შეცდომა
  • თარგი ამ ჩვენებისთვის არ არის ხელმისაწვდომი. გთხოვთ დაუკავშირდით საიტის ადმინისტრატორს.

მთავარი

30/11/14 სხვაობა ოთხით ნაკლები იყო

სახელბურთო კლუბმა სამტრედიამ ჩელენჯ კაპის მეთექვსმეტედფინალის მეორე თამაშიც წააგო ფინეთში, რიიჰიმიაენ კოქსთან - 26:38. სხვაობა ამჯერად ნაკლები იყო, ვიდრე პირველ შეხვედრაში, რომელიც ფინელებმა 41:25 მოიგეს.

ასე დასრულდა სამტრედიელთა დებიუტი ევროთასებზე, ხოლო მერვედფინალში ფინური კლუბი გავიდა.

ტაიმი მასპინძლებმა 16:13 მოიგეს. სამტრედიელთა შორის ამჯერად გოლი არ გაუტანია წინა მატჩის საუკეთესო ბომბარდირს, ლექსო წითელიშვილის (9 გოლი პირველ თამაშში). ამჯერად ყველაზე შედეგიანები იყვნენ გიორგი დიხამინჯია და გოგიტა ნიკურაძე 6-6 გოლით.

სამტრედია, რომელმაც ახალ სეზონში უკვე მოიპოვა საქართველოს თასი, ახლა ჩაებმება ეროვნულ ჩემპიონატში, რომელიც 8 დეკემბერს უნდა დაიწყო გლდანის ხელბურთის სასახლეში.

ჩელენჯ კაპი. მეთექვსმეტედფინალის მეორე მატჩი.

30 ნოემბერი, კარიაა (ფინ). 142 მაყურებელი

რიიჰიმინაენ კოქსი (ფინ) - სამტრედია - 38:26

კოქ: პუჰაკა, უმოვიცი - უომინენი 9, შაფრონიი 7, მინენი 6, ბუჩუმანი 3, ნენიცა 3, ვოიკა 3, როგენბაუმი 2, სიომანი 2, სირიალა 2, რონბერგი 1, ვალო, იანსონი, ლეპი, ლეიკამა

სამ: სამყურაშვილი, ხონელიძე - დიხამინჯია 6, ნიკურაძე 6, გოგალაძე 4, ღაღანიძე 3, ხაჟომია 3, თევზაძე 2, წივწივაძე 2, წითელიშვილი, ელგანდაშვილი, ზურაბიანი, თავაძე, კუჭუხიძე

მსაჯები: რუტკოვსკისი, ძერვე (ლატ)

ორი მატჩის ჯამი - 79:51. კოქსი გავიდა მერვედფინალში

25/11/14 სამტრედია ჩელენჯ კაპზე სათამაშოდ მიემგზავრება

საქართველოს ჩემპიონატის მესამე პრიზიორი და თასის მფლობელი, სახელბურთო კლუბი სამტრედია 26 ნოემბერს მოემგზავრება ფინეთში, სადაც შაბათ-კვირას, რანგით მესამე ევროტურნირის, ჩელენჯ კაპის მეთექვსმეტედფინალის ორ მატჩს გამართავს ფინეთის ჩემპიონ რიიჰიმიაენ კოქსთან.

ევროტურნირებზე ქართულმა გუნდმა უკანასკნელად 2010-11 წლებში ითამაშა. მაშინ, EHF თასზე საზელბურთო კლუბი თბილისი გამოდიოდა, რომელიც ორჯერ დამარცხდა ისრაელის ჰაპოელ რიშონთან. ამ თამაშებში მონაწილეობდა სამტრედიის დღევანდელი შემადგენლობის სამი ხელბურთელი - გია წივწივაძე, ლექსო წითელიშვილი და ირაკლი თევზაძე.

სამტრედიამ ახალ სეზონში უკვე მოიპოვა საქართველოს თასი. მოთამაშეების უმეტესობა კლუბის აღზრდილია. ამ სეზონში გუნდს დაემატნენ მეკარე გიორგი სამყურაშვილი და გამთამაშებელი გია წივწივაძე, ხოლო სპეციალურად ამ ტურნირზე კლუბს დაეხმარება საქართველოს ნაკრების მარცხენა გარემარბი ილია გოგალაძე (სტუ) და ახალგაზრდული ნაკრების მარჯვენა კუთხე, გიორგი დიხამინჯია (პეგასი). კლუბმა თითქმის ორკვირიანი შეკრება გამართა გლდანში, ცერცვაძის აკადემიაში, სადაც საკონტროლო მატჩებიც გამართა საქართველოს ჭაბუკთა და აზერბაიჯანის ახალგაზრდულ ნაკრებებთან. მთავარი მწვრთნელის, გოგი ხელისუფლის თქმით, გუნდი ნელ-ნელა უმატებდა და სადღეისოდ ნორმალურ სათამაშო ფორმაშია. სამტრედია ევროტურნირებზე პირველად თამაშობს.

სამტრედია ფინეთში, ჩელენჯ კაპზე - 29, 30 ნოემბერი

მეკარეები: ალექსანდრე ხონელიძე (1985), გიორგი სამყურაშვილი (1985)

პივოტები: ჯაბა ხაჟომია (1996), სპარტაკ ელგანდაშვილი (1992)

მარცხენა გარემარბები: ილია გოგალაძე (1986), ვეფხია ზურაბიანი (1996)

მარჯვენა გარემარბები: გოგიტა ნიკურაძე (1990), გიორგი დიხამინჯია (1997)

უკანა ხაზი: ირაკლი თევზაძე (1992), ლექსო წითელიშვილი (1992), გია წივწივაძე (1981), ირაკლი ღაღანიძე (1982), თეიმურაზ თავაძე (1994), გიორგი კუჭუხიძე (1996)

მთავარი მწვრთნელი გოგი ხელისუფალი

მწვრთნელი ავთანდილ ქავზინაძე

მენეჯერი დავით დუნდუა

მეტოქე, ქალაქ რიიჰიმიაკის გუნდი, რიიჰიმიაენ კოქსი (მამლები) ფინეთის ექვსგზის ჩემპიონია (2007, 08, 09, 10, 13, 14). ექვს ხელბურთელს უთამაშია თბილისში, საქართველოს ნაკრების წინააღმდეგ, ფინეთის ნაკრებში (ანტი ვალო, რობინ სიომანი, ნიკო რონბერგი - 2013 წელს) და ესტონეთის ეროვნული გუნდის შემადგენლობაში (მარიუს ალექსეევი, მარიუს ლეპი, კრისტო ვოიკა, 2014 წელს). სამტრედიელთაგან ეროვნულ ნაკრებში თამაშის გამოცდილება აქვთ მეკარე სამყურაშვილს, წივწივაძეს, გოგალაძესა და ლექსო წითელიშვილს.

ორივე მატჩი გაიმართება ქალაქ კარიააში, დედაქალაქ ჰელსინკიდან ასიოდ კილომეტრში (სწორედ აქ ითამაშა 2014 წლის იანვარში საქართველოს ნაკრებმა). პირველი მატჩი საქართველოს დროით 20 საათზე დაიწყება, მეორე - 16:00. მსაჯები არიან ალექსანდრს რუტკოვსკისი და ულდის ძერვე (ლატვია), დელეგატი - ტოივო იარვი (ესტონეთი).

ჩელენჯ კაპის პირველ ეტაპზე 15 წყვილი თამაშობს, ხოლო პორტუგალიის ლიბერტი უმინიო შეჯიბრებაში მერვედფინალიდან ჩაერთვება. კიდევ 5 მერვედფინალისტი უკვე გამოვლინდა, რადგანაც 5 წყვილში ორივე მატჩი ერთი გუნდის მოედანზე, წინა შაბათ-კვირას გაიმართა. ანალოგიური ფორმატით ამ უქმეებზე ითამაშებს კიდევ 3 წყვილი, მათ შორის, სამტრედია-კოქსიც.

ჩელენჯ კაპი 2014-15. მეთექვსმეტედფინალი

ოდორჰეი (რუმ) - კემბრიჯი (ბრი) 35:14, 43:21

ბენფიკა (პორ) - ფილინგენ ბერგენი (ნორ) 33:32, 28:25

ვიზე (ბლგ) - რუისლიპ იგლზი (ბრი) 42:22, 39:15

დობრუჯა (ბულ) - რამათ ჰაშრონი (ისრ) 22:30, 28:32

დიფერდანჟი (ლუქ) - ანკარა ილ ოზელი (თურ) 33:17, 48:28

ანკარასფორი (თურ) - ზტრ ზაპოროჟიე (უკრ) 23:29 – 29.11

რადნიჩკი (სრბ) - პოსეიდონ ლუტრაკიუ (საბ) 34:21

მეტალოპლასტიკა (სრბ) - აზოტი-პულავი (პოლ) 20:26

პოლვა-სერვიტი (ესტ) – ტერაკვილა (იტა) 36:24 – 29.11

დუკლა (ჩეხ) - პელისტერი (მკდ) 34:24 – 29.11

სტორდი (ნორ) - პრიშტინა (კოს) 39:26 – 29.11

დუკასი (საბ) - კილკისი (საბ) 16:20 – 29.11

რიიჰიმიაენ კოქსი (ფინ) - სამტრედია - 29-30.11

უორინგტონ ვულვზი (ბრი) - ჰოლონი (ისრ) – 29-30.11

დიუდელანჟი (ლუქ) - ბოკა (მნტ) – 29-30.11

ფოტო: სამტრედია, 2014 წლის საქართველოს თასის მფლობელი

29/11/14 სამტრედიამ პირველი თამაში წააგო

სახელბურთო კლუბმა სამტრედიამ ჩელენჯ კაპის მეთექვსმეტედფინალის პირველი მატჩი 25:41 წააგო ფინურ კლუბ რიიჰიმიაენ კოქსთან. საპასუხო თამაში 30 ნოემბერს გაიმართება იმავე არენაზე, ფინეთის ქალაქ კარიააში.

პირველ თამაშში სამტრედია ფორმალურად მასპინძელი იყო. ქართველები თავიდან დაწინაურდნენ - 6:4, 7:5, მაგრამ მეთხუთმეტე წუთისთვის კოქსმა ოთხბურთიანი გაქცევა მოაწყო - 7:9, შემდეგ კი მეტითაც დაწინაურდა. სამტრედიამ 25-ე წუთისთვის გაიბრძოლა და სხვაობა მინიმუმამდე შეამცირა - 13:14, თუმცა, ტაიმი მაინც 15:20 წააგო, შესვენების შემდეგ კი ფინელებმა სწრაფად დაიწყეს უპირატესობის ზრდა და, საბოლოოდ, სხვაობამ 16 ბურთს უწია.

ქვეყნის ჩემპიონის რიიჰიმიანეჰ კოქსის შემადგენლობაში საუკეთესოები იყვნენ ფინეთის ნაკრების წევრები - ტეემუ ტამინენი (10 გოლი), ნიკო რონბერგი (8) და ანტი ვალო (5). მათ შემადგენლობაში ასევე ყავდათ ესტონელი, რუმინელი, მოლდოველი და უკრაინელი ლეგიონერები.

სამტრედიაში ყველაზე შედეგიანი იყო მარცხენა ინსაიდი ლექსო წითელიშვილი (9). 5-5 გოლი გაიტანეს საქართველოს ახალგაზრდული ნაკრების წევრებმა, მარჯვენა გარემარბმა  გიორგი დიხამინჯიამ და პივოტმა ჯაბა ხაჟომიამ.

კვირას მეორე მატჩი საქართველოს დროით 16 საათზე დაიწყება.

ჩელენჯ კაპი 2014-15. მეთექვსმეტედფინალის პირველი მატჩი

29 ნოემბერი, კარიაა (ფინ). 200 მაყურებელი

სამტრედია - რიიჰიმინაენ კოქსი (ფინ) 25:41

სამ: სამყურაშვილი, ხონელიძე - წითელიშვილი 9, დიხამინჯია 5, ხაჟომია 5, თევზაძე 3, ღაღანიძე 1, ნიკურაძე 1, წივწივაძე 1, გოგალაძე, ელგანდაშვილი, ზურაბიანი, თავაძე, კუჭუხიძე

კოქ: ალექსეევი, უმოვიცი - ტამინენი 10, რონბერგი 8, ვალო 5, ნენიცა 4, როგენბაუმი 4, იანსონი 2, სირიალა 2, ტუომინენი 2, ბუჩუმანი 1, ლეპი 1, ვოიკა 1, ლეიკამა, შაფრონიი, სიომანი

მსაჯები: რუტკოვსკისი, ძერვე (ლატ)

25/11/14 დათუკაშვილის 8 და რუსიას 6 გოლი ევროტურნირებზე

მორიგი მატჩები გამართეს ქართველი ხელბურთელების ევროპულმა კლუბებმა. სერგო დათუკაშვილის ვოივოდინამ EHF თასის მესამე წრის პირველ მატჩში 27:22 დაამარცხა მინსკის სკა.

სერბული კლუბი რანგით მეორე ევროტურნირზე მას შემდეგ გადაერთო, რაც ჩემპიონთა ლიგის კვალიფიკაცია ვერ გაიარა და პირველ მეტოქედ ერგო ბელარუსის სახელოვანი კლუბი - ყოფილი საბჭოთა კავშირის არაერთგზის ჩემპიონი. პირველ მატჩში, რომელიც ვოივოდინას საშინაო სარბიელზე, ნოვი სადში გაიმართა, ორივე გუნდში ყველაზე შედეგიანი იყო 36 წლის ქართველი ვეერანი - სერგომ 8 გოლი გაიტანა. საპასუხო მატჩი 29 ნოემბერს გაიმართება მინსკში, ხოლო ორი მატჩის გამარჯვებული ფედერაციის თასის ჯგუფურ ეტაპზე გავა.

რუმინეთის ჩემპიონატზე სრულდება რეგულარული სეზონის პირველი წრე. პოლიტექნიკა ტიმიშოარამ შინ 41:31 დაამარცხა სუჩავა. ირაკლი ჩიქოვანმა გაიტანა 3 გოლი, ხოლო პოლიტექნიკამ მერვე, პლეიოფში გამსვლელ ადგილზე გადაინაცვლა 16 ქულით (12 მატჩი, 5 მოგება, 1 ფრე, 6 წაგება). შოთ თევზაძისა და ვლადიმერ რუსიას გუნდი, ოდორჰეი, ამ ტურის შეხვედრას 26 ნოემბერს გამართავს პოტაისა ტურდასთან.

ოდორჰეი ამ უქმეებზე ევროტურნირებზე იყო დაკავებული. რუმინულმა კლუბმა მეთექვსმეტედფინალში ორჯერ, საკუთარ მოედანზე დაამარცხა ბრიტანეთის კემბრიჯი - 35:14, 43:21 და მერვედფინალში გავიდა. ორივე ქართველმა ითამაშა, ხოლო რუსიამ ორივე შეხვედრაში 3-3 გოლი გაიტანა.

მაკედონიის რეგულარულ პირველობას ათიდან 10 მოგებით ლიდერობს ზომიმაკ სტრუმიცა, რომელმაც სტუმრად მოუგო პროლეტს - 25:18, რევაზ ჭანტურიამ 6 გოლი გაიტანა.

თურქეთში გიგა ტორონჯაძისა და რატი მსხვილიძის ტრაბზონსფორი სტუმრად დამარცხდა კონიასთან - 38:43. ტორონჯაძე ტრაბზონელთა ძირითადი მეკარეა, ხოლო მსხვილიძეს აქილევსის მყესის ოპერაციის შემდეგ რეაბილიტაციის პერიოდი აქვს. ტრაბზონი 8 თამაშიდან 3 მოგებით მერვე ადგილზეა.

ფოტო: დათუკაშვილი მინსკელებთან მატჩში

 

27/11/14 რუსიას და თევზაძის კლუბმა პირველი წრე მეორე ადგილზე დაასრულა

რუმინეთის სახელბურთო ჩემპიონატში ოდორჰეიმ შინ 28:26 დაამარცხა პოტაისა ტურდა და მეორე ადგილზეა. პირველი წრის დასრულებამდე სულ 2 მატჩია დარჩენილი, მაგრამ ნებისმიერ შემთხვევაში შოთა თევზაძისა და ვლადიმერ რუსიას კლუბი მეორე წრეს მეორე ადგილზე დაიწყებს.

თევზაძე ოდორჰეის კარში იდგა, ხოლო რუსიამ 4 გოლით თვალსაჩინო წვლილი შეიტანა შარშანდელი ჩემპიონატის მესამე პრიზიორთან გამარჯვებაში. მასზე მეტი გაიტანეს მხოლოდ კლუბის საუკეთესო ბომბარდირმა ანდრეი მიჰალჩამ (8) და გორან კუზმანოვსკიმ (6). თამაში დაძაბული იყო და გამარჯვებულის ვინაობა მხოლოდ ბოლო წუთზე გაირკვა.

თამაშისშემდგომ პრესკონფერენციაზე ოდორჰეის ვლადიმერ რუსია წარადგენდა. საქართველოს ნაკრების შუამარბმა თქვა: - ამ თამაშში ჩვენთვის აუცილებელი იყო სამი ქულის მოპოვება, ყველა სხვა შედეგი წარუმატებლობა იქნებოდა. ჩვენ შევძელით მიზნის მიღწევა, ისევე როგორც წინა ორ მატჩში, რამაც მეორე ადგილზე დაბრუნების საშუალება მოგვცა. მადლობას ვუხდი ჩემს ყველა თანაგუნდელს, ვინც მოგებაში წვლილი შეიტანა.

ოდორჰეი წინა ჩემპიონატში მეოთხე ადგილზე გავიდა, წინა წლებში კი ყოფილა ვერცხლისა (2011) და ბრინჯაოს პრიზიორი (2012, 2013). სამივე ამ წარმატებაში რუსიამ დიდი წვლილი შეიტანა, შემდეგ კი ერთი სეზონით გადავიდა შტიინცა ბაკეუში, სადაც ვერცხლის მედალი მოიპოვა შოთა თევზაძესთან ერთად, შემდეგ კი, ორივე ქართველი ოდორჰეიში გადავიდა. მიმდინარე ჩემპიონატის 11 მატჩში რუსიას 38 გოლი აქვს გატანილი.

წლის ბოლომდე ოდორჰეის დარჩა კიდევ ორი მატჩი რუმინეთის ჩემპიონატში და ერთი - რუმინეთის თასზე. ოდორჰეი ევროპის ჩელენჯ კაპზეც თამაშობს და უკვე გასულია მერვედფინალში.

ქვეყნის პირველობაზე ორწრიანი რეგულარული ტურნირის შემდეგ 8 საუკეთესო გუნდი ბრძოლას პლეიოფში განაგრძობს. მერვე ადგილზეა კიდევ ერთი ქართველის, ირაკლი ჩიქოვანის გუნდი, პოლი ტიმიშოარა, ქართველი კი 12 მატჩში გატანილი 55 გოლით კლუბის ერთ-ერთი ლიდერია.

ხელბურთი. რუმინეთის ჩემპიონატი. 1. CSM ბუქარესტი 25 ქულა (11 თამაშიდან) – 2. ოდორჰეი 24 (12) – 3. კელერაში 21 (12) – 4. ბაია მარე 21 (12) – 5. კონსტანცა 20 (11) – 6. დინამო ბუქარესტი 19 (11) – 7. სტიაუა 19 (12) – 8. ტიმიშოარა 16 (12) – 9. ბაკეუ 15 (11) – 10. ტურდა 13 (12) – 11. ვასლუი 12 (12) – 12. სუჩავა 8 (12) – 13. ტარგუ ჟიუ 6 (12)

ფოტო: ვლადიმერ რუსია (მარჯვნივ) პრესკონფერენციაზე

 

24/11/14 ბარსელონამ პლეიოფი გაინაღდა

სახელბურთო ჩემპიონთა ლიგაზე ბარსელონამ ზედიზედ მეორედ, ახლა უკვე საკუთარ მოედანზე დაამარცხა მოქმედი ჩემპიონი ფლენზბურგი - 36:27 და მერვედფინალში გასვლა თეორიულადაც გაინაღდა.

ფლენზბურგი პირველ ტაიმში 13:9 იგებდა შვედი მეკარის, მათიას ანდერსონის ბრწყინვალე თამაშის შემდეგ (44%) და შესვენებაზეც წინ იყო - 16:14. თანაბარი ბრძლა გაგრძელდა კიდევ 10 წუთი და დასკვნით მესამედში ბარსელონამ მეტოქე უბრალოდ გაანადგურა - 36:27. გოლების ნახევარი, 9-9 გაიტანეს კირილ ლაზაროვმა და გუდიონ სიგურდსონმა, ხოლო ამ ყველაფერს, რა თქმა უნდა, ხელმღვანელობდა ნიკოლა კარაბატიჩი - 5 გოლი და ორი ამდენი საგოლე პასი.

გერმანიის ჩემპიონმა, კილმა, მეორედაც მოუგო პარი სენ ჟერმენს - 33:29 და თავის ჯგუფში დაწინაურდა. ბარსელონას მსგავსად, პლეიოფის საგზური გაინაღდა პოლონეთის კელცემ. კელცე და უნგრეთის ვესპრემი ორად-ორი უდანაკარგო გუნდია ლიგაში. კიდევ რამდენიმე კლუბს - ვესპრემს, კილს, კოლდინგსა და სეგედს, მერვედფინალი თითქმის განაღდებული აქვთ და ოფიციალურად ალბათ ახალ წლამდე სათამაშო ორ ტურში გაიფორმებენ, დასკვნითი 2 ტური კი 2015 წელს, მსოფლიო ჩემპიონატის შემდეგ გაიმართება.

ქალების პირველი ჯგუფური ეტაპი კი დასრულდა და მთავარი რაუნდის 12 მონაწილე გაირკვა. მეორე ეტაპზე მაქსიმუმი, 8-8 ქულა გაიყოლეს ჩემპიონმა, დიორი ეტომ და ლარვიკმა, რომლების ერთ ჯგუფში მოხვდნენ. 4 ხელმოცარული გუნდი - ჰიპო, პოდრავკა, ლოკომოტივა და ლიუბლინი ბრძოლას თასების მფლობელთა თასისთვის გააგრძელებს. ქალთა საერთაშორისო სეზონი დეკემბერში გაგრძელდება ევროპის ჩემპიონატით.

ჩემპიონთა ლიგა 2014-15

ქალები. პირველი ეტაპი. 6 ტური, 21-23 ნოემბერი

A ჯგუფი

კრიმ მერკატორი (სლნ) - ლაიფციგი (გერ) 31:35

დინამო ვოლგოგრადი (რუს) - ჰიპო ნიდეროსტერრაიხი (ავს) 27:22

დინამო 9 ქულა, ლაიფციგი 8, კრიმი 4 / ჰიპო 3

B ჯგუფი

ტიურინგერი (გერ) - ვარდარ სკოპიე (მკდ) 21:20

ბუდუჩნოსტი (მნტ) - პოდრავკა (ხორ) 32:26

ბუდუჩნოსტი 11, ვარდარი 7, ტიურინგერი 6 / პოდრავკა 0

C ჯგუფი

ვიბორგი (დან) - ლოკომოტივა ზაგრები (ხორ) 29:24

დიორი ეტო (უნგ) - სევეჰოფი (შვდ) 35:23

დიორი 12, ვიბორგი 7, სევეჰოფი 3 / ლოკომოტივა 2

D ჯგუფი

ბაია მარე (რუმ) - მეცი (საფ) 23:24

ლარვიკი (ნორ) - ლიუბლინი (პოლ) 35:24

ლარვიკი 12, მეცი 5, ბაია მარე 4 / ლიუბლინი 3

მეორე ჯგუფური ეტაპი. თებერვალი-მარტი, 2015

(მეოთხედფინალში გავა 4-4 გუნდი)

1 ჯგუფი

ბუდუჩნოსტი 7, დინამო 6, ლაიპციგი 4, ვარდარი 3, ტიურინგერი 2, კრიმი 2

2 ჯგუფი

დიორი 8, ლარვიკი 8, მეცი 4, ვიბორგი 3, სევეჰოფი 1, ბაია მარე 0

კაცები. 6 ტური. 20-23 ნოემბერი. მერვედფინალში გადის 4-4 გუნდი

A ჯგუფი

მეტალურგ სკოპიე (მკდ, 2) - ლა რიოხა ლოგრონიო (ესპ, 6) 29:28

კილი (გერ, 10) - პსჟ (საფ, 8) 33:29

ზაგრები (ხორ, 6) - მეშკოვ ბრესტი (ბლრ, 4) 25:23

B ჯგუფი

ალინგსასი (შვდ, 2) - ბეშიქთაში (თურ, 2) 27:24

კოლდინგი (დან, 10) - ვისლა პლოცკი (პოლ, 5) 30:30

ბარსელონა (ესპ, 11) - ფლენზბურგი (გერ, 6) 36:27

C ჯგუფი

ჩეხოვსკიე მედვედი (რუს, 1) - მონპელიე (საფ, 6) 33:34

ვესპრემი (უნგ, 12) - ვარდარ სკოპიე (მკდ, 7) 32:24

ცელიე (სლნ, 4) - ლიოვენი (გერ, 6) 32:28

D ჯგუფი

შაფჰაუზენი (შვც, 3) - მოტორ ზაპოროჟიე (უკრ, 4) 32:37

დიუნკერკი (საფ, 2) - პიკ სეგედი (უნგ, 10) 24:25

კელცე (პოლ, 12) - ოლბორგი (დან, 5) 33:26

ფოტო: ბარსელონა - ფლენზბურგი. უტევს ნიკოლა კარაბატიჩი