შეცდომა
  • თარგი ამ ჩვენებისთვის არ არის ხელმისაწვდომი. გთხოვთ დაუკავშირდით საიტის ადმინისტრატორს.

მთავარი

03/11/4 პირველი სანაკრებო სესია დასრულებულია

ხელბურთში სეზონის პირველი სანაკრებო სესია დასრულდა. გაიმართა ევროპის 2016 წლის ჩემპიონატის მერე საკვალიფიკაციო ტური. ეს შეჯიბრებები აპრილის ბოლოს განახლდება.

ევროპის მომდევნო ჩემპიონატის შესარჩევ ტურნირზე მთავარი მატჩი გაიმართა ვენაში, სადაც ავსტრია 24:28 დამარცხდა გერმანიასთან. გერმანელთა გარემარბმა უვე გენსჰაიმერმა 10 გოლი გაიტანა, პივოტმა პატრიკ ვინჩეკმა - 7, ხოლო მეკარე პატრიკ ლიხტლაინმა 19 დარტყმა მოიგერია. თამაშს 6000 მაყურებელი დაესწრო.

ევროპის ჩემპიონმა საფრანგეთმა ბაზელში 33:24 დაამარცხა შვეიცარია. 7 გოლი გაიტანა ნიკოლა კარაბატიჩმა, 8 - მიშელ გიგუმ, ვინც პირველ მატჩი, ჩეხეთთან, გამოტოვა. გერმანიისა და საფრანგეთის გარდა 4-4 ქულა აქვთ ნორვეგიას, ხორვატიას, დანიას, შვედეთს, სლოვენიას, სერბეთს, უნგრეთსა და ესპანეთს. ფინალური ეტაპის საგზური ერგება 7 ჯგუფის 2-2 გამარჯვებულს და საუკეთესო მესამე ადგილს.

ევრო 2016. მთავარი შესარჩევი ეტაპი

1 ჯგუფი. ჰოლანდია (0 ქულა) - ნორვეგია (4) 22:30

თურქეთი (0) - ხორვატია (4) 22:32

2 ჯგუფი. ლიტვა (0) - ბელარუსი (3) 28:30

ბოსნია (1) - დანია (4) 23:25

3 ჯგუფი. ლატვია (0) - სლოვენია (4) 28:39

სლოვაკეთი (0) - შვედეთი (4) 23:33

4 ჯგუფი. მონტენეგრო (2) - ისლანდია (2) 25:24

ისრაელი (0) - სერბეთი (4)22:26

5 ჯგუფი. უკრაინა (0/1 თამაშიდან) - უნგრეთი (4) 20:33

პორტუგალია (0) - რუსეთი (2/1 თამაშიდან) 29:34

6 ჯგუფი. ჩეხეთი (1) - მაკედონია (3) 27:27

შვეიცარია (0) - საფრანგეთი (4) 24:33

7 ჯგუფი. ფინეთი (0) - ესპანეთი (4) 27:34

ავსტრია (0) - გერმანია (4) 24:28

ფოტო: ავსტრია-გერმანია

 

01/11/14 გვჭირდება სამბურთიანი რევანში ესტონეთთან

კვირას, სპორტის სასახლეში საქართველოს ხელბურთელთა ნაკრები კიდევ ერთხელ შეხვდება ესტონეთის ეროვნულ გუნდს ევრო 2018-ის პირველ შესარჩევ ეტაპზე.

ტალინში 26:28 დავმარცხდით და მიზანი ცხადია - საჭიროა ესტონელთა მინიმუმ 3 ბურთით დამარცხება, რის შემდეგაც ურთიერთბალანსით ვაჯობებთ და ამოცანის შესასრულებლად - ჯგუფში პირველობისთვის და მეორე ეტაპზე, პლეიოფში გასასვლელად, საკმარისი იქნება ლუქსემბურგის ორჯერ, ნებისმიერი სხვაობით დამარცხება - აპრილის ბოლოსა და მაისის დასაწყისში.

საქართველოს ნაკრები შინ პარასკევ დილით დაბრუნდა და უკვე ორჯერ ივარჯიშა სპორტის სასახლის საფარზე. ცამეტივე ხელბურთელი, ვინც ტალინში იყო, მწყობრშია. მათ დაემატება ორი კაცი - უკანახაზელი ზურაბ სიმონია და პივოტი უჩა მაისურაძე. მატებაა მწვრთნელთა შტაბშიც - წარსულში ცნობილი მეკარე, როლანდ ერაძე, ვინც ტალინში დელეგაციის ოფიციალური წევრი იყო, ამჯერად განაცხადში იქნება, როგორც ერთ-ერთი მწვრთნელი.

ესტონეთის ნაკრები თბილისში შაბათს ჩამოფრინდა და ივარჯიშა კიდეც. ესტონელთა ორი ტრავმირებული ლიდერი, მაიტ პატრაილი და დენერ იანემაა ვერც კვირას ითამაშებს და, თბილისში არ ჩამოსულა. მეტიც, სტუმრებს დააკლდებათ გერმანული აუეს შუამარბი იანარ მიაგი, ვინც ტალინში 4 გოლი გაგვიტანა, მაგრამ დაშავდა და თამაში ვეღარ დაასრულა. მის ნაცვლად შემადგენლობაშია 19 წლის ჰენრი ჰიიენდი. ესტონელებს გუნდში ახალგაზრდული ნაკრების 3 წევრი ჰყავთ - ჰიიენდი, 18 წლის ანდრის ცელმინსი და 17 წლის კარლ როოსნა.

თამაში სპორტის სასახლეში 18 საათზე დაიწყება და შესვლა თავისუფალი იქნება - ბილეთები არ იყიდება. ვინც სასახლეში მოსვლას ვერ მოახერხებს, მატჩის ყურება შეეძლება საქართველოს ხელბურთის ფედერაციის იუთუბის არხზე.

https://www.youtube.com/user/handballgoergia/fea

ევრო 2018. კვალიფიკაციის პირველი ეტაპი. 2 ჯგუფი

საქართველო-ესტონეთი

2 ნოემბერი, 18:00. თბილისი, სპორტის სასახლე

საქართველო

მეკარეები

22. შოთა თევზაძე (1982 - ოდორჰეი, რუმ - 201 სმ)

16. გიგა ტორონჯაძე (1989 - ტრაბზონი, თურ - 190)

უკანა ხაზი

10. ვლადიმერ რუსია (1984 - ოდორჰეი, რუმ - 202)

14. ირაკლი ჩიქოვანი (1989 - ტიმიშოარა, რუმ - 198)

9. სერგო დათუკაშვილი (1978 - ვოივოდინა, სრბ - 198)

24. რატი მსხვილიძე (1986 - ტრაბზონი, თურ - 208)

17. თემურ ორჯონიკიძე (1996 - სტუ - 197)

8. ზურაბ სიმონია (1994 - ბათუმი - 187)

მარცხენა გარემარბები

31. ილია გოგალაძე (1986 - სტუ - 190)

7. უჩა გამზარდია (1990 - ბათუმი - 172)

მარჯვენა გარემარბები

23. რევაზ ჭანტურია (1982 - სტრუმიცა, მკდ - 177)

19. რობერტ ბეჟანიშვილი (1992 - იმედი - 177)

პივოტები

5. გია გვაზავა (1978 - სტუ - 198)

20. შოთა გრიშიკაშვილი (1984  - სტუ - 198)

18. უჩა მაისურაძე (1986 - ქუთაისი - 190)

მთავარი მწვრთნელი ირაკლი კეკელიძე

მწვრთნელები ბექარ ორჯონიკიძე, როლანდ ერაძე

ექიმი ლევან ლინნიკი

ესტონეთი

მეკარეები

1. მარიუს ალექსეევი (1982 - რიიჰიმიაენ კოქსი, ფინ - 198 სმ)

20. დენის ლოოკენე (1991 - პოლვა - 197)

უკანა ხაზი

4. მარკო სლასტინოვსკი (1990 - კეჰრა - 198)

11. მარტინ იოჰანსონი (1985 - შტიინცა ბაკეუ, რუმ - 196)

18. ანდრის ცელმინსი (1996 - ვალგა კავალი - 192)

28. ჰენრი ჰიიენდი (1995 - პოლვა - 188)

35. კრისტო იარვე (1977 - ვილიანდი - 180)

38. სიიმ პინონენი (1989 - ვიიმსი - 186)

47. კრისტო ვოიკა (1990 - რიიჰიმიაენ კოქსი, ფინ - 183)

მარცხენა გარემარბები

2. მიკ პინონენი (1991 - შტიინცა ბაკეუ, რუმ - 178)

13. ჰენრი სილასტე (1988 - პოლვა - 176)

43. კასპარ ლეესი (1990 - კეჰრა - 182)

მარჯვენა გარემარბები

5. კრისტიან მუუგა (1984 - პოლვა - 178)

32. კარლ როოსნა (1997 - ვილიანდი - 180)

პივოტები

6. მარიუს ლეპი (1980  - რიიჰიმიაენ კოქსი, ფინ - 198)

50. არმი პიარტი (1991 - რეკერ მიოლე, დან - 200)

მთავარი მწვრთნელი რეინ სუვი

მწვრთნელები იაანუს რიატსეპი, პრიიტ ალიკივი

ექიმი მარგუს პარტსი

მსაჯები: ანგელოს არგირიდისი, ხრისტოს მუტასი (კვი), დელეგატი: ისქანდარ ასქაროვი (აზე)

თამაშების განრიგი

29 ოქტომბერი. ესტონეთი-საქართველო 28:26

2 ნოემბერი, 18:00.  საქართველო - ესტონეთი

29 ან 30 აპრილი, 2015. საქართველო - ლუქსემბურგი

3 მაისი, 2015. ლუქსემბურგი - საქართველო

10 ივნისი, 2015. ლუქსემბურგი - ესტონეთი

13 ან 14 ივნისი, 2015. ესტონეთი - ლუქსემბურგი

 

03/11/14 გორბიცი ორსულადაა და მარტო შვიდმეტრიანებს ურტყამს

ქალების ჩემპიონთა ლიგაზე გაიმართა მესამე ტური, მაგრამ სახელბურთო ამბები ერთმა ფაქტმა გადაფარა - დანიურ ვიბორგთან თამაშის წინ ლიგის ბოლო ორი წლის გამარჯვებულის, უნგრეთის დორი ეტოს ლიდერმა, 31 წლის ანიტა გორბიცმა გამოაცხადა, რომ ორსულადაა და დარჩენილ სეზონს გამოტოვებს.

ეს იმას ნიშნავდა, რომ გორბიცი გამოაკლდებოდა კლუბსაც და უნგრეთის ნაკრებსაც, დეკემბერში დანიშნულ ევროპის ჩემპიონატზე, რომელიც უნგრეთსა და ხორვატიაში იმართება.

დიორს ვიბორგში პრინციპული თამაში ჰქონდა - ორივე გუნდი ლიდერობდა ჯგუფში 4-4 ქულით და გორბიცმა ითამაშა. უფრო სწორად, ის მხოლოდ შვიდმეტრიანების დასარტყმელად გამოდიოდა მოედანზე და 4 გოლიც გაიტანა. ლიგის მოქმედმა ჩემპიონმა 30:25 მოიგო და უდანაკარგოდ ლიდერობს.

დიორის გარდა 6 ქულა აქვს კიდევ ორ გუნდს - 2014 და 2013 წლის ფინალისტებს - მონტენეგროს ბუდუჩნოსტსა და ნორვეგიის ლარვიკს. თითო ჯგუფიდან 3-3 გუნდი გადის მეორე ჯგუფურ ეტაპზე.

ჩემპიონთა ლიგა 2014-15. ქალები.

3 ტური, 31 ოქტომბერი - 2 ნოემბერი

A ჯგუფი

ლაიფციგი (გერ, 4) - ჰიპო ნიდეროსტერრაიხი (ავს, 1) 42:22

დინამო ვოლგოგრადი (რუს, 3) - კრიმ მერკატორი (სლნ, 4) 25:26

B ჯგუფი

ტიურინგერი (გერ, 2) - ბუდუჩნოსტი (მნტ, 6) 22:27

პოდრავკა (ხორ, 0) – ვარდარ სკოპიე (მკდ, 4) - 26:27

C ჯგუფი

ვიბორგი (დან, 4) - დიორი ეტო (უნგ, 6) 25:30

სევეჰოფი (შვდ, 1) ლოკომოტივა ზაგრები (ხორ, 1) 29:29

D ჯგუფი

ბაია მარე (რუმ, 2) - ლარვიკი (ნორ, 6) 23:24

ლიუბლინი (პოლ, 2) - მეცი (საფ, 2) 35:31

ფოტო: ანიტა გორბიცი

31/10/14 ევროპის ჩემპიონმა დიდი მოგებით დაიწყო

დაიწყო ევროპის 2016 და 2018 წლების ჩემპიონატების საკვალიფიკაციო ტურნირები. ევრო 2018-ის პირველ შესარჩევ ეტაპზე, საქართველოსა და ესტონეთის გარდა ბრძოლაში ჩაებნენ ორი სხვა ჯგუფის გუნდებიც.

ჯგუფში საბერძნეთმა ძნელად მოუგო კვიპროსს 27:25, ხოლო მესამეში რუმინეთმა - ტურნირის დებიუტანტს, კოსოვოს ნაკრებს - 36:24. სამი ჯგუფის გამარჯვებული გადის პლეიოფში, სადაც შეხვდება ევრო 2016-ის მთავარ შესარჩევ რაუნდში უარესი სამი შედეგის მქონე გუნდს.

ევრო 2016-ის მთავარ შესარჩევ რაუნდში უკვე ფინალური ტურნირის საგზურები რიგდება. ფინალურ ეტაპზე, რომელიც პოლონეთში გაიმართება 2016 წლის იანვარში, გადის 2-2 გუნდი თითო ჯგუფიდან და საუკეთესო მესამე ადგილი.

ძალიან დამაჯერებელი მოგებით დაიწყო ტურნირი ევროპის ჩემპიონმა, საფრანგეთმა. შამბერიში, 4400 მაყურებლის თვალწინ მათ გაანადგურეს ჩეხეთი - 41:25. 7 გოლი გაიტანა გიიომ ჟოლიმ, 6 - ნიკოლა კარაბატიჩმა. ჩეხებს აკლდათ ტრავმირებული ლიდერი, ფილიპ იხა.

მეხუთე ჯგუფში უნგრეთმა შინ მძიმე თამაში მოუგო პორტუგალიას - 31:30. პორტუგალია დასრულებამდე 13 წუთით ადრე 27:24 იგებდა და მხოლოდ ბოლო წუთზე, გაბორ ჩასარის გატანილმა გოლმა გადაარჩინა უნგრელთა ახალი მწვრთნელი, ყოფილი ესპანელი ვარსკვლავი ტალანტ დუშებაევი სირცხვილს. ამავე ჯგუფში, რუსეთისა და უკრაინის მატჩი, ორ ქვეყანას შორის შექმნილი პოლიტიკური დაძაბულობის გამო არა ოქტომბერში, არამედ აპრილშია დანიშნული.

ამ უქმეებზე ორივე ტურნირზე მეორე ტურია. შეჯიბრებები დასრულდება 2015 წლის ივნისში, ხოლო ივლისში გაიმართება ევრო 2016-ის ფინალური ტურნირისა და ევრო 2018-ის პლეიოფის წილისყრა.

ევრო 2018. კვალიფიკაციის პირველი ეტაპი

1 ჯგუფი: საბერძნეთი, ბელგია, კვიპროსი

საბერძნეთი - კვიპროსი 27:25. 2 ნოე: კვიპროსი - საბერძნეთი

2 ჯგუფი: ესტონეთი, ლუქსებურგი, საქართველო

ესტონეთი - საქართველო 28:26. 2 ნოე: საქართველო - ესტონეთი

3 ჯგუფი: რუმინეთი, იტალია, კოსოვო

რუმინეთი - კოსოვო 36:24. 1 ნოე: კოსოვო - რუმინეთი

ევრო 2016. მთავარი შესარჩევი ეტაპი

1 ჯგუფი. ნორვეგია - თურქეთი 36:27, ხორვატია - ჰოლანდია 35:24

2 ნოე: ჰოლანდია - ნორვეგია, თურქეთი - ხორვატია

2 ჯგუფი. ბელარუსი - ბოსნია 25:25, დანია - ლიტვა 31:21

2 ნოე: ლიტვა - ბელარუსი, ბოსნია - დანია

3 ჯგუფი. სლოვენია - სლოვაკეთი 31:25, შვედეთი - ლატვია 33:23

1 ნოე: ლატვია - სლოვენია, სლოვაკეთი - შვედეთი

4 ჯგუფი. ისლანდია - ისრაელი 36:19, სერბეთი - მონტენეგრო 25:21

2 ნოე: მონტენეგრო - ისლანდია, ისრაელი - სერბეთი

5 ჯგუფი. უნგრეთი - პორტუგალია 31:30 (რუსეთი-უკრაინა - 28 აპრილს)

2 ნოე: პორტუგალია - რუსეთი, უკრაინა - უნგრეთი

6 ჯგუფი. მაკედონია - შვეიცარია 27:20, საფრანგეთი - ჩეხეთი 41:25

2 ნოე: ჩეხეთი - მაკედონია, შვეიცარია - საფრანგეთი

7 ჯგუფი. გერმანია - ფინეთი 30:18, ესპანეთი - ავსტრია 27:16

1 ნოე: ფინეთი - ესპანეთი. 2 ნოე: ავსტრია - გერმანია

ფოტო: მაკედონია-შვეიცარია

02/11/14 55:55, საქართველო და ესტონეთი თანაბრად არიან

საქართველოს ხელბურთელთა ნაკრებმა ევრო 2018-ის პირველი შესარჩევი ეტაპის მატჩში 29:27 დაამარცხა ესტონეთი. პირველი თამაში ესტონელებმა ასევე ორი ბურთით, 28:26 მოიგეს.

სტუმრად გატანილი მეტი გოლის წესი ევროპის ჩემპიონატზე არ მოქმედებს, ამიტომაც, ორივე გუნდი ურთიერთშეხვედრებით აბსოლუტურად თანაბარ მდგომარეობაშია. ორივეს დარჩენილი აქვს 2-2 მატჩი ჯგუფის მესამე წევრთან, ლუქსემბურგთან და თუ საქართველომაც და ესტონეთმაც ორ-ორჯერ მოიგეს, მაშინ ჯგუფის გამარჯვებულსა და, შესაბამისად, პლეიოფში გამსვლელ გუნდს, ბურთების უკეთესი სხვაობა გამოავლენს მთელი ტურნირის განმავლობაში.

ამ მხრივს ესტონეთს ის უპირატესობა აქვს, რომ ლუქსემბურგს ბოლო ორ ტურში, ივნისში ეთამაშება, ჩვენ კი - გაზაფხულზე. თუმცა, ლუქსემბურგი არაა ისეთი ხელწამოსაკრავი გუნდი, რომ გარანტირებულად ორჯერ მოუგო - უთუოდ ისინიც იბრძოლებენ პირველობისთვის. ყველაფერი წინაა.

ევრო 2018. კვალიფიკაციის პირველი ეტაპი. 2 ჯგუფი
საქართველო-ესტონეთი 29:27

2 ნოემბერი. თბილისი, სპორტის სასახლე

საქართველო: თევზაძე, ტორონჯაძე - რუსია 15 დარტყმა/8 გოლი (2 წთ), მსხვილიძე 10/6 (2 წთ), ჩიქოვანი 12/6 (2 წთ), ჭანტურია 4/4, გოგალაძე 5/3, დათუკაშვილი 2/1 (2წთ), გრიშიკაშვილი 4/1 (2წთ), სიმონია 1/0 (გამზარდია, მაისურაძე, გვაზავა, ორჯონიკიძე, ბეჟანიშვილი). მწვრთნელი ირაკლი კეკელიძე
შეტევების ეფექტურობა 36%, დარტყმების ეფექტურობა 55%, გაძევება - 10 წთ, შვიდმეტრიანები 3/3

ესტონეთი: ალექსეევი, ლოოკენე - . პინონენი 15/7, როოსნა 5/4, ვოიკა 6/4, იოჰანსონი 4/3, სლასტინოვსკი 8/3, პიარტი 3/2, მუუგა 3/2, ლეესი 4/2, ლეპი 1/0, ცელმინსი 1/0, . პინონენი 3/0, ჰიიენდი (სილასტე,იარვე). მწვრთნელი რეინ სუვი
შეტევების ეფექტურობა 32%, დარტყმების ეფექტურობა 49%, გაძევება - 4 წთ, შვიდმეტრიანები 4/2

მსაჯები: ანგელოს არგირიდისი, ხრისტოს მუტასი (კვი)

თამაში ყოჩაღად დავიწყეთ და პირველივე სამი დარტყმიდან სამი გოლი გავიდა - 3:0 (რუსია, ჩიქოვანი, მსხვილიძე), მაგრამ ესტონეთს ჰყავდა მიკ პინონენი, ნამდვილი ლიდერი, რომელსაც თავადაც გაჰქონდა და გუნდის თამაშსაც ალაგებდა. მეათე წუთზე ანგარიში გათანაბრდა - 5:5, ერთი ხანობა თანაბრად მიდიოდა და მე-20 წუთისთვის ისევ წინ გავედით სასურველი 3 ბურთით - 11:8. ტაიმის ბოლო წუთზე ანგარიში 15:12 იყო, მაგრამ დათუკაშვილის ორწუთიანი გაძევების შემდეგ ესტონელებმა 2 გოლი გაგვიტანეს - 15:14.

მეორე ტაიმის დასაწყისში სტუმრები წინაც გავიდნენ (17:16), მაგრამ მეკარე თევზაძის კარგი სერიის შემდეგ 42- წუთზე რუსიამ ისევ დაგვაწინაურა საჭირო 3 გოლით - 20:17. ასეთივე სხვაობა დაფიქსირდა კიდევ სამჯერ, 54- წუთზე ანგარიში 27:23 იყო, დასრულებამდე 4 წუთით ადრე, ჭანტურიას შვიდმეტრიანის შემდეგ - 28:24. სამბურთიან სხვაობაზე თავი თითქმის ქუდში გვქონდა და ჯგუფის გამარჯვებული შეიძლებოდა უკვე მაისში გამოვლენილიყო - იმ შემთხვევასი, თუ ორჯერ დავამარცხებდით ლუქსემბურგს, მაგრამ ესტონელებმა ბოლომდე იბრძოლეს.

დასრულებამდე 50 წამით ადრა სლასტინოვსკიმ ორი მატჩის ჯამური ანგარიში გაათანაბრა, ბოლო შეტევაში რუსიამ რთული სიტუაციიდან ვერ გაიტანა და ესტონეთს ერთი შეტევა დარჩა, რომლის წარმატებულად დასრულების შემთხვევაში უკვე ისინი დაწინაურებოდნენ ორივე შეხვედრის ჯამში, მაგრამ საბოლოოდ ქართველების გამარჯვება დაფიქსირდა - 29:27, ხოლო საერთო ანგარიში ფრეა - 55:55. ახლა. ჯგუფისგამარჯვებული ივნისამდე ვერ გამოვლინდება - სანამ ლუქსემბურგი და ესტონეთი არ ითამასებენ.

საქართველოს ნაკრების მთავარი პრობლემა, ისევე როგორც ტალინში, სათადარიგოთა მოკლე სკამი იყო. გუნდმა ფაქტიურად 8 ხელბურთელით ითამაშა (სიმონია რამდენიმე წუთით შეუშვეს მოედანზე, ხოლო ტორონჯაძე მხოლოდ შვიდმეტრიანის მოსაგერიებლად გამოვიდა. პირველ მატჩთან შედარებით განსხვავება მხოლოდ ის იყო, რომ ხაზზე გია გვაზავას ნაცვლად შოთა გრიშიკაშვილი იდგა). ვლადიმერ რუსიას ამჯერად კარგად აუბეს მხარი ირაკლი ჩიქოვანმა და რატი მსხვილიძემ, კარგი იყო მარცხენა გარემარბი ილია გოგალაძე (წინა თამაშის გმირს რევაზ ჭანტურიას ესტონელებმა მეტი ყურადღება დაუთმეს, რის გამოც ჭანტურიამ თამაშიდან მხოლოდ ერთი გოლი გაიტანა).

ესტონელებს კი ჰყავდათ უფრო მეტი მოთამაშე, ნამდვილი წინამძღოლი და გამთამაშებელი პინონენი, ყოჩაღი გარემარბი, 17 წლის კარლ როოსნა, ორი კარგი პივოტი (იოჰანსონი, პიარტი), უფრო დაბალანსებული შემადგენლობა. ისინი უფრო მრავალფეროვნად თამაშობდნენ შეტევაში და უკეთ იდგნენ დაცვაში.

სპორტის სასახლეში თამაშს დაესწრო 2300 მაყურებელი და უფრო მეტმა, 3200 მოყვარულმა ნახა მატჩის პირდაპირი სტრიმინგი ხელბურთის ფედერაციის იუთუბზე.

სამწუხაროდ, თამაშის ბოლოს მძიმე ტრავმა მიიღო რატი მსხვილიძემ - წინასწარი შეფასებით, მას აქილევსის მყესი აქვს გაწყვეტილი, თუმცა, ზუსტი დიაგნოზი ხვალ დადგინდება.

შედეგები და განრიგი
29 ოქტომბერი, 2014. ესტონეთი-საქართველო 28:26
2 ნოემბერი, 2014. საქართველო - ესტონეთი 29:27
29 ან 30 აპრილი, 2015. საქართველო - ლუქსემბურგი
3 მაისი, 2015. ლუქსემბურგი - საქართველო
10 ივნისი, 2015. ლუქსემბურგი - ესტონეთი
13 ან 14 ივნისი, 2015. ესტონეთი - ლუქსემბურგი

 

29/10/14 ესტონეთი - საქართველო 28:26

საქართველოს ხელბურთელთა ნაკრები ევრო-2018-ის პირველ შესარჩევ მატჩში 26:28 დამარცხდა ტალინში, ესტონეთის ეროვნულ გუნდთან და 2 ნოემბერს იმავე მეტოქეს თბილისის სპორტის სასახლეში მიიღებს.

ევრო 2018. კვალიფიკაციის პირველი ეტაპი. 2 ჯგუფი

ესტონეთი - საქართველო 28:26

29 ოქტომბერი. ტალინი. კალევი სპორდიჰალი, 550 მაყურებელი

ესტონეთი: ალექსეევი, ლოოკენე - მ. პინონენი 10 დარტყმა/5 გოლი, იარვე 11/5, როოსნა 5/4, იოჰანსონი 6/4 (2 წუთი), მიაგი 12/4, ლეესი 3/3 (2 წთ), ცელმინსი 1/1, ლეპი 2/1, ვოიკა 4/1, სლასტინოვსკი 1/0, მუუგა 2/0, პიარტი (2 წთ), სილასტე, ს. პინონენი. მწვრთნელი: რეინ სუვი

შეტევების ეფექტურობა 31%, დარტყმების ეფექტურობა 48%, შვიდმეტრიანები 2/1, გაძევება - 6 წთ

საქართველო: თევზაძე (17 მოგერიება) - რუსია 18/10 (2 წთ), ჭანტურია 8/8, ჩიქოვანი 10/4 (4 წთ), გოგალაძე 2/2, დათუკაშვილი 4/1 (4 წთ), მსხვილიძე 5/1 (2 წთ), გვაზავა 1/0, გამზარდია 2/0 (ტორონჯაძე -  გრიშიკაშვილი, ბეჟანიშვილი, ორჯონიკიძე). მწვრთნელი ირაკლი კეკელიძე

შეტევების ეფექტურობა 31%, დარტყმების ეფექტურობა 52%, შვიდმეტრიანები 2/2, გაძევება - 12 წთ

მსაჯები: ვაგიფ ალიევი, ალეკპერ აღაქიშიევი (აზე), დელეგატი: ტადას იანსონასი (ლიტ)

წაგების მიუხედავად, გუნდი მეორე ეტაპზე, პლეიოფში გასვლის კარგ შანსებს ინარჩუნებს. ამისათვის აუცილებელია ესტონეთის თბილისში 3 ბურთით დამარცხება და შემდეგ საკმარისი იქნება ორი მოგება ლუქსემბურგთან, ნებისმიერი ანგარიშით.

საქართველოს ნაკრებმა თამაში კარგად დაიწყო. ძირითადად რევაზ ჭანტურიას ბრწყინვალე თამაშის წყალობით (6-დან 6 გოლი პირველ ტაიმში)  მე-17 წუთისთვის 10:7 ვიგებდით და გვქონდა სხვაობის ოთხამდე აყვანის შანსიც. 23-ე წუთზე, როცა  ანგარიში 11:9 იყო, ჭანტურიამ შვიდმეტრიანი შეაგდო (12:9), ესტონელი  ლეესი კი ორწუთიანში წავიდა, მაგრამ თამაში სწორედ აქ  გაგვექცა. ეს ორი წუთი ესტონეთმა 2:0 მოიგო, 2 ბურთიც დაამატა და 13:12 დაწინაურდა, ტაიმი კი 16:15 მოიგო.

მეორე ტაიმის დასაწყისში შოთა თევზაძემ ზედიზედ სამი დარტყმა მოიგერია, მათ შორის შვიდმეტრიანი და ერთი-ერთზე გასვლა, ანგარიშიც ორჯერ გათანაბრდა (16:16, 17:17), მაგრამ ეს იყო და ეს. მთელი დანარჩენი დრო ესტონეთი წინ იყო 2-3 გოლით. რამდენჯერმე მოგვეცა სხვაობის ერთ ბურთამდე დაყვანის შანსი, მაგრამ არცერთი ასეთი შეტევა გოლით არ დასრულებულა.  ესტონეთი სირენამდე 3 წუთით ადრე 28:24 დაწინაურდა და ბოლოს ჭანტურიამ და გოგალაძემ სხვაობა ორამდე შეამცირეს - 26:28.

რის ხარჯზე მოგვიგო ესტონეთმა?   გუნდური სტატისტიკის მიხედვით თამაში თითქმის თანაბარი იყო (ესტონელებს შვიდით მეტი დარტყმა ჰქონდათ კარის მიმართულებით), მეკარე თევზაძემაც გაცილებით უკეთ ითამაშა, ვიდრე მისმა ესტონელმა კოლეგამ.

პასუხი იმალება ინდივიდუალურ სტატისტიკაში. საქართველოს ნაკრებმა სულ 9 ხელბურთელით ითამაშა, ხოლო ესტონელთაგან 9 კაცი მარტო გოლის ავტორი იყო. მოგებაში წილი ყველამ შეიტანა, ქართველების 26 გოლიდან კი 18 გოლი მოთამაშის ანგარიშზეა, 22 - სამის. ჩვენი მძლავრი უკანა ხაზიდან თამაში მარტო ვლადიმერ რუსიას წაუვიდა (10 გოლი), უჩვეულოდ პასიური იყო წინა შესარჩევ ციკლში ნაკრების მთავარი ბომბარდირი რატი მსხვილიძე, რომელსაც მეტოქე აქტიურად კი ეთამაშებოდა, მაგრამ პერსონალურადაც არ აუყვანია.

31 ოქტომბერს, დილით ორივე გუნდი თბილისში იქნება და 2 ნოემბერს, სპორტის სასახლეში, მეორე მატჩს გამართავს.

----

2 ნოემბერი, 18:00.  საქართველო - ესტონეთი

29 ან 30 აპრილი, 2015. საქართველო - ლუქსემბურგი

3 მაისი, 2015. ლუქსემბურგი - საქართველო

10 ივნისი, 2015. ლუქსემბურგი - ესტონეთი

13 ან 14 ივნისი, 2015. ესტონეთი - ლუქსემბურგი

ფოტო: უტევს კასპარ ლეესი