შეცდომა
  • თარგი ამ ჩვენებისთვის არ არის ხელმისაწვდომი. გთხოვთ დაუკავშირდით საიტის ადმინისტრატორს.

მთავარი

13/12/14 12 საუკეთესო ბრძოლას აგრძელებს

ევროპის ქალთა ჩემპიონატზე ჯგუფური ეტაპი დასრულდა და გამოვლინდა 12 გუნდი, ვინც ბრძოლას აგრძელებს, ხოლო ხორვატიამ, რუსეთმა, უკრაინამ და სერბეთმა ტურნირი დაასრულეს.

შინ გაემგზავრა მსოფლიოს ვიცეჩემპიონი, სერბეთი, ვინც მესამე თამაშიც წააგო, მიუხედავად იმისა, რომ პირველი ტაიმის ბოლოს 11-4 უგებდა სლოვაკეთს,მაგრამ მეორეში ვეღარ გაძლო.  თამაშის ბოლო ორ წუთში გატანილი ზედიზედ სამი გოლის შემდეგ მეორე ეტაპზე სლოვაკეთი გავიდა - 23-21.

დამარცხდა ევროპის ჩემპიონი მონტენეგრო. წაგებულები ვერ გაუმკლავდნენ ფრანგების ორ უკანახაზელს - ალისონ პინოს (8 გოლი) და ალექსანდრა ლაკრაბერს (7). საფრანგეთმა 24-20 მოიგო,  4 ქულა გაიყოლა მეორე ეტაპზე და მეორე ჯგუფს ლიდერობს კიდეც.

C ჯგუფში მოიგო მასპინძელმა ხორვატიამ, ანდრეა პენეზიჩმა  11 გოლიც გაუტანა ჰოლანდიას, მაგრამ არცერთი გუნდისთვის ეს თამაში არაფერს წყვეტდა. ხორვატია გერმანიასთან პირადი წაგებით ჯგუფში დარჩა, ხოლო ჰოლანდია 3 ქულით გავიდა მეორე ეტაპზე. შვედეთმა ბევრით, 39-32 დაამარცხა გერმანია და ასევე 3 ქულა აქვს.

დღეს იწყება მთავარი რაუნდი. A და B ჯგუფების  3-3 გამარჯვებულმა შექმნა პირველი ჯგუფი, ხოლო C და D ჯგუფების სამეულებმა - მეორე. ყველა გუნდს 2-2 მატჩი უკვე ჩატარებული აქვს და კიდევ 3 ტურის შემდეგ გამოვლინდება 4 ნახევარფინალისტი.

ევროპის ჩემპიონატი 2014. ქალები

7-21 დეკემბერი. უნგრეთი-ხორვატია

ჯგუფური ეტაპი. 12 დეკემბერი

C ჯგუფი

შვედეთი - გერმანია 39-32

ხორვატია - ჰოლანდია 31-27

შვედეთი 5, ჰოლანდია 3, გერმანია 2 / ხორვატია 2

D ჯგუფი

მონტენეგრო - საფრანგეთი 20-24

სერბეთი - სლოვაკეთი 21-23

საფრანგეთი 6, მონტენეგრო 4, სლოვაკეთი 2 / სერბეთი 0

მეორე ეტაპი. 2 ჯგუფი (ზაგრები, ხორ)

საფრანგეთი 4 ქულა, შვედეთი 3, ჰოლანდია 3, მონტენეგრო 2, სლოვაკეთი 0, გერმანია 0

14 დეკემბერი

18:45 გერმანია - მონტენეგრო

21:00 შვედეთი - საფრანგეთი

23:15 ჰოლანდია - სლოვაკეთი

1 ჯგუფი (დებრეცენი, უნგ):

ნორვეგია 4, ესპანეთი 4, უნგრეთი 2, დანია 1, რუმინეთი 1, პოლონეთი 0

13 დეკემბერი

19:00 პოლონეთი-დანია

21:15 ესპანეთი-ნორვეგია

23:30 უნგრეთი-რუმინეთი

ბომბარდირები პირველი ეტაპის შემდეგ

გოლი+პასი (7-მეტრიანი)

კაროლინა კუდლაჩი, პოლ 23+15 (13)

კრისტინა ნიაგუ, რუმ 25+11 (8)

ანდრეა პენეზიჩი, ხორ 30+5 (10)

მარტა მანგე, ესპ 14+18 (-)

კარმენ მარტინი, ესპ 28+4 (17)

იზაბელ გულდენი, შვდ 20+9 (8)

ესტავანა პოლმანი, ჰონ 17+9 (3)

ნორა მორკი, ნორ 12+13 (3)

ჟუჟანა ტომორი, უნგ 15+10 (-)

მილენა კნეზევიჩი, მნტ 15+9 (2)

საუკეთესო მცველი (ბლოკი+ჩაჭრა)

მონიკა სტახოვსკა, პოლ 4+3

საუკეთესო მეკარე

სილიე სოლბერგი, ნორ 45%

სონია ბარიაკტაროვიჩი, მნტ 40%

სანდრა ტოფტი, დან 39%

ფოტო: შვედეთი-გერმანია

11/12/14 სტუ ერთპიროვნული ლიდერია

საქართველოს ჩემპიონატზე საქართველოს ტექნიკური უნივერსიტეტის გუნდმა 31-24 დაამარცხა ბათუმის მითი და ოთხი თამაშიდან 4 მოგებით ლიდერობს.

ანგარიში ძალთა რეალურ თანაფარდობას არ გამოხატავს. მთელი 55 წუთი დაძაბული ბრძოლა იყო და ქვეყნის ჩემპიონმა მხოლოდ ბოლოში გატეხა ვერცხლის პრიზიორი, სადაც თამაშობდა სტუ-ს 6 ყოფილი ხელბურთელი.

თავიდან ბათუმი დაწინაურდა. მათ პერსონალურად აიყვანეს მეტოქის მთავარი ბომბარდირი ორჯონიკიძე და გამთამაშებელი გვაზავა. 4+2 დაცვამ სტუ-ს თავიდან პრობლემები შეუქმნა, მაგრამ ჩემპიონმა ნელ-ნელა დაალაგა თამაში, ანგარიში გაათანაბრა და ტაიმიც მოიგო - 14-13.

მეორის დასაწყისში მეკარე ჯონი ცერცვაძის კარგი სერიისა და ზურაბ სიმონიას გოლების შემდეგ ბათუმი ისევ წინ გადის - 17:15. ამის შემდეგ თანაბარი თამაშია და დასრულებამდე 10 წუთით ადრე, ილია გოგალაძის ორი სწრაფი გარღვევის შემდეგ 2 ბურთით უკვე სტუ ლიდერობს: 23-21.

გადამწყვეტი გამოდგა მომენტი, როცა სტუ 24-22 იგებდა. ამ დროს ბათუმელი ოთარ აბრამიშვილი გავიდა მეკარესთან პირისპირ და ძელს გაარტყა, ასხლეტილი ბურთი ზურაბ ამირანაშვილს მიუვიდა, მაგრამ მას არჩილ სამიტაშვილმა აუღო. ბათუმი საბოლოოდ გატყდა გიორგი სურმავას ორწუთიანი გაძევების შემდეგ, როცა ვეტერან მამია კობახიძის რამდენიმე ზუსტი პასი კარგად გამოიყენა შოთა გრიშიკაშვილმა, ხოლო წერტილი თავად კობახიძემ დასვა - 31-24.

ქარიშხალამ 33-27 მოუგო ფოთის ოქროს ვერძს და ბოლო ადგილს თავი დააღწია. სამტრედიამ სძლია იმედი - 36-20. პეგასს ქუთაისთან აკლდნენ ტრავმირებული გიორგაძე და დისკვალიფიცირებული სახვაძე. ტაიმი 13-12 მოიგო პეგასმა, მეორეში 20-16 დაწინაურდა, მაგრამ დაშავდა აბჟანდაძე, ცხვარაშვილი მეტოქემ პერსონალურად აიყვანა და ქუთაისი ბრძოლაში დაბრუნდა - 23-22. ამას მოჰყვა დიხამინჯიას ორი სწრაფი გარღვევა - 25-22, დარჩენილ 5 წუთში კი პეგასმა მოგება შეინარჩუნა 28-24 და ცხრილშიც გადაასწრო მეტოქეს.

ამგვარად, პირველი ტურის შემდეგ გამოიკვეთა 5 გუნდი (სტუ, ბათუმი, ქუთაისი, სამტრედია, პეგასი), რომელიც საპრიზო სამეულისთვის იბრძოლებს. ქარიშხალას, იმედისა და ფოთის მიზანი ბოლო ადგილისთვის თავის დაღწევა იქნება.

ჩემპიონატი განახლდება 2015 წელს. თბილისისა და დასავლეთის 4-4 გუნდი ერთმანეთში გაარკვევს ურთიერთობას და ამით პირველი წრე დასრულდება.

საქართველოს ჩემპიონატი 2014-15. კაცები

პირველი წრე, პირველი ტური. გლდანი, 8-11 დეკემბერი

11 დეკემბერი

სტუ - ბათუმი 31-24

სტუ: ა. სამიტაშვილი - ორჯონიკიძე 7, გრიშიკაშვილი 7, გოგალაძე 6, გოგოლაძე 5,გვაზავა 3, სტურუა 2, მ. კობახიძე 1

ბათ: ცერცვაძე - სიმონია 9, გამზარდია 7, აბრამიშვილი 4, ბერძენიშვილი 2, ქარდავა 1, სურმავა 1, ამირანაშვილი, ჯორბენაძე, ქავთარაძე

ფოთი - ქარიშხალა 27-33

ფოთ: გ. ჭანტურია, ზარგინავა - ალანია 8, მიქაძე 7, ბიბილეიშვილი 6, ჟვანია 5, ხუნჯუა 1, ბაჯალაძე, დაგარგულია, ნემსაია, გოგიშვილი, ბერაია,

ქარ: ხანდოლიშვილი- არსენაშვილი 9, ბულბულაშვილი 5, დოლმაზაშვილი 5, კორაშვილი 5, გ. ფერაძე 3, ლ. მამულაშვილი 2, ზ. ფერაძე 2, კვირკველია 2, ჯინჭარაძე, შევჩენკო

მსაჯები: ელენე არაბული, ინა ჭკუასელი

სამტრედია - იმედი 36-20

სამ: სამყურაშვილი, ხონელიძე - წითელიშვილი 12, ნიკურაძე 11, ელგანდაშვილი 5, თევზაძე 3, ზურაბიანი 2, ხაჟომია 2, გ. კობახიძე 1, სიხარულიძე

იმ: ხარაიშვილი - რუსტამოვი 5, მიქავა 4, ზ. იობაშვილი 2, დანელიშვილი 2, თიგიშვილი 2, ფურცელაძე 2, ბაინაზიშვილი 1, გოგუა 1, დვალიძე 1, ჩაკვეტაძე, ზაალიშვილი, კალანდაძე, მელაშვილი, ბაზანოვი, მღებრიშვილი

პეგასი - ქუთაისი 28-24

პეგ: ცინცაძე - ცხვარაშვილი 9, დიხამინჯია 7, აბჟანდაძე 5, ნ. მაისურაძე 4, ბაძაღუა 3, კოხრეიძე, ზარნაძე, ლეჟავა

ქუთ: ანდრიაძე - ყაველაშვილი 8, კვერნაძე 5, კბილაშვილი 4, მათნაძე 4, უ. მაისურაძე 3, ქუთათელაძე, უ. კობახიძე, ჩიხლაძე, მერკვილაძე

მსაჯები: ამირან კომახიძე, გიორგი ბარათაშვილი

სამდივნო: მარიამ ხაჭაპურიძე, ირმა ციცქიშვილი, ვახტანგ ბერიაშვილი

------------------თ—მ—ფ--წ—---ბ-----ქ

სტუ-------------4—4—0—0--146-114--8

ბათუმი---------4—3—0—1--124-107--6

სამტრედია-----4—2—1—1--136-113--5

პეგასი-----------4—2—1—1--116-107--5

ქუთაისი--------4—2—0—2--122-111--4

ქარიშხალა------4—1—0--3--120-144--2

ფოთი------------4—0—1--3--118-143--1

იმედი-----------4—0—1—3---94-135--1

გია ჯაფარიძის ფოტო: სტუ-ბათუმი, უტევს თემურ ორჯონიკიძე

 

12/12/14 ქართველების კლუბი რუმინეთის ჩემპიონატს ლიდერობს

საკლუბო სეზონის დასრულებამდე ქართველ ხელბურთელებს სულ რამდენიმე მატჩი აქვთ გასამართი.

 

რუმინეთის ჩემპიონატს შოთა თევზაძისა და ვლადიმერ რუსიას კლუბი, ოდორჰეი ლიდერობს. ოდორჰეიმ მეორე წრის პირველ მატჩში შინ 29-26 დაამარცხა ვასლუი და 27 ქულით ლიდერობს. წლის ბოლომდე გაიმართება კიდევ ერთი ტური, რომელშიც ოდორჰეი ისვენებს და მას შეიძლება დაეწიოს ბუქარესტის ორი კლუბი, დინამო და CSM.

თევზაძისა და რუსიას გუნდი გავიდა რუმინეთის თასის მეოთხედფინალშიც. მერვედფინალში ოდორჰეიმ მოუგო უნივერსიტატია კლუჟს - 44-21. ვლადიმერ რუსიას ბოლო ორ თამაშში არ გაუტანია, თუმცა, 38 გოლით კლუბის ბომბარდირთა ხუთეულშია.

მეოთხედფინალში გავიდა ტიმიშოარის პოლიტექნიკაც, რომელმაც მოუგო რეზიტას, 34-25. ირაკლი ჩიქოვანმა ამ თამაშში 5 გოლი გაიტანა, ხოლო 6 ბურთი - რუმინეთის ჩემპიონატის მატჩში, რომელში კლუბი შინ 27-31 დამარცხდა ბუქარესტის დინამოსთან. ტიმიშოარა 17 ქულით (5 მოგება, 1 ფრე, 7 წაგება) მეცხრე ადგილზეა, ჩიქოვანს კი ჩემპიონატის 13 მატჩში 60 გოლი აქვს გატანილი. მომდევნო ტურში პოლიტექნიკა სტუმრად ეთამაშება კელერაშის და ამით ქართველებისთვის 2014 წლის პროგრამა რუმინეთში დასრულდება.

მაკედონიის ჩემპიონატის რეგულარულ ტურნირს ტრადიციულად ლიდერობს ზომიმაკ-სტრუმიცა - 12-დან 12 მოგება. ბოლო ორ მატჩში სტრუმიცამ შინ დაამარცხა პელისტერი, 35-30 და სტუმრად - ოჰრიდი, 33-28. რევაზ ჭანტურიამ 6-6 გოლი გაიტანა და 12 თამაშში 52 დაუგროვდა.

ტრაბზონსფორში თამაშობს მხოლოდ მეკარე გიგა ტორონჯაძე, ხოლო რატი მსხვილიძემ პირველ 5 მატჩში 40 გოლის გატანა მოასწრო და დარჩენილ სეზონს აქილევსის მყესის ტრავმის გამო ტოვებს. თურქეთის ჩემპიონატში ტრაბზონი მერვე ადგილზეა 11 მატჩიდან 5 მოგებით. ბოლო ორ თამაშში ტრაბზონი სტუმრად დამარცხდა ანთალიასფორთან, 27-28 და შინ მოუგო ქაისერის - 29-19. დეკემბერში დარჩენილია ორი შეხვედრა - სტუმრად ანკარასფორთან და შინ ბეშიქთაშთან, რომელიც უდანაკარგოდ ლიდერობს,

სამხრეთ-აღმოსავლეთი ევროპის ლიგის რეგულარულ ტურნირზე პირველად გაიმარჯვა სერგო დათუკაშვილის ვოივოდინამ. ქალაქ ნოვი სადის კლუბმა შინ მოუგო მეორე სერბულ გუნდს, რადნიჩკის, 31-23, ხოლო იქამდე შინ წააგო ზაგრებთან, 23-28. დათუკაშვილმა პირველ მატჩში 1, მეორეში კი 5 გოლი გაიტანა და 10 თამაშში გატანილი 35 გოლით მე-16 ადგილზეა ლიგის ბომბარდირთა სიაში. ვოივოდინამ ბოლო ადგილს თავი დააღწია და 12 მატჩიდან 6 ქულით (მოგება, 3 ფრე) მერვე ადგილზეა ათგუნდიან ლიგაში. 17 დეკემბერს დათუკაშვილის კლუბი უნგრეთში ეთამაშება ევროპის ერთ-ერთ საუკეთესო გუნდს, ვესპრემს, რომელიც ათიდან 10 მოგებით ლიდერობს.

თებერვალში ვოივოდინა თამაშს გააგრძელებს ევროტურნირზე - ხელბურთის ფედერაციის თასის ჯგუფურ ეტაპზე, სადაც სერბების მეტოქეები იქნებიან პორტუგალიის პორტუ, გერმანიის ფუხსე ბერლინი და დანიის სკიერნი. მეოთხედფინალში ჯგუფიდან 2 გუნდი გავა. რაც შეეხება სერბეთის ჩემპიონატს, ქვეყნის ჩემპიონი ტურნირზე მხოლოდ დასკვნითი ეტაპიდან ჩაერთვება.

 

11/12/14 ერთ ერთი მასპინძელი ტურნირს გამოეთიშა

უნგრეთსა და ხორვატიაში მიმდინარე ევროპის ქალთა ჩემპიონატზე პირველობისთვის ბრძოლას უკვე გამოეთიშა ერთ-ერთი მასპინძელი, ხორვატია.

ხორვატიასა და გერმანიას სამკვდრო-სასიცოცხლო თამაში ჰქონდათ - წაგებული ჯგუფიდან გასვლის შანსს კარგავდა.  50-ე წუთზე ანგარიში თანამარი იყო, 22-22, როდესაც გერმანიამ სამბურთიანი გარღვევა მოაწყო და დასრულებამდე 2 წუთი  ადრე ზუზან მიულერმა 9 მეტრიდან გაიტანა გადამწყვეტი გოლი - 26-23, საბოლოოდ კი 26-24. ხორვატმა ანდრეა პენეზიჩმა გაიტანა 13 გოლი, მაგრამ ამან მასპინძლებს ვერ უშველა, გერმანელთაგან კი საუკეთესოდ დასახელდა მეკარე კატია შულკე - 13 მოგერიება.

ფრედ, 30-30 დასრულდა ჰოლანდიისა და შვედეთის თამაში. ჰოლანდია თითქმის მთელი მატჩი იგებდა, ხოლო მეტოქემ დასრულებამდე 12 წამით ადრე, იდა ოდენის შორეული დარტყმით გაათანაბრა. ჰოლანდიელმა ესტავანა პოლმანმა შეაგდო 10 გოლი, უკვე ნახსენებმა ოდენმა - 7.

ჯგუფიდან გამსვლელი 3 საუკეთესო გუნდი უკვე გამოვლინდა. ჰოლანდიისა და ხორვატიის მატჩს ბოლო ტურში, სატურნირო დატვირთვა არა აქვს (ჰოლანდია 3 ქულით გავიდა მეორე ეტაპზე),  ხოლო გერმანია და შვედეთი მნიშვნელოვანი 2 ქულისთვის ითამაშებენ.

D ჯგუფში მონტენეგროსა და საფრანგეთს 2-2 მოგება აქვთ და ბოლო ტურში ერთმანეთს ეთამაშებიან ჯგუფში პირველობისთვის, ხოლო სერბეთი და სლოვაკეთი მესამე საგზურისთვის იბრძოლებენ.

მსოფლიოს ვიცეჩემპიონი სერბეთი საზიზღარ ფორმაშია და 17-26 განადგურდა საფრანგეთთან. 2013 წლის მსოფლიოს საუკეთესო მოთამაშემ, ანდრეა ლეკიჩმა ოთხი ცდიდან მხოლოდ ერთხელ შეაგდო, ხოლო სანია დამნიანოვიჩმა მოედანზე მხოლოდ 11 წუთი დაჰყო. ორივე ლიდერი ტრავმირებული იყო და გუნდს სულ ბოლოს შეუერთდა. ფრანგებში საუკეთესო იყო მეკარე ლორა გროზერი, ვინც დარტყმების 43 პროცენტი მოიგერია.

სლოვაკეთი მეორე ტაიმის დასაწყისში 12 ბურთით აგებდა ევროპის ჩემპიონ მონტენეგროსთან და მატჩის ბოლოში შეამცირა სხვაობა, როდესაც ზედიზედ 6 გოლი გაიტანა - 24-28 .

ამგვარად, უკვე გამოვლენილია მეორე ეტაპის 12-დან 9 მონაწილე. დღეს დასრულდება ჯგუფური ეტაპი A და B ჯგუფებში და დაკომპლექტდება მთავარი რაუნდის პირველი ექვსგუნდიანი ჯგუფი. აქედან ნახევარფინალში უკვე მხოლოდ ორი საუკეთესო გავა,

ფოტო: ხორვატია-გერმანია

ევროპის ჩემპიონატი 2014. ქალები

7-21 დეკემბერი. უნგრეთი-ხორვატია

10 დეკემბერი

C ჯგუფი

ჰოლანდია - შვედეთი 30-30

ხორვატია - გერმანია 24-26

ჰოლანდია 3, შვედეთი 3, გერმანია 2 / ხორვატია 0

12 დეკ, 21:00 შვედეთი -გერმანია

12 დეკ, 23:15 ხორვატია - ჰოლანდია

D ჯგუფი

სერბეთი - საფრანგეთი 16-27

სლოვაკეთი - მონტენეგრო  24-28

საფრანგეთი 4, მონტენეგრო 4, სლოვაკეთი 0 / სერბეთი 0

12 დეკ, 21:00 მონტენეგრო - საფრანგეთი

12 დეკ, 23:15 სერბეთი - სლოვაკეთი

11 დეკემბერი

A ჯგუფი

21:15 რუსეთი - პოლონეთი

23:30 უნგრეთი - ესპანეთი

ესპანეთი 4, უნგრეთი 3, რუსეთი 1 / პოლონეთი 0

B ჯგუფი

21:15 რუმინეთი - უკრაინა

23:30 ნორვეგია - დანია

ნორვეგია 4, დანია 3, რუმინეთი 1 / უკრაინა 0

12/12/14 ესპანეთი და ნორვეგია ლიდერობენ

ევროპის ჩემპიონატზე გაირკვა კიდევ ორი გუნდი, რომლებისთვისაც ტურნირი დასრულდა - რუსეთი და უკრაინა.

რუსეთს ფრეც აწყობდა პოლონეთთან, 50-ე წუთზე 24-22 უგებდა, მაგრამ მერე ზედიზედ 4 გოლი გაუშვა და და 26-29 წააგო. რუსებმა ვერ შეაჩერეს მეტოქის ორი ლიდერი - კაროლინა კუდლაჩი (9 გოლი, 6 პასი) და ალინა ვოიტაში (8).

პოლონეთის მოგება აწყობდა უნგრეთს, რადგანაც მათთან მოგებული 2 ქულა გადაჰყვა მეორე ეტაპზე, რუსებთან კი ფრე ჰქონდა ნათამაშები. ტურნირის მასპინძლებს შეეძლოთ ქულათა მაქსიმუმითაც დაეწყოთ მთავარი რაუნდი, მაგრამ დამარცხდნენ ესპანეთთან. ეს თამაშიც ქულა-ქულაში მიდიოდა. სამბურთიანი სხვაობა ერთადერთხელ იყო, როდესაც  უნგრეთი 43-ე წუთზე გავიდა წინ - 21-18, მაგრამ უპირატესობა ვერ შეინარჩუნა. ესპანეთმა მყისვე გაათანაბრა, 21-21, ბოლო 10 წუთში კი კიდევ ერთხელ დაეწია მეტოქეს ორბურთიანი ჩამორჩენის შემდეგ და ბოლოსწინა წუთზე მარტა მინგემ გამარჯვების გოლიც შეაგდო - 27-26. საუკეთესო იყო კარმენ მარტინი - 10 დარტყმიდან 10 გოლი.  ესპანეთი 4 ქულით გავიდა მეორე ეტაპზე, სადაც ესპანეთ-უნგრეთ-პოლონეთის სამეული ნორვეგიას დანიასა  და რუმინეთს შეხვდება. აქედან წინსვლა ბევრად უფრო რთულია - ექვსგუნდიანი ჯგუფიდან მედლებისთვის ბრძოლას მხოლოდ ორი განაგრძობს.

B ჯგუფში რუმინეთი მთელი თამაში უგებდა უკრაინას და მხოლოდ ბოლოსწინა წუთზე მისცა ერთ ბურთამდე დაახლოების საშუალება - 23-22. უკრაინა შინ გაემგზავრა, ხოლო რუმინეთმა დანიასთან მოპოვებული ქულა გადაიყოლა მეორე ეტაპზე.

ბოლოს 5 ოლიმპიადის გამარჯვებულები, დანია (1996, 2000, 2004) და ნორვეგია (2008, 2012) ჯგუფის ბოლო მატჩში ხვდებოდნენ. დანია ერთხანს ლიდერობდა, სამი ბურთითაც, მაგრამ მეორე ტაიმის დასაწყისში ნორვეგიამ გაათანაბრა (13-13) და ამის შემდეგ დომინირებდა - 27-21. 19 დარტყმა მოიგერია მეკარე სოლბერგმა (49%), ხოლო ყველაზე მეტი პივოტმა ჰაიდი ლოკემ გაიტანა - 7 გოლი.

დღეს პირველ ეტაპს დაამთავრებენ C და D ჯგუფის გუნდები. გასარკვევია მეორე ეტაპის ერთი მონაწილე სერბეთსა და სლოვაკეთს შორის. ხვალიდან მთავარი რაუნდის მატჩები იწყება პირველ ჯგუფში და პირველივე დღეს ითამაშებენ ლიდერები, ნორვეგია და ესპანეთი.

ევროპის ჩემპიონატი 2014. ქალები

7-21 დეკემბერი. უნგრეთი-ხორვატია

11 დეკემბერი

A ჯგუფი

რუსეთი - პოლონეთი 26-29

უნგრეთი - ესპანეთი 26-27

ესპანეთი 6, უნგრეთი 3, პოლონეთი 2 / რუსეთი 1

B ჯგუფი

რუმინეთი - უკრაინა 23-22

ნორვეგია - დანია 27-21

ნორვეგია 6, დანია 3, რუმინეთი 3 / უკრაინა 0

მეორე ეტაპი.  1 ჯგუფი (დებრეცენი, უნგ):

ნორვეგია 4 ქულა, ესპანეთი 4, უნგრეთი 2, დანია 1, რუმინეთი 1, პოლონეთი 0

13 დეკემბერი

19:00 პოლონეთი-დანია

21:15 ესპანეთი-ნორვეგია

23:30 უნგრეთი-რუმინეთი

ჯგუფური ეტაპი. 12 დეკემბერი

C ჯგუფი

21:00 შვედეთი -გერმანია

23:15 ხორვატია - ჰოლანდია

ჰოლანდია 3, შვედეთი 3, გერმანია 2 / ხორვატია 0

D ჯგუფი

21:00 მონტენეგრო - საფრანგეთი

23:15 სერბეთი - სლოვაკეთი

საფრანგეთი 4, მონტენეგრო 4, სლოვაკეთი 0 / სერბეთი 0

ფოტო: ნორვეგია-დანია. მეკარე სილიე სოლბერგი

10/12/14 მსაჯი ყოველთვის მართალია

საქართველოს ჩემპიონატზე, მესამე დღეს, ძალიან დაძაბულ მატჩში ფრედ ითამაშეს საქართველოს თასის წლევანდელმა ფინალისტებმა, პეგასმა და სამტრედიამ, 26-26.

თამაშში იყო ყველაფერი, რაც ამშვენებს ხელბურთს - უშეღავათო და თანაბარი ბრძოლა, სადაც ლიდერი ხშრად იცვლებოდა, მეკარეთა ბრწყინვალე თამაში, სწრაფი შეტევები, ძალისმიერი ორთაბრძოლები და ყველაფერი ლამის გააფუჭა ინციდენტმა, რომელიც თამაშს დასრულებამდე სამი წუთით ადრე მოხდა და მსაჯის გადაწყვეტილებას მოჰყვა.

ზოგადად, მსაჯი ყოველთვის მართალია და გადაწყვეტილება არასოდეს იცვლება, მაგრამ ამ შემთხვევაში მიმდინარეობდა პირდაპირი რეპორტაჟი და არსებობს ჩანაწერი, სადაც ჩანს, რომ ალექსანდრე ცხვარაშვილმა ბურთიანად მინიმუმ ოთხი ნაბიჯი გადადგა ისე, რომ მისთვის ხელი არ გაუშვია, თუმცა,  წაბორძიკდა და ბურთიანი ხელი იატაკს დაადო, ხოლო კამათი შედგა საკითხზე - იყო თუ არა გარბენი?

პროტესტს მოჰყვა ორი წითელი ბარათი რომლებიც მიიღეს პეგასის მთავარმა და მოთამაშე-მწვრთნელმა - არადა, ეს უკანასკნელი, გიორგი სახვაძე, იქამდე ერთერთი საუკეთესო იყო მოედანზე - გაიტანა უმნიშვნელოვანესი გოლები, ხოლო დაცვაში შესანიშნავად მეურვეობდა მეტოქის ძალიან საშიშ პივოტს, ჯაბა ხაჟომიას.  სამწუხაროდ, ეს შემთხვევა ამ დღეს ერთადერთი არ ყოფილა - იგივე მიზეზით, ოღონდ თამაშის შემდეგ, მსაჯთან შელაპარაკება ბათუმის მოთამაშეს მოუვიდა.

პეგასი თავიდან 6-3 იგებდა, მაგრამ პირველი ტაიმის ბოლოსკენ სამტრედია ოთხით გავიდა წინ, ტაიმი კი 17-15 მოიგო. შესვენების შემდეგ თბილისელებმა მალე გაათანაბრეს ანგარიში და, მიუხედავად იმისა, რომ გამოაკლდათ ტრავმირებული გივი გიორგაძე, ბოლომდე იბრძოლეს. ამის შემდეგ ხან ერთი გუნდი იყო წინ, ხან მეორე. გადამწყვეტ მომენტში ივაჟკაცა პეგასის მეკარემ ზურაბ ცინცაძემ, რომელმაც ზედიზედ ორი შვიდმეტრიანი მოიგერია. გაძევებების შემდეგ პეგასმა გაძლო 4 მოთამაშით, მეტოქეს ბევრით წინ გასვლის საშუალება არ მისცა და ბოლო წუთზე გიორგი დიხამინჯიამ შვიდმეტრიანით გაათანაბრა ანგარიში - 26-26.

დღის სხვა მატჩებში ქუთაისმა მოუგო  იმედს, ბათუმმა - ქარიშხალას, ხოლო სტუ-მ - ფოთს. ხუთშაბათს, ტურის ბოლო დღის პირველივე მატჩი ძალიან პრინციპულია. 12 საათზე ითამაშებენ ლიდერები, სტუ და ბათუმი - წინა ჩემპიონატის გამარჯვებული და ვერცხლის პრიზიორი.

თამაშის პირდაპირ სტრიმს იხილავთ ხელბურთის ფედერაციის ვებგვერდზე და იუთუბის არხზე.

საქართველოს ჩემპიონატი 2014-15. კაცები

პირველი წრე, პირველი ტური. გლდანი, 8-11 დეკემბერი

10 დეკემბერი

ქუთაისი - იმედი 29-20

ქუთ: ანდრიაძე, კუპატაძე - კბილაშვილი  9, მათნაძე 6, უ. მაისურაძე  5, კვერნაძე 5, ყაველაშვილი 1, ქუთათელაძე 1, მერკვილაძე 1, ჯუღელი 1, ჩიხლაძე, ტუღუში, უ. კობახიძე

იმ: ხარაიშვილი - დანელიშვილი 5, მელაშვილი 4, ზ. იობაშვილი 4, ბაინაზიშვილი 2, ჩიკვილაძე 2, გოგუა 1, ზაალიშვილი 1, მიქავა 1, ბეჟანიშვილი, რუსტამოვი, ჩაკვეტაძე, ფურცელაძე, მღებრიშვილი, კალანდაძე, დვალიძე

ქარიშხალა - ბათუმი 26-32

ქარ: ხანდოლიშვილი,  დ. მამულაშვილი - ბულბულაშვილი 8, დოლმაზაშვილი 6, გ. ფერაძე 4,  არსენაშვილი 4, ლ. მამულაშვილი 3,  ზ. ფერაძე 1, კორაშვილი, ქურასბედიანი

ბათ: ცერცვაძე - სიმონია 6, ამირანაშვილი 5, სურმავა 5, აბრამიშვილი 4,  ქარდავა 4, ჯორბენაძე 3, ქავთარაძე 3, გამზარდია 2, ი. ნარსია, ვინოგრადსკი

მსაჯები: ამირან კომახიძე, გიორგი ბარათაშვილი

ფოთი - სტუ 32-46

ფოთ: გ. ჭანტურია, ზარგინავა - ალანია 14, მიქაძე 8, ხუნჯუა 3, ნემსაია 3, ბერაია 2, ბიბილეიშვილი 1, დაგარგულია 1, ჟვანია, გოგიშვილი, ბაჯალაძე

სტუ: ა. სამიტაშვილი, ხიდეშელი -  გრიშიკაშვილი 11, გოგალაძე 11, , ჭელიძე 8, სტურუა 7 გოგოლაძე 6, ოსიყმაშვილი 2, მაისაშვილი 1, ორჯონიკიძე, ი. სამიტაშვილი

პეგასი - სამტრედია 26-26

პეგ: ცინცაძე- ცხვარაშვილი 5, დიხამინჯია 5, აბჟანდაძე 4, კოხრეიძე 4, გიორგაძე 3, სახვაძე 3 (გაძევება), ბაძაღუა 2, ზარნაძე,  ნ. მაისურაძე

სამ: სამყურაშვილი - ნიკურაძე 7, წითელიშვილი 7, გ. კობახიძე 4, თევზაძე 3, წივწივაძე 3, ხაჟომია 2, ზურაბიანი,  სიხარულიძე

მსაჯები: ელენე არაბული, ინა ჭკუასელი

-----------------თ—მ—ფ—წ—---ბ----ქ

სტუ-------------3—3—0—0--115-90---6

ბათუმი---------3—3—0—0--100-76---6

ქუთაისი--------3—2—0—1---98-83---4

სამტრედია-----3—1—1—1--100-93---3

პეგასი-----------3—1—1—1---86-83---3

ფოთი-----------3—0—1—2---91-110--1

იმედი-----------3—0—1—2---74-99---1

ქარიშხალა------3—0—0—3--87-117--0

11 დეკემბერი

12:00 სტუ - ბათუმი

13:30 ფოთი - ქარიშხალა

15:00 სამტრედია - იმედი

16:30 პეგასი - ქუთაისი

გია ჯაფარიძის ფოტო: ქარიშხალა-ბათუმი