facebook

 

Chenel
IHF მსოფლიო ერთა ჩემპიონატი

LogoEmerg

ევროპის გოგონათა ჩემპიონატი 17წ.

Euro17W

მთავარი

უნივერსიტეტის ქუჩაზე, მაღლივი კორპუსის მახლობლად, დაიწყო ახალი სახელბურთო სასახლის მშენებლობა. აქ უნდა გაიმართოს 2015 წლის ევროპის ახალგაზრდობის ოლიმპიური ფესტივალის სახელბურთო ტურნირები ბიჭებსა და გოგონებს შორის.

თავდაპირველად, ეს შეჯიბრება სპორტკომპლექს არენაში იყო დაგეგმილი, მაგრამ, სპორტის სამინისტროს ინიციატივით, ახალი ნაგებობის აშენება გადაწყდა. კომპლექსში ორი დარბაზი იქნება - ერთში 800 მაყურებელი მოთავსდება, ხოლო მეორეში - 2500. ორივე დარბაზი თანამედროვე საფარითა და ყველა საჭირო ინვენტარით იქნება აღჭურვილი, ხოლო, მთავარ არენაზე, თბილისი 2015-ის ფესტივალის შემდეგ ყველა საერთაშორისო შეჯიბრების გამართვა იქნება შესაძლებელი, მათ შორის - საქართველოს ეროვნული ნაკრების მატჩებისა.

დარბაზის მშენებლობა 2015 წლის გაზაფხულის ბოლოს დასრულდება და ოლიმპიურ ფესტივალამდე იქ საცდელი შეჯიბრებაც გაიმართება. თბილისი 2015-ის თამაშები 25-31 ივლისს გაიმართება. სახელბურთო ტურნირზე ევროპის 8-8 უძლიერესი ჩვიდმეტწლამდელთა ნაკრები იასპარეზებს ბიჭებსა და გოგონებს შორის.

საქართველოს ხელბურთის ფედერაციას კიდევ ერთი მატება აქვს. ევროპის ხელბურთის ფედერაციამ, ხელბურთის განვითარების პროგრამით, საქართველოს გრანტის სახით გამოუყო უახლესი მოდელის, ტერაფლექსის მოედნის საფარი, რომელიც უკვე თბილისშია და მალე დაიგება კიდეც.

შინაური სახელბურთო სეზონი 29 სექტემბერს დაიწყება 1998-99 წლებში დაბადებული ბიჭების საქართველოს ჩემპიონატით. წინა სეზონის მსგავსად, ითამაშებს 18 გუნდი. 2014 წლის ბოლომდე გაირკვევა აღმოსავლეთის, დასავლეთისა და თბილისის ლიგების პრიზიორთა ვინაობა, საუკეთესოები კი 2015 წელს საქართველოს ჩემპიონობისთვის იბრძოლებენ. გაიმართება ასევე საქართველოს ჩემპიონატი ამავე ასაკის გოგონებში და უმცროსი ასაკის, 2000-01 წლებში დაბადებულთა პირველობა.

ეროვნული ჩემპიონატის კაცთა გუნდებს შორის ოქტომბერში დაიწყება. ოქტომბერშვე მორიგ საკვალიფიკაციო ტურნირს იწყებს ეროვნული ნაკრები. 29 ოქტომბერს სტუმრად ვეთამაშებით, ხოლო 2 ნოემბერს თბილისის სპორტის სასახლეში ვმასპინძლობთ ესტონეთის ნაკრებს, აპრილში კი ორჯერ შევხვდებით ლუქსემბურგს. ამ ჯგუფის გამარჯვებული გავა 2018 წლის ევროპის ჩემპიონატის პლეიოფში, ხოლო იქ წარმატების შემთხვევაში - ძირითად შესარჩევ ტურნირში, სადაც უკვე ყველა გრანდი ითამაშებს. პლეიოფი 2016 წლის გაზაფხულზეა, ხოლო ძირითადი საკვალიფიკაციო ტურნირი - 2016 წლის შემოდგომაზე და 2017 წლის პირველ ნახევარში.

6 სექტემბერს, ფრანკფურტში, სახელბურთო ბუნდესლიგის მატჩს რეინ-ნეკარ ლიოვენსა და ჰამბურგს შორის 44 189 მაყურებელი დაესწრო, რაც აბსოლუტური რეკორდია სპორტის ამ სახეობისთვის.

28:26 მოიგო ლიოვენმა, რომელიც ქალაქ მანჰეიმის გუნდია და შინაურ მატჩებს საკუთარ 14 ათასიან დარბაზში ატარებს, მაგრამ ეს შეხვედრა გაიმართა ფრანკფურტში, კომერცბანკ არენაზე, რომელზეც ფეხბურთის გუნდი, აინტრახტი თამაშობს. შეხვედრა გაიმართა ე.წ. ხელბურთის დღის ფარგლებში, რომელიც მთელ გერმანიაში აღინიშნება. სტადიონი მთლიანად გაივსო.

აქამდე რეკორდი ეკუთვნოდა დანიის 2011 წლის ჩემპიონატის ფინალს, რომელიც კოპენჰაგენის პარკენ არენაზე, ასევე საფეხბურთო სტადიონზე გაიმართა და 36 651 მაყურებელი მიიზიდა. ბუნდესლიგის წინა რეკორდი 2004 წელს დამყარდა - შალკეს საფეხბურთო სტადიონზე ბუნდესლიგის მატჩს ლემგოსა და კილს შორის 30 925 დამსწრე ჰყავდა.

ლიოვენს შარშან ძალიან უიღბლო სეზონი ჰქონდა - გუნდმა გერმანიის ჩემპიონის ტიტული ბოლო ტურში, ბურთების უარესი სხვაობის გამო დათმო კილთან, ხოლო ჩემპიონთა ლიგის მეოთხედფინალში სტუმრად გატანილი ნაკლები გოლის წყალობით წააგო ბარსელონასთან. 4 ტურის შემდეგ ლიოვენი ერთადერთი გუნდია, რომელსაც გერმანიის ჩემპიონატში ქულა არ დაუკარგავს. ქვეყნის ჩემპიონს, კილს, უკვე ორი მარცხი აქვს. ბუნდესლიგაში 18 გუნდი თამაშობს, შეჯიბრება 2 წრედ იმართება.

დაიწყო რუმინეთის ჩემპიონატი, სადაც საქართველოს ნაკრების სამი ხელბურთელი თამაშობს.

ვლადიმერ რუსიამ და მეკარე შოთა თევზაძემ, რომლებიც ბაკეუდან ორდორჰეიში გადავიდნენ, პირველი ტურის მატჩი მოიგეს. ოდორჰეიმ სტუმრად 28:24 დაამარცხა ვასლუი, ხოლო რუსიამ, რომელიც ერთწლიანი შესვენების შემდეგ დაუბრუნდა კლუბს, 6 გოლი გაიტანა. ახალ კლუბში პირველად ითამაშა თევზაძემ. მეორე ტურში ოდორჰეი ისვენებდა, რადგანაც რუმინეთის ჩემპიონატში წლეულს 13 გუნდი მონაწილეობს.

ორჯერ ითამაშა ირაკლი ჩიქოვანის პოლიტექნიკა ტიმიშოარამ და ჯერ სტუმრად წააგო ბუქარესტის დინამოსთან (24:26), ხოლო შემდეგ შინ მოუგო ლიგის დებიუტანტ კალარასის - 25:24. ჩიქოვანმა პირველ მატჩში 4, ხოლო მეორეში 3 გოლი გაიტანა. ორწრიანი ტურნირის შემდეგ 6 უძლიერესი გუნდი ჩემპიონობისთვის გააგრძელებს ბრძოლას.

შინაური სეზონი ჯერ არ დაწყებულა თურქეთში, სადაც რატი მსხვილიძე და გიგა ტორონჯაძე თამაშობენ და არც მაკედონიაში, თუმცა, რევაზ ჭანტურიას კლუბმა, ზომიმაკ სტრუმიცამ უკვე გამართა პირველი საერთაშორისო მატჩი. EHF თასის პირველ საკვალიფიკაციო რაუნდში მაკედონიის ჩემპიონატის მესამე პრიზიორი სტუმრად 25:36 დამარცხდა პოლონეთის გორნიკ ზაბრჟესთან. ჭანტურია ყველაზე შედეგიანი იყო 7 გოლით. საპასუხო მატჩი 13 სექტემბერსაა მაკედონიაში.

ფოტო: ირაკლი ჩიქოვანი

ევროპაში მოთამაშე ქართველ ხელბურთელებს კიდევ ერთი დაემატა. 36 წლის ვეტერანი სერგო დათუკაშვილი კარიერას სერბეთის ჩემპიონ კლუბში, ვოივოდინაში გააგრძელებს.

 

ბოლო წლების განმავლობაში დათუკაშვილი მოკლე კონტრაქტებს აფორმებდა ახლო აღმოსავლეთის გუნდებთან. წინა სეზონი მან ლიბანის ალ სადში დაიწყო და ყატარის ალ კიადაში დაასრულა, წლეულს კი ევროპაში დაბრუნდა.

ამ უქმეებზე სერგომ უკვე ითამაშა ჩემპიონთა ლიგის საკვალიფიკაციო ტურნირზე. მისმა გუნდმა ნახევარფინალში წააგო სლოვაკეთის ტატრან-პრეშოვთან 21:25, ხოლო მესამე ადგილისთვის მატჩში 35:30 მოუგო ჰოლანდიის ტარგოს ბევოს - 30:25. პირველ თამაშში თამაშში ქართველმა მარცხენა შუამარბმა 3 გოლი გაიტანა, მეორეში - 4.

ამ წაგების შემდეგ ვოივოდინა რანგით მეორე  ევროტურნირზე, ფედერაციის თასზე გადაერთვება. სერბეთის ჩემპიონატის გარდა, ვოივოდინა 2013-14 სეზონში თამაშობდა ე.წ. სამხრეთ-აღმოსავლეთის სახელბურთო ლიგაზე, სადაც მონაწილეობდა ბელარუსის, ბოსნიის, ხორვატიის, მაკედონიის, მონტენეგროს, სერბეთისა და სლოვაკეთის 10 საუკეთესო გუნდი.

სერგო დათუკაშვილი 1978 წელს დაიბადა თბილისში. 1998 წლამდე შევარდენში თამაშობდა, ხოლო შემდეგ ხანგრძლივი საერთაშორისო კარიერა ჰქონდა. მისი ყოფილი კლუბებია: ერლანგენი (გერმანია, 1988-99), ალფა-ბეირუთი (ლიბანი, 1999-00), მეტალოპლასტიკა (იუგოსლავია 2000), ლოვჩენი (იუგოსლავია, 2000-01), პალამანო (იტალია 2001-02), კილკისი (საბერძნეთი, 2002-03), დე მაიო ტენერიფე (ესპანეთი, 2003-04), ვიკინგი (შვედეთი, 2004), ისტადი (შვედეთი, 2004-07), ლიუბეკე (გერმანია, 2007-08), ველენიე (სლოვენია, 2008-09), ალ-აჰლი (ქუვეითი, 2009-10), ტბვ ლემგო (გერმანია, 2010-11), ტატრან პრეშოვი (სლოვაკეთი, 2011), ალ სადი (ლიბანი, 2011-13), ალ კიადა (ყატარი, 2014). მთელი ამ ხნის განმავლობაში, სერგო თამაშობს საქართველოს ეროვნულ ნაკრებში, ხოლო მისი საკლუბო კარიერის პიკია გერმანიის ბუნდესლიგაში გატარებული ორი სეზონი.

ამგვარად, ამ მომენტისთვის ევროპულ კლუბებში 7 ქართველი ხელბურთელი თამაშობს: სერგო დათუკაშვილი (ვოივოდინა, სრბ), ვლადიმერ რუსია, შოთა თევზაძე (ოდორჰეი, რუმ), ირაკლი ჩიქოვანი (ტიმიშოარა, რუმ), რევაზ ჭანტურია (სტრუმიცა, მკდ), რატი მსხვილიძე, გიგა ტორონჯაძე (ტრაბზონი, თურ). აკაკი ტალახაძე ირანის კლუბ თაბრიზის წევრია.

 

შავი ზღვის პირას, შეკვეთილში, საწვრთნელ შეკრებაზე იმყოფება საქართველოს გოგონათა ოლიმპიური ნაკრები. გუნდს 2015 წელს ორი მნიშვნელოვანი ტურნირი აქვს - ევროპის ახალგაზრდობის ოლიმპიური ფესტივალი თბილისში და 17-წლამდელთა ევროპის ჩემპიონატი.

შეკვეთილში ძირითად აქცენტი ფიზმომზადებაზე კეთდება, თუმცა, არის ბურთიანი ვარჯიშებიც პლაჟზე. გუნდს ხელმძღვანელობენ ელისო ჟურულიშვილი და ფიზმომზადების ცნობილი სპეციალისტი, მამია ტუღუში.

ევროპის ჩემპიონატის კვალიფიკაციის წილისყრა 19 სექტემბერს გაიმართება დუბლინში. 20-22 მარტს შესარჩევი ტურნირია, ხოლო 13-23 აგვისტოს, მაკედონიაში - ევროპის ჩემპიონატის ფინალი. იქამდე, 26-31 ივლისს, თბილისში ევროპის ახალგაზრდობის ოლიმპიური ფესტივალის ტურნირია ევროპის 8 უძლიერესი გუნდის მონაწილეობით. მონაწილეთა შემადგენლობას ევროპის ხელბურთის ფედერაცია სექტემბრის ბოლოს დაასახელებს. ორივე ტურნირზე 1998-99 წლებში დაბადებული სპორტსმენები თამაშობენ.

გაირკვა ხელბურთის ჩემპიონთა ლიგის სამი დარჩენილი მონაწილე. 3 საკვალიფიკაციო ტურნირის გამარჯვებულები გახდნენ თურქეთის ბეშიქთაში, უკრაინის მოტორ ზაპოროჟიე და ბელარუსის მეშკოვ-ბრესტი.

ბრესტში მასპინძელმა გუნდმა გაიმარჯვა. ბელარუსებმა ნახევარფინალში მოუგეს ჰოლანდიურ ტარგოს ბევოს - 36:23, ხოლო სლოვაკეთის ტატრან-პრეშოვმა აჯობა სერბიის ვოივოდინას - 25:21. ფინალში მეშკოვ-ბრესტმა პრეშოვი დაამარცხა - 26:24. შარშანდელ ლიგაზე ბელარუსს მინსკის დინამო წარმოადგენდა.

მეორე საკვალიფიკაციო ტურნირი გაიმართა ავსტრიაში. მასპინძელი, ალფა-ჰარდი ნახევარფინალში დამარცხდა პორტუსთან - 25:29, ხოლო ზაპოროჟიეს მოტორმა ჯერ იტალიის ფაზანოს მოუგო - 36:20, ფინალში კი - პორტუს, 30:26. მოტორი შარშანაც თმაშობდა ლიგის ჯგუფურ ეტაპზე და პლეიოფშიც გავიდა.

ბელგიაში საკუთარი მოედნის უპირატესობა ვერ გამოიყენა ინიცია ასელმა და ნახევარფინალი რუმინეთის ჩემპიონ კონსტანცასთან დათმო - 20:29. საგზური მოიპოვა ბეშიქთაშმა, ვინც მიყოლებით დაამარცხა ნორვეგიის ჰასლუმი - 29:22 და კონსტანცა - 34:25. ბეშიქთაში პირველი თურქული გუნდია, ვინც ჩემპიონთა ლიგის ჯგუფურ ეტაპზე გავიდა.

საბოლოოდ, ჩემპიონთა ლიგის ჯგუფები ასე დაკომპლექტდა.

ჩემპიონთა ლიგა 2014-15. კაცები

A ჯგუფი: კილი (გერ), მეტალურგ სკოპიე (მკდ), ზაგრები (ხორ), ლა რიოხა (ესპ), პსჟ (საფ), მეშკოვ-ბრესტი (ბლრ)

B: ბარსელონა (ესპ), კოლდინგი (დან), ალინგსასი (შვდ), ვისლა პლოცკი (პოლ), ფლენზბურგი (გერ), მოტორ ზაპოროჟიე (უკრ)

C: ვესპრემი (უნგ), ცელიე ლაშკო (სლნ), ჩეხოვსკიე მედვედი (რუს), რაინ-ნეკარ ლიოვენი (გერ), ვარდარ სკოპიე (მკდ), მონპელიე (საფ)

D: ტარგი კელცე (პოლ), დიუნკერკი (საფ), შაფჰაუზენი (შვც), პიკ სეგედი (უნგ), ოლბორგი (დან), ბეშიქთაში (თურ)

ჯგუფური ტურნირის პირველი ტური 24-28 სექტემბერსაა. შობამდე გაიმართება 8 ტური, დანარჩენი ორი კი - 2015 წელს. ჯგუფების 4-4 გამარჯვებული გავა პლეიოფში, საბოლოოდ კი ჩემპიონი მაისის ბოლოს, ოთხთა ფინალის შემდეგ გამოვლინდება.

ქალთა ტურნირის კვალიფიკაცია 20-21 სექტემბერს გაიმართება ლაიფციგსა და კრაგუევაცში. გერმანიაში ითამაშებენ კარგო ჰუნგარია (უნგ)-დალფსენი (ჰოლ), ლაიფციგი (გერ)- ბნტუ მინსკი (ბლრ). სერბეთში მოთამაშე წყვილები ასეთია: მიდტიულანდი (დან)-რადნიჩკი კრაგუევაცი (სრბ), ბიასენი (ნორ)-პოდრავკა კოპრივნიცა (ხორ).

დაბოლოს, წლევანდელ ევროტურნირებზე მონაწილეობს ქართული გუნდიც. სახელბურთო კლუბი სამტრედია ნოემბრის ბოლოს, ჩელენჯ კაპის მეთექვსმეტედფინალში, ორჯერ შეხვდება ფინური კლუბს კასიპალოსეურა რიიჰიმიაენ კოქსს.

ფოტო: ბეშიქთაში ლიგაზე გასვლას ზეიმობს

საქართველოს ჩემპიონატი
2020-21

shmog

უმაღლესი ლიგა. კაცები
ოლიმპიური სასახლე
10 დეკემბერი
ქარიშხალა 27-26 წყალტუბო
BSB ბათუმი 38-14 ფოთი
პეგასი 27-42 ქუთაისი
11 დეკემბერი
BSB ბათუმი 40-20 წყალტუბო
ქარიშხალა 27-35 ფოთი
12 დეკემბერი
ფოთი 22-26 წყალტუბო
ქარიშხალა 20-54 ქუთაისი
BSB ბათუმი 38-25 სამტრედია
13 დეკემბერი
ქარიშხალა 33-38 სამტრედია
BSB ბათუმი 32-28 ქუთაისი
  13 დეკ.
                გატ-გაშ        
  BSB ბათუმი 4     4     0     0     148-87     8    
  ქუთაისი 3     2     0     1     124-79     4    
  სამტრედია 2     1     0     1     63-71     2    
  წყალტუბო 3     1     0     2     72-89     2    
  ფოთი 3     1     0     2     71-91     2    
  ქარიშხალა 4     1     0     3     107-153     2    
  პეგასი 1     0     0     1     27-42     0    
საქართველოს თასი. კაცები
10 ნოემბერი. გლდანი
მეოთხედფინალი
BSB ბათუმი 46-21 ქარიშხალა
იმედი სტუ 42-22 ოქროს ვერძი
ქუთაისი 46-26 სამტრედია
პეგასი 23-28 სპორტუნი
 
11 ნოემბერი. გლდანი
5-8 ადგილები
ქარიშხალა 28-33 ოქროს ვერძი
ნახევარფინალი
BSB ბათუმი 33-25 იმედი სტუ
ნახევარფინალი
ქუთაისი 45-30 სპორტუნი
5-8 ადგილები
სამტრედია 30-27 პეგასი
 
12 ნოემბერი. გლდანი
ქარიშხალა 22-37 პეგასი
ოქროს ვერძი 29-34 სამტრედია 
 
13 ნოემბერი. სპორტის სასახლე
იმედი სტუ 35-38 სპორტუნი
ფინალი
BSB ბათუმი 30-25 ქუთაისი
ქვიშის ხელბურთი
 კაცები
  1 ქუთაისი   2 გორი  3 ფაკუნდო
 ქალები
  1 ყვარელი   2 აჭარა   3 სამტრედია
მსოფლიო ჩემპიონატი 2021
კვალიფიკაცია
ბენევენტო. იტალია
10 იანვარი
საქართველო 24-29 რუმინეთი
11 იანვარი
საქართველო 28-25 იტალია
12 იანვარი
საქართველო 21-30 კოსოვო
ევროპის ჩემპიონატი 2022
პლეიოფი
16 იანვარი. სპორტის სასახლე
საქართველო 24-24 ფინეთი
19 იანვარი. რიიჰიმიაკი
ფინეთი 37-21 საქართველო




ჩვენი პარტნიორები:

Jakofm  lelo  gms  popsport  sportal