მთავარი

უკრაინაში, ხანმოკლე საწვრთნელ შეკრებაზე გაემგზავრა საქართველოს ახალგაზრდული ნაკრები. გუნდი ემზადება ახალი ტურნირის, ხელბურთის საერთაშორისო ფედერაციის მსოფლიო თასისთვის, რომლის ზონალური, ევროპული პირველობა 21 მაისიდან იწყება ანდორაში. ამ ტურნირის გამარჯვებული გაისად 2015 წელს ითამაშებს ფინალურ შეჯიბრებაზე.

უკრაინაში ოცწლამდელთა ნაკრები სამ ამხანაგურ მატჩს გამართავს ქალაქ ბროვარიში და 17 მაისს თბილისში დაბრუნდება, ხოლო 20 მაისს მიემგზავრება ანდორაში. მთავარმა მწვრთნელმა ბექა ორჯონიკიძემ და მისმა ასისტენტმა ლევან გელაშვილმა კიევში 14 ხელბურთელი წაიყვანეს. გუნდს ახლავს საქართველოს ნაკრები გუნდების მთავარი კოორდინატორი, ჯორჯე რაშიჩი.

IHF მსოფლიო თასზე თამაშობენ 1994 წელსა და უფრო გვიან დაბადებული ხელბურთელები, თუმცა, ჩვენი ნაკრების შემადგენლობა გაცილებით უფრო ახალგაზრდულია. გუნდში სულ 4 მოთამაშეა 20 წლის.

ახალგაზრდული ნაკრები უკრაინაში. 14-16 მაისი, 2014

მეკარეები: ჯონი ცერცვაძე (1994, სტუ), ზურაბ ცინცაძე (1996, პეგასი)

გარემარბები: ზურაბ აბრამიშვილი (1994, სტუ), ირაკლი გოგოლაძე (1996, სტუ), ომარ ალანია (1995, იმედი), გიორგი დიხამინჯია (1997, პეგასი)

პივოტები: გიგა კოხრეიძე (1996, პეგასი), ლაშა არსენაშვილი (1997, სტუ)

უკანა ხაზი: ზურაბ სიმონია (1995, სტუ), შალვა სტურუა (1994, სტუ), თემურ ორჯონიკიძე (1996, სტუ), ალექსანდრე ცხვარაშვილი (1996, პეგასი), გივი გიორგაძე (1996, იმედი), ამირან აბჟანდაძე (1996, პეგასი)

მწვრთნელები: ბექა ორჯონიკიძე, ლევან გელაშვილი, ჯორჯე რაშიჩი; ექიმი: ლევან ლინნიკი

ფოტო: ბექა ორჯონიკიძე, ჯორჯე რაშიჩი

ბელარუსის ქალაქ გროდნოში, გოგონათა საერთაშორისო ტურნირზე, საქართველოს თექვსმეტწლამდელთა ნაკრებმა ბოლო შეხვედრა 20:24 წააგო ბელარუსის ქალაქ გომელის გუნდთან.

ტურნირი მოიგო ლიტვის ნაკრებმა, მეორეზე გავიდა ბელარუსის ნაკრები, მესამეზე - მინსკი, შემდგომ - გომელი, საქართველო და გროდნო. ქართველმა გოგონებმა დაამარცხეს გროდნო - 33:14 და წააგეს მინსკთან 22:32, ლიტვასთან 16:26, ბელარუსთან 12:27 და გომელთან - 20:24.

გვესაუბრება ნაკრების მწვრთნელი ელისო ჟურულიშვილი: - ტურნირზე გამოსვლით მეც და მთავარი მწვრთნელიც, მაია კარბუნარიც უკმაყოფილოები ვართ, მიგვაჩნია, რომ ჩვენს გუნდს მეტი შეუძლია. ბოლო მატჩის პირველ ტაიმს ვიგებდით, მაგრამ ბოლოში თამაში ხელდან წაგვივიდა. ჯამში, რამდენიმე მოთამაშით კმაყოფილი ვარ. ჩვენი გუნდიდან საუკეთესო მოთამაშეების პრიზები მიიღეს ნინო გაბისონიამ და თამარ ჩოგოვაძემ. კარგად ითამაშა ორივე მეკარემ, ქრისტინე ჯავახიამ და მარიამ ჩაჩუამ. გამოვყოფდი გამთამაშებელ ანა ყველაშვილსაც. ახლა ნაყოფიერად უნდა გამოვიყენოთ ის რამდენიმე დღე, რომელიც ჯემალ ცერცვაძის თასის დაწყებამდე დარჩა, რათა უკეთესი თამაში ვაჩვენოთ საკუთარი მაყურებლის თვალწინ.

საერთაშორისო ტურნირი, ჯემალ ცერცვაძის თასი, ბიჭებსა და გოგონებს შორის, 16 მაისს დაიწყება გლდანის ხელბურთის სასახლეში.

გროდნო, საერთაშორისო ტურნირი. 11 მაისი

საქართველო (16) - გომელი 20:24

საქართველო: ჯავახია, ჩაჩუა - გაბისონია 6, გადელია 5, ღვალაძე 3, ყველაშვილი 2, ვენეცკი 1, მიხელიძე 1, ჩოხელი 1, ჩოგოვაძე 1, ჯაღათაშვილი, ნარიმანიძე, ბერიძე, ქიტესაშვილი, ხურცილავა

სამშაბათს, სპორტის სამინისტროში, 15 საათზე, საქართველოს ხელბურთის ფედერაცია პრესკონფერენციას აწყობს.

16-19 მაისს თბილისში, გლდანის სახელბურთო დარბაზში იმართება ბიჭებისა და გოგონების საერთაშორისო ტურნირი ჯემალ ცერცვაძის თასზე. პრესკონფერენციაზე წარმოდგენილნი იქნებიან 1998-99 წლებში დაბადებული ბიჭებისა და გოგონების ნაკრები გუნდები.

ბიჭების ნაკრები დაბრუნდა უკრაინიდან, სადაც მოიგო ოლეგ ველიკის საერთაშორისო ტურნირი, ხოლო გოგონებმა ითამაშეს ბელარუსში, ასევე საერთაშორისო შეჯიბრებაზე.

ამ ორი გუნდის მწვრთნელები და მოთამაშეები ისაუბრებენ განვლილ ტურნირზე, ასევე მომავალ, ჯემალ ცერცვაძის თასზე.

ტურნირი დიდი ქართველი ხელბურთელის 75 წლისთავის აღსანიშნავად იმართება.

ფოტო: ბიჭების ნაკრები უკრაინაში, ტურნირისშემდგომ დაჯილდოებაზე

საქართველოს თექვსმეტწლამდელთა ნაკრებმა უკრაინის ქალაქ ბროვარიში საერთაშორისო ტურნირი მოიგო. ბოლო დღეს ჩვენმა ბიჭებმა 35:31 დაამარცხეს ქალაქ ბროვარის გუნდი. 

თამაში მძიმე იყო. წაგების შემთხვევაში ჩვენი გუნდი პირველის ნაცვლად მესამე ადგილზე გადიოდა, მაგრამ მობილიზებულად ითამაშა და რევანში აიღო პირველ ტურში დამარცხებისთვის. ყველაზე შედეგიანი იყო ირაკლი კბილაშვილი 15 გოლით.

ნაკრების მწვრთნელებმა, გიორგი ქობელაშვილმა და გია გვაზავამ უკრაინიდან გვაცნობეს, რომ ნაკრების მოთამაშეებმა სამი ინდივიდუალური პრიზიც დაისაკუთრეს. საუკეთესო შუამარბი გახდა ირაკლი კბილაშვილი, საუკეთესო პივოტი - ერეკლე არსენაშვილი, ხოლო ტურნირის ყველაზე სასარგებლო მოთამაშედ დაასახელეს ჩვენი გამთამაშებელი ხაზეინ რუსტამოვი. პრიზი არ ერგო მეკარე სანდრო ხანდოლიშვილს, თუმცა, ის ერთ-ერთი საუკეთესო იყო ჩვენს გუნდში.

საქართველოს ნაკრებმა ტურნირზე 6 თამაში გამართა. პირველ ტურში დამარცხდა ბროვარის გუნდთან - 24:30, მერე კი ზედიზედ 5 მატჩი მოიგო: ზაპოროჟიესთან - 41:31 და 26:25; კიევთან - 34:25 და 25:24 და ბროვარისთან - 35:21. მეორე ადგილზე გავიდა კიევი, მესამეზე - ბროვარი.

ბიჭებუს ნაკრები უკრაინაში
მეკარეები: დათო მამულაშვილი (რუსთავი), სანდრო ხანდოლიშვილი (ქარიშხალა)
მოთამაშეები: ერეკლე არსენაშვილი, გიგი ფერაძე, ლუკა ბულბულაშვილი, ირაკლი კბილაშვილი (ქარიშხალა), გიორგი ბიბილეიშვილი, გიორგი მიქაძე (ფოთი),გიორგი მერკვილაძე (ქუთაისი),ზაალ ზაალიშვილი (შევარდენი) ლუკა გაწერელია, ზურაბ გოგავა (პეგასი), ხაზეინ რუსტამოვი, ზეზვა იობაშვილი (იმედი)
მწვრთნელები: გიორგი ქობელაშვილი, გიორგი გვაზავა

ფოტოზე. პირველი რიგი: რუსტამოვი, მერკვილაძე, ზაალიშვილი, ბიბილეიშვილი, ბულბულაშვილი, ფერაძე მიქაძე, დავითაშვილი. მეორე რიგი: ხანდოლიშვილი, კბილაშვილი, არსენაშვილი, გოგავა, გაწერელია, იობაშვილი, გვაზავა, ქობელაშვილი

დასრულდა 2013 სეზონის ქალთა სახელბურთო ევროტურნირები. წინა კვირას ჩემპიონთა ლიგის გამარჯვებული უნგრეთის დიორი ეტო გახდა, დღეს კი გაიმართა დანარჩენი სამი ტურნირის საპასუხო ფინალური მატჩები.

EHF თასი მოიპოვა რუსეთის ლადა ტოლიატიმ, რომელმაც ორი მატჩის ჯამში დაამარცხა დანის ესბიერგი. რუსულ-დანიური დუელი იყო თასების თასზეც, სადაც ვიბორგმა აჯობა ზვენიგოროდის ზვეზდას. ჩელენჯ პარის ფინალში შვედურ ჰოორს შინ ჰქონდა წაგებული ისი პარისთან (19:21), მაგრამ პარიზში 23:21 მოიგო და სტუმრად გატანილი მეტი გოლის წყალობით თასი მოიპოვა.

ახლა ჯერი კაცების ფინალებზეა. მომავალ შაბათ-კვირას, 17-18 მაისს ბერლინში EHF თასის ოთხთა ფინალია: კონსტანცა (რუმ) - მონპელიე (საფ), ფუხსე ბერლინი (გერ) - პიკ სეგედი (უნგ). ჩელენჯ კაპის ფინალისტები მეტალოპლასტიკა შაბაცი (სრბ) და სევეჰოფი (შვდ) 18 და 25 მაისს ითამაშებენ, ხოლო 31 მაისს, კიოლნში, ჩემპიონთა ლიგის ნახევარფინალში ერთმანეთს შეხვდებიან: ბარსელონა (ესპ) - ფლენზბურგი (გერ), ვესპრემი (უნგ) - კილი (გერ). ფინალი 1 ივნისსაა დანისნული.

EHF თასი. ფინალი

ესბიერგი (დან) - ლადა ტოლიატი (რუს) 32:32 (25:36)

ჩელენჯ კაპი. ფინალი

ისი პარი (საფ) - ჰოორი (შვდ) 21:23 (21:19)

თასების მფლობელთა თასი. ფინალი

ზვეზდა ზვენიგოროდი (რუს) - ვიბორგი (დან) 23:24 (22:31)

ფოტო: ესბიერგი - ტოლიატი

უკრაინის ქალაქ ბროვარიში, საერთაშორისო ტურნირზე საქართველოს თექვსმეტწლამდელთა ნაკრებმა ზაპოროჟიეს გუნდი 26:25 დაამარცხა და 4 მოგებით ლიდერობს. ტურნირის გამარჯვებული ბოლო დღეს, საქართველოსა და ბროვარის გუნდის მატჩის შემდეგ გაირკვევა.

გიორგი ქობელაშვილი, ნაკრების მთავარი მწვრთნელი: - ძალიან მძიმე თამაში იყო. პირველი შეხვედრა ზაპოროჟიეს 41:31 მოვუგეთ, მაგრამ დღეს თამაში არ გამოგვივიდა. შესაძლოა, გადავიღალეთ. პირველი ტაიმი 14:16 წავაგეთ, მაგრამ სადღაც 43-ე წუთისთვის 5 ბურთით გავედით წინ, თუმცა, ბოლოსკენ მეტოქე მაინც დაგვეწია. შემიძლია გამოვარჩიო ზურაბ გოგავა, რომელმაც ბოლოსკენ, გადამწყვეტ მომენტში მნიშვნელოვანი გოლები გაიტანა.

შეჯიბრების პირველ დღეს საქართველოს ნაკრები დამარცხდა ბროვარისთან - 24:30, შემდეგ კი ორ-ორჯერ მოუგო კიევსა და ზაპოროჟიეს და 8 ქულით ლიდერობს. ბროვარი, თავის მხრივ, ორჯერ დამარცხდა კიევთან. ყველაფერი კვირას გაირკვევა.