შეცდომა
  • თარგი ამ ჩვენებისთვის არ არის ხელმისაწვდომი. გთხოვთ დაუკავშირდით საიტის ადმინისტრატორს.

მთავარი

07/12/14 რვა გუნდი ეროვნულ ჩემპიონატს იწყებს

ორშაბათს გლდანში იწყება ეროვნული ჩემპიონატი ხელბურთში. საქართველოს ჩემპიონი სამწრიანი ტურნირის შემდეგ გამოვლინდება.

ისევე როგორც შარშან, მონაწილეობს 8 გუნდი, ოღონდ ორი მონაწილე შეიცვალა. წლეულს ასპარეზობა ვერ მოახერხა თელავის გუნდმა, ხოლო ფედერაციის გადაწყვეტილებით, ჭაბუკთა ოლიმპიური ნაკრების  მოთამაშეები ჩემპიონატს თავ-თავის კლუბებში ითამაშებენ. ორი ახალი მონაწილეა თბილისის ქარიშხალა და ფოთის ოქროს ვერძი.

ორშაბათიდან ხუთშაბათამდე ჩატარდება 4 ტური, რომელშიც დასავლეთ საქართველოს 4 გუნდი თბილისის ოთხეულთან გაარკვევს ურთიერთობას. იანვარში ეს ოთხეულები ერთმანეთში ითამაშებენ  და პირველი წრეც შეიკვრება.

გლდანის ხელბურთის სასახლე პირველობას მზად ხვდება. დარბაზი თბება, მუშაობს ელექტროტაბლო, მალე კი დაიგება ტერაფლექსის სპეციალური საფარი, რომელიც გრანტის სახით მივიღეთ ხელბურთის ევროპული ფედერაციიდან.

2014-15 წლების სეზონი ოქტომბერში გაიხსნა საქართველოს თასით, თუმცა, მას შემდეგ, გუნდებში რამდენიმე ცვლილება კიდევ მოხდა. საბოლოოდ, გუნდების უმეტესობა შარშანდელთან შედარებით საკმაოდ სახეცვლილი იქნება, რაც ჩემპიონატს უფრო საინტერესოს ხდის და გამარჯვებულის წინასწარ გამოცნობაც შეუძლებელი იქნება.

ქვეყნის ჩემპიონმა, ტექნიკური უნივერსიტეტის გუნდმა  საქართველოს თასი გამოტოვა, ჩემპიონატზე კი სრულიად სახეცვლილი წარდგება. ბათუმში გადასულ ხუთეულს (ცერცვაძე, სიმონია, სურმავა, აბრამიშვილი, ამირანაშვილი) თასის გათამაშების შემდეგ დაემატა ლევან ბერძენიშვილი, მწვრთნელებმა კი დანაკლისი სხვადასხვა გუნდებიდან, ძირითადად ახალგაზრდებით შეავსეს. ახალწვეულები არიან - არჩილ და იოსებ სამიტაშვილები, მაისაშვილი (თელავი), ჭელიძე (ბათუმი), აბაშიძე, გიორგი იობაშვილი (იმედი). დანაკლისის მიუხედავად, სტუ-ს საკმარისი რესურსი აქვს ტიტულის შესანარჩუნებლად ბრძოლისათვის.

ვერცხლის პრიზიორმა, ბათუმმა ხუთი მოთამაშე გაუშვა და 6 შეიმატა. ჩემპიონატის მსვლელობისას გამოჩნდება, მოგებაში დარჩებიან აჭარელები თუ წაგებაში.

გაძლიერდა ბრინჯაოს პრიზიორი და თასის მფლობელი, სამტრედია. ბათუმიდან სამყურაშვილისა და წივწივაძის დამატების გარდა,  გუნდში მივიდა გამოცდილი უკანახაზელი გიორგი კობახიძე (თელავი).

ცვლილებები დიდად არ შეხებია პეგასს. ახალგაზრდული ნაკრების საბაზო გუნდს დაემატა ამავავე ნაკრების ინსაიდი გიორგაძე (იმედი).

საგრძნობლად გაძლიერდა ქუთაისი, რომელმაც ბოლო ადგილი დაიკავა შარშანდელ პირველობაზე და თასიც გამოტოვა. გუნდს დაემატნენ ყაველაშვილი და ნაკრების პივოტი უჩა მაისურაძე (ბათუმი), გამოცდილი მეკარე ანდრიაძე (სტუ), პეგასის დაცვის ბურჯი ქუთათელაძე და ოლიმპიური ნაკრების ერთ-ერთი ლიდერი, კბილაშვილი (ქარიშხალა).

თასის გათამაშების შემდეგ უცვლელია ფოთელთა შემადგენლობა და აქ ყველა ხელბურთელი ქალაქის სახელბურთო სკოლის აღზრდილია.

სრულიად ახალგაზრდული შემადგენლობა ეყოლება თბილისის იმედს, სადაც გამოცდილთაგან მხოლოდ რობერტ ბეჟანიშვილი დარჩა, ტურნირის დებიუტანტი, ქარიშხალა კი ისედაც ჭაბუკთა გუნდია, რომელიც მთელი შემადგენლობით გადავიდა კაცების ლიგაში და ოლიმპიური ნაკრების კიდევ რამდენიმე კანდიდატი დაიმატა.

საქართველოს ჩემპიონატი 2014-15. კაცები

პირველი წრე, პირველი ტური. გლდანი, 8-11 დეკემბერი

8 დეკემბერი

12:00 იმედი - ფოთი

13:30 ბათუმი - პეგასი

15:00 სამტრედია - ქარიშხალა

16:30 სტუ - ქუთაისი

9 დეკემბერი

12:00 ქუთაისი - ქარიშხალა

13:30 სტუ - სამტრედია

15:00 პეგასი - ფოთი

16:30 ბათუმი - იმედი

10 დეკემბერი

12:00 ფოთი - სტუ

13:30 ქარიშხალა - ბათუმი

15:00 ქუთაისი - იმედი

16:30 პეგასი - სამტრედია

11 დეკემბერი

12:00 სტუ - ბათუმი

13:30 ფოთი - ქარიშხალა

15:00 სამტრედია - იმედი

16:30 პეგასი - ქუთაისი

სტუ

ირაკლი ხიდეშელი (1996), არჩილ სამიტაშვილი (1994), ავთო მღებრიშვილი (1997), ლაშა სიხარულიძე (1979)  - შოთა გრიშიკაშვილი (1984), გიორგი აბაშიძე (1992) - გია გვაზავა (1978), თემურ ორჯონიკიძე (1996), გიორგი იობაშვილი (1990), შალვა სტურუა (1994), მამია კობახიძე (1980), თორნიკე მაისაშვილი (1996), მეთოდე ჭელიძე (1992), ლევან ოსიყმაშვილი (1981) - ილია გოგალაძე (1986), ირაკლი გოგოლაძე (1996), იოსებ სამიტაშვილი (1994), გია ზარქუა (1996)

მწვრთნელები: ირაკლი კეკელიძე, ბექარ ორჯონიკიძე, მამია კობახიძე

მითი (ბათუმი)

ჯონი ცერცვაძე (1994) - ირაკლი ნარსია (1993), ლევან ბერძენიშვილი (1986) - გიორგი სურმავა (1992), ზურაბ სიმონია (1994), უჩა გამზარდია (1990), გიორგი ქავთარაძე (1992), რეზო ჭანტურია (1994), ნუკრი ვარშანიძე (1985) - ზურაბ აბრამიშვილი (1994), ოთარ ამირანაშვილი (1987), ნიკოლოზ ჯორბენაძე (1988), ვანო ქარდავა (1987), იგორ ვინოგრადსკი (1990)

მწვრთნელი: მერაბ ჭანტურია, დირექტორი: გია ბზეკალავა

სამტრედია

გიორგი სამყურაშვილი (1985), ალექსანდრე ხონელიძე (1985), ავთანდილ ქავზინაძე (1986) - ჯაბა ხაჟომია (1996), სპარტაკ ელგანდაშვილი (1992) - ლექსო წითელიშვილი (1992), გია წივწივაძე (1981), ირაკლი თევზაძე (1992), გიორგი კობახიძე (1982), ირაკლი ღაღანიძე (1982), გიორგი კუჭუხიძე (1996), თემურ თავაძე (1994) - გოგიტა ნიკურაძე (1990), ვეფხია ზურაბიანი (1997), ლევან სიხარულიძე (1984), ბექა მეგრელიშვილი (1992)

მწვრთნელები: გოგი ხელისუფალი, ავთანდილ ქავზინაძე, გია წივწივაძე. გუნდის უფროსი: დავით დუნდუა

პეგასი

ზურაბ ცინცაძე (1996), დემეტრე ნარსია (1997) - გიგა კოხრეიძე (1996), გიორგი სახვაძე (1981), ნოდარ მაისურაძე (1998), გიგა დემეტრაშვილი (1996) - ალექსანდრე ცხვარაშვილი (1996), გივი გიორგაძე (1992) მიხეილ ნაზღაიძე (1998), ამირან აბჟანდაძე (1996), გიგა ზარნაძე (1999), ბაკურ ცოტაძე (1980), ტიტე კალანდაძე (1972), ლევან გელაშვილი (1975), თორნიკე პეტრიაშვილი (1996) -  გიორგი დიხამინჯია (1997),  ვლადიმერ ბაძაღუა (1996), ნიკოლოზ ლეჟავა (1995), ლუკა გაწერელია (1998,

მწვრთნელები: ტიტე კალანდაძე, ლევან გელაშვილი, გიორგი სახვაძე

იმედი

გიორგი ხარაიშვილი (1998) ნოდარ ლორია (1997) - ბექა დანელიშვილი (1998), გიორგი მიქავა (1998) თორნიკე მღებრიშვილი (1998) - ხაზეინ რუსტამოვი (1998), რობერტ ბეჟანიშვილი (1992), ირაკლი კალანდაძე (1993), ზეზვა იობაშვილი (1998), გიგა ბაინაზიშვილი (1998), ალექსანდრე მელაშვილი (1998), ენრიკე ბაზანოვი (1998), გიორგი ფურცელაძე (1998) - ვუსალ ჰუსეინოვი (1998), ირაკლი ჩაკვეტაძე (1993), ზაალ ზაალიშვილი (1998) ნოდარ გოგუა (1998), საბა დვალიძე (1998), გიორგი თურქაძე (1998)

მწვრთნელები: ზაზა სამადაშვილი, გივი შარანგია, პრეზიდენტი: მერაბ მეტრეველი, ექიმი: იური გოგიაშვილი

ქუთაისი

კორნელი ანდრიაძე (1984), გიორგი კუპატაძე (1998) - უჩა მაისურაძე (1986), ომარ ქუთათელაძე (1975)  - გიორგი კვერნაძე (1984), ჯუმბერ ჯუღელი (1993), ირაკლი კბილაშვილი (1998), აკაკი ყაველაშვილი (1987),  უჩა კობახიძე (1993) კარლო მათნაძე (1997), ბექა ტუღუში (1997), გაგა ბახტურიძე (1994), ალექსანდრე ბოყოჩაძე (1973), დავით გობეჯიშვილი (1981) - მირიან ჩიხლაძე (1994), გიორგი მერკვილაძე (1998), ზაურ რობაქიძე (1998), გიორგი კლდიაშვილი (1998), ბიძინა გიორგაძე (1998)

მწვრთნელები: გრიგოლ თავხელიძე, ზურაბ ყაველაშვილი, ალექსანდრე ბოყოჩაძე, დავით გობეჯიშვილი

ოქროს ვერძი (ფოთი)

ლაშა სიორდია (1990), იური ზარგინავა (1998), გიორგი ჭანტურია (1991) - გიორგი ბიბილეიშვილი (1998), თორნიკე ნემსაია (1993), ირაკლი გოგიშვილი (1991) - გიორგი მიქაძე (1998),  კახაბერ დაგარგულია (1996), თენგიზ ბერაია (1998), ალექსანდრე ხუნჯუა (1994), ლავრენტი ფანცულაია (1995) - გელა ჟვანია (1990), ომიკო ალანია (1995), ნიკოლოზ ბაჯალაძე (1998), ლუკა სილაგაძე (1994)

მწვრთნელები: თემურ ჭანტურია, დარეჯან გეფერიძე, ექიმი: სერგო შონია, მენეჯერი: ჯუმბერ კუცია

ქარიშხალა 1962

სანდრო ხანდოლიშვილი (1998), გაბრიელ დავითაშვილი (1998), დავით მამულაშვილი (1998) - ერეკლე არსენაშვილი (1998), გიორგი კვირკველია (1998) - ლუკა ბულბულაშვილი (1998), გიგი ფერაძე (1998), გიორგი შევჩენკო (1998), ლექსო სხვიტარიძე (1998), არჩილ ქურასბედიანი (1996) - თამაზ კორაშვილი (1999), ლევან მამულაშვილი (1998), გიორგი დოლმაზაშვილი (1998), მიხეილ ჯინჭარაძე (1998), გიორგი წიკლაური (1998)

მწვრთნელები: გიორგი ქობელაშვილი, ზაზა ფერაძე, ელზა მერაბიშვილი. პრეზიდენტი: ჯემალ ბარამიძე

02/12/14 ორი ნაკრების საწვრთნელი მატჩი

გლდანში, ცერცვაძის აკადემიაში საწვრთნელი მატჩი გამართა საქართველოს ორმა ასაკობრივმა ნაკრებმა. ჭაბუკთა ნაკრებმა (1996 წელს დაბადებულები) მოუგო ოლიმპიურ გუნდს (1998) – 32:24.

ოლიმპიური ნაკრები თბილისი-2015, ევროპის ახალგაზრდობის ოლიმპიური ფესტივალისთვის ემზადება გარი თურქიასა და გიორგი ქობელაშვილის ხელმძღვანელობით,  ხოლო ტიტე კალანდაძის ნაკრებს 2015 წელს ევროპისა თუ მსოფლიო ჩემპიონატების კვალიფიკაცია არ უწევს, თუმცა, გუნდი ივნისში შვედეთში,  ე.წ ევროპის ღია პირველობაზე ითამაშებს, მომდევნო წლიდან კი უკვე ახალგაზრდული ნაკრების სახელით მოუწევს გამოსვლა.

თავიდან უმცროსები დაწინაურდნენ - 7:4. ორი წლით უფროსებმა პირველი ტაიმის მიწურულს გაათანაბრეს ანგარიში, წინაც გავიდნენ (14:13), შესვენების შემდეგ კი თანდათანობით გაზარდეს სხვაობა - 32:24.

ოლიმპიური ნაკრების მწვრთნელის, გარი თურქიას თქმით, მთავარი საგაისო ტურნირისთვის მზადება გეგმის მიხედვით მიდის. ის კმაყოფილია თავისი გუნდის თამაშით შეტევაში, გამსაკუთრებით პირველ ტაიმში, თუმცა, დაცვაში სერიოზული პრობლემები იყო, რაზედაც მომავალში მოუწევთ მუშაობა. 19 დეკემბერს ნაკრები ბელარუსში გაემგზავრება ტურნეზე და რამდენიმე ამხანაგურ მატჩსაც გამართავს.

ამხანაგური მატჩი. 2 დეკემბერი, გლდანი

საქართველო (18წ) - საქართველო (16წ)  32:24

(18) ცინცაძე, ნარსია - ორჯონიკიძე 10, ცხვარაშვილი 7, ბაძაღუა 4, დიხამინჯია 4, აბჟანდაძე 3, ხაჟომია 2, კოხრეიძე 1, გიორგაძე 1, გოგოლაძე, ცხოვრებაძე, ზურაბიანი, პეტრიაშვილი - მწვრთნელი ტიტე კალანდაძე

(16) ხანდოლიშვილი, ხარაიშვილი - ბულბულაშვილი 9, კბილაშვილი 6, არსენაშვილი 5, რუსტამოვი 1, მერკვილაძე 1, იობაშვილი 1, მაისურაძე 1, ფერაძე, ზარნაძე, მამულაშვილი, ზაალიშვილი, მიქავა,  შევჩენკო - მწვრთნელები გარი თურქია, გიორგი ქობელაშვილი

06/12/14 იწყება ევროპის ჩემპიონატი ქალთა შორის

კვირას, უნგრეთსა და ხორვატიაში იწყება ევროპის 2014 წლის ჩემპიონატი ქალთა ხელბურთში. შეჯიბრებას უმასპინძლებს ამ ორი ქვეყნის სამ-სამი ქალაქი - დიორი, დებრეცენი, ბუდაპეშტი, ვარაზდინი, ოსიეკი და ზაგრები.

თამაშობს 16 უძლიერესი გუნდი. პირველი ჯგუფური ეტაპიდან მთავარ რაუნდში გადის 4 ოთხგუნდიან ჯგუფში პირველ სამ ადგილზე გასული ნაკრები და ერთმანეთში დაგროვილ ქულებსაც გადაიყოლებს. მეორე ეტაპზე შეიქმნება ორი ექვსგუნდიანი ჯგუფი და შემდეგ ეტაპზე გასვლის ფორმატი ბევრად უფრო მკაცრია - მხოლოდ ორ-ორი საუკეთესო გუნდი გააგრძელებს ჩემპიონობისთვის ბრძოლას. ნახევარფინალები და ფინალი 19 და 21 დეკემბერს გაიმართება ბუდაპეშტში, ლასლო პაპის არენაზე.

ევროპის ჩემპიონატი სულ მეთერთმეტედ ტარდება 1994 წლიდან და ტიტული აქამდე სულ 4 ქვეყანას აქვს მოგებული - ნორვეგიას (5), დანიას (3), უნგრეთსა (1) და მონტენეგროს (1). მოქმედი ჩემპიონია მონტენეგრო, ვინც წინა ჩემპიონატის ფინალში, 2012 წელს, დამატებით დროში მოუგო ნორვეგიას.

ბოლო ათწლეულის დაუკეთესო გუნდმა ნორვეგიამ შარშან მსოფლიო ჩემპიონის ტიტულიც დაკარგა (ტურნირის გამარჯვებული ბრაზილია გახდა) და ამ დროისათვის მხოლოდ ოლიმპიური ჩემპიონია. გუნდმა დეკემბრის დასაწყისში შინ წააგო მოსამზადებელი ტურნირი, ე.წ ოქროს ლიგის თასი. ნორვეგიას 24:21 მოუგო ბოლო მსოფლიო ჩემპიონატის ბრინჯაოს პრიზიორმა, დანიამ (მომდევნო ადგილებზე გავიდნენ საფრანგეთი და სერბეთი). მიუხევადავად ამისა, ნორვეგია მთავარ ფავორიტთა შორის იქნება ევროპის პირველობაზე. გუნდი უძლიერესი შემადგენლობითაა და ჰყავს ორივე ლიდერი - პივოტი ჰაიდი ლოკე და შუამარბი ნორა მორკი.

თუმცა, ეს ევროპის ჩემპიონატია, სადაც სუსტი მეტოქეები არ არიან - თექვსმეტივე გუნდი თანაბარი შანსებით ერთვება ტურნირზე და ძალიან ძნელი სავარაუდოა, როგორ წარიმართება შეჯიბრება.

მომავალი ევროპის ჩემპიონი მიიღებს 2016 წლის ოლიმპიადისა და 2015 წლის მსოფლიო ჩემპიონატის საგზურს.

ევროპის ჩემპიონატი 2014. ქალები

7-21 დეკემბერი. უნგრეთი-ხორვატია

A ჯგუფი, დიორი (უნგ)

7 დეკ, 21:00 ესპანეთი - პოლონეთი

7 დეკ, 23:30 უნგრეთი - რუსეთი

9 დეკ, 21:15 რუსეთი - ესპანეთი

9 დეკ, 23:30 პოლონეთი - უნგრეთი

11 დეკ, 21:15 რუსეთი - პოლონეთი

11 დეკ, 23:30 უნგრეთი - ესპანეთი

B ჯგუფი, დებრეცენი (უნგ)

7 დეკ, 21:15 ნორვეგია - რუმინეთი

7 დეკ, 23:30 დანია - უკრაინა

9 დეკ, 21:15 რუმინეთი - დანია

9 დეკ, 23:30 უკრაინა - ნორვეგია

11 დეკ, 21:15 რუმინეთი - უკრაინა

11 დეკ, 23:30 ნორვეგია - დანია

C ჯგუფი, ვარაზდინი (ხორ)

8 დეკ, 21:00 გერმანია - ჰოლანდია

8 დეკ, 23:15 შვედეთი - ხორვატია

10 დეკ, 21:00 ჰოლანდია - შვედეთი

10 დეკ, 23:15 ხორვატია - გერმანია

12 დეკ, 21:00 შვედეთი -გერმანია

12 დეკ, 23:15 ხორვატია - ჰოლანდია

D ჯგუფი, ოსიეკი (ხორ)

8 დეკ, 21:00 საფრანგეთი - სლოვაკეთი

8 დეკ, 23:15 მონტენეგრო - სერბეთი

10 დეკ, 21:00 სერბეთი - საფრანგეთი

10 დეკ, 23:15 სლოვაკეთი - მონტენეგრო

12 დეკ, 21:00 მონტენეგრო - საფრანგეთი

12 დეკ, 23:15 სერბეთი - სლოვაკეთი

მეორე ჯგუფური ეტაპი

13, 15, 17 დეკემბერი - 1 ჯგუფი (A,B), დებრეცენი (უნგ)

14, 16, 17 დეკემბერი - 2 ჯგუფი (C,D), ზაგრები (ხორ)

ნახევარფინალი

19 დეკემბერი, ბუდაპეშტი (უნგ)

ფინალი

21 დეკემბერი, ბუდაპეშტი (უნგ)

01/12/14 დათუკაშვილი ისევ საუკეთესოა

სახელბურთო ევროთასებისთვის ბრძოლას ქართველი ხელბურთელების ორი კლუბი აგრძელებს - ნოვი სადის ვოივოდინა და ოდორჰეი.

რანგით მეორე ევროტურნირის, ევროპის ხელბურთის ფედერაციის თასის ჯგუფურ ეტაპზე გავიდა სერგო დათუკაშვილის სერბული კლუბი. ვოივოდინას საშინაო მატჩი 27:22 ჰქონდა მოგებული მინსკის სკა-სთან, სტუმრად კი 3 ბურთით დამარცხდა - 25:28 და ჯამში 52:50 მოიგო. სერგო დათუკაშვილი ამჯერადაც საუკეთესო იყო სერბებში - პირველ მატჩში მან 8 გოლი გაიტანა, ახლა კი 6 ბურთით უროშ ელეზოვიჩთან გაიყო საუკეთესო ბომბარდირობა. ჯგუფური ტურნირის წილისყრა ამ დღეებში გაიმართება და 16 გუნდი 4 ჯგუფად დაიყოფა. ორწრიანი ტურნირის შემდეგ 2-2 საუკეთესო გუნდი ბრძოლას ისევ პლეიოფის სისტემით გააგრძელებს.

ჩელეჯ კაპზეც 16 გუნდია დარჩენილი, ოღონდ აქ ჯგუფური ეტაპი არაა. შოთა თევზაძისა და ვლადიმერ რუსიას რუმინულმა კლუბმა, ოდორჰეიმ, მერვედფინალში გასვლის ამოცანა ადრევე შეასრულა და შინ ორი მატჩის ჯამში 78:35 მოუგო ბრიტანეთის კემბრიჯს (რუსიამ 6 გოლი შეაგდო).

სხვა ქართველების გუნდებიდან ამ კვირაში ითამაშა გიგა ტორონჯაძისა და რატი მსხვილიძის ტრაბზონმა და თურქეთის ჩემპიონატში შინ 24:20 დაამარცხა ამასია. ტრაბზონი 9 თამაშიდან 4 მოგებით მერვე ადგილზეა, ხოლო რატი მსხვილიძე ნაოპერაციებ აქილევსის მყესს მკურნალობს. დიდი ალბათობით, მას მთელი დარჩენილი სეზონი გაუცდება.

EHF თასი. ჯგუფური ეტაპის მონაწილეები: ვოივოდინა (სრბ), ფუხსე ბერლინი, ჰამბურგი, მელზუნგენი (გერ), სკიერნი, ჰოლსტებრო (დან), ნექსე (ხორ), გრანოლერსი (ესპ), ბალატონფურედი (უნგ), ჰასლუმი (ნორ), პორტუ (პორ), კონსტანცა (რუმ), სტ. პეტერბურგი (რუს), ველენიე (სლნ), ვინტერტური (შვც), ესკილსტუნა გუიფი (შვდ)

ჩელენჯ კაპი 2014-15. მეთექვსმეტედფინალი

რიიჰიმიაენ კოქსი (ფინ) - სამტრედია 41:25, 38:26

ოდორჰეი (რუმ) - კემბრიჯი (ბრი) 35:14, 43:21

ბენფიკა (პორ) - ფილინგენ ბერგენი (ნორ) 33:32, 28:25

ვიზე (ბლგ) - რუისლიპ იგლზი (ბრი) 42:22, 39:15

დობრუჯა (ბულ) - რამათ ჰაშრონი (ისრ) 22:30, 28:32

დიფერდანჟი (ლუქ) - ანკარა ილ ოზელი (თურ) 33:17, 48:28

ანკარასფორი (თურ) - ზტრ ზაპოროჟიე (უკრ) 23:29, 24:31

რადნიჩკი (სრბ) - პოსეიდონ ლუტრაკიუ (საბ) 34:21, 28:33

მეტალოპლასტიკა (სრბ) - აზოტ-პულავი (პოლ) 20:26, 24:32

პოლვა-სერვიტი (ესტ) – ტერაკვილა (იტა) 36:24, 21:29

დუკლა (ჩეხ) - პელისტერი (მკდ) 34:24, 18:24

სტორდი (ნორ) - პრიშტინა (კოს) 39:26, 38:25

დუკასი (საბ) - კილკისი (საბ) 16:20, 23:20

უორინგტონ ვულვზი (ბრი) - ჰოლონი (ისრ) 15:27, 22:24

დიუდელანჟი (ლუქ) - ბოკა (მნტ) 38:28, 37:26

 

05/12/14 ფსიქოლოგები ქართველ ხელბურთელებთან თანამშრომლობენ

ცერცვაძის სახელბურთო აკადემიაში მიმდინარეობს სამდღიანი სემინარი ქართველი მწვრთნელებისთვის, რომელიც სპორტსმენთა ფსიქოლოგიურ მომზადებას ეხება.

სემინარი ეწყობა ხელბურთის ფედერაციისა და განათლების სამინისტროს ერთობლივი პროგრამით. ინიციატორი გახლავთ სამინისტროს მანდატურთა სამსახურის ხელმძღვანელი და ხელბურთის ფედერაციის ვიცე პრეზიდენტი ვახტანგ მეიფარიანი. ლექციებს კითხულობენ მანდატურთა სამსახურის ფსიქოლოგიური ცენტრის სპეციალისტები - ლევან ზარდალიშვილი, ქეთი კაპანაძე, რუსუდან სამხარაძე და ლელი ყიფიანი.

თემები შეეხება მწვრთნელსა და სპორტსმენთა შორის კომუნიკაციას, დამოკიდებულებებს გუნდს, გუნდის ლიდერსა და მწვრთნელებს შორის და სხვა აქტუალურ საკითხებს, რაც განსაკუთრებით მნიშვნელოვანია მოზარდთა სპორტულ გუნდებში მუშაობისას.

სემინარი ორშაბათს დასრულდება, ხოლო სამომავლოდ განზრახულია თანამშრომლობის როგორც თეორიული, ასევე პრაქტიკული კუთხით გაგრძელება - ფსიქოლოგები უშუალოდ საქართველოს ასაკობრივ ნაკრებებთან იმუშავებენ.

01/12/14 ჩემპიონთა ლიგა ორთვიანი შესვენების წინ

ჩემპიონთა ლიგის მეშვიდე ტურის შემდეგ 6 მერვედფინალისტი ოფიციალურად გამოვლენილია: უნგრეთის ვესპრემი და სეგედი, პოლონეთის კელცე, ბარსელონა, გერმანიის კილი და დანიის კოლდინგი.

კიდევ 5 გუნდი - პსჟ, ფლენზბურგი, პლოცკი, ვარდარი და  ლიოვენი მიზანთან ძალიან ახლოა და საგზურს მალე ოფიციალურად გაიფორმებს - შესაძლოა, მერვე ტურშიც, რომელიც ამ კვირაში გაიმართება.

ამის შემდეგ საკლუბო არენაზე გამოცხადდება შესვენება, რომლის დროსაც გაიმართება ორი დიდი სანაკრებო ტურნირი - ქალთა ევროპის ჩემპიონატი (7-21 დეკემბერი, უნგრეთი-ხორვატია) და კაცების მსოფლიო პირველობა (15 იანვარი-1 თებერვალი, ყატარი).

ჩემპიონთა ლიგის ჯგუფური ტურნირის ბოლო ორი ტური უკვე 2015 წლის თებერვალშია დანიშნული. ყველა, 16  მერვედფინალისტი სწორედ თებერვლის ბოლოს გამოვლინდება. ყველაზე დაძაბული სიტუაცია D ჯგუფშია, სადაც ორი დარჩენილი საგზურისთვის 4 გუნდი იბრძვის - ოლბორგი, დიუნკერკი, ზაპოროჟიე და შაფჰაუზენი, ხოლო B ჯგუფში, არაა გამორიცხული, ყველაფერი მერვე ტურის შემდეგ გაირკვეს.

ჩემპიონთა ლიგა 2014-15. კაცები. 7 ტური. 26-30 ნოემბერი

A ჯგუფი

კილი (გერ,12) - ზაგრები (ხორ, 6) 34:27

მეშკოვ ბრესტი (ბლრ, 5) - ლა რიოხა ლოგრონიო (ესპ, 7) 33:33

პსჟ (საფ, 10) - მეტალურგ სკოპიე (მკდ, 2) 35:24

B ჯგუფი

ბეშიქთაში (თურ, 2) - ვისლა პლოცკი (პოლ, 7) 30:33

ბარსელონა (ესპ, 13) - ალინგსასი (შვდ, 2) 42:29

ფლენზბურგი (გერ, 8) - კოლდინგი (დან, 10) 27:20

C ჯგუფი

ვესპრემი (უნგ, 14) - ჩეხოვსკიე მედვედი (რუს, 1) 38:31

ვარდარ სკოპიე (მკდ, 9) - ცელიე (სლნ, 4) 34:32

მონპელიე (საფ, 6) - ლიოვენი (გერ, 8) 29:33

D ჯგუფი

მოტორ ზაპოროჟიე (უკრ, 4) - პიკ სეგედი (უნგ, 12) 25:29

კელცე (პოლ, 14) - შაფჰაუზენი (შვც, 3) 33:24

ოლბორგი (დან, 5) - დიუნკერკი (საფ, 4) 25:28

ფოტო: პოლონეთის კელცე ერთ-ერთია ორი გუნდიდან, ვინც შვიდივე მატჩი მოიგო