EHFChampionshipW17_GEO21_Landscape_RGB

12/03/14 მამულმა ლიდერობა შეინარჩუნა

სპორტკომპლექს არენაში გრძელდება საქართველოს გოგონათა ჩემპიონატი. ლიდერთა მატჩში დღეს მამულმა 18:10 დაამარცხა ყვარელი.

ამ გუნდების მატჩი პირველ წრეში ფრედ დასრულდა. ყვარელი 2 ქული ჩამორჩებოდა თბილისელებს და მოგების შემთხვევაში ეწეოდა, მაგრამ ბრძოლა არ შედგა.

მამული თავიდან ბოლომდე ლიდერობდა, ყვარელი კი გუშინდელი მძიმე თამაშის შემდეგ გადაღლილი იყო. ლიდერმა 11:4 მოიგო პირველი ნახევარი, მეორეში კი უპირტესობა შეინარჩუნა.

ხვალ აღმოსავლეთის ტური დასრულდება მამულ-პეგასის მატჩით. დასავლეთის გუნდები – წყალტუბო და ჩემპიონობის ერთ-ერთი პრეტენდენტი, ფოთი შეჯიბრებას გააგრძელებენ აპრილის დასაწყისში, როდესაც საერთო ტური გაიმართება.

საქართველოს ჩემპიონატი. გოგონები, 1998-99

აღმოსავლეთის ტური. 12 მარტი

მამული – ყვარელი 18:10

მამული: მაზმიშვილი, ვარდიშვილი – გიორგაძე 5, ღვალაძე 5, ჯაღათაშვილი 3 გაბისონია 3, ნარიმანიძე 1, ყველაშვილი 1, ხონელიძე, მირზოევა, შახულოვა, ომიაძე, ბუზალაძე, ჯავახიშვილი

ყვარელი: გუბელაძე – კუნელაშვილი 3, ს. იორდანაშვილი 2, თეთრაშვილი 2, ქიტესაშვილი 1, მიხელიძე 1, თ. იორდანაშვილი 1, სეფაშვილი, მჭედლიშვილი

მსაჯები: ელენე არაბული, მაია კარბუნარი

პეგასი – იმედი 15:2

ყვარელი – ქარიშხალა 12:4

მდგომარეობა: მამული – 17 ქულა (9 თამაშიდან), ყვარელი – 15 (10), ფოთი – 10 (6), პეგასი – 10 (9), წყალტუბო – 4 (6), ქარიშხალა – 2 (10), იმედი – 2 (10)

13 მარტი, არენა 1

16:00 პეგასი – მამული

Leave a Reply