, რომელზეც საქართველოს ახალგაზრდულმა ნაკრებმა წლეულს მეორე ადგილი დაიკავა.

ბაზელში მოხდა პროგრამის პირველი წლის შედეგების შეჯამება. გათვალისწინებული იყო აქტივობების რაოდენობა, მონაწილეთა რიცხვი, ლექტორთა გამოხმაურებები, თანამშრობლობა საერთაშორისო ფედერაციასთან. ჩვენ ამ სეზონში საკმაოდ დიდი საგანმანათლებლო სამუშაო ჩავატარეთ, რისთვისაც მოვხვდით სამ საუკეთესო ქვეყანაში, ხოლო ამ სამ ქვეყანას, საქართველოს, ლატვიასა და მალტას შორის ჩვენ გამოგვარჩიეს და IHF პრეზიდენტმა დოქტორმა ჰასან მუსტაფამ სპეციალური დიპლომიც გადმოგვცა.

ხელბურთის საერთაშორისო ფედერაცია ყოველმხრიც ეხმარება განვითარებად ქვეყნებს. ამჯერად გადმოგვეცა 200 ბურთი და ადიდასის ფორმის სრული კომპლექტი ორი გუნდისთვის.

ქეთევან კობერიძე: - რაც შეეხება ახალ ტურნირს, IHF თასს, საერთაშორისო ფედერაციამ გადაწყვიტა მონაწილეთა რაოდენობა რვიდან თექვსმეტამდე გაზარდოს. ყველაზე საინტერესო ისაა, რომ 2015 წლის ევროპული ზონის შეჯიბრება, შესაძლოა, საქართველოში გაიმართოს. ამ დღეებში უნდა შევავსოთ შესაბამისი აპლიკაცია და უნდა მოვხვდეთ მასპინძლობის კანდიდატთა შორის. ტურნირის მონაწილეთა ასაკი 21 წლამდეა.

ზურაბ კაკაბაძე: - მიტინგის გარდა, გვქონდა საქმიანი შეხვედრა ხელბურთის საერთაშორისო ფედერაციის პრეზიდენტ ჰასან მუსტაფასთან. საუბარი იყო 2017 წლის ჭაბუკთა მსოფლიო ჩემპიონატზე, რომელიც საქართველოში უნდა გაიმართოს. შეხვედრას ესწრებოდნენ IHF საშეჯიბრო და მარჯეტინგის კომიტეტების თავმჯდომარეები.

IHF ყოველმხრივ დახმარებას გვპირდება. დაიწყება შეჯიბრების მომსახურე პერსონალის მომზადება. ჩვენ ამ მხრივ საკმაო გამოცდილება გვექნება დაგროვილი 2015 წლის ევროპის ახალგაზდრობის ოლიმპიური ფესტივალის გამართვის შემდეგ, მაგრამ 2017 წლის შეჯიბრება ბევრად უფრო დიდია - იქ 24 გუნდი მონაწილეობს და 100 მატჩი უნდა გაიმართოს. პრეზიდენტმა იქვე დაავალა ორივე კომიტეტის თავმჯდომარეს, რომ მუშაობა დაუყოვნებლივ უნდა დაიწყოს.

გადაწყდა, რომ ჰასან მუსტაფა გვეწვევა 2015 წლის აპრილში. ამ ვიზიტის დროს გაფორმდება ოფიციალური ხელშეკრულება საერთაშორისო და საქართველოს ხელბურთის ფედერაციებს შორის 2017 წლის მსოფლიო ჩემპიონატის გამართვის შესახებ, სადაც გათვალისწინებული იქნება ყველა დეტალი.

ბათუმში, ქვიშის ხელბურთში საქართველოს ჩემპიონატის დასკვნითი ტურის პარალელურად, იმართება საქართველოსა და ხელბურთის საერთაშორისო ფედერაციების მიერ ორგანიზებული სემინარი ხელბურთის ამ ნაირსახეობაში.

მეცადინეობას, რომელიც ქალაქის მეორე საჯარო სკოლაში ეწყობა, უძღვებიან აღიარებული თურქი ექსპერტები - ხელბურთის საერთაშორისო ფედერაციის შესაბამისი კომიტეტის წევრი ბურაქ ტურჯანი და საერთაშორისო დელეგატი აილენ დელმანი. ქართული მხარიდან სემინარს ხელმძღვანელობს ქვიშის ხელბურთის კომისიის თავმჯდომარე, ლევან გელაშვილი.

სემინარი 2 სექტემბერს დასრულდება და მისი მონაწილე ოცამდე ქართველი მწვრთნელი შესაბამის სერთიფიკატს მიიღებს.

 

საქართველოს ოლიმპიურმა, თექვსმეტწლამდელთა ნაკრებმა მესამე ამხანაგურ მატჩში 23:22 დაამარცხა ერაყის ეროვნული გუნდი, რომელიც თბილისში შეკრებაზე იმყოფება. ეს იყო ამ გუნდების ბოლო შეხვედრა, პირველი ორი სტუმრებმა მოიგეს - 30:28 და 33:22.

მწვრთნელებს, გორგი ქობელაშვილსა და გიორგი გვაზავას, როგორც იქნა, მიეცათ ძირითადთან მოახლოებული შემადგენლობის გამოყვანის საშუალება და ამან შედეგი გამოიღო. 12 გოლით საუკეთესო იყო მარცხენა შუამარბი ირაკლი კბილაშვილი, ვისაც პირველ ორ მატჩში არ უთამაშია.

აღსანიშნავია ასევე მეკარე სანდრო ხანდოლიშვილის საიმედოობა, რამაც დიდად განაპირობა საბოლოო შედეგი. პირველი ტაიმი ერაყელებმა 12:10 მოიგეს.

ამხანაგური მატჩი

საქართველო (16წ) - ერაყი 23:22

3 სექტემბერი, გლდანი, ცერცვაძის აკადემია

საქართველო: ხანდოლიშვილი, ხარაიშვილი - კბილაშვილი 12, ბულბულაშვილი 3, რუსტამოვი 3, იობაშვილი 2, ზაალიშვილი 2, არსენაშვილი 1, დოლმაზაშვილი, ბიბილეიშვილი 2, ფერაძე, გაწერელია, ზარნაძე, მაისურაძე, ლ. მამულაშვილი

მსაჯები: ამირან კომახიძე, ზაზა სამადაშვილი


ბათუმში 2 სექტემბერს დასრულდება საქართველოს ჩემპიონატი ქვიშის ხელბურთში. ქალებში ჩემპიონი უკვე გამოვლინდა. ყვარლის გუნდმა ზედიზედ მეორე ეტაპი მოიგო და მეტოქეები უკან ჩამოიტოვა.

კაცებში, სამი ეტაპის ჯამში, პირველობა ასევე განაღდებული აქვს თბილისის ქორებს. მათ უკვე მოიგეს ორი ეტაპი, კუს ტბაზე და ურეკში, ხოლო 2 სექტემბერს უკვე ბათუმის თასისთვის ეთამაშებიან გორის გუნდს.

ტურნირი 31 აგვისტოს დაიწყო და სახალხო დღესასწაულის, ბათუმობის ფარგლებში იმართება ქალაქის მერიისა და აჭარის სპორტის სამსახურის ხელშეწყობით. საორგანიზაციო საკითხები კარგადაა მოგვარებული. ტურნირს აქვს შესაბამისი მუსიკალური გაფორმება, ყავს საკუთარი დიჯეი და არც მაყურებელი აკლია.

ქვიშის ხელბურთი, საქართველოს ჩემპიონატი.

მეორე ეტაპი. ბათუმის თასი 2014

ქალები. ყვარელი - ფოთი 2-0

საბოლოო ჩათვლა: ყვარელი - 60 ქულა, პეგასი, ფოთი 30, მამული 20, წყალტუბო 10

კაცები. 2 სექტემბერი, ფინალების დღე

16:00 5-6 ადგილები. ქუთაისი - ბათუმი 1

17:00 3-4 ადგილები. ყვარელი - ფოთი

18:00 1-2 ადგილები. ქორები - გორი

ორი ეტაპის ჯამი: ქორები 130, ლაგუნა-სალერი 110, ყვარელი 70, კულა-გორი 60, ბათუმი 40, პეგასი 30, ფოთი 30, რუსთავი 10, ქუთაისი 10

საქართველოს ჩემპიონატი
2020-21

shmog

უმაღლესი ლიგა. კაცები
ოლიმპიური სასახლე
10 დეკემბერი
ქარიშხალა 27-26 წყალტუბო
BSB ბათუმი 38-14 ფოთი
პეგასი 27-42 ქუთაისი
11 დეკემბერი
BSB ბათუმი 40-20 წყალტუბო
ქარიშხალა 27-35 ფოთი
12 დეკემბერი
ფოთი 22-26 წყალტუბო
ქარიშხალა 20-54 ქუთაისი
BSB ბათუმი 38-25 სამტრედია
13 დეკემბერი
ქარიშხალა 33-38 სამტრედია
BSB ბათუმი 32-28 ქუთაისი
  13 დეკ.
                გატ-გაშ        
  BSB ბათუმი 4     4     0     0     148-87     8    
  ქუთაისი 3     2     0     1     124-79     4    
  სამტრედია 2     1     0     1     63-71     2    
  წყალტუბო 3     1     0     2     72-89     2    
  ფოთი 3     1     0     2     71-91     2    
  ქარიშხალა 4     1     0     3     107-153     2    
  პეგასი 1     0     0     1     27-42     0    
საქართველოს თასი. კაცები
10 ნოემბერი. გლდანი
მეოთხედფინალი
BSB ბათუმი 46-21 ქარიშხალა
იმედი სტუ 42-22 ოქროს ვერძი
ქუთაისი 46-26 სამტრედია
პეგასი 23-28 სპორტუნი
 
11 ნოემბერი. გლდანი
5-8 ადგილები
ქარიშხალა 28-33 ოქროს ვერძი
ნახევარფინალი
BSB ბათუმი 33-25 იმედი სტუ
ნახევარფინალი
ქუთაისი 45-30 სპორტუნი
5-8 ადგილები
სამტრედია 30-27 პეგასი
 
12 ნოემბერი. გლდანი
ქარიშხალა 22-37 პეგასი
ოქროს ვერძი 29-34 სამტრედია 
 
13 ნოემბერი. სპორტის სასახლე
იმედი სტუ 35-38 სპორტუნი
ფინალი
BSB ბათუმი 30-25 ქუთაისი
ქვიშის ხელბურთი
 კაცები
  1 ქუთაისი   2 გორი  3 ფაკუნდო
 ქალები
  1 ყვარელი   2 აჭარა   3 სამტრედია
მსოფლიო ჩემპიონატი 2021
კვალიფიკაცია
ბენევენტო. იტალია
10 იანვარი
საქართველო 24-29 რუმინეთი
11 იანვარი
საქართველო 28-25 იტალია
12 იანვარი
საქართველო 21-30 კოსოვო
ევროპის ჩემპიონატი 2022
პლეიოფი
16 იანვარი. სპორტის სასახლე
საქართველო 24-24 ფინეთი
19 იანვარი. რიიჰიმიაკი
ფინეთი 37-21 საქართველო




ჩვენი პარტნიორები:

Jakofm  lelo  gms  popsport  sportal