ოთხი დღის განმავლობაში მიმდინარეობდა საწვრთნელი მატჩების სერია საქართველოს ჭაბუკთა ნაკრებს, სახელბურთო კლუბ სამტრედიასა და აზერბაიჯანის ახალგაზრდულ ნაკრებს შორის.

აზერბაიჯანის ნაკრებს შეკრება ჰქონდა ჯემალ ცერცვაძის სახელობის ხელბურთის აკადემიაში და კარგი სპარინგ-პარტნიორობა გაუწია ქართულ გუნდებს.

სამტრედიელებს 29 და 30 აპრილს, ევროპული ჩელენჯ კაპის ორი მატჩი აქვთ ფინეთში, რიიჰიმიაენ კოქსთან და ასევე შეკრებაზე არიან გლდანში. მათი თავკაცი გოგი ხელისუფალი სხვადასხვა ტაქტიკურ სქემებს ცდიდა და შედეგისთვის ყურაღდება არ მიუქცევია. კლუბი 26 ნოემბერს გაემგზავრება ფინეთში. სამტრედიის შასშანდელ შემადგენლობას წლეულს, სეზონის წინ დაემატნენ მეკარე გიორგი სამყურაშვილი და უკანახაზელი გია წივწივაძე, სპეციალურად ამ ტურნირისთვის კი გუნდს გააძლიერებენ სტუ-ს მარცხენა გარემარბი ილია გოგალაძე და პეგასის მარჯვენა კუთხე გიორგი დიხამინჯია.

საქართველოს ჭაბუკთა ნაკრები მზადებას აგრძელებს 2015 წლის ევროპის ახალგაზრდობის ოლიმპიური ფესტივალისთვის. გარი თურქიასა და გიორგი ქობელაშვილს 20-კაციანი შემადგენლოობა შერჩეული ყავთ. ნაკრები ვარჯიშებს აგრძელებს. უახლოეს ხანში დაგეგმილია ამხანაგური მატჩები სომეხ ჭაბუკებთან და საქართველოს თვრამეტწლამდელთა ნაკრებთან (მწვ. ტიტე კალანდაძე), ხოლო წლის ბოლომდე გუნდი აუცილებლად გაემგზავრება უცხოეთშიც.

გლდანის ხელბურთის აკადემიაში ყოველდღიურად ვარჯიშობს გოგონათა ნაკრებიც. ამ გუნდსაც ახალი მწვრთნელი ჰყავს - როლანდ ერაძე, წარსულში საქართველოსა და ისლანდიის ნაკრებების მეკარე. ერაძესა და ელისო ჟურულიშვილის იგივე მიზანი აქვთ, რაც თურქია-ქობელაშვილის დუეტს - თბილისი-2015. ამავე დროს, გოგონათა ნაკრებს 20-22 მარტს თბილისში უწევს ევროპის ჩვიდმეტწლამდელთა ჩემპიონატის კვალიფიკაცია ნორვეგიის, ჰოლანდიისა და ლიტვის წინააღმდეგ.

ამხანაგური მატჩები. გლდანი, 18-21 ნოემბერი

18 ნოემბერი

საქართველო 16წ - აზერბაიჯანი 20წ 27:18

17 ნოემბერი

საქართველო 16წ - სამტრედია 31:31

სამტრედია - აზერბაიჯანი 20წ 28:32

18 ნოემბერი

საქართველო 16წ (მეორე ნაკრები) - აზერბაიჯანი 20წ 26:30

საქართველო 2 - დ. მამულაშვილი, დავითაშვილი - ბაინაზიშვილი 7, შევჩენკო 5, დოლმაზაშვილი 4, კორაშვილი 4, სხვიტარიძე 2. ზაალიშვილი 2, მიქავა 2, გოგუა, ბაზანოვი

სამტრედია - საქართველო 16წ 28:22

სამ: ხონელიძე, სამყურაშვილი - გ. კობახიძე 7, წითელიშვილი 6, ხაჟომია 4, დიხამინჯია 3, გოგალაძე 2, გ. ნიკურაძე 2, ელგანდაშვილი 1, ზურაბიანი 1, სიხარულიძე 1, ლობჟანიძე 1, წივწივაძე, თევზაძე

ნაკ: ხანდოლიშვილი, ხარაიშვილი - კბილაშვილი 6, ბულბულაშვილი 5, არსენაშვილი 4, ზარნაძე 3, რუსტამოვი 2, მერკვილაძე 1, იობაშვილი 1

19 ნოემბერი

საქართველო 16წ - აზერბაიჯანი 20წ 27:25

საქ: ხანდოლიშვილი, ხარაიშვილი - ბულბულაშვილი 6, მაისურაძე 5, მერკვილაძე 4, ზარნაძე 4, რუსტამოვი 2, იობაშვილი 2, ლ. მამულაშვილი 2, კბილაშვილი 1, ფერაძე 1, მიქავა, არსენაშვილი, ზაალიშვილი

აზე: ჯაჰანგიროვი, მეხტიევი - ვალიევი 9, შარიფი 5, აბდულაევი 5, მაჰმუდოვი 3, მამედოვი 2, პატულიაკი 1

ფოტოზე: გიორგი ქობელაშვილი და გარი თურქია

ცერცვაძის სახელბურთო აკადემიაში ამხანაგური მატჩი გამართეს საქართველოს ჭაბუკთა ნაკრებმა და თბილისში სტუმრად მყოფმა აზერბაიჯანის ახალგაზრდულმა ნაკრებმა. თამაში მასპინძლებმა მოიგეს - 27:18.

ჭაბუკთა ნაკრებს, რომელიც 2015 წლის ევროპის ახალგაზრდული ოლიმპიური ფესტივალისთვის ემზადება, ერთი თვეა, ახალ მწვრთნელი ავარჯიშებს - წარსულში ჩვენი ეროვნული გუნდის ხელბურთელი, გარი თურქია. გუნდმა ახლახან ორკვირიანი შეკრება გაიარა გლდანში და ახლა ამხანაგური მატჩები უწევს.

თამაში დასაწყისიდან ბოლომდე ქართველი ჭაბუკების უპირატესობით მიმდინარეობდა. მოგებული პირველი ტაიმის შემდეგ  (15:8) მასპინძლებმა უპირატესობა უფრო გაზარდეს.

გარი თურქია: - თამაშს არაუშავდა, თუმცა, უფრო ძლიერი მეტოქეების წინააღმდეგ, ცხადია,  გუნდის დღევანდელი კონდიციები საკმარისი არ იქნება. ივლისამდე დიდი  დრო გვაქვს და ვეცდებით, რაც შეიძლება უფრო მეტად გავაუმჯობოსოთ თამაში.

აზერბაიჯანელები კვირის ბოლომდე დარჩებიან თბილისში და კიდევ რამდენიმე სპარინგს გამართავენ როგორც ქართველ ჭაბუკებთან, ასევე სამტრედიის სახელბურთო კლუბთან. სამტრედიელები გლდანში არიან შეკრებაზე და ევროპული ჩელენჯ კაპის ორი მატჩისთვის ემზადებიან ფინურ კლუბ რიიჰიმიაენ კოქსთან.

ამხანაგური მატჩი. გლდანი, 18 ნოემბერი

საქართველო 16წ - აზერბაიჯანი 20წ 27:18

საქ: ხანდოლიშვილი, ხარაიშვილი, დავითაშვილი - კბილაშვილი 5, ფერაძე 4, ბულბულაშვილი 4, რუსტამოვი 3, მერკვილაძე 2, იობაშვილი 2, მაისურაძე 2, არსენაშვილი 2, მამულაშვილი 1, ზარნაძე 1, ზაალიშვილი 1, მიქავა - მწვრთნელები გარი თურქია, გიორგი ქობელაშვილი

აზე: ჯაჰანგიროვი, მეხტიევი - შარიფი 6, აბდულაევი 4, ვალიევი 3, მაჰმუტოვი 2, მამედოვი 2, სულტანოვი 1

მსაჯები: გია წივწივაძე, გიორგი სამყურაშვილი

 

საქართველოს გოგონათა ჩემპიონატს მეორე წრის შემდეგ ლიდერობს ყვარლის გუნდი, ხოლო მეორეზე გადაინაცვლა პეგასმა, რომელმაც დღეს გლდანში დაამარცხა შარშანდელი ჩემპიონი, მამული - 29:24.

სამივე ამ გუნდმა პირველი წრე თანაბარი ქულებით დაასრულა, მაგრამ მეორეში ყვარელმა ორივე კონკურენტი დაამარცხა, საშუალედო მეორე ადგილისთვის მატჩში კი პეგასი მთელი თამაში უგებდა მამულს და საბოლოოდ ხუთურთიანი უპირატესობით აჯობა. მამულს ამ ტურში პრობლემები ჰქონდა, რადგან აკლდა ძირითადი გამთამაშებელი, ყველაშვილი.

მეორე წრე არ უთამაშიათ ფოთისა და წყალტუბოს გუნდებს, რომელთაც ფინანსური პრობლემები ჰქონდათ. შეჯიბრება 2015 წელს გაგრძელდება.

საქართველოს ჩემპიონატი. გოგონები, 1998-99

მეორე წრე. გლდანი, 17-21 ნოემბერი

21 ნოემბერი

ყვარელი - ქარიშხალა 12:3

პეგასი - მამული 29:24

პეგ: ყაველაშვილი, ჩაჩუა - ჩოგოვაძე 9, ჩოხელი 8, ვენეცკი 6, მორჩაძე 4, ბერიძე 2, შოშიტაშვილი, სარაჯიშვილი, ქებაძე

მამ: ვარდიშვილი - ღვალაძე 7, ნარიმანიძე 6, გაბისონია 5, ჯაღათაშვილი 4, ომიაძე 1, გიორგაძე 1, ხონელიძე

მსაჯები: გია წივწივაძე, გიორგი სამყურაშვილი

მდგომარეობა: ყვარელი 18 ქულა (10 თამაშიდან), პეგასი 16 (10), მამული 14 (10), ფოთი 6 (6), წყალტუბო 4 (6), ქარიშხალა 4 (10), იმედი 0 (10)

აქართველოს ასაკობრივი ჩემპიონატების სერიალი გოგონათა გუნდებმა განაახლეს. გლდანში შეიკრიბა აღმოსავლეთ საქართველოს 5 გუნდი და მეორე წრე დაიწყო.

პირველის წრის შემდეგ შეჯიბრებას სამი ლიდერი ჰყავდა - პეგასი, მამული და ყვარელი. სამშაბათს ერთმანეთს მამული და ყვარელი შეხვდნენ.

პირველი ტაიმი ყვარლელებმა 10:9 მოიგეს, შესვენების შემდეგ კარგახანს თანაბარი ბრძოლა იყო, წინ ხან ერთი გუნდი გადიოდა, ხან მეორე, მაქსიმალური სხვაობა კი 2 ბურთზე მეტი არ ყოფილა. ბოლო 10 წუთში თამაში გარდატეხეს დებმა იორდანიშვილებმა, თეთრაშვილმა, მიხელიძემ და მეკარე გუბელაძემ,  რის შემდეგაც ყვარელმა სეზონში მეორედ დაამარცხა შარშანდელი ჩემპიონი - 21:17.

ლიდერთა სამეულიდან ხუთშაბათს ითამაშებენ ყვარელი-პეგასი, ხოლო პარსკევს - პეგასი-მამული.

საქართველოს ჩემპიონატი. გოგონები, 1998-99

მეორე წრე. გლდანი, 17-21 ნოემბერი

17 ნოემბერი

მამული - ქარიშხალა 34:6

ყვარელი - იმედი 10:0

18 ნოემბერი

პეგასი - იმედი 16:9

ყვარელი - მამული 21:17

ყვ: გუბელაძე - ს. იორდანიშვილი 6, თეთრაშვილი 4, მიხელიძე 4, თ. იორდანიშვილი 2, ქიტესაშვილი 2, კუპატაძე 2, კუნელაშვილი 1, ლეშკაშელი

მამ: ვარდიშვილი - ჯაღათაშვილი 6, ღვალაძე 4, გაბისონია 4, ნარიმანიძე 1, ომიაძე 1, გიორგაძე 1

მსაჯები: ელენე არაბული, ინა ჭკუასელი

მდგომარეობა: ყვარელი 14 ქულა (8 თამაშიდან), პეგასი 12 (7), მამული 12 (8), ფოთი 6 (6), წყალტუბო 4 (6), ქარიშხალა 2 (7), იმედი 0 (8)

19 ნოემბერი. 13:00 პეგასი - ქარიშხალა, 14:00 მამული - იმედი

20 ნოემბერი. 13:00 ყვარელი - პეგასი, 14:00 ქარიშხალა - იმედი

21 ნოემბერი. 13:00 ყვარელი - ქარიშხალა, 14:00 პეგასი - მამული

ფოტო: თამთა თეთრაშვილი, ყვარელი

საქართველოს გოგონათა ჩემპიონატზე მეორე წრე პარასკევს დასრულდება, თუმცა, ერთპიროვნული ლიდერი უკვე ცნობილია. ყვარლის გუნდმა (მწვრთნელები სურაბ ხარებაშვილი, გოჩა ღონიაშვილი) მეორე უშუალო კონკურნტი, თბილისის პეგასიც დაამარცხა - 15:14 და მეტოქეებისთვის მიუწვდომელია.

შარშანდელ ჩემპიონთან, მამულთან მოგების შემდეგ გუნდს მეორე მძიმე თამაში ჰქონდა. პირველი ტაიმი პეგასმა 9:8 მოიგო, მაგრამ მეორეში საქართველოს ნაკრების წევრებმა, ქიტესაშვილმა და კუნელაშვილმა მოახერხეს თამაშის გარდატეხა. კარგად ითამაშა მეკარე გუბელაძემაც, რის შემდეგაც ყვარელი 3 ბურთით წინ გავიდა - 13:10. თამაშის ბოლომდე პეგასის ლიდერმა, ვენეცკიმ რამდენიმე სხვაობა მინიმუმამდე შეამცირა, მაგრამ დროც ზუსტად აქ ამოიწურა - 15:14.

პარასკევს ლიდერთა სამეულის კიდევ ერთი მატჩია. გლდანში, სამის ნახევარზე ითამაშებენ მამული და პეგასი და გაარკვევენ, ვინ დაასრულებს მეორე წრეს მეორე ადგილზე.

საქართველოს ჩემპიონატი. გოგონები, 1998-99

მეორე წრე. გლდანი, 17-21 ნოემბერი

19 ნოემბერი

პეგასი - ქარიშხალა 20:6

მამული - იმედი 10:0

20 ნოემბერი

ქარიშხალა - იმედი 10:4

ყვარელი - პეგასი 15:14

ყვ: გუბელაძე - ს. იორდანიშვილი 4, კუნელაშვილი 3, ქიტესაშვილი 3, თეთრაშვილი 3, თ. იორდანიშვილი 2, მიხელიძე, კუპატაძე

პეგ: ყაველაშვილი, ჩაჩუა - ვენეცკი 7, მორჩაძე 3, ჩოხელი 2, ბერიძე 1, ჩოგოვაძე 1, შოშიტაშვილი

მსაჯები: ელენე არაბული, ინა ჭკუასელი

მდგომარეობა: ყვარელი 16 ქულა (9 თამაშიდან), მამული 14 (9), პეგასი 14 (9), ფოთი 6 (6), წყალტუბო 4 (6), ქარიშხალა 4 (9), იმედი 0 (10)

21 ნოემბერი. 13:00 ყვარელი - ქარიშხალა, 14:30 პეგასი - მამული

ევროპაში მოთამაშე ქართველი ხელბურთელები სეზონს აგრძელებენ, ზოგიც ტრავმას იშუშებს. ტრაბზონსფორის შუამარბმა რატი მსხვილიძემ ესტონეთის ნაკრებთან მიღებული ტრავმის შემდეგ სტამბოლში აქილევსის მყესის ოპერაცია გაიკეთა.

მსხვილიძეს ფეხი ნოემბრის ბოლომდე თაბაშირში ექნება, შემდეგ კი აღდგენით პროცედურებს დაიწყებს. მის არყოფნაში ტრაბზონსფორმა ორი თამაში მოიგო თურქეთის ჩემპიონატზე - სტუმრად, ანკარა ილ ოზელთან - 33:28 და შინ იზმირთან - 31:23. გიგა ტორონჯაძე ამ მატჩებში ძირითადი მეკარე იყო, ხოლო კლუბი 7 თამაშიდან 3 მოგებით მერვე ადგილზეა.

რუმინეთში გუშინ დასანანი მარცხი იწვნია ირაკლი ჩიქოვანის ტიმიშოარამ. გუნდი სტუმრად თითქმის მთელი თამაში უგებდა ლიდერს, CSM ბუქარესტს, დასრულებამდე 18 წუთით ადრე კი სხვაობა 5 ბურთი იყო - 23:18. ბოლო წუთის დაწყების წინ ტიმიშოარა 1 ქულით იგებდა და ბურთიც მისი იყო, მაგრამ მოედანზე ერთი მოთამაშით ნაკლები ჰყავდა. ეს გამოიყენეს ბუქარესტელებმა და მე-60 წუთზე გატანილი 2 გოლით თამაში მოიგეს - 31:30. ჩიქოვანმა 4 გოლი გაიტანა და რამდენიმე საგოლე პასი შეასრულა, მასზე შედეგიანი კი კლუბში მხოლოდ დემის გრიგორაში იყო - 9 გოლი. ირაკლიმ 5 ბურთი გაიტანა წინა ტურში, როცა ტიმიშოარამ შინ ფრედ ითამაშა შტიინცა ბაკეუსთან - 25:25. ამჟამად გუნდი 11 თამაშიდან 13 ქულით მე-9 ადგილზეა. პლეიოფში 8 გუნდი გადის. ჩიქოვანს 11 თამაშში 52 გოლი აქვს.

წინ წაიწია შოთა თევზაძისა და ვლადიმერ რუსიას კლუბმა, ოდორჰეიმ, რომელსაც სანაკრებო პაუზის შემდეგ 3 მატჩი ჰქონდა. ოდორჰეი ჯერ ბუქარესტში დამარცხდა დინამოსთან - 23:33 (თევზაძე და რუსია ნაკრეიდან ახალი დაბრუნებუები იყვნენ და არ უთამაშიათ), შემდეგ კი 2 მატჩი მოიგო უშუალო კონკურენტებთან - შინ კელერაშისთან - 27:22 და სტუმრად ბაია მარესთან - 24:23. რუსიამ 2-2 გოლი გაიტანა, სულ კი ჩემპიონატში 34 დაუგროვდა.

ტურნირს ლიდერობს CSM ბუქარესტი 25 ქულით, 21 ქულით მას მიჰყვებიან კელერაში, ბაია მარე და ოდორჰეი, 20 ქულა აქვს შარშანდელ ჩემპიონ კონსტანცას.

მაკედონიის რეგულარულ პირველობას 9 თამაშიდან 9 მოგებით ლიდერობს ზომიმაკ სტრუმიცა. რევაზ ჭანტურიამ თავი განსაკუთრებით გამოიჩინა პრესპასთან სტუმრად მოგებულ მატჩში - 27:23, როცა 9 გოლი გაიტანა. ამის შემდეგ ზომიმაკმა დაამარცხა სკოპიეს მეტალურგის მეორე გუნდი - 31:23, რადოვიში - 32:25 და ტექსტილეცი - 35:20, ქართველმა გარემარბმა კი შესაბამისად 4, 3, და 4 გოლი შეაგდო და 9 მატჩში 40 გატანილი ბურთი დაუგროვდა. მაკედონიის პირველობის რეგულარულ ტურნირს არ თამაშობს ორი გრანდი, ვარდარი და მეტალურგი - ისინი ჩემპიონთა ლიგაში ასპარეზობენ და ქვეყნის ჩემპიონობისთვის ბრძოლაში მხოლოდ ფინალური ექვსეულიდან ჩაერთვებიან.

სერბეთში ასეთივე მდგომარეობაშია იქაური ჩემპიონი, ნოვი სადის ვოივოდინა, რომელიც ჯერ მხოლოდ სამხრეთ-აღმოსავლეთ ევროპის ლიგაში ირჯება. სერგო დათუკაშვილის კლუბი ათგუნდიან შეჯიბრებაში ჯერჯერობით ბოლო ადგილზეა და 10 თამაშიდან მხოლოდ 3 ფრე აქვს. ვოივოდინამ ბოლო 3 თამაშიდან 2 შინ წააგო - სკოპიეს მეტალურგთან - 22:25 და სლოვაკეთის ტატრან-პრეშოვთან - 25:29, ხოლო სტუმრად ფრედ ეთამაშა ხორვატიის ნექსეს - 26:26. დათუკაშვილის მონაგარი წაგებულ თამაშებში 1 და 2 გოლი იყო, ხოლო ხორვატიაში 7 დარტყმიდან ექვსჯერ შეაგდო და 29 გოლით ლიგის ბომბარდირთა ოცეულშია. ტურნირს უდანაკარგოდ, ცხრიდან 9 მოგებით ლიდერობს უნგრეთის ვესპრემი, რომელსაც ასევე ასპროცენტიანი შედეგი აქვს ჩემპიონთა ლიგის ჯგუფურ ტურნირზეც.

ფოტო: ირაკლი ჩიქოვანი

TPL_A4JOOMLA-LAKESIDE3R-FREE_FOOTER_LINK_TEXT